<p><strong>ಬೆಂಗಳೂರು:</strong> ದೇಶದ ಎರಡನೇ ಅತಿದೊಡ್ಡ ಐ.ಟಿ ಸೇವಾ ಕಂಪನಿಯಾದ ಇನ್ಫೊಸಿಸ್ಗೆ ₹32,403 ಕೋಟಿ ಸಮಗ್ರ ಜಿಎಸ್ಟಿ ವಂಚನೆ ಎಸಗಿರುವ ಆರೋಪದ ಮೇರೆಗೆ ಬೆಂಗಳೂರಿನ ಜಿಎಸ್ಟಿ ಗುಪ್ತಚರ ಮಹಾನಿರ್ದೇಶನಾಲಯವು (ಡಿಜಿಜಿಐ), ಪ್ರೀ ಷೋಕಾಸ್ ನೋಟಿಸ್ ನೀಡಿದೆ.</p>.<p>‘2017ರ ಜುಲೈನಿಂದ 2021–2022ರ ವರೆಗೆ ವಿದೇಶಗಳಲ್ಲಿ ಇರುವ ತನ್ನ ಶಾಖೆಗಳ ಸೇವೆಗಳಿಗೆ ಸಮಗ್ರ ಜಿಎಸ್ಟಿ ಪಾವತಿಗೆ ಸಂಬಂಧಿಸಿದಂತೆ ನೋಟಿಸ್ ಸ್ವೀಕರಿಸಲಾಗಿದೆ’ ಎಂದು ಇನ್ಫೊಸಿಸ್, ಬುಧವಾರ ಷೇರುಪೇಟೆಗೆ ತಿಳಿಸಿದೆ.</p>.<h2>ವಂಚನೆ ಹೇಗೆ?:</h2>.<p>ಇನ್ಫೊಸಿಸ್ ಕಂಪನಿಯು ಮಾಹಿತಿ ತಂತ್ರಜ್ಞಾನ ಸೇರಿ ಇತರೆ ಸೇವೆ ಒದಗಿಸಲು ವಿದೇಶಗಳಲ್ಲಿ ಹಲವು ಸೇವಾದಾರರೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಅವರಿಗೆ ಅನುಕೂಲ ಕಲ್ಪಿಸಲು ಸಾಗರೋತ್ತರ ಶಾಖೆಗಳನ್ನು ತೆರೆದಿದೆ.</p>.<p>ಸಮಗ್ರ ಸರಕು ಮತ್ತು ಸೇವಾ ಕಾಯ್ದೆಯಡಿ ಇವರನ್ನು ‘ವಿಶಿಷ್ಟ ವ್ಯಕ್ತಿಗಳು’ ಎಂದು ಪರಿಗಣಿಸಲಾಗುತ್ತದೆ. ಹಾಗಾಗಿ, ಇವರಿಂದ ಪಡೆಯುವ ಸೇವೆಗೆ ಸಮಗ್ರ ಜಿಎಸ್ಟಿ ಅನ್ವಯವಾಗಲಿದೆ ಎಂದು ಮಹಾನಿರ್ದೇಶನಾಲಯವು ತಿಳಿಸಿದೆ.</p>.<p>ಕಂಪನಿಯು ಸಾಗರೋತ್ತರ ಶಾಖೆಯ ಕಚೇರಿಗಳಿಂದ ಸರಬರಾಜು ಸ್ವೀಕೃತಿಗಳನ್ನು ಪಡೆದಿದೆ. ಆದರೆ, ಇದಕ್ಕೆ ಬದಲಾಗಿ ಶಾಖೆಗಳ ಕಚೇರಿಯ ವೆಚ್ಚವನ್ನು ತೋರಿಸಿದೆ. ಆದರೆ, ಸೇವೆ ಸ್ವೀಕರಿಸಿದ ಸರಬರಾಜಿನ ಮೇಲೆ ರಿವರ್ಸ್ ಚಾರ್ಜ್ ಕಾರ್ಯ ವಿಧಾನದ ಅನ್ವಯ ಕಂಪನಿಯು ಸಮಗ್ರ ಜಿಎಸ್ಟಿ ಪಾವತಿಸಬೇಕಿದೆ ಎಂದು ತಿಳಿಸಿದೆ. </p>.<p>ಈ ತೆರಿಗೆ ವಂಚನೆ ಬಗ್ಗೆ ಡಿಜಿಜಿಐ ಅಧಿಕಾರಿಗಳು ಇನ್ಫೊಸಿಸ್ ಕಂಪನಿಗೆ ಭೇಟಿ ನೀಡಿ ಪರಿಶೀಲಿಸುವ ಸಾಧ್ಯತೆಯಿದೆ.</p>.<h2> ಕಂಪನಿಯ ಹೇಳಿಕೆ ಏನು?</h2>.<p> ‘ಕಾನೂನಿನ ಮೇಲೆ ನಮಗೆ ನಂಬಿಕೆಯಿದೆ. ಜಿಎಸ್ಟಿ ಗುಪ್ತಚರ ಮಹಾನಿರ್ದೇಶನಾಲಯದಿಂದ ಸ್ವೀಕರಿಸಿರುವ ಪ್ರೀ ಷೋಕಾಸ್ ನೋಟಿಸ್ಗೆ ಸಮಂಜಸ ಉತ್ತರ ನೀಡಲಾಗುವುದು’ ಎಂದು ಇನ್ಫೊಸಿಸ್ ತಿಳಿಸಿದೆ. ‘ಸಾಗರೋತ್ತರ ಕಚೇರಿಗಳ ವೆಚ್ಚಕ್ಕೆ ಸರಕು ಮತ್ತು ಸೇವಾ ತೆರಿಗೆ ಅನ್ವಯವಾಗುವುದಿಲ್ಲ’ ಎಂದು ಹೇಳಿದೆ. </p><p>ಭಾರತದಲ್ಲಿ ಇರುವ ಯಾವುದೇ ಕಂಪನಿಗೆ ಸಾಗರೋತ್ತರ ಶಾಖೆಗಳಿಂದ ಒದಗಿಸುವ ಸೇವೆಗೆ ಜಿಎಸ್ಟಿ ಅನ್ವಯವಾಗುವುದಿಲ್ಲ. ಈ ಬಗ್ಗೆ ಜಿಎಸ್ಟಿ ಮಂಡಳಿಯ ಶಿಫಾರಸು ಅನ್ವಯ ಕೇಂದ್ರೀಯ ಪರೋಕ್ಷ ತೆರಿಗೆಗಳು ಮತ್ತು ಕಸ್ಟಮ್ಸ್ ಮಂಡಳಿಯು ಸುತ್ತೋಲೆ ಹೊರಡಿಸಿದೆ’ ಎಂದು ತಿಳಿಸಿದೆ. </p><p>ಐ.ಟಿ ರಫ್ತು ಸೇವೆಗಳಿಗೆ ಪಾವತಿಸುವ ಜಿಎಸ್ಟಿಗೆ ಸಂಬಂಧಿಸಿದಂತೆ ಕ್ರೆಡಿಟ್ ಅಥವಾ ಮರುಪಾವತಿ ಸೌಲಭ್ಯ ಪಡೆಯುವ ಅವಕಾಶವಿದೆ. ಕಂಪನಿಯು ಯಾವುದೇ ಜಿಎಸ್ಟಿ ಬಾಕಿ ಉಳಿಸಿಕೊಂಡಿಲ್ಲ. ಕೇಂದ್ರ ಮತ್ತು ರಾಜ್ಯದ ತೆರಿಗೆ ನಿಯಮಾವಳಿಗಳನ್ನು ಪಾಲಿಸುತ್ತಿದೆ ಎಂದು ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ದೇಶದ ಎರಡನೇ ಅತಿದೊಡ್ಡ ಐ.ಟಿ ಸೇವಾ ಕಂಪನಿಯಾದ ಇನ್ಫೊಸಿಸ್ಗೆ ₹32,403 ಕೋಟಿ ಸಮಗ್ರ ಜಿಎಸ್ಟಿ ವಂಚನೆ ಎಸಗಿರುವ ಆರೋಪದ ಮೇರೆಗೆ ಬೆಂಗಳೂರಿನ ಜಿಎಸ್ಟಿ ಗುಪ್ತಚರ ಮಹಾನಿರ್ದೇಶನಾಲಯವು (ಡಿಜಿಜಿಐ), ಪ್ರೀ ಷೋಕಾಸ್ ನೋಟಿಸ್ ನೀಡಿದೆ.</p>.<p>‘2017ರ ಜುಲೈನಿಂದ 2021–2022ರ ವರೆಗೆ ವಿದೇಶಗಳಲ್ಲಿ ಇರುವ ತನ್ನ ಶಾಖೆಗಳ ಸೇವೆಗಳಿಗೆ ಸಮಗ್ರ ಜಿಎಸ್ಟಿ ಪಾವತಿಗೆ ಸಂಬಂಧಿಸಿದಂತೆ ನೋಟಿಸ್ ಸ್ವೀಕರಿಸಲಾಗಿದೆ’ ಎಂದು ಇನ್ಫೊಸಿಸ್, ಬುಧವಾರ ಷೇರುಪೇಟೆಗೆ ತಿಳಿಸಿದೆ.</p>.<h2>ವಂಚನೆ ಹೇಗೆ?:</h2>.<p>ಇನ್ಫೊಸಿಸ್ ಕಂಪನಿಯು ಮಾಹಿತಿ ತಂತ್ರಜ್ಞಾನ ಸೇರಿ ಇತರೆ ಸೇವೆ ಒದಗಿಸಲು ವಿದೇಶಗಳಲ್ಲಿ ಹಲವು ಸೇವಾದಾರರೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಅವರಿಗೆ ಅನುಕೂಲ ಕಲ್ಪಿಸಲು ಸಾಗರೋತ್ತರ ಶಾಖೆಗಳನ್ನು ತೆರೆದಿದೆ.</p>.<p>ಸಮಗ್ರ ಸರಕು ಮತ್ತು ಸೇವಾ ಕಾಯ್ದೆಯಡಿ ಇವರನ್ನು ‘ವಿಶಿಷ್ಟ ವ್ಯಕ್ತಿಗಳು’ ಎಂದು ಪರಿಗಣಿಸಲಾಗುತ್ತದೆ. ಹಾಗಾಗಿ, ಇವರಿಂದ ಪಡೆಯುವ ಸೇವೆಗೆ ಸಮಗ್ರ ಜಿಎಸ್ಟಿ ಅನ್ವಯವಾಗಲಿದೆ ಎಂದು ಮಹಾನಿರ್ದೇಶನಾಲಯವು ತಿಳಿಸಿದೆ.</p>.<p>ಕಂಪನಿಯು ಸಾಗರೋತ್ತರ ಶಾಖೆಯ ಕಚೇರಿಗಳಿಂದ ಸರಬರಾಜು ಸ್ವೀಕೃತಿಗಳನ್ನು ಪಡೆದಿದೆ. ಆದರೆ, ಇದಕ್ಕೆ ಬದಲಾಗಿ ಶಾಖೆಗಳ ಕಚೇರಿಯ ವೆಚ್ಚವನ್ನು ತೋರಿಸಿದೆ. ಆದರೆ, ಸೇವೆ ಸ್ವೀಕರಿಸಿದ ಸರಬರಾಜಿನ ಮೇಲೆ ರಿವರ್ಸ್ ಚಾರ್ಜ್ ಕಾರ್ಯ ವಿಧಾನದ ಅನ್ವಯ ಕಂಪನಿಯು ಸಮಗ್ರ ಜಿಎಸ್ಟಿ ಪಾವತಿಸಬೇಕಿದೆ ಎಂದು ತಿಳಿಸಿದೆ. </p>.<p>ಈ ತೆರಿಗೆ ವಂಚನೆ ಬಗ್ಗೆ ಡಿಜಿಜಿಐ ಅಧಿಕಾರಿಗಳು ಇನ್ಫೊಸಿಸ್ ಕಂಪನಿಗೆ ಭೇಟಿ ನೀಡಿ ಪರಿಶೀಲಿಸುವ ಸಾಧ್ಯತೆಯಿದೆ.</p>.<h2> ಕಂಪನಿಯ ಹೇಳಿಕೆ ಏನು?</h2>.<p> ‘ಕಾನೂನಿನ ಮೇಲೆ ನಮಗೆ ನಂಬಿಕೆಯಿದೆ. ಜಿಎಸ್ಟಿ ಗುಪ್ತಚರ ಮಹಾನಿರ್ದೇಶನಾಲಯದಿಂದ ಸ್ವೀಕರಿಸಿರುವ ಪ್ರೀ ಷೋಕಾಸ್ ನೋಟಿಸ್ಗೆ ಸಮಂಜಸ ಉತ್ತರ ನೀಡಲಾಗುವುದು’ ಎಂದು ಇನ್ಫೊಸಿಸ್ ತಿಳಿಸಿದೆ. ‘ಸಾಗರೋತ್ತರ ಕಚೇರಿಗಳ ವೆಚ್ಚಕ್ಕೆ ಸರಕು ಮತ್ತು ಸೇವಾ ತೆರಿಗೆ ಅನ್ವಯವಾಗುವುದಿಲ್ಲ’ ಎಂದು ಹೇಳಿದೆ. </p><p>ಭಾರತದಲ್ಲಿ ಇರುವ ಯಾವುದೇ ಕಂಪನಿಗೆ ಸಾಗರೋತ್ತರ ಶಾಖೆಗಳಿಂದ ಒದಗಿಸುವ ಸೇವೆಗೆ ಜಿಎಸ್ಟಿ ಅನ್ವಯವಾಗುವುದಿಲ್ಲ. ಈ ಬಗ್ಗೆ ಜಿಎಸ್ಟಿ ಮಂಡಳಿಯ ಶಿಫಾರಸು ಅನ್ವಯ ಕೇಂದ್ರೀಯ ಪರೋಕ್ಷ ತೆರಿಗೆಗಳು ಮತ್ತು ಕಸ್ಟಮ್ಸ್ ಮಂಡಳಿಯು ಸುತ್ತೋಲೆ ಹೊರಡಿಸಿದೆ’ ಎಂದು ತಿಳಿಸಿದೆ. </p><p>ಐ.ಟಿ ರಫ್ತು ಸೇವೆಗಳಿಗೆ ಪಾವತಿಸುವ ಜಿಎಸ್ಟಿಗೆ ಸಂಬಂಧಿಸಿದಂತೆ ಕ್ರೆಡಿಟ್ ಅಥವಾ ಮರುಪಾವತಿ ಸೌಲಭ್ಯ ಪಡೆಯುವ ಅವಕಾಶವಿದೆ. ಕಂಪನಿಯು ಯಾವುದೇ ಜಿಎಸ್ಟಿ ಬಾಕಿ ಉಳಿಸಿಕೊಂಡಿಲ್ಲ. ಕೇಂದ್ರ ಮತ್ತು ರಾಜ್ಯದ ತೆರಿಗೆ ನಿಯಮಾವಳಿಗಳನ್ನು ಪಾಲಿಸುತ್ತಿದೆ ಎಂದು ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>