<p><strong>ನವದೆಹಲಿ:</strong> ಬ್ಯಾಂಕ್ ವೈಫಲ್ಯದಿಂದಾಗಿ ಹಣ ಕಳೆದುಕೊಂಡಿರುವ ಅಂದಾಜು ಮೂರು ಲಕ್ಷ ಠೇವಣಿದಾರರಿಗೆ ಅವರ ಹಣವು ಶೀಘ್ರದಲ್ಲಿಯೇ ಮರಳಿ ಸಿಗಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಭರವಸೆ ನೀಡಿದರು.</p>.<p>ಬ್ಯಾಂಕ್ ಠೇವಣಿದಾರರಿಗೆ ವಿಮಾ ಸುರಕ್ಷೆಯನ್ನು ₹ 5 ಲಕ್ಷಕ್ಕೆ ಹೆಚ್ಚಿಸುವ ಕಾನೂನು ಜಾರಿಗೆ ಬಂದ ನಂತರದಲ್ಲಿ ಒಂದು ಲಕ್ಷಕ್ಕೂ ಹೆಚ್ಚಿನ ಠೇವಣಿದಾರರು ಒಟ್ಟು ₹ 1,300 ಕೋಟಿ ಪಡೆದುಕೊಂಡಿದ್ದಾರೆ ಎಂದು ಮೋದಿ ಅವರು ಹೇಳಿದರು. ಬ್ಯಾಂಕ್ನಲ್ಲಿ ಠೇವಣಿ ರೂಪದಲ್ಲಿ ಇರಿಸಿರುವ ಹಣದ ಸುರಕ್ಷತೆಗೆ ಸಂಬಂಧಿಸಿದ ‘ಠೇವಣಿದಾರರು ಮೊದಲು’ ಎಂಬ ಕಾರ್ಯಕ್ರಮದಲ್ಲಿ ಅವರು ಈ ಮಾತು ಹೇಳಿದರು.</p>.<p>ಮೊದಲು ₹ 50 ಸಾವಿರದವೆಗಿನ ಠೇವಣಿ ಹಣಕ್ಕೆ ವಿಮಾ ಸುರಕ್ಷತೆ ಇತ್ತು. ನಂತರ ಈ ಮೊತ್ತವನ್ನು ₹ 1 ಲಕ್ಷಕ್ಕೆ ಹೆಚ್ಚಿಸಲಾಯಿತು. ಆದರೆ, ವಿಮಾ ಹಣ ಪಾವತಿಗೆ ಕಾಲಮಿತಿ ಇರಲಿಲ್ಲ ಎಂದು ಮೋದಿ ಹೇಳಿದರು.</p>.<p>‘ಬಡ ಹಾಗೂ ಮಧ್ಯಮ ವರ್ಗದ ಜನರ ಸಮಸ್ಯೆಗಳನ್ನು ಅರ್ಥ ಮಾಡಿಕೊಂಡು ನಾವು ವಿಮಾ ಸುರಕ್ಷತೆಯ ಮೊತ್ತವನ್ನು ₹ 5 ಲಕ್ಷಕ್ಕೆ ಹೆಚ್ಚಿಸಿದೆವು. ಅಲ್ಲದೆ, ವಿಮಾ ಹಣವನ್ನು 90 ದಿನಗಳಲ್ಲಿ ಠೇವಣಿದಾರರಿಗೆ ನೀಡಬೇಕು ಎಂದು ಕೂಡ ನಮ್ಮ ಸರ್ಕಾರವು ಹೇಳಿದೆ. ಅಂದರೆ, ಒಂದು ಬ್ಯಾಂಕ್ ಮುಳುಗುತ್ತಿದೆ ಎಂದಿದ್ದರೂ ಠೇವಣಿದಾರರಿಗೆ ಅವರ ಹಣವು 90 ದಿನಗಳಲ್ಲಿ ಸಿಗುತ್ತದೆ’ ಎಂದು ಅವರು ಹೇಳಿದರು.</p>.<p>ಬ್ಯಾಂಕ್ಗಳ ಮೇಲೆ ಆರ್ಬಿಐ ನಿರ್ಬಂಧ ವಿಧಿಸಿದ 90 ದಿನಗಳಲ್ಲಿ₹ 5 ಲಕ್ಷದವರೆಗಿನ ಠೇವಣಿಗಳಿಗೆ ವಿಮಾ ಸುರಕ್ಷತೆಯನ್ನು ಒದಗಿಸುವ ‘ಠೇವಣಿ ವಿಮೆ ಮತ್ತು ಸಾಲ ಖಾತರಿ ನಿಗಮ (ತಿದ್ದುಪಡಿ) ಮಸೂದೆ’ಗೆ ಸಂಸತ್ತು ಈ ವರ್ಷದ ಆರಂಭದಲ್ಲಿ ಅನುಮೋದನೆ ನೀಡಿದೆ.</p>.<p>ವಿಮಾ ಮೊತ್ತವನ್ನು ಹೆಚ್ಚಿಸಿದ ನಂತರದಲ್ಲಿ, ಸಂಪೂರ್ಣವಾಗಿ ವಿಮಾ ಸುರಕ್ಷೆಗೆ ಒಳಪಟ್ಟ ಖಾತೆಗಳ ಪ್ರಮಾಣವು ಶೇಕಡ 98.1ರಷ್ಟು ಆಗಿದೆ. ಇದು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಅನುಸರಿಸಲಾಗುತ್ತಿರುವ ಶೇಕಡ 80ರ ಮಾನದಂಡಕ್ಕಿಂತಲೂ ಶೇ 18ರಷ್ಟು ಹೆಚ್ಚು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಬ್ಯಾಂಕ್ ವೈಫಲ್ಯದಿಂದಾಗಿ ಹಣ ಕಳೆದುಕೊಂಡಿರುವ ಅಂದಾಜು ಮೂರು ಲಕ್ಷ ಠೇವಣಿದಾರರಿಗೆ ಅವರ ಹಣವು ಶೀಘ್ರದಲ್ಲಿಯೇ ಮರಳಿ ಸಿಗಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಭರವಸೆ ನೀಡಿದರು.</p>.<p>ಬ್ಯಾಂಕ್ ಠೇವಣಿದಾರರಿಗೆ ವಿಮಾ ಸುರಕ್ಷೆಯನ್ನು ₹ 5 ಲಕ್ಷಕ್ಕೆ ಹೆಚ್ಚಿಸುವ ಕಾನೂನು ಜಾರಿಗೆ ಬಂದ ನಂತರದಲ್ಲಿ ಒಂದು ಲಕ್ಷಕ್ಕೂ ಹೆಚ್ಚಿನ ಠೇವಣಿದಾರರು ಒಟ್ಟು ₹ 1,300 ಕೋಟಿ ಪಡೆದುಕೊಂಡಿದ್ದಾರೆ ಎಂದು ಮೋದಿ ಅವರು ಹೇಳಿದರು. ಬ್ಯಾಂಕ್ನಲ್ಲಿ ಠೇವಣಿ ರೂಪದಲ್ಲಿ ಇರಿಸಿರುವ ಹಣದ ಸುರಕ್ಷತೆಗೆ ಸಂಬಂಧಿಸಿದ ‘ಠೇವಣಿದಾರರು ಮೊದಲು’ ಎಂಬ ಕಾರ್ಯಕ್ರಮದಲ್ಲಿ ಅವರು ಈ ಮಾತು ಹೇಳಿದರು.</p>.<p>ಮೊದಲು ₹ 50 ಸಾವಿರದವೆಗಿನ ಠೇವಣಿ ಹಣಕ್ಕೆ ವಿಮಾ ಸುರಕ್ಷತೆ ಇತ್ತು. ನಂತರ ಈ ಮೊತ್ತವನ್ನು ₹ 1 ಲಕ್ಷಕ್ಕೆ ಹೆಚ್ಚಿಸಲಾಯಿತು. ಆದರೆ, ವಿಮಾ ಹಣ ಪಾವತಿಗೆ ಕಾಲಮಿತಿ ಇರಲಿಲ್ಲ ಎಂದು ಮೋದಿ ಹೇಳಿದರು.</p>.<p>‘ಬಡ ಹಾಗೂ ಮಧ್ಯಮ ವರ್ಗದ ಜನರ ಸಮಸ್ಯೆಗಳನ್ನು ಅರ್ಥ ಮಾಡಿಕೊಂಡು ನಾವು ವಿಮಾ ಸುರಕ್ಷತೆಯ ಮೊತ್ತವನ್ನು ₹ 5 ಲಕ್ಷಕ್ಕೆ ಹೆಚ್ಚಿಸಿದೆವು. ಅಲ್ಲದೆ, ವಿಮಾ ಹಣವನ್ನು 90 ದಿನಗಳಲ್ಲಿ ಠೇವಣಿದಾರರಿಗೆ ನೀಡಬೇಕು ಎಂದು ಕೂಡ ನಮ್ಮ ಸರ್ಕಾರವು ಹೇಳಿದೆ. ಅಂದರೆ, ಒಂದು ಬ್ಯಾಂಕ್ ಮುಳುಗುತ್ತಿದೆ ಎಂದಿದ್ದರೂ ಠೇವಣಿದಾರರಿಗೆ ಅವರ ಹಣವು 90 ದಿನಗಳಲ್ಲಿ ಸಿಗುತ್ತದೆ’ ಎಂದು ಅವರು ಹೇಳಿದರು.</p>.<p>ಬ್ಯಾಂಕ್ಗಳ ಮೇಲೆ ಆರ್ಬಿಐ ನಿರ್ಬಂಧ ವಿಧಿಸಿದ 90 ದಿನಗಳಲ್ಲಿ₹ 5 ಲಕ್ಷದವರೆಗಿನ ಠೇವಣಿಗಳಿಗೆ ವಿಮಾ ಸುರಕ್ಷತೆಯನ್ನು ಒದಗಿಸುವ ‘ಠೇವಣಿ ವಿಮೆ ಮತ್ತು ಸಾಲ ಖಾತರಿ ನಿಗಮ (ತಿದ್ದುಪಡಿ) ಮಸೂದೆ’ಗೆ ಸಂಸತ್ತು ಈ ವರ್ಷದ ಆರಂಭದಲ್ಲಿ ಅನುಮೋದನೆ ನೀಡಿದೆ.</p>.<p>ವಿಮಾ ಮೊತ್ತವನ್ನು ಹೆಚ್ಚಿಸಿದ ನಂತರದಲ್ಲಿ, ಸಂಪೂರ್ಣವಾಗಿ ವಿಮಾ ಸುರಕ್ಷೆಗೆ ಒಳಪಟ್ಟ ಖಾತೆಗಳ ಪ್ರಮಾಣವು ಶೇಕಡ 98.1ರಷ್ಟು ಆಗಿದೆ. ಇದು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಅನುಸರಿಸಲಾಗುತ್ತಿರುವ ಶೇಕಡ 80ರ ಮಾನದಂಡಕ್ಕಿಂತಲೂ ಶೇ 18ರಷ್ಟು ಹೆಚ್ಚು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
