<p><strong>ಚಂಡೀಗಢ:</strong> ಹರಿಯಾಣದ ಈ ಕೋಣಕ್ಕೆ ಅನ್ಮೋಲ್ ಎಂದು ಅದರ ಮಾಲೀಕ ಹೆಸರಿಟ್ಟಿದ್ದಾರೆ. ಹೆಸರಿಗೆ ತಕ್ಕಂತೆ ಇದು ಅತ್ಯಂತ ವಿಶಿಷ್ಟವಾದ ಕೋಣವಾಗಿದ್ದು, ಇತ್ತೀಚಿನ ಎರಡು ಪ್ರಮುಖ ಮೇಳದ ನಂತರ ಇದು ರಾಷ್ಟ್ರವ್ಯಾಪಿ ಸುದ್ದಿಯಾಗಿದೆ. ಸುದ್ದಿಯಾಗಿರುವುದು ಇದರ ಮೌಲ್ಯ ಹಾಗೂ ಡಯಟ್ಗಾಗಿ.</p><p>ಪುಷ್ಕರ್ ಹಾಗೂ ಮೀರತ್ನಲ್ಲಿ ಇತ್ತೀಚೆಗೆ ನಡೆದ ಅಖಿಲ ಭಾರತ ಕೃಷಿ ಮೇಳದಲ್ಲಿ ಸುಮಾರು 1500 ಕೆ.ಜಿ. ತೂಗುವ ಸುರ್ತಿ ತಳಿಯ ಅನ್ಮೋಲ್ ಎಲ್ಲರ ಗಮನ ಸೆಳೆದಿತ್ತು. ಸಾಮಾಜಿಕ ಮಾಧ್ಯಮದಲ್ಲೂ ಇದರದ್ದೇ ಸುದ್ದಿ.</p><p>ತನ್ನ ನೆಚ್ಚಿನ ಅನ್ಮೋಲ್ಗೆ ದುಬಾರಿ ಜೀವನ ಶೈಲಿಯನ್ನು ಅಳವಡಿಸಿಕೊಂಡಿರುವ ಅದರ ಮಾಲೀಕ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. ಕೋಣಕ್ಕೆ ನಿತ್ಯ ನೀಡುವ ಆಹಾರದ ಪಟ್ಟಿಯನ್ನು ಕೇಳಿದ ಪ್ರತಿಯೊಬ್ಬರ ಹುಬ್ಬೇರುವಂತೆ ಮಾಡಿದೆ. </p><p>ಅನ್ಮೋಲ್ನ ಆರೋಗ್ಯವಂತ ಜೀವನ ಶೈಲಿಗಾಗಿ ನಿತ್ಯ 250 ಗ್ರಾಂ ಬಾದಾಮಿ, 30 ಬಾಳೆಹಣ್ಣು, 4 ಕೆ.ಜಿ. ದಾಳಿಂಬೆ, 5 ಕೆ.ಜಿ. ಹಾಲು ಹಾಗೂ 20 ಮೊಟ್ಟೆ ನೀಡಲಾಗುತ್ತಿದೆಯಂತೆ. ಇಷ್ಟು ಮಾತ್ರವಲ್ಲ, ಹಿಂಡಿ, ಹಸಿರು ಮೇವು, ತುಪ್ಪ, ಸೋಯಾಬೀನ್ ಹಾಗೂ ಮೆಕ್ಕೆಜೋಳವನ್ನೂ ನೀಡಲಾಗುತ್ತಿದೆ. ಆ ಮೂಲಕ ಸಂತಾನೋತ್ಪತ್ತಿ ಮತ್ತು ಮೇಳಗಳಲ್ಲಿ ಪ್ರದರ್ಶನ ನೀಡಲು ಅನ್ಮೋಲ್ ಸದಾ ಸಿದ್ಧವಿರುತ್ತದೆ ಎನ್ನುವುದು ಅದರ ಮಾಲೀಕರ ಮಾತು.</p><p>ನಿತ್ಯ ಎರಡು ಬಾರಿ ಮಜ್ಜನ. ಇದಕ್ಕಾಗಿ ಬದಾಮಿ ಹಾಗೂ ಸಾಸಿವೆ ಎಣ್ಣೆ ಬೆರೆಸಿದ ವಿಶೇಷ ತೈಲವನ್ನು ಬಳಸಲಾಗುತ್ತದೆ ಎಂದು ಅದರ ಮಾಲೀಕ ಗಿಲ್ ವಿವರಿಸಿರುವುದಾಗಿ ಎನ್ಡಿಟಿವಿ ವರದಿ ಮಾಡಿದೆ. </p>.<h3>ಮಗನನ್ನು ಸಾಕಲು ತಾಯಿ, ಸೋದರಿಯನ್ನು ಮಾರಿದ ಗಿಲ್</h3><p>ಕೋಣದ ಸಾಕಾಣಿಕೆ ವೆಚ್ಚವನ್ನು ಸರಿದೂಗಿಸುವ ಸಲುವಾಗಿ ನಿತ್ಯ 25 ಲೀಟರ್ ಹಾಲು ಕೊಡುತ್ತಿದ್ದ ಅನ್ಮೋಲ್ನ ತಾಯಿ ಹಾಗೂ ಸೋದರಿ ಎಮ್ಮೆಗಳನ್ನು ಮಾರಿದ್ದಾರೆ.</p><p>ವಾರಕ್ಕೆ ಎರಡು ಬಾರಿ ಅನ್ಮೋಲ್ ವೀರ್ಯ ದಾನ ಮಾಡುತ್ತದೆ. ಇದರ ವೀರ್ಯಕ್ಕೆ ಸಾಕಷ್ಟು ಬೇಡಿಕೆ ಇದೆಯಂತೆ. ಒಂದು ಬಾರಿ ಸಂಗ್ರಹವಾಗುವ ವೀರ್ಯದಿಂದ ನೂರಕ್ಕೂ ಹೆಚ್ಚು ಎಮ್ಮೆಗಳಿಗೆ ಬಳಸಬಹುದಾಗಿದೆ. ಇದರಿಂದಾಗಿ ಮಾಸಿಕ ಗಿಲ್ ಕುಟುಂಬಕ್ಕೆ ಅನ್ಮೋಲ್ನಿಂದಾಗಿ ₹4ಲಕ್ಷದಿಂದ ₹5ಲಕ್ಷದವರೆಗೆ ನಿರ್ದಿಷ್ಟ ಆದಾಯ ತಂದು ಕೊಡುತ್ತಿದೆ. ಇದರಿಂದಲೂ ಇದರ ನಿರ್ವಹಣೆ ಸಾಧ್ಯವಾಗುತ್ತಿದೆ ಎಂದು ಗಿಲ್ ತಿಳಿಸಿರುವುದಾಗಿ ವರದಿಯಾಗಿದೆ.</p><p>ಸಾಕಷ್ಟು ಜನರು ಅನ್ಮೋಲ್ಗಾಗಿ ಬೇಡಿಕೆ ಇಟ್ಟಿದ್ದಾರೆ. ಇದು ಸದ್ಯ ₹23 ಕೋಟಿ ವರೆಗೂ ತಲುಪಿದೆ. ಆದರೆ ಅನ್ಮೋಲ್ ನಮ್ಮ ಕುಟುಂಬದ ಸದಸ್ಯ. ಹೀಗಾಗಿ ಇದನ್ನು ಮಾರುವ ಯಾವುದೇ ಇರಾದೆ ಇಲ್ಲ ಎನ್ನುತ್ತಾರೆ ಗಿಲ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಂಡೀಗಢ:</strong> ಹರಿಯಾಣದ ಈ ಕೋಣಕ್ಕೆ ಅನ್ಮೋಲ್ ಎಂದು ಅದರ ಮಾಲೀಕ ಹೆಸರಿಟ್ಟಿದ್ದಾರೆ. ಹೆಸರಿಗೆ ತಕ್ಕಂತೆ ಇದು ಅತ್ಯಂತ ವಿಶಿಷ್ಟವಾದ ಕೋಣವಾಗಿದ್ದು, ಇತ್ತೀಚಿನ ಎರಡು ಪ್ರಮುಖ ಮೇಳದ ನಂತರ ಇದು ರಾಷ್ಟ್ರವ್ಯಾಪಿ ಸುದ್ದಿಯಾಗಿದೆ. ಸುದ್ದಿಯಾಗಿರುವುದು ಇದರ ಮೌಲ್ಯ ಹಾಗೂ ಡಯಟ್ಗಾಗಿ.</p><p>ಪುಷ್ಕರ್ ಹಾಗೂ ಮೀರತ್ನಲ್ಲಿ ಇತ್ತೀಚೆಗೆ ನಡೆದ ಅಖಿಲ ಭಾರತ ಕೃಷಿ ಮೇಳದಲ್ಲಿ ಸುಮಾರು 1500 ಕೆ.ಜಿ. ತೂಗುವ ಸುರ್ತಿ ತಳಿಯ ಅನ್ಮೋಲ್ ಎಲ್ಲರ ಗಮನ ಸೆಳೆದಿತ್ತು. ಸಾಮಾಜಿಕ ಮಾಧ್ಯಮದಲ್ಲೂ ಇದರದ್ದೇ ಸುದ್ದಿ.</p><p>ತನ್ನ ನೆಚ್ಚಿನ ಅನ್ಮೋಲ್ಗೆ ದುಬಾರಿ ಜೀವನ ಶೈಲಿಯನ್ನು ಅಳವಡಿಸಿಕೊಂಡಿರುವ ಅದರ ಮಾಲೀಕ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. ಕೋಣಕ್ಕೆ ನಿತ್ಯ ನೀಡುವ ಆಹಾರದ ಪಟ್ಟಿಯನ್ನು ಕೇಳಿದ ಪ್ರತಿಯೊಬ್ಬರ ಹುಬ್ಬೇರುವಂತೆ ಮಾಡಿದೆ. </p><p>ಅನ್ಮೋಲ್ನ ಆರೋಗ್ಯವಂತ ಜೀವನ ಶೈಲಿಗಾಗಿ ನಿತ್ಯ 250 ಗ್ರಾಂ ಬಾದಾಮಿ, 30 ಬಾಳೆಹಣ್ಣು, 4 ಕೆ.ಜಿ. ದಾಳಿಂಬೆ, 5 ಕೆ.ಜಿ. ಹಾಲು ಹಾಗೂ 20 ಮೊಟ್ಟೆ ನೀಡಲಾಗುತ್ತಿದೆಯಂತೆ. ಇಷ್ಟು ಮಾತ್ರವಲ್ಲ, ಹಿಂಡಿ, ಹಸಿರು ಮೇವು, ತುಪ್ಪ, ಸೋಯಾಬೀನ್ ಹಾಗೂ ಮೆಕ್ಕೆಜೋಳವನ್ನೂ ನೀಡಲಾಗುತ್ತಿದೆ. ಆ ಮೂಲಕ ಸಂತಾನೋತ್ಪತ್ತಿ ಮತ್ತು ಮೇಳಗಳಲ್ಲಿ ಪ್ರದರ್ಶನ ನೀಡಲು ಅನ್ಮೋಲ್ ಸದಾ ಸಿದ್ಧವಿರುತ್ತದೆ ಎನ್ನುವುದು ಅದರ ಮಾಲೀಕರ ಮಾತು.</p><p>ನಿತ್ಯ ಎರಡು ಬಾರಿ ಮಜ್ಜನ. ಇದಕ್ಕಾಗಿ ಬದಾಮಿ ಹಾಗೂ ಸಾಸಿವೆ ಎಣ್ಣೆ ಬೆರೆಸಿದ ವಿಶೇಷ ತೈಲವನ್ನು ಬಳಸಲಾಗುತ್ತದೆ ಎಂದು ಅದರ ಮಾಲೀಕ ಗಿಲ್ ವಿವರಿಸಿರುವುದಾಗಿ ಎನ್ಡಿಟಿವಿ ವರದಿ ಮಾಡಿದೆ. </p>.<h3>ಮಗನನ್ನು ಸಾಕಲು ತಾಯಿ, ಸೋದರಿಯನ್ನು ಮಾರಿದ ಗಿಲ್</h3><p>ಕೋಣದ ಸಾಕಾಣಿಕೆ ವೆಚ್ಚವನ್ನು ಸರಿದೂಗಿಸುವ ಸಲುವಾಗಿ ನಿತ್ಯ 25 ಲೀಟರ್ ಹಾಲು ಕೊಡುತ್ತಿದ್ದ ಅನ್ಮೋಲ್ನ ತಾಯಿ ಹಾಗೂ ಸೋದರಿ ಎಮ್ಮೆಗಳನ್ನು ಮಾರಿದ್ದಾರೆ.</p><p>ವಾರಕ್ಕೆ ಎರಡು ಬಾರಿ ಅನ್ಮೋಲ್ ವೀರ್ಯ ದಾನ ಮಾಡುತ್ತದೆ. ಇದರ ವೀರ್ಯಕ್ಕೆ ಸಾಕಷ್ಟು ಬೇಡಿಕೆ ಇದೆಯಂತೆ. ಒಂದು ಬಾರಿ ಸಂಗ್ರಹವಾಗುವ ವೀರ್ಯದಿಂದ ನೂರಕ್ಕೂ ಹೆಚ್ಚು ಎಮ್ಮೆಗಳಿಗೆ ಬಳಸಬಹುದಾಗಿದೆ. ಇದರಿಂದಾಗಿ ಮಾಸಿಕ ಗಿಲ್ ಕುಟುಂಬಕ್ಕೆ ಅನ್ಮೋಲ್ನಿಂದಾಗಿ ₹4ಲಕ್ಷದಿಂದ ₹5ಲಕ್ಷದವರೆಗೆ ನಿರ್ದಿಷ್ಟ ಆದಾಯ ತಂದು ಕೊಡುತ್ತಿದೆ. ಇದರಿಂದಲೂ ಇದರ ನಿರ್ವಹಣೆ ಸಾಧ್ಯವಾಗುತ್ತಿದೆ ಎಂದು ಗಿಲ್ ತಿಳಿಸಿರುವುದಾಗಿ ವರದಿಯಾಗಿದೆ.</p><p>ಸಾಕಷ್ಟು ಜನರು ಅನ್ಮೋಲ್ಗಾಗಿ ಬೇಡಿಕೆ ಇಟ್ಟಿದ್ದಾರೆ. ಇದು ಸದ್ಯ ₹23 ಕೋಟಿ ವರೆಗೂ ತಲುಪಿದೆ. ಆದರೆ ಅನ್ಮೋಲ್ ನಮ್ಮ ಕುಟುಂಬದ ಸದಸ್ಯ. ಹೀಗಾಗಿ ಇದನ್ನು ಮಾರುವ ಯಾವುದೇ ಇರಾದೆ ಇಲ್ಲ ಎನ್ನುತ್ತಾರೆ ಗಿಲ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
