<p><strong>ಬೆಂಗಳೂರು/ಮುಂಬೈ</strong> : ‘ಗೋ' ಏರ್ಲೈನ್ಸ್ನ ಮಾಲೀಕತ್ವ ಹೊಂದಿರುವ ವಾಡಿಯಾ ಸಮೂಹಕ್ಕೆ ಕಂಪನಿಯಿಂದ ಹೊರ ನಡೆಯುವ ಆಲೋಚನೆ ಇಲ್ಲ ಎಂದು ಕಂಪನಿ ಬುಧವಾರ ಸ್ಪಷ್ಟಪಡಿಸಿದೆ.</p>.<p>‘ವಾಡಿಯಾ ಸಮೂಹ, ಅದರಲ್ಲೂ ಮುಖ್ಯವಾಗಿ ನುಸ್ಲಿ ವಾಡಿಯಾ ಅವರು ಕಂಪನಿಯ ಚಟುವಟಿಕೆಗಳು ಮುನ್ನಡೆಯುತ್ತಿರಬೇಕು ಎಂದು ಯಾವಾಗಲೂ ಬಯಸಿದ್ದಾರೆ’ ಎಂದು ಕಂಪನಿಯ ಸಿಇಒ ಕೌಶಿಕ್ ಖೋನಾ ಹೇಳಿದ್ದಾರೆ. 'ಗೋ' ಏರ್ಲೈನ್ಸ್ ಕಂಪನಿಯು ಈಚೆಗೆ ‘ಗೋ ಫಸ್ಟ್’ ಎಂದು ಬ್ರ್ಯಾಂಡ್ ಬದಲಾಯಿಸಿಕೊಂಡಿದೆ.</p>.<p>ಭಾರತದ ವಿಮಾನಯಾನ ಮಾರುಕಟ್ಟೆಯಲ್ಲಿ 2019ರಲ್ಲಿ ಜೆಟ್ ಏರ್ವೇಸ್ ಕಂಪನಿ ಕಾರ್ಯಾಚರಣೆ ಸ್ಥಗಿತಗೊಳಿಸಿದ ನಂತರದಲ್ಲಿ, ಹಣಕಾಸಿನ ಸಂಕಷ್ಟಕ್ಕೆ ಸಿಲುಕಿರುವ ಮತ್ತೊಂದು ಕಂಪನಿ 'ಗೋ ಫಸ್ಟ್'. ಇದು ಭಾರತದ ವಿಮಾನಯಾನ ಮಾರುಕಟ್ಟೆಯಲ್ಲಿನ ತೀವ್ರ ಪೈಪೋಟಿಯನ್ನು ತೋರಿಸುತ್ತಿದೆ.</p>.<p>ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿಗೆ (ಎನ್ಸಿಎಲ್ಟಿ) ಸಲ್ಲಿಸಿರುವ ಅರ್ಜಿಯು ಕಂಪನಿಯ ಪುನಶ್ಚೇತನದ ಉದ್ದೇಶವನ್ನು ಹೊಂದಿದೆಯೇ ವಿನಾ, ಕಂಪನಿಯನ್ನು ಮಾರಾಟ ಮಾಡುವ ಇರಾದೆ ಹೊಂದಿಲ್ಲ ಎಂದು ಖೋನಾ ಹೇಳಿದ್ದಾರೆ.</p>.<p>2021ರ ಚಳಿಗಾಲದಲ್ಲಿ ಗೋ ಫಸ್ಟ್ ಕಂಪನಿಯು ಭಾರತದ ಮಾರುಕಟ್ಟೆಯಲ್ಲಿ ಶೇ 10ರಷ್ಟು ಪಾಲು ಹೊಂದಿತ್ತು. ಇದು 2022ರ ಅಕ್ಟೋಬರ್ ವೇಳೆಗೆ ಶೇ 7ಕ್ಕೆ ಕುಸಿಯಿತು.</p>.<p>ಕಂಪನಿಯಲ್ಲಿ ಷೇರು ಪಾಲು ಹೊಂದಲು ಕೆಲವರು ಆಸಕ್ತಿ ತೋರಿದ್ದಾರೆ ಎಂದು ಖೋನಾ ತಿಳಿಸಿದ್ದಾರೆ. ಅಲ್ಲದೆ, ‘ನಾವು ಸೋಲಬಾರದು ಎಂಬುದು ಕೇಂದ್ರ ಸರ್ಕಾರದ ಬಯಕೆಯೂ ಆಗಿದೆ’ ಎಂದಿದ್ದಾರೆ. ಈ ವಿಮಾನಯಾನ ಕಂಪನಿಯು ಒಟ್ಟು ₹ 6,521 ಕೋಟಿ ಸಾಲ ಹೊಂದಿದೆ. ಆದರೆ ಏಪ್ರಿಲ್ 30ರವರೆಗೆ ಕಂಪನಿಯು ಯಾವುದೇ ಸಾಲದ ಕಂತನ್ನು ಬಾಕಿ ಇರಿಸಿಕೊಂಡಿಲ್ಲ.</p>.<p>ಗೋ ಫಸ್ಟ್ ಕಂಪನಿಯು ವಿಮಾನಯಾನ ಸೇವೆ ಸ್ಥಗಿತಗೊಳಿಸಿರುವುದು ಹೆಚ್ಚಿನ ಅವಧಿಗೆ ಮುಂದುವರಿದಲ್ಲಿ, ಪ್ರತಿಸ್ಪರ್ಧಿ ಕಂಪನಿಗಳು ಹೆಚ್ಚಿನ ಮಾರುಕಟ್ಟೆ ಪಾಲು ಹೊಂದಲು ಮುಂದಾಗಬಹುದು ಎಂದು ಜೆಫರಿಸ್ ಸಂಸ್ಥೆಯ ವಿಶ್ಲೇಷಕ ಪ್ರತೀಕ್ ಕುಮಾರ್ ಹೇಳಿದ್ದಾರೆ.</p>.<p>ಈ ನಡುವೆ, ‘ಎಲ್ಲ ಸಿಬ್ಬಂದಿಯ ಬಗ್ಗೆ ಕಾಳಜಿ ಇಟ್ಟುಕೊಂಡು, ಕಂಪನಿಯನ್ನು ಈ ಸ್ಥಿತಿಯಿಂದ ಹೊರತರಲು ಸಾಧ್ಯವಿರುವ ಎಲ್ಲವನ್ನೂ ಮಾಡಲಾಗುತ್ತಿದೆ’ ಎಂಬ ಭರವಸೆಯನ್ನು ಖೋನಾ ನೀಡಿದ್ದಾರೆ. ಕಂಪನಿಯ ಸಿಬ್ಬಂದಿಗೆ ಮಂಗಳವಾರ ಸಂದೇಶ ರವಾನಿಸಿರುವ ಖೋನಾ, ಪ್ರಾಟ್ ಆ್ಯಂಡ್ ವಿಟ್ನಿ ಕಂಪನಿಯು ಎಂಜಿನ್ ಪೂರೈಸಲು ವಿಫಲವಾದ ಕಾರಣದಿಂದಾಗಿ ವಿಮಾನಯಾನ ಕಂಪನಿಗೆ ಸಮಸ್ಯೆ ಎದುರಾಗಿದೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು/ಮುಂಬೈ</strong> : ‘ಗೋ' ಏರ್ಲೈನ್ಸ್ನ ಮಾಲೀಕತ್ವ ಹೊಂದಿರುವ ವಾಡಿಯಾ ಸಮೂಹಕ್ಕೆ ಕಂಪನಿಯಿಂದ ಹೊರ ನಡೆಯುವ ಆಲೋಚನೆ ಇಲ್ಲ ಎಂದು ಕಂಪನಿ ಬುಧವಾರ ಸ್ಪಷ್ಟಪಡಿಸಿದೆ.</p>.<p>‘ವಾಡಿಯಾ ಸಮೂಹ, ಅದರಲ್ಲೂ ಮುಖ್ಯವಾಗಿ ನುಸ್ಲಿ ವಾಡಿಯಾ ಅವರು ಕಂಪನಿಯ ಚಟುವಟಿಕೆಗಳು ಮುನ್ನಡೆಯುತ್ತಿರಬೇಕು ಎಂದು ಯಾವಾಗಲೂ ಬಯಸಿದ್ದಾರೆ’ ಎಂದು ಕಂಪನಿಯ ಸಿಇಒ ಕೌಶಿಕ್ ಖೋನಾ ಹೇಳಿದ್ದಾರೆ. 'ಗೋ' ಏರ್ಲೈನ್ಸ್ ಕಂಪನಿಯು ಈಚೆಗೆ ‘ಗೋ ಫಸ್ಟ್’ ಎಂದು ಬ್ರ್ಯಾಂಡ್ ಬದಲಾಯಿಸಿಕೊಂಡಿದೆ.</p>.<p>ಭಾರತದ ವಿಮಾನಯಾನ ಮಾರುಕಟ್ಟೆಯಲ್ಲಿ 2019ರಲ್ಲಿ ಜೆಟ್ ಏರ್ವೇಸ್ ಕಂಪನಿ ಕಾರ್ಯಾಚರಣೆ ಸ್ಥಗಿತಗೊಳಿಸಿದ ನಂತರದಲ್ಲಿ, ಹಣಕಾಸಿನ ಸಂಕಷ್ಟಕ್ಕೆ ಸಿಲುಕಿರುವ ಮತ್ತೊಂದು ಕಂಪನಿ 'ಗೋ ಫಸ್ಟ್'. ಇದು ಭಾರತದ ವಿಮಾನಯಾನ ಮಾರುಕಟ್ಟೆಯಲ್ಲಿನ ತೀವ್ರ ಪೈಪೋಟಿಯನ್ನು ತೋರಿಸುತ್ತಿದೆ.</p>.<p>ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿಗೆ (ಎನ್ಸಿಎಲ್ಟಿ) ಸಲ್ಲಿಸಿರುವ ಅರ್ಜಿಯು ಕಂಪನಿಯ ಪುನಶ್ಚೇತನದ ಉದ್ದೇಶವನ್ನು ಹೊಂದಿದೆಯೇ ವಿನಾ, ಕಂಪನಿಯನ್ನು ಮಾರಾಟ ಮಾಡುವ ಇರಾದೆ ಹೊಂದಿಲ್ಲ ಎಂದು ಖೋನಾ ಹೇಳಿದ್ದಾರೆ.</p>.<p>2021ರ ಚಳಿಗಾಲದಲ್ಲಿ ಗೋ ಫಸ್ಟ್ ಕಂಪನಿಯು ಭಾರತದ ಮಾರುಕಟ್ಟೆಯಲ್ಲಿ ಶೇ 10ರಷ್ಟು ಪಾಲು ಹೊಂದಿತ್ತು. ಇದು 2022ರ ಅಕ್ಟೋಬರ್ ವೇಳೆಗೆ ಶೇ 7ಕ್ಕೆ ಕುಸಿಯಿತು.</p>.<p>ಕಂಪನಿಯಲ್ಲಿ ಷೇರು ಪಾಲು ಹೊಂದಲು ಕೆಲವರು ಆಸಕ್ತಿ ತೋರಿದ್ದಾರೆ ಎಂದು ಖೋನಾ ತಿಳಿಸಿದ್ದಾರೆ. ಅಲ್ಲದೆ, ‘ನಾವು ಸೋಲಬಾರದು ಎಂಬುದು ಕೇಂದ್ರ ಸರ್ಕಾರದ ಬಯಕೆಯೂ ಆಗಿದೆ’ ಎಂದಿದ್ದಾರೆ. ಈ ವಿಮಾನಯಾನ ಕಂಪನಿಯು ಒಟ್ಟು ₹ 6,521 ಕೋಟಿ ಸಾಲ ಹೊಂದಿದೆ. ಆದರೆ ಏಪ್ರಿಲ್ 30ರವರೆಗೆ ಕಂಪನಿಯು ಯಾವುದೇ ಸಾಲದ ಕಂತನ್ನು ಬಾಕಿ ಇರಿಸಿಕೊಂಡಿಲ್ಲ.</p>.<p>ಗೋ ಫಸ್ಟ್ ಕಂಪನಿಯು ವಿಮಾನಯಾನ ಸೇವೆ ಸ್ಥಗಿತಗೊಳಿಸಿರುವುದು ಹೆಚ್ಚಿನ ಅವಧಿಗೆ ಮುಂದುವರಿದಲ್ಲಿ, ಪ್ರತಿಸ್ಪರ್ಧಿ ಕಂಪನಿಗಳು ಹೆಚ್ಚಿನ ಮಾರುಕಟ್ಟೆ ಪಾಲು ಹೊಂದಲು ಮುಂದಾಗಬಹುದು ಎಂದು ಜೆಫರಿಸ್ ಸಂಸ್ಥೆಯ ವಿಶ್ಲೇಷಕ ಪ್ರತೀಕ್ ಕುಮಾರ್ ಹೇಳಿದ್ದಾರೆ.</p>.<p>ಈ ನಡುವೆ, ‘ಎಲ್ಲ ಸಿಬ್ಬಂದಿಯ ಬಗ್ಗೆ ಕಾಳಜಿ ಇಟ್ಟುಕೊಂಡು, ಕಂಪನಿಯನ್ನು ಈ ಸ್ಥಿತಿಯಿಂದ ಹೊರತರಲು ಸಾಧ್ಯವಿರುವ ಎಲ್ಲವನ್ನೂ ಮಾಡಲಾಗುತ್ತಿದೆ’ ಎಂಬ ಭರವಸೆಯನ್ನು ಖೋನಾ ನೀಡಿದ್ದಾರೆ. ಕಂಪನಿಯ ಸಿಬ್ಬಂದಿಗೆ ಮಂಗಳವಾರ ಸಂದೇಶ ರವಾನಿಸಿರುವ ಖೋನಾ, ಪ್ರಾಟ್ ಆ್ಯಂಡ್ ವಿಟ್ನಿ ಕಂಪನಿಯು ಎಂಜಿನ್ ಪೂರೈಸಲು ವಿಫಲವಾದ ಕಾರಣದಿಂದಾಗಿ ವಿಮಾನಯಾನ ಕಂಪನಿಗೆ ಸಮಸ್ಯೆ ಎದುರಾಗಿದೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
