ಕಾಲ್‌ ರೆಕಾರ್ಡಿಂಗ್‌ಗೆ ಗೂಗಲ್‌ ನಿರ್ಬಂಧ

ಕಾಲ್ ರೆಕಾರ್ಡ್ ಮಾಡುವುದು ಸ್ಮಾರ್ಟ್ಫೋನ್ಗಳಲ್ಲಿನ ಅತ್ಯಂತ ಪ್ರಮುಖ ಸೌಲಭ್ಯಗಳಲ್ಲೊಂದು. ಇದು ಹಲವು ಉದ್ದೇಶಕ್ಕೆ ಬಳಕೆಯಾಗುತ್ತದೆ. ಇದರಿಂದ ಉತ್ಪಾದನೆಯಾಗುವ ಡೇಟಾ ಅಂತೂ ಕೋಟ್ಯಂತರ ಬೆಲೆ ಬಾಳುವಂಥದ್ದು. ಒಬ್ಬೊಬ್ಬರಿಗೆ ಒಂದೊಂದು ರೀತಿಯಲ್ಲಿ ಬಳಕೆಯಾಗುವ ಈ ಕಾಲ್ ರೆಕಾರ್ಡಿಂಗ್ ಸೌಲಭ್ಯದ ಹಿಂದೆ ‘ಗೌಪ್ಯತೆಯ ಉಲ್ಲಂಘನೆ’ಯ ಆರೋಪವೂ ಇದೆ. ಕರೆಯಲ್ಲಿರುವ ಎಲ್ಲರೂ ರೆಕಾರ್ಡ್ ಮಾಡುವುದಕ್ಕೆ ಸಮ್ಮತಿಸಿರಬೇಕು ಎಂಬುದು ಗೂಗಲ್ ಅಭಿಪ್ರಾಯ. ಗೂಗಲ್ ಕಳೆದ ವರ್ಷ ಕಾಲ್ ರೆಕಾರ್ಡಿಂಗ್ ಮಾಡುವಾಗ ‘ನಿಮ್ಮ ಕರೆ ರೆಕಾರ್ಡ್ ಆಗುತ್ತಿದೆ…’ ಎಂಬ ಧ್ವನಿಯೊಂದನ್ನ ಹೊರಡಿಸಲು ನಿರ್ಧರಿಸಿದಾಗ ಗೌಪ್ಯತೆ ವಿಚಾರದಲ್ಲಿ ಗೂಗಲ್ ಮಹತ್ವದ ನಿರ್ಧಾರ ಕೈಗೊಂಡಿರುವುದು ಮೆಚ್ಚುಗೆಗೆ ಪಾತ್ರವಾಗಿತ್ತು. ಈಗ ಈ ನಿಟ್ಟಿನಲ್ಲಿ ಇನ್ನೂ ಒಂದು ಹೆಜ್ಜೆ ಮುಂದಿಟ್ಟಿರುವ ಗೂಗಲ್, ತನ್ನ ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಎಲ್ಲ ಕರೆ ರೆಕಾರ್ಡ್ ಮಾಡುವ ಆ್ಯಪ್ಗಳಿಗೆ ನಿಷೇಧ ಹೇರಿದೆ. ಆ್ಯಪ್ ಸ್ಟೋರ್ನಲ್ಲಿ ಹಲವು ಕಾಲ್ ರೆಕಾರ್ಡ್ ಮಾಡುವ ಆ್ಯಪ್ಗಳು ಇದ್ದವು. ಇವುಗಳನ್ನೆಲ್ಲ ಥರ್ಡ್ ಪಾರ್ಟಿ ಆ್ಯಪ್ಗಳು ಎಂದು ಕರೆಯಲಾಗಿದ್ದು, ಗೂಗಲ್ಗೂ, ಸ್ಮಾರ್ಟ್ಫೋನ್ ತಯಾರಕ ಕಂಪನಿಗೂ ಸಂಬಂಧವಿಲ್ಲದವುಗಳು.

. ಆದರೆ, ವಾಸ್ತವವಾಗಿ ಈ ಕಾಲ್ ರೆಕಾರ್ಡಿಂಗ್ ಆ್ಯಪ್ಗಳಿಗೆ ಹೇರಿರುವ ನಿರ್ಬಂಧ ಜನಪ್ರಿಯ ಬ್ರ್ಯಾಂಡ್ನ ಸ್ಮಾರ್ಟ್ಫೋನ್ ಬಳಕೆ ಮಾಡುತ್ತಿರುವವರಿಗೆ ಬಾಧಿಸುವುದು ಅಷ್ಟಕ್ಕಷ್ಟೇ! ಏಕೆಂದರೆ, ಜನಪ್ರಿಯ ಬ್ರ್ಯಾಂಡ್ನ ಫೋನ್ಗಳಲ್ಲೆಲ್ಲ ಆ ಬ್ರ್ಯಾಂಡ್ನ ಯೂಸರ್ ಇಂಟರ್ಫೇಸ್ನಲ್ಲೇ ಈ ಸೌಲಭ್ಯವನ್ನು ಅಳವಡಿಸಲಾಗಿರುತ್ತದೆ. ಹೀಗಾಗಿ, ಇಂಥ ಸ್ಮಾರ್ಟ್ಫೋನ್ ಬಳಸುತ್ತಿರುವವರು ಎಂದಿನಂತೆ ಕಾಲ್ ರೆಕಾರ್ಡ್ ಮಾಡಿಕೊಳ್ಳಬಹುದು.

. ನಿಷೇಧಿಸಿದ್ದು ಏಕೆ?

. ಹಲವು ವರ್ಷಗಳಿಂದಲೂ ಕರೆ ರೆಕಾರ್ಡ್ ಮಾಡುವ ಬಗ್ಗೆ ಗೂಗಲ್ ತನ್ನ ಸ್ಪಷ್ಟ ವಿರೋಧವನ್ನು ವ್ಯಕ್ತಪಡಿಸಿದೆ. ಇದು ಬಳಕೆದಾರರ ಗೌಪ್ಯತೆಯ ಉಲ್ಲಂಘನೆ ಎಂಬುದು ಅದರ ಅಭಿಪ್ರಾಯ. ಇದೇ ಕಾರಣಕ್ಕೆ, ತನ್ನ ಡೈಲರ್ ಆ್ಯಪ್ನಲ್ಲಿ ಇರುವ ಕಾಲ್ ರೆಕಾರ್ಡಿಂಗ್ ಸೌಲಭ್ಯಕ್ಕೆ ಕಳೆದ ವರ್ಷ ಧ್ವನಿ ಸೂಚನೆಯನ್ನು ಅಳವಡಿಸಿತ್ತು. ಅಂದರೆ, ನೀವು ಫೋನ್ ಕರೆಯಲ್ಲಿದ್ದಾಗ ರೆಕಾರ್ಡಿಂಗ್ ಬಟನ್ ಒತ್ತಿದರೆ, ಕರೆಯ ಆ ಕಡೆಯಲ್ಲಿರುವವರಿಗೂ ‘ಈ ಕರೆಯನ್ನು ರೆಕಾರ್ಡ್ ಮಾಡಲಾಗುತ್ತಿದೆ’ ಎಂಬ ಧ್ವನಿ ಸಂದೇಶ ಕೇಳಿಸುತ್ತಿತ್ತು. ಈ ಸೌಲಭ್ಯ ಈಗಲೂ ಮುಂದುವರೆದಿದೆ.

. ಇನ್ಸ್ಟಾಲ್ ಮಾಡಿದ ಆ್ಯಪ್ ಅಬಾಧಿತ

. ಈ ನಿಷೇಧ ಕೇವಲ ಹೊಸದಾಗಿ ಆ್ಯಪ್ ಸ್ಟೋರ್ನಿಂದ ಆ್ಯಪ್ ಇನ್ಸ್ಟಾಲ್ ಮಾಡಿಸಿಕೊಳ್ಳುವುದರ ಮೇಲೆ ಮಾತ್ರ ಅನ್ವಯಿಸುತ್ತದೆ. ಉದಾಹರಣೆಗೆ, ಈಗಾಗಲೇ ಕಾಲ್ ರೆಕಾರ್ಡಿಂಗ್ ಆ್ಯಪ್ ಇನ್ಸ್ಟಾಲ್ ಮಾಡಿಕೊಂಡಿದ್ದರೆ, ಅದು ಮೊದಲಿನ ಹಾಗೆಯೇ ಕೆಲಸ ಮಾಡುತ್ತಿರುತ್ತದೆ. ಅಷ್ಟೇ ಅಲ್ಲ, ಅದು ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಸಿಗುತ್ತಿಲ್ಲವಷ್ಟೇ. ಬೇರೆ ಬೇರೆ ಪ್ಲೇ ಸ್ಟೋರ್ಗಳಿಂದ ಇದನ್ನು ಡೌನ್ಲೋಡ್ ಮಾಡಿಕೊಂಡು ಇನ್ಸ್ಟಾಲ್ ಮಾಡಿಕೊಳ್ಳುವ ಅವಕಾಶ ಇದ್ದೇ ಇದೆ. ಅದು ಸ್ವಲ್ಪ ಅಪಾಯಕಾರಿ ನಿರ್ಧಾರವಾದರೂ, ಅದಕ್ಕೆ ಅವಕಾಶವಿದೆ. ಹೀಗಾಗಿ, ಈ ಸೌಲಭ್ಯಕ್ಕೇನೂ ತೊಂದರೆ ಇಲ್ಲ.

. ಒಳಗಿನ ಫೀಚರ್ಗಳೂ ಮಾಯ

. ಕಾಲ್ ರೆಕಾರ್ಡಿಂಗ್ ಎಂಬುದು ಸದ್ಯಕ್ಕೆ ಅತ್ಯಂತ ಸಾಮಾನ್ಯ ಸೌಲಭ್ಯ. ಹೀಗಾಗಿ, ಹಲವು ಆ್ಯಪ್ಗಳು ಒಂದು ಫೀಚರ್ ಆಗಿ ಇದನ್ನು ಹೊಂದಿದ್ದವು. ಉದಾಹರಣೆಗೆ, ಟ್ರ್ಯೂಕಾಲರ್ ಎಂಬ ಆ್ಯಪ್ನಲ್ಲಿ ಕಾಲ್ ರೆಕಾರ್ಡಿಂಗ್ ಸೌಲಭ್ಯವೂ ಇತ್ತು. ಆದರೆ, ಈಗ ಗೂಗಲ್ನ ಹೊಸ ನೀತಿಯಿಂದಾಗಿ ಟ್ರ್ಯೂಕಾಲರ್ ಈ ಸೌಲಭ್ಯವನ್ನು ತೆಗೆದುಹಾಕಿದೆ.

. ಇಂತಹ ಹಲವು ಆ್ಯಪ್ಗಳು ಗೂಗಲ್ ಪ್ಲೇ ಸ್ಟೋರ್ನಿಂದ ನಿಷೇಧಕ್ಕೊಳಗಾಗುವ ಭೀತಿಯಲ್ಲಿ ಈ ಸೌಲಭ್ಯವನ್ನು ತೆಗೆದುಹಾಕಬೇಕಾಗಿದೆ. ಪರ್ಯಾಯ ವಿಧಾನಗಳಿಗೆ ಮೊರೆ ಹೋಗುವ ಬಳಕೆದಾರರು ಸಾಮಾನ್ಯವಾಗಿ ಇಂತಹ ಸೌಲಭ್ಯಗಳು ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಲಭ್ಯವಿಲ್ಲದಿದ್ದರೆ, ಅವುಗಳ ಮೇಲೆ ಅವಲಂಬಿಸಿರುವವರು ಇತರ ಸುರಕ್ಷಿತವಲ್ಲದ ಪ್ಲೇ ಸ್ಟೋರ್ಗಳನ್ನು, ವೆಬ್ಸೈಟ್ಗಳು ಬಳಸಿ ಆ್ಯಪ್ಗಳನ್ನು ಡೌನ್ಲೋಡ್ ಮಾಡಿಕೊಳ್ಳುತ್ತಾರೆ. ಇದರಿಂದ ಬಳಕೆದಾರರ ಸುರಕ್ಷತೆಗೆ ಇನ್ನಷ್ಟು ಅಪಾಯವೇ ಎದುರಾಗುತ್ತದೆ. ಹೀಗಾಗಿ, ಇತರ ವೆಬ್ಸೈಟ್ಗಳಲ್ಲಿ ಸಿಗುವ ಆ್ಯಪ್ಗಳನ್ನು ಬಳಸುವ ಮುನ್ನ ಎಚ್ಚರಿಕೆ ವಹಿಸುವುದು ಸೂಕ್ತ.

. ಕಾನೂನು ಏನು ಹೇಳುತ್ತದೆ?

. ಕರೆ ರೆಕಾರ್ಡಿಂಗ್ಗೆ ಸಂಬಂಧಿಸಿದ ಕಾನೂನು ಒಂದೊಂದು ದೇಶದಲ್ಲಿ ಒಂದೊಂದು ರೀತಿ ಇದೆ. ಉದಾಹರಣೆಗೆ, ಅಮೆರಿಕದ ಕಾನೂನು ಪ್ರಕಾರ ಕರೆ ರೆಕಾರ್ಡಿಂಗ್ ಮಾಡಲು ಒಂದು ಪಕ್ಷದ ಅನುಮತಿ ಇದ್ದರೆ ಸಾಕು. ಉದಾಹರಣೆಗೆ, ಕರೆ ಮಾಡುವವರ ಅನುಮತಿ ಇದ್ದರೂ, ಕರೆ ಸ್ವೀಕರಿಸಿದವರ ಅನುಮತಿ ಇದ್ದರೂ ಕರೆ ರೆಕಾರ್ಡ್ ಮಾಡಬಹುದು. ಕೆಲವು ದೇಶಗಳಲ್ಲಿ ಇಬ್ಬರ ಅನುಮತಿಯೂ ಬೇಕಾಗಿರುತ್ತದೆ. ಹೀಗಾಗಿ, ಗೂಗಲ್ ಈ ಸೌಲಭ್ಯವನ್ನೇ ನಿಷೇಧಿಸುವ ಮೂಲಕ ಕಾನೂನಿನ ವಿಚಾರದಲ್ಲಿ ಹೆಚ್ಚು ಸುರಕ್ಷಿತವಾಗಿರುವ ವಿಧಾನವನ್ನು ಅನುಸರಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಲ್‌ ರೆಕಾರ್ಡಿಂಗ್‌ಗೆ ಗೂಗಲ್‌ ನಿರ್ಬಂಧ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ

Pro Kabaddi: ಅರ್ಜುನ್‌ ಅಬ್ಬರಕ್ಕೆ ಬೆದರಿದ ಬುಲ್ಸ್

ಬಾರ್ಡರ್‌–ಗಾವಸ್ಕರ್ ಟ್ರೋಫಿ: ‘ವೇಗಾಸ್ತ್ರ’ ಪ್ರಯೋಗಕ್ಕೆ ಪರ್ತ್ ವೇದಿಕೆ ಸಿದ್ಧ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್‌ ಟೂರ್ನಿ: ಅರವಿಂದ್‌ ಮುಡಿಗೆ ಕಿರೀಟ

ಪಾಕ್‌ನಲ್ಲಿ ಅಂಧರ ಟಿ20 wc: ವಿದೇಶಾಂಗ ಸಚಿವಾಲಯದ ಅನುಮತಿಗಾಗಿ ಕಾದಿರುವ ಭಾರತ ತಂಡ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ