<p><strong>ಬೆಂಗಳೂರು:</strong> ಕಟ್ಟಡ ನಿರ್ಮಾಣಕ್ಕೆ ಅನುಮತಿ ಪಡೆಯಲು ಅಕ್ರಮ ಮಾರ್ಗ ಅನುಸರಿಸಿದ ಅಮೆರಿಕದ ಐ.ಟಿ ಸಂಸ್ಥೆ ಕಾಗ್ನಿಜಂಟ್ ಟೆಕ್ನಾಲಜಿ ಸೊಲುಷನ್ಸ್ ಕಾರ್ಪೊರೇಷನ್, ಯೋಜನಾ ವೆಚ್ಚದಲ್ಲಿ ₹ 114 ಕೋಟಿ ಉಳಿಸಿದೆ.</p>.<p>ಚೆನ್ನೈ ಮತ್ತು ಪುಣೆಯಲ್ಲಿ ಸಂಸ್ಥೆಯ ತಂತ್ರಜ್ಞಾನ ಕ್ಯಾಂಪಸ್ಗಳ ನಿರ್ಮಾಣಕ್ಕೆ ಪರಿಸರ, ವಿದ್ಯುತ್ ಮತ್ತಿತರ ಇಲಾಖೆಗಳ ಅನುಮತಿ ಪಡೆಯಲು ಸರ್ಕಾರಿ ಅಧಿಕಾರಿಗಳಿಗೆ ಲಂಚ ನೀಡಿದ ಕಾರಣಕ್ಕೆ ಅಮೆರಿಕದ ನ್ಯಾಯಾಂಗ ಇಲಾಖೆಯಿಂದ ಸಂಸ್ಥೆಯು ದಂಡನೆಗೆ ಒಳಗಾಗಿತ್ತು.</p>.<p>ಕಟ್ಟಡ ನಿರ್ಮಾಣದ ಬೃಹತ್ ಸಂಸ್ಥೆ ಲಾರ್ಸನ್ ಆ್ಯಂಡ್ ಟೂಬ್ರೊ, ಕಾಗ್ನಿಜಂಟ್ ಪರವಾಗಿ ಅಧಿಕಾರಿಗಳಿಗೆ ಅಂದಾಜು ₹ 25 ಕೋಟಿಗಳಷ್ಟು ಮೊತ್ತವನ್ನು ಲಂಚದ ರೂಪದಲ್ಲಿ ಪಾವತಿಸಿತ್ತು ಎಂದು ವಾಣಿಜ್ಯ ದಿನಪತ್ರಿಕೆ ಮಿಂಟ್ ವರದಿ ಮಾಡಿತ್ತು.</p>.<p>ಈ ಕಾನೂನುಬಾಹಿರ ಹಣ ಪಾವತಿಯು ಕಾಗ್ನಿಜಂಟ್ನ ಭಾರತದಲ್ಲಿನ ಬ್ಯಾಂಕ್ ಖಾತೆಗಳಿಂದ ಪಾವತಿಸಲಾಗಿತ್ತು. ಆದರೆ, ಈ ಲಂಚ ಪಾವತಿಯ ವಿವರಗಳನ್ನು ಸಂಸ್ಥೆಯ ಲೆಕ್ಕಪತ್ರಗಳಲ್ಲಿ ಸೂಕ್ತವಾಗಿ ನಮೂದಿಸಿರಲಿಲ್ಲ. ಈ ಬಗ್ಗೆ ಸಂಸ್ಥೆಯ ಆಂತರಿಕ ಲೆಕ್ಕಪತ್ರ ತಪಾಸಣೆಯನ್ನೂ ಸಮರ್ಪಕವಾಗಿ ನಡೆಸಿರಲಿಲ್ಲ. ಇದರಿಂದ ಸಂಸ್ಥೆಯು ಭ್ರಷ್ಟಾಚಾರ ವಿರೋಧಿ ನೀತಿಯನ್ನು ಸರಿಯಾಗಿ ಜಾರಿಗೆ ತರುವಲ್ಲಿ ವಿಫಲಗೊಂಡಿತ್ತು. ಸರ್ಕಾರಿ ಅಧಿಕಾರಿಗಳಿಗೆ ಲಂಚ ಪಾವತಿಸಿರುವುದು ಅಮೆರಿಕದ ಭ್ರಷ್ಟಾಚಾರ ಕಾಯ್ದೆಯ ಸ್ಪಷ್ಟ ಉಲ್ಲಂಘನೆಯಾಗಿತ್ತು.</p>.<p>ಕಟ್ಟಡ ನಿರ್ಮಾಣ ಗುತ್ತಿಗೆದಾರರು ಸಂಸ್ಥೆಯ ಪರವಾಗಿ ಹಣ ಪಾವತಿಸಲು ಕಾಗ್ನಿಜಂಟ್ ಅನುಮತಿ ನೀಡಿತ್ತು. ಇದರಿಂದ ಸಂಸ್ಥೆಗೆ ₹ 114 ಕೋಟಿ ಉಳಿತಾಯವಾಗಿದೆ. ಆದರೆ ಈ ಉಳಿತಾಯ ಹೇಗೆ ಸಾಧ್ಯವಾಯಿತು ಎನ್ನುವುದರ ಬಗ್ಗೆ ವಿವರಣೆ ಇಲ್ಲ.</p>.<p>ಲಂಚ ನೀಡಿದ್ದಕ್ಕೆ ಅಮೆರಿಕದ ನ್ಯಾಯಾಂಗ ಇಲಾಖೆಯು ಕಾಗ್ನಿಜಂಟ್ಗೆ ದಂಡ ವಿಧಿಸಿತ್ತು.</p>.<p>ಪ್ರಕರಣದಲ್ಲಿ ಸಂಸ್ಥೆಯ ಕೆಲ ಅಧಿಕಾರಿಗಳು ಭಾಗವಹಿಸಿದ್ದರೂ, ಕಾನೂನು ಕ್ರಮ ಕೈಗೊಳ್ಳುವುದನ್ನು ಕೈಬಿಡಲಾಗಿತ್ತು. ಲಂಚ ನೀಡಲಾಗಿರುವುದನ್ನು ಸಕಾಲದಲ್ಲಿ ಸ್ವಯಂ ಪ್ರೇರಣೆಯಿಂದ ಬಹಿರಂಗಪಡಿಸಿದ್ದರಿಂದ ದಂಡವನ್ನಷ್ಟೇ ವಿಧಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಕಟ್ಟಡ ನಿರ್ಮಾಣಕ್ಕೆ ಅನುಮತಿ ಪಡೆಯಲು ಅಕ್ರಮ ಮಾರ್ಗ ಅನುಸರಿಸಿದ ಅಮೆರಿಕದ ಐ.ಟಿ ಸಂಸ್ಥೆ ಕಾಗ್ನಿಜಂಟ್ ಟೆಕ್ನಾಲಜಿ ಸೊಲುಷನ್ಸ್ ಕಾರ್ಪೊರೇಷನ್, ಯೋಜನಾ ವೆಚ್ಚದಲ್ಲಿ ₹ 114 ಕೋಟಿ ಉಳಿಸಿದೆ.</p>.<p>ಚೆನ್ನೈ ಮತ್ತು ಪುಣೆಯಲ್ಲಿ ಸಂಸ್ಥೆಯ ತಂತ್ರಜ್ಞಾನ ಕ್ಯಾಂಪಸ್ಗಳ ನಿರ್ಮಾಣಕ್ಕೆ ಪರಿಸರ, ವಿದ್ಯುತ್ ಮತ್ತಿತರ ಇಲಾಖೆಗಳ ಅನುಮತಿ ಪಡೆಯಲು ಸರ್ಕಾರಿ ಅಧಿಕಾರಿಗಳಿಗೆ ಲಂಚ ನೀಡಿದ ಕಾರಣಕ್ಕೆ ಅಮೆರಿಕದ ನ್ಯಾಯಾಂಗ ಇಲಾಖೆಯಿಂದ ಸಂಸ್ಥೆಯು ದಂಡನೆಗೆ ಒಳಗಾಗಿತ್ತು.</p>.<p>ಕಟ್ಟಡ ನಿರ್ಮಾಣದ ಬೃಹತ್ ಸಂಸ್ಥೆ ಲಾರ್ಸನ್ ಆ್ಯಂಡ್ ಟೂಬ್ರೊ, ಕಾಗ್ನಿಜಂಟ್ ಪರವಾಗಿ ಅಧಿಕಾರಿಗಳಿಗೆ ಅಂದಾಜು ₹ 25 ಕೋಟಿಗಳಷ್ಟು ಮೊತ್ತವನ್ನು ಲಂಚದ ರೂಪದಲ್ಲಿ ಪಾವತಿಸಿತ್ತು ಎಂದು ವಾಣಿಜ್ಯ ದಿನಪತ್ರಿಕೆ ಮಿಂಟ್ ವರದಿ ಮಾಡಿತ್ತು.</p>.<p>ಈ ಕಾನೂನುಬಾಹಿರ ಹಣ ಪಾವತಿಯು ಕಾಗ್ನಿಜಂಟ್ನ ಭಾರತದಲ್ಲಿನ ಬ್ಯಾಂಕ್ ಖಾತೆಗಳಿಂದ ಪಾವತಿಸಲಾಗಿತ್ತು. ಆದರೆ, ಈ ಲಂಚ ಪಾವತಿಯ ವಿವರಗಳನ್ನು ಸಂಸ್ಥೆಯ ಲೆಕ್ಕಪತ್ರಗಳಲ್ಲಿ ಸೂಕ್ತವಾಗಿ ನಮೂದಿಸಿರಲಿಲ್ಲ. ಈ ಬಗ್ಗೆ ಸಂಸ್ಥೆಯ ಆಂತರಿಕ ಲೆಕ್ಕಪತ್ರ ತಪಾಸಣೆಯನ್ನೂ ಸಮರ್ಪಕವಾಗಿ ನಡೆಸಿರಲಿಲ್ಲ. ಇದರಿಂದ ಸಂಸ್ಥೆಯು ಭ್ರಷ್ಟಾಚಾರ ವಿರೋಧಿ ನೀತಿಯನ್ನು ಸರಿಯಾಗಿ ಜಾರಿಗೆ ತರುವಲ್ಲಿ ವಿಫಲಗೊಂಡಿತ್ತು. ಸರ್ಕಾರಿ ಅಧಿಕಾರಿಗಳಿಗೆ ಲಂಚ ಪಾವತಿಸಿರುವುದು ಅಮೆರಿಕದ ಭ್ರಷ್ಟಾಚಾರ ಕಾಯ್ದೆಯ ಸ್ಪಷ್ಟ ಉಲ್ಲಂಘನೆಯಾಗಿತ್ತು.</p>.<p>ಕಟ್ಟಡ ನಿರ್ಮಾಣ ಗುತ್ತಿಗೆದಾರರು ಸಂಸ್ಥೆಯ ಪರವಾಗಿ ಹಣ ಪಾವತಿಸಲು ಕಾಗ್ನಿಜಂಟ್ ಅನುಮತಿ ನೀಡಿತ್ತು. ಇದರಿಂದ ಸಂಸ್ಥೆಗೆ ₹ 114 ಕೋಟಿ ಉಳಿತಾಯವಾಗಿದೆ. ಆದರೆ ಈ ಉಳಿತಾಯ ಹೇಗೆ ಸಾಧ್ಯವಾಯಿತು ಎನ್ನುವುದರ ಬಗ್ಗೆ ವಿವರಣೆ ಇಲ್ಲ.</p>.<p>ಲಂಚ ನೀಡಿದ್ದಕ್ಕೆ ಅಮೆರಿಕದ ನ್ಯಾಯಾಂಗ ಇಲಾಖೆಯು ಕಾಗ್ನಿಜಂಟ್ಗೆ ದಂಡ ವಿಧಿಸಿತ್ತು.</p>.<p>ಪ್ರಕರಣದಲ್ಲಿ ಸಂಸ್ಥೆಯ ಕೆಲ ಅಧಿಕಾರಿಗಳು ಭಾಗವಹಿಸಿದ್ದರೂ, ಕಾನೂನು ಕ್ರಮ ಕೈಗೊಳ್ಳುವುದನ್ನು ಕೈಬಿಡಲಾಗಿತ್ತು. ಲಂಚ ನೀಡಲಾಗಿರುವುದನ್ನು ಸಕಾಲದಲ್ಲಿ ಸ್ವಯಂ ಪ್ರೇರಣೆಯಿಂದ ಬಹಿರಂಗಪಡಿಸಿದ್ದರಿಂದ ದಂಡವನ್ನಷ್ಟೇ ವಿಧಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
