ಕೊರೊನಾ | ಮಕ್ಕಳ ಕಾಳಜಿ ಹೇಗೆ?

ಇಡೀ ವಿಶ್ವವನ್ನೇ ನಡುಗಿಸಿರುವಕೊರೊನಾಸೋಂಕಿನ ಬಗ್ಗೆ ಈಗಾಗಲೇ ಗೊತ್ತಿರುವಂತೆ ಬಹುತೇಕರಲ್ಲಿ ರೋಗಲಕ್ಷಣಗಳು ಸಾಮಾನ್ಯ ನೆಗಡಿ, ಜ್ವರದಂತಹ ಸೌಮ್ಯ ಸ್ವರೂಪದಲ್ಲಿರುತ್ತವೆ. ಇಂತಹ ಕೊರೊನಾಗೆ ಮಕ್ಕಳೇನೂ ಹೊರತಲ್ಲ. ಈಗಾಗಲೇ ಚೀನಾ ಮತ್ತಿತರ ಕೊರೊನಾಪೀಡಿತ ರಾಷ್ಟ್ರಗಳಲ್ಲಿ ಕೆಲವು ಮಕ್ಕಳಲ್ಲಿ ಈಸೋಂಕುಕಾಣಿಸಿಕೊಂಡಿದೆ.

. ಆದರೆ ಒಂದು ಸಕಾರಾತ್ಮಕ ಸಂಗತಿಯೆಂದರೆ ಲಭ್ಯವಿರುವ ಅಧಿಕೃತ ಅಂಕಿ–ಅಂಶಗಳ ಪ್ರಕಾರ, ವಯಸ್ಕರಿಗೆ ಹೋಲಿಸಿದರೆ ಮಕ್ಕಳಲ್ಲಿ ಈ ಸೋಂಕಿನ ಪ್ರಮಾಣ ಅತ್ಯಂತ ಕಡಿಮೆ ಮಟ್ಟದಲ್ಲಿದೆ. ಈ ಸೋಂಕಿನ ಕಾರಣದಿಂದಲೇ ಎಂದು ದೃಢೀಕರಿಸಲ್ಪಟ್ಟು ಸಾವಿಗೆ ತುತ್ತಾಗಿರುವಮಕ್ಕಳಸಂಖ್ಯೆ ಬೆರಳೆಣಿಕೆಯಲ್ಲಿದೆ. ಇದಕ್ಕೆ ಇಂಥದ್ದೇ ಕಾರಣವೆಂದು ಖಡಾಖಂಡಿತವಾಗಿ ಹೇಳಲಾಗದಿದ್ದರೂ ಅಂದಾಜಿಸಬಹುದಾದ ಕೆಲವೊಂದು ಕಾರಣಗಳಿವೆ:

. * ಮಕ್ಕಳು ಹೊರಜಗತ್ತಿಗೆ ಹೆಚ್ಚು ತೆರೆದುಕೊಳ್ಳದೇ ಇರುವುದು ಮತ್ತು ಅಂತರರಾಷ್ಟ್ರೀಯ ಪ್ರವಾಸ ಕೈಗೊಳ್ಳದೇ ಇರುವುದು.

. *ಮಕ್ಕಳು ನೆಗಡಿಗೆ ಕಾರಣವಾಗುವ ಇನ್ನಿತರೆ ವೈರಾಣುಗಳ ಸೋಂಕಿನಿಂದ ಪದೇ ಪದೇ ಬಳಲುವುದರಿಂದ ಮತ್ತು ಆ ವೈರಾಣುಗಳೂ ಸಹಕೊರೊನಾವೈರಸ್ನಂತೆಯೇ ಆರ್ಎನ್ಎ ಗುಂಪಿಗೆ ಸೇರಿರುವುದರಿಂದಕೊರೊನಾಸೋಂಕನ್ನು ಹತ್ತಿಕ್ಕುವಂಥ ರೋಗನಿರೋಧಕ ಶಕ್ತಿಯನ್ನು ನೈಸರ್ಗಿಕವಾಗಿ ಪಡೆದಿರಬಹುದು.

. *ಭಾರತದಂಥ ಕೆಲವು ರಾಷ್ಟ್ರಗಳಲ್ಲಿ ಸಾರ್ವತ್ರಿಕವಾಗಿ ನೀಡಲಾಗುವ ಬಿಸಿಜಿ ಲಸಿಕೆಯುಕೊರೊನಾಸೋಂಕಿನ ವಿರುದ್ಧ ಮಕ್ಕಳನ್ನು ರಕ್ಷಿಸುತ್ತಿರಬಹುದು.

. ಇವುಗಳಲ್ಲದೆ ಇನ್ನೂ ಹಲವಾರು ಕಾರಣಗಳಿಂದ ಒಟ್ಟಾರೆಯಾಗಿ ಕೊರೊನಾಗೆ ಹದಿನೈದು ವರ್ಷಗಳೊಳಗಿನ ಮಕ್ಕಳೆಡೆಗೆ ಮೃದು ಧೋರಣೆ ಇರುವುದಂತೂ ನಿಜ.

. ಮಕ್ಕಳಲ್ಲಿಕೊರೊನಾಸೋಂಕಿನ ಲಕ್ಷಣಗಳೇನು?

. ರೋಗ ಲಕ್ಷಣಗಳಿಗೆ ಅನುಗುಣವಾಗಿ ಮಕ್ಕಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಬಹುದು.

. 1. ಯಾವುದೇ ರೋಗಲಕ್ಷಣಗಳಿಲ್ಲದಿರುವುದು.

. 2. ಮಾಮೂಲಿ ನೆಗಡಿಯಂತೆ ಮೂಗು ಸೋರುವಿಕೆ, ಸೀನು, ಕೆಮ್ಮು ಮತ್ತು ಜ್ವರ.

. 3. ಲಘು ಸ್ವರೂಪದ ನ್ಯುಮೋನಿಯಾ.

. 4. ತೀವ್ರ ಸ್ವರೂಪದ ನ್ಯುಮೋನಿಯಾ.

. ಬಹುತೇಕ ಮಕ್ಕಳಲ್ಲಿ ರೋಗ ಲಕ್ಷಣಗಳು ಲಘು ಸ್ವರೂಪದವು. ಆದರೆ ಅಪೌಷ್ಟಿಕತೆಯಿಂದ ಬಳಲುತ್ತಿರುವ ಮಕ್ಕಳಲ್ಲಿ ಮತ್ತು ಯಾವುದೋ ಕಾರಣದಿಂದ ರೋಗನಿರೋಧಕ ಶಕ್ತಿ ಕುಂಠಿತವಾಗಿರುವ ಮಕ್ಕಳಲ್ಲಿ ರೋಗಲಕ್ಷಣಗಳ ತೀವ್ರತೆ ಹೆಚ್ಚಾಗಿರುತ್ತದೆ.

. ಒಟ್ಟಿನಲ್ಲಿ ಹೇಳುವುದಾದರೆ ಮಕ್ಕಳಲ್ಲಿ ಕಾಣಿಸಿಕೊಳ್ಳುವ ರೋಗ ಲಕ್ಷಣಗಳನ್ನೇ ಆಧರಿಸಿ ‘ಇದುಕೊರೊನಾಸೋಂಕು’ ಎಂದು ಖಚಿತವಾಗಿ ಹೇಳುವುದು ಅಸಾಧ್ಯ. ಸೋಂಕಿತರೊಂದಿಗಿನ ಸಂಪರ್ಕ, ವಿದೇಶ ಪ್ರವಾಸ ಮುಂತಾದ ಸಂಗತಿಗಳನ್ನು ಗಮನದಲ್ಲಿರಿಸಿಕೊಂಡು ಸೂಕ್ತ ಪರೀಕ್ಷೆಗಳ ಮೂಲಕ ದೃಢಪಡಿಸಿಕೊಳ್ಳಬೇಕು.

. ಮುಂಜಾಗ್ರತಾ ಕ್ರಮಗಳು

. *ಸೋಂಕಿತ ವ್ಯಕ್ತಿಗಳಿಂದ ಮಕ್ಕಳನ್ನು ದೂರವಿರಿಸುವುದು.

. *ಸೋಂಕುದೃಢಪಟ್ಟ ಮಕ್ಕಳನ್ನು ಪ್ರತ್ಯೇಕಿಸಿ ನಿಗಾ ವಹಿಸುವುದು.

. *ಯಾವುದೇ ಸಂದರ್ಭದಲ್ಲಿ ರೋಗಲಕ್ಷಣಗಳು ಉಲ್ಬಣಗೊಂಡರೆ ಸೂಕ್ತ ಚಿಕಿತ್ಸೆಗೆ ವ್ಯವಸ್ಥೆ ಕಲ್ಪಿಸುವುದು.

. *ಅಗತ್ಯ ಪೋಷಕಾಂಶಗಳಿಂದ ಕೂಡಿದ ಸಮತೋಲನ ಆಹಾರ ಸೇವನೆಗೆ ಉತ್ತೇಜಿಸುವುದು ಮತ್ತು ಹೆಚ್ಚು ದ್ರವ ಪದಾರ್ಥಗಳನ್ನು ನೀಡುವುದು.

. *ರೋಗನಿರೋಧಕ ಶಕ್ತಿ ಕುಂಠಿತವಾಗಿರುವ ಕ್ಯಾನ್ಸರ್ಪೀಡಿತ ಮತ್ತಿತರಮಕ್ಕಳಬಗ್ಗೆ ವಿಶೇಷಕಾಳಜಿವಹಿಸುವುದು.

. *ಸೋಂಕಿತ ಮಕ್ಕಳಿಗೆ ಅಗತ್ಯ ವಿಶ್ರಾಂತಿ ಕಲ್ಪಿಸುವುದು.

. *ಸೀನುವಾಗ, ಕೆಮ್ಮುವಾಗ ಅನುಸರಿಸಬೇಕಾದ ಮುನ್ನೆಚ್ಚರಿಕೆ ಕ್ರಮಗಳ ಕುರಿತು ಮಕ್ಕಳಿಗೆ ತಿಳಿಸಿಕೊಡುವುದು.

. *ಕೈಗಳ ಸ್ವಚ್ಛತೆಯ ಮಹತ್ವ ಮತ್ತು ಸಮರ್ಪಕ ವಿಧಾನವನ್ನು ತಿಳಿಸಿಕೊಡುವುದು.

. *ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದರ ಕುರಿತು ತಿಳಿಸಿಕೊಡುವುದು.

. *ರೋಗನಿರೋಧಕ ಶಕ್ತಿ ವೃದ್ಧಿಸುವಂಥ ಆಟೋಟಗಳಲ್ಲಿ ಸಕ್ರಿಯವಾಗಿ ತೊಡಗಿಕೊಳ್ಳುವಂತೆ ಮಕ್ಕಳನ್ನು ಉತ್ತೇಜಿಸುವುದು.

. *ಕನಿಷ್ಠ ಎರಡು ವರ್ಷಗಳವರೆಗೆ ಸ್ತನ್ಯಪಾನವನ್ನು ಪ್ರೋತ್ಸಾಹಿಸುವುದು.

. *ಫ್ಲು ಲಸಿಕೆಯನ್ನೂ ಒಳಗೊಂಡು ಎಲ್ಲಾ ಲಸಿಕೆಗಳನ್ನು ನಿಗದಿತ ಸಮಯದಲ್ಲಿ ನೀಡುವುದು.

. *ಆಸ್ತಮಾದಿಂದ ಬಳಲುತ್ತಿರುವ ಮಕ್ಕಳು ವೈದ್ಯರು ಸೂಚಿಸಿದ ಔಷಧಗಳನ್ನು ಕಡ್ಡಾಯವಾಗಿ ಸೇವಿಸುವುದು.

. (ಲೇಖಕರು ಮುಖ್ಯಸ್ಥರು,ಮಕ್ಕಳವಿಭಾಗಶ್ರೀ ಸಿದ್ಧಾರ್ಥ ವೈದ್ಯಕೀಯ ಮಹಾವಿದ್ಯಾಲಯ, ತುಮಕೂರು)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊರೊನಾ | ಮಕ್ಕಳ ಕಾಳಜಿ ಹೇಗೆ?

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಸಂಕಷ್ಟದಲ್ಲಿ ಭಾರತ; ಊಟದ ವಿರಾಮಕ್ಕೆ 51/4

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ