ಕೋಪ್‌26, ಜಿ20 ಸಮಾವೇಶದಿಂದ ಹೊರಗುಳಿದ ಚೀನಾ; ದೊಡ್ಡ ತಪ್ಪು ಮಾಡಿದಿರಿ ಎಂದ ಬೈಡನ್

ಗ್ಲಾಸ್ಗೋ: ಚೀನಾದ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಅವರು ಗ್ಲಾಸ್ಗೋದ ಹವಾಮಾನ ವೈಪರೀತ್ಯ ತಡೆ ಸಮಾವೇಶ ಹಾಗೂ ಜಿ20 ಸಮಾವೇಶದಿಂದ ದೂರ ಉಳಿಯುವ ಮೂಲಕ 'ದೊಡ್ಡ ತಪ್ಪು' ಮಾಡಿರುವುದಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಹೇಳಿದ್ದಾರೆ.

. ಮಂಗಳವಾರ ಸಿಒಪಿ26 ಸಮಾವೇಶದ ಮಾಧ್ಯಮ ಗೋಷ್ಠಿಯಲ್ಲಿ ಮಾತನಾಡಿದ ಬೈಡನ್, ನೇರವಾಗಿ ಹೇಳುವುದಾದರೆ, ಚೀನಾ ಹೊರಗುಳಿಯುವ ಮೂಲಕ ದೊಡ್ಡ ತಪ್ಪು ಮಾಡಿದೆ. ಇಡೀ ಜಗತ್ತು ಚೀನಾದತ್ತ ತಿರುಗಿದೆ ಹಾಗೂ ಕೇಳುತ್ತಿದೆ, 'ಎಂತಹ ಮೌಲ್ಯವನ್ನು ಅವರು ತಲುಪಿಸುತ್ತಿದ್ದಾರೆ' ಎಂದು ಹೇಳಿದರು.

. ಹವಾಮಾನ ವೈಪರೀತ್ಯ ತಡೆ ಸಮಾವೇಶದಲ್ಲಿ ಚೀನಾ ಮತ್ತು ರಷ್ಯಾ ಭಾಗಿಯಾಗದಿರುವುದನ್ನು ಬೈಡನ್ ಖಂಡಿಸಿದರು. 'ಇದೊಂದು ಅತ್ಯಂತ ಪ್ರಮುಖ ವಿಚಾರವಾಗಿದೆ ಹಾಗೂ ಅವರು ಇದರಿಂದ ದೂರ ಉಳಿದಿದ್ದಾರೆ. ಜಾಗತಿಕ ನಾಯಕತ್ವ ವಹಿಸಬೇಕಾದವರು ಪ್ರಮುಖ ವಿಷಯದಲ್ಲಿ ಹೀಗೆ ನಡೆದುಕೊಳ್ಳುವುದಾದರೂ ಹೇಗೆ?' ಎಂದು ಪ್ರಶ್ನಿಸಿದರು.

. ಜಗತ್ತಿನಾದ್ಯಂತ ಹವಾಮಾನ ಬದಲಾವಣೆಗೆ ಕಾರಣವಾಗುತ್ತಿರುವ ಇಂಗಾಲದ ಹೊರಸೂಸುವಿಕೆಯಲ್ಲಿ ದೊಡ್ಡ ಪಾಲು ಚೀನಾದ್ದಾಗಿದೆ. ಕೋವಿಡ್–19 ಸಾಂಕ್ರಾಮಿಕದ ಆರಂಭದಿಂದಲೂ ಕ್ಸಿ ಜಿನ್ಪಿಂಗ್ ಅವರು ಚೀನಾದಿಂದ ಹೊರಗೆ ಪ್ರಯಾಣ ನಡೆಸಿಲ್ಲ.

. ಇದನ್ನೂ ಓದಿ: 2070ಕ್ಕೆ ಭಾರತದಿಂದ ನೆಟ್ ಝೀರೋ ಗುರಿ: ಪ್ರಧಾನಿ ನರೇಂದ್ರ ಮೋದಿ

. ರೋಮ್ನ ಜಿ20 ಸಮಾವೇಶದಲ್ಲಿ ಮೊದಲ ಭಾರಿಗೆ ಬೈಡನ್ ಮತ್ತು ಜಿನ್ಪಿಂಗ್ ಅವರ ಭೇಟಿ ನಡೆಯುವುದಾಗಿ ಅಮೆರಿಕದ ಅಧಿಕಾರಿಗಳು ನಿರೀಕ್ಷಿಸಿದ್ದರು. ಆದರೆ, ವರ್ಷಾಂತ್ಯದೊಳಗೆ ವರ್ಚುವಲ್ ಆಗಿ ಉಭಯ ರಾಷ್ಟ್ರಗಳ ನಾಯಕರು ಭೇಟಿಯಾಗುವುದಾಗಿ ತಿಳಿಸಿದ್ದಾರೆ.

. ಮಾನವ ಹಕ್ಕುಗಳ ಕುರಿತ ವಿವಾದಗಳು ಹಾಗೂ ತೈವಾನ್ನಲ್ಲಿ ಚೀನಾದ ಪ್ರಭಾವ ಹೆಚ್ಚುತ್ತಿರುವ ವಿಚಾರಗಳಲ್ಲಿ ಹದಗೆಟ್ಟಿರುವ ಅಮೆರಿಕ–ಚೀನಾ ಸಂಬಂಧವು ಜಿನ್ಪಿಂಗ್ ಜೊತೆಗಿನ ಮಾತುಕತೆಯ ಮೂಲಕ ಪರಿಹಾರವಾಗುವ ವಿಶ್ವಾಸವನ್ನು ಬೈಡನ್ ವ್ಯಕ್ತಪಡಿಸಿದರು.

. ಅಮೆರಿಕ–ಚೀನಾ ನಡುವಿನ ಸಂಬಂಧದ ಕುರಿತು ಪ್ರಸ್ತಾಪಿಸಿದ ಬೈಡನ್, 'ನಾನು ಒಂದು ವಿಚಾರವನ್ನು ಸ್ಪಷ್ಟಪಡಿಸುತ್ತಿದ್ದೇನೆ. ಇದು ಸ್ಪರ್ಧೆ; ಇದೊಂದು ಸಂಘರ್ಷ ಆಗಬೇಕಿಲ್ಲ. ಸಂಘರ್ಷಕ್ಕೆ ಕಾರಣವೂ ಇಲ್ಲ' ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋಪ್‌26, ಜಿ20 ಸಮಾವೇಶದಿಂದ ಹೊರಗುಳಿದ ಚೀನಾ; ದೊಡ್ಡ ತಪ್ಪು ಮಾಡಿದಿರಿ ಎಂದ ಬೈಡನ್

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!