ಮೋಡಿ ಮಾಡುವ ವಾರಾಣಸಿಯ ಚಿತ್ರಗಳು

ವಾರಾಣಸಿ ಅಂದಾಕ್ಷಣ ಗಂಗೆಯ ದಡದಲ್ಲಿರುವ ದೇವಾಲಯಗಳ ಚಿತ್ರಣವೇ ಕಣ್ಮುಂದೆ ಸುಳಿಯುತ್ತದೆ. ವಾರಾಣಸಿಯ ಕುರಿತ ಧಾರ್ಮಿಕ, ಆಧ್ಯಾತ್ಮಿಕ ಆಕರ್ಷಣೆಯೇ ಅಂಥದ್ದು. ಧಾರ್ಮಿಕ ಒಲವುಳ್ಳವರು, ಛಾಯಾಚಿತ್ರಗಾರರು, ಪ್ರವಾಸಿಗರು, ವಿದೇಶಿಯರಿಗಷ್ಟೇ ಈ ಸ್ಥಳ ಆಕರ್ಷಕವಲ್ಲ. ಚಿತ್ರಕಲಾವಿದರಿಗೂ ಈ ಸ್ಥಳ ಅತ್ಯಾಪ್ತ. ಅಲ್ಲಿನ ದೇವಾಲಯಗಳು, ಸಾಧು–ಸಂತರು, ನದಿ ದಡದ ಚಟುವಟಿಕೆಗಳು, ದೋಣಿಗಳ ಚಿತ್ರಣ ಯಾವುದೇ ಕಲಾವಿದನ ಮನದಲ್ಲಿ ಅಚ್ಚಳಿಯದೇ ಉಳಿಯುವಂಥದ್ದು.