<p><strong>ಮಂಗಳೂರು:</strong> ಪ್ರಮುಖವಾಗಿ ಮೀನಿನ ಅತಿ ದೊಡ್ಡ ಖರೀದಿದಾರರಾಗಿರುವ ಫಿಶ್ ಮೀಲ್ ಮತ್ತು ಫಿಶ್ ಆಯಿಲ್ ಕಂಪನಿಗಳು ಜಿಎಸ್ಟಿ ಹೊಡೆತಕ್ಕೆ ನಲುಗಿದ್ದು, ಮುಷ್ಕರಕ್ಕೆ ಮುಂದಾಗಿವೆ. ಮೀನುಗಾರರು ಹಿಡಿದು ತರುವ ಮೀನುಗಳನ್ನು ಖರೀದಿಸುವವರೇ ಇಲ್ಲದ ಸ್ಥಿತಿ ನಿರ್ಮಾಣವಾಗಿದೆ. ಬಲೆಗೆ ಬಿದ್ದ ಮೀನಿನಂತಾಗಿದೆ ಸದ್ಯದ ಮತ್ಸ್ಯೋದ್ಯಮದ ಸ್ಥಿತಿ.</p>.<p><strong>ಇದನ್ನೂ ಓದಿ:<a href="https://www.prajavani.net/stories/stateregional/automobile-sector-crisis-660744.html" target="_blank">ಆರ್ಥಿಕ ಬಿಕ್ಕಟ್ಟು: ಆಟೊಮೊಬೈಲ್ ಕ್ಷೇತ್ರ ವಿಲವಿಲ</a></strong></p>.<p>‘ಪ್ರತಿ ಬೋಟ್ಗಳಲ್ಲಿ 20 ಟನ್ ನಷ್ಟು ಮೀನು ತರಲಾಗುತ್ತದೆ. ಇಷ್ಟು ಮೀನುಗಳಿಗೆ ಮಾರುಕಟ್ಟೆ ದೊರೆಯದಿದ್ದರೆ, ₹ 10 ಲಕ್ಷ ನಷ್ಟ ಉಂಟಾಗು ತ್ತದೆ. ಕಂಪನಿ ಬೋಟುಗಳು ಹಿಡಿದು ತಂದ ಮೀನುಗಳನ್ನು ಖರೀದಿಸದಿದ್ದರೆ, ಹೆಚ್ಚಿನ ಮೀನುಗಳನ್ನು ನೀರಿಗೆ ಬಿಸಾಡುವ ಸ್ಥಿತಿ ಬರಲಿದೆ’ ಎನ್ನುತ್ತಾರೆ ಪರ್ಸಿನ್ ಬೋಟ್ ಮಾಲೀಕರ ಸಂಘದ ಅಧ್ಯಕ್ಷ ಮೋಹನ ಬೇಂಗ್ರೆ.</p>.<p><strong>ಇದನ್ನೂ ಓದಿ:<a href="https://www.prajavani.net/district/industries-story-660757.html" target="_blank">ಶಿವಮೊಗ್ಗ: ಬಿಡಿಭಾಗ ತಯಾರಿಕಾ ಘಟಕಗಳ ಮೇಲೂ ಕರಿನೆರಳು</a></strong></p>.<p>ಜಿಎಸ್ಟಿ ಆರಂಭಕ್ಕೂ ಮುನ್ನ ಮೀನಿನ ಎಣ್ಣೆ ಉತ್ಪಾದನೆಗೆ ಉತ್ಪಾದಕರು ಶೇ 5ರಷ್ಟು ತೆರಿಗೆ ಪಾವತಿಸುತ್ತಿದ್ದರು. ಜಿಎಸ್ಟಿ ಜಾರಿಗೊಳಿಸಿದ ಬಳಿಕ ಆ ತೆರಿಗೆ ಶೇ 12ಕ್ಕೆ ಏರಿಕೆಯಾಗಿದೆ. ಫಿಶ್ ಮೀಲ್ಗೆ 2017ರ ಜುಲೈ 1ರಿಂದ ಅನ್ವಯವಾಗುವಂತೆ ಶೇ 5 ರಷ್ಟು ಜಿಎಸ್ಟಿ ವಿಧಿಸಿದೆ. ಇದನ್ನು ವಿರೋಧಿಸಿ ಕಂಪನಿ ಮಾಲೀಕರು ಆಗಸ್ಟ್ 1 ರಿಂದಲೇ ಮುಷ್ಕರ ಆರಂಭಿಸಿದ್ದಾರೆ.</p>.<p class="Subhead">ಮಂಜುಗಡ್ಡೆ ದರವೂ ಹೆಚ್ಚು: ಮೀನು ಕೆಡದಂತೆ ಸಂರಕ್ಷಿಸಲು ಬೇಕಾಗುವ ಮಂಜುಗಡ್ಡೆಯ ದರ ಪರಿಷ್ಕರಣೆಯಾಗಿರುವುದು ಮೀನುಗಾರರಿಗೆ ಮತ್ತಷ್ಟು ಆರ್ಥಿಕ ಹೊರೆಯನ್ನು ಉಂಟು ಮಾಡಿದೆ.</p>.<p class="Subhead"><strong>ಇದನ್ನೂ ಓದಿ:<a href="https://www.prajavani.net/district/dharwad/automobile-industry-slowdown-660741.html" target="_blank">ಸಮಸ್ಯೆ ಸುಳಿಯಲ್ಲಿ ಪೂರಕ ಕೈಗಾರಿಕೆಗಳು</a></strong></p>.<p>ರಾಜ್ಯದಲ್ಲಿ ಏಪ್ರಿಲ್ 1ರಿಂದ ಪ್ರತಿ ಯೂನಿಟ್ ವಿದ್ಯುತ್ ದರ 35 ಪೈಸೆ ಹೆಚ್ಚಳವಾಗಿದೆ. ಮಂಜುಗಡ್ಡೆ ಘಟಕಕ್ಕೆ ಬರುವ ವಿದ್ಯುತ್ ಬಿಲ್ನಲ್ಲಿ ಈಗ ₹1 ಲಕ್ಷ ಹೆಚ್ಚಳವಾಗಲಿದೆ. ವಿದ್ಯುತ್ ಬಿಲ್ ಮೇಲಿನ ಜಿಎಸ್ಟಿ ಕೂಡಾ ಶೇ 6ರಿಂದ ಶೇ 9ಕ್ಕೆ ಏರಿದೆ. ಇವು ಬೆಲೆ ಏರಿಕೆಗೆ ಪ್ರಮುಖ ಕಾರಣಗಳಾಗಿವೆ. ಕರ್ನಾಟಕ ಕರಾವಳಿ ಮಂಜುಗಡ್ಡೆ ಮತ್ತು ಶೈತ್ಯಾಗಾರಗಳ ಮಾಲೀಕರ ಸಂಘವು, ಸದ್ಯದ ಮೀನುಗಾರಿಕಾ ಋತುವಿಗೆ ಸಣ್ಣ ಬ್ಲಾಕ್ಗೆ ₹75 (ಹಿಂದಿನ ದರ ₹70 ), ಮಧ್ಯಮ ಬ್ಲಾಕ್ಗೆ ₹150 (₹140), ದೊಡ್ಡ ಬ್ಲಾಕ್ಗೆ ₹225 (₹210 ) ನಿಗದಿಸಿದೆ.</p>.<p>‘2007ರಿಂದ 2017ರ ತನಕ ರಾಜ್ಯ ಸರ್ಕಾರ ಮೀನುಗಾರಿಕೆಗೆ ಪೂರೈಸುವ ಮಂಜುಗಡ್ಡೆಗೆ ತೆರಿಗೆ ವಿನಾಯಿತಿ ನೀಡಿತ್ತು. ಈಗ ಶೇ 5 ಜಿಎಸ್ಟಿ ವಿಧಿಸಲಾಗಿದೆ. ಮಂಜುಗಡ್ಡೆ ಸ್ಥಾವರಗಳಿಗೆ ಬೇಕಾದ ಅಮೋನಿಯ ಅನಿಲ ಸಿಲಿಂಡರ್ (60 ಕೆ.ಜಿ.)ದರ ₹ 2ಸಾವಿರದಿಂದ ₹ 4,550 ಕ್ಕೆ ಏರಿದೆ’ ಎಂದು ಕರ್ನಾಟಕ ಕರಾವಳಿ ಮಂಜುಗಡ್ಡೆ ಮತ್ತು ಶೈತ್ಯಾಗಾರ ಮಾಲೀಕರ ಸಂಘದ ಉದಯ ಕುಮಾರ್ ತಿಳಿಸಿದ್ದಾರೆ.</p>.<p><strong>ಇದನ್ನೂ ಓದಿ:<a href="https://www.prajavani.net/stories/national/ganesh-festival-economic-slump-660717.html" target="_blank">ಗಣೇಶನಿಗೂ ತಟ್ಟಿದ ಆರ್ಥಿಕ ಹಿಂಜರಿತ: ದೇಣಿಗೆ ಕುಸಿತ</a></strong></p>.<p><strong>ಇಂದು ಸಭೆ</strong></p>.<p>‘ಉಳ್ಳಾಲ ಭಾಗದ 9 ಫಿಶ್ ಆಯಿಲ್ ಘಟಕಗಳು ಆ.1ರಿಂದ ಸ್ಥಗಿತವಾಗಿದೆ. ಬುಧವಾರ ದೆಹಲಿಯಲ್ಲಿ ಅಖಿಲ ಭಾರತ ಫಿಶ್ ಮೀಲ್, ಫಿಶ್ ಆಯಿಲ್ ಘಟಕಗಳ ಸಭೆ ಇದ್ದು ಚರ್ಚಿಸಿ, ಮುಂದಿನ ನಿರ್ಧಾರ ಕೈಗೊಳ್ಳಲಾಗುವುದು’ ಎಂದು ಫಿಶ್ ಆಯಿಲ್ ಫ್ಯಾಕ್ಟರಿ ಅಸೋಸಿಯೇಷನ್ ಅಧ್ಯಕ್ಷ ಎಚ್.ಕೆ.ಖಾದರ್ ತಿಳಿಸಿದ್ದಾರೆ.</p>.<p><strong>ಇನ್ನಷ್ಟು ಓದು</strong></p>.<p><strong><a href="https://cms.prajavani.net/stories/stateregional/garments-industries-pathetic-660932.html" target="_blank">ಅರಳುವ ಮುನ್ನವೇ ಬಾಡುತ್ತಿವೆ ಉದ್ದಿಮೆಗಳು</a></strong></p>.<p><a href="https://www.prajavani.net/factcheck/parles-layoff-warning-not-660516.html" target="_blank"><strong>10,000 ಉದ್ಯೋಗ ಕಡಿತಕ್ಕೆ ಪಾರ್ಲೆ ಚಿಂತನೆ; ಕಂಪನಿಯಲ್ಲಿರುವುದು 4,480 ಸಿಬ್ಬಂದಿ?</strong></a></p>.<p><strong><a href="https://www.prajavani.net/business/commerce-news/maruti-suzuki-cuts-3000-660804.html" target="_blank">ಮಾರುತಿ ಸುಜುಕಿ ಇಂಡಿಯಾದಿಂದ 3 ಸಾವಿರ ಉದ್ಯೋಗ ಕಡಿತ</a></strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು:</strong> ಪ್ರಮುಖವಾಗಿ ಮೀನಿನ ಅತಿ ದೊಡ್ಡ ಖರೀದಿದಾರರಾಗಿರುವ ಫಿಶ್ ಮೀಲ್ ಮತ್ತು ಫಿಶ್ ಆಯಿಲ್ ಕಂಪನಿಗಳು ಜಿಎಸ್ಟಿ ಹೊಡೆತಕ್ಕೆ ನಲುಗಿದ್ದು, ಮುಷ್ಕರಕ್ಕೆ ಮುಂದಾಗಿವೆ. ಮೀನುಗಾರರು ಹಿಡಿದು ತರುವ ಮೀನುಗಳನ್ನು ಖರೀದಿಸುವವರೇ ಇಲ್ಲದ ಸ್ಥಿತಿ ನಿರ್ಮಾಣವಾಗಿದೆ. ಬಲೆಗೆ ಬಿದ್ದ ಮೀನಿನಂತಾಗಿದೆ ಸದ್ಯದ ಮತ್ಸ್ಯೋದ್ಯಮದ ಸ್ಥಿತಿ.</p>.<p><strong>ಇದನ್ನೂ ಓದಿ:<a href="https://www.prajavani.net/stories/stateregional/automobile-sector-crisis-660744.html" target="_blank">ಆರ್ಥಿಕ ಬಿಕ್ಕಟ್ಟು: ಆಟೊಮೊಬೈಲ್ ಕ್ಷೇತ್ರ ವಿಲವಿಲ</a></strong></p>.<p>‘ಪ್ರತಿ ಬೋಟ್ಗಳಲ್ಲಿ 20 ಟನ್ ನಷ್ಟು ಮೀನು ತರಲಾಗುತ್ತದೆ. ಇಷ್ಟು ಮೀನುಗಳಿಗೆ ಮಾರುಕಟ್ಟೆ ದೊರೆಯದಿದ್ದರೆ, ₹ 10 ಲಕ್ಷ ನಷ್ಟ ಉಂಟಾಗು ತ್ತದೆ. ಕಂಪನಿ ಬೋಟುಗಳು ಹಿಡಿದು ತಂದ ಮೀನುಗಳನ್ನು ಖರೀದಿಸದಿದ್ದರೆ, ಹೆಚ್ಚಿನ ಮೀನುಗಳನ್ನು ನೀರಿಗೆ ಬಿಸಾಡುವ ಸ್ಥಿತಿ ಬರಲಿದೆ’ ಎನ್ನುತ್ತಾರೆ ಪರ್ಸಿನ್ ಬೋಟ್ ಮಾಲೀಕರ ಸಂಘದ ಅಧ್ಯಕ್ಷ ಮೋಹನ ಬೇಂಗ್ರೆ.</p>.<p><strong>ಇದನ್ನೂ ಓದಿ:<a href="https://www.prajavani.net/district/industries-story-660757.html" target="_blank">ಶಿವಮೊಗ್ಗ: ಬಿಡಿಭಾಗ ತಯಾರಿಕಾ ಘಟಕಗಳ ಮೇಲೂ ಕರಿನೆರಳು</a></strong></p>.<p>ಜಿಎಸ್ಟಿ ಆರಂಭಕ್ಕೂ ಮುನ್ನ ಮೀನಿನ ಎಣ್ಣೆ ಉತ್ಪಾದನೆಗೆ ಉತ್ಪಾದಕರು ಶೇ 5ರಷ್ಟು ತೆರಿಗೆ ಪಾವತಿಸುತ್ತಿದ್ದರು. ಜಿಎಸ್ಟಿ ಜಾರಿಗೊಳಿಸಿದ ಬಳಿಕ ಆ ತೆರಿಗೆ ಶೇ 12ಕ್ಕೆ ಏರಿಕೆಯಾಗಿದೆ. ಫಿಶ್ ಮೀಲ್ಗೆ 2017ರ ಜುಲೈ 1ರಿಂದ ಅನ್ವಯವಾಗುವಂತೆ ಶೇ 5 ರಷ್ಟು ಜಿಎಸ್ಟಿ ವಿಧಿಸಿದೆ. ಇದನ್ನು ವಿರೋಧಿಸಿ ಕಂಪನಿ ಮಾಲೀಕರು ಆಗಸ್ಟ್ 1 ರಿಂದಲೇ ಮುಷ್ಕರ ಆರಂಭಿಸಿದ್ದಾರೆ.</p>.<p class="Subhead">ಮಂಜುಗಡ್ಡೆ ದರವೂ ಹೆಚ್ಚು: ಮೀನು ಕೆಡದಂತೆ ಸಂರಕ್ಷಿಸಲು ಬೇಕಾಗುವ ಮಂಜುಗಡ್ಡೆಯ ದರ ಪರಿಷ್ಕರಣೆಯಾಗಿರುವುದು ಮೀನುಗಾರರಿಗೆ ಮತ್ತಷ್ಟು ಆರ್ಥಿಕ ಹೊರೆಯನ್ನು ಉಂಟು ಮಾಡಿದೆ.</p>.<p class="Subhead"><strong>ಇದನ್ನೂ ಓದಿ:<a href="https://www.prajavani.net/district/dharwad/automobile-industry-slowdown-660741.html" target="_blank">ಸಮಸ್ಯೆ ಸುಳಿಯಲ್ಲಿ ಪೂರಕ ಕೈಗಾರಿಕೆಗಳು</a></strong></p>.<p>ರಾಜ್ಯದಲ್ಲಿ ಏಪ್ರಿಲ್ 1ರಿಂದ ಪ್ರತಿ ಯೂನಿಟ್ ವಿದ್ಯುತ್ ದರ 35 ಪೈಸೆ ಹೆಚ್ಚಳವಾಗಿದೆ. ಮಂಜುಗಡ್ಡೆ ಘಟಕಕ್ಕೆ ಬರುವ ವಿದ್ಯುತ್ ಬಿಲ್ನಲ್ಲಿ ಈಗ ₹1 ಲಕ್ಷ ಹೆಚ್ಚಳವಾಗಲಿದೆ. ವಿದ್ಯುತ್ ಬಿಲ್ ಮೇಲಿನ ಜಿಎಸ್ಟಿ ಕೂಡಾ ಶೇ 6ರಿಂದ ಶೇ 9ಕ್ಕೆ ಏರಿದೆ. ಇವು ಬೆಲೆ ಏರಿಕೆಗೆ ಪ್ರಮುಖ ಕಾರಣಗಳಾಗಿವೆ. ಕರ್ನಾಟಕ ಕರಾವಳಿ ಮಂಜುಗಡ್ಡೆ ಮತ್ತು ಶೈತ್ಯಾಗಾರಗಳ ಮಾಲೀಕರ ಸಂಘವು, ಸದ್ಯದ ಮೀನುಗಾರಿಕಾ ಋತುವಿಗೆ ಸಣ್ಣ ಬ್ಲಾಕ್ಗೆ ₹75 (ಹಿಂದಿನ ದರ ₹70 ), ಮಧ್ಯಮ ಬ್ಲಾಕ್ಗೆ ₹150 (₹140), ದೊಡ್ಡ ಬ್ಲಾಕ್ಗೆ ₹225 (₹210 ) ನಿಗದಿಸಿದೆ.</p>.<p>‘2007ರಿಂದ 2017ರ ತನಕ ರಾಜ್ಯ ಸರ್ಕಾರ ಮೀನುಗಾರಿಕೆಗೆ ಪೂರೈಸುವ ಮಂಜುಗಡ್ಡೆಗೆ ತೆರಿಗೆ ವಿನಾಯಿತಿ ನೀಡಿತ್ತು. ಈಗ ಶೇ 5 ಜಿಎಸ್ಟಿ ವಿಧಿಸಲಾಗಿದೆ. ಮಂಜುಗಡ್ಡೆ ಸ್ಥಾವರಗಳಿಗೆ ಬೇಕಾದ ಅಮೋನಿಯ ಅನಿಲ ಸಿಲಿಂಡರ್ (60 ಕೆ.ಜಿ.)ದರ ₹ 2ಸಾವಿರದಿಂದ ₹ 4,550 ಕ್ಕೆ ಏರಿದೆ’ ಎಂದು ಕರ್ನಾಟಕ ಕರಾವಳಿ ಮಂಜುಗಡ್ಡೆ ಮತ್ತು ಶೈತ್ಯಾಗಾರ ಮಾಲೀಕರ ಸಂಘದ ಉದಯ ಕುಮಾರ್ ತಿಳಿಸಿದ್ದಾರೆ.</p>.<p><strong>ಇದನ್ನೂ ಓದಿ:<a href="https://www.prajavani.net/stories/national/ganesh-festival-economic-slump-660717.html" target="_blank">ಗಣೇಶನಿಗೂ ತಟ್ಟಿದ ಆರ್ಥಿಕ ಹಿಂಜರಿತ: ದೇಣಿಗೆ ಕುಸಿತ</a></strong></p>.<p><strong>ಇಂದು ಸಭೆ</strong></p>.<p>‘ಉಳ್ಳಾಲ ಭಾಗದ 9 ಫಿಶ್ ಆಯಿಲ್ ಘಟಕಗಳು ಆ.1ರಿಂದ ಸ್ಥಗಿತವಾಗಿದೆ. ಬುಧವಾರ ದೆಹಲಿಯಲ್ಲಿ ಅಖಿಲ ಭಾರತ ಫಿಶ್ ಮೀಲ್, ಫಿಶ್ ಆಯಿಲ್ ಘಟಕಗಳ ಸಭೆ ಇದ್ದು ಚರ್ಚಿಸಿ, ಮುಂದಿನ ನಿರ್ಧಾರ ಕೈಗೊಳ್ಳಲಾಗುವುದು’ ಎಂದು ಫಿಶ್ ಆಯಿಲ್ ಫ್ಯಾಕ್ಟರಿ ಅಸೋಸಿಯೇಷನ್ ಅಧ್ಯಕ್ಷ ಎಚ್.ಕೆ.ಖಾದರ್ ತಿಳಿಸಿದ್ದಾರೆ.</p>.<p><strong>ಇನ್ನಷ್ಟು ಓದು</strong></p>.<p><strong><a href="https://cms.prajavani.net/stories/stateregional/garments-industries-pathetic-660932.html" target="_blank">ಅರಳುವ ಮುನ್ನವೇ ಬಾಡುತ್ತಿವೆ ಉದ್ದಿಮೆಗಳು</a></strong></p>.<p><a href="https://www.prajavani.net/factcheck/parles-layoff-warning-not-660516.html" target="_blank"><strong>10,000 ಉದ್ಯೋಗ ಕಡಿತಕ್ಕೆ ಪಾರ್ಲೆ ಚಿಂತನೆ; ಕಂಪನಿಯಲ್ಲಿರುವುದು 4,480 ಸಿಬ್ಬಂದಿ?</strong></a></p>.<p><strong><a href="https://www.prajavani.net/business/commerce-news/maruti-suzuki-cuts-3000-660804.html" target="_blank">ಮಾರುತಿ ಸುಜುಕಿ ಇಂಡಿಯಾದಿಂದ 3 ಸಾವಿರ ಉದ್ಯೋಗ ಕಡಿತ</a></strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
