<p><strong>ನವದೆಹಲಿ</strong>: ದೇಶದಲ್ಲಿ ಹಾಲು ಉತ್ಪಾದನೆ 2022–23ರಲ್ಲಿ ಶೇ 4ರಷ್ಟು ಹೆಚ್ಚಳವಾಗಿ 23.58 ಕೋಟಿ ಟನ್ಗೆ ತಲುಪಿದೆ. ಮೊಟ್ಟೆ ಉತ್ಪಾದನೆ ಶೇ 7ರಷ್ಟು ಏರಿಕೆಯಾಗಿ 13,838 ಕೋಟಿಗೆ ತಲುಪಿದೆ ಎಂದು ಸರ್ಕಾರ ಭಾನುವಾರ ತಿಳಿಸಿದೆ.</p>.<p>ಕೇಂದ್ರ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಸಚಿವ ಪರ್ಶೋತ್ತಮ್ ರೂಪಾಲಾ ಅವರು ಗುವಾಹಟಿಯಲ್ಲಿ ನಡೆದ ರಾಷ್ಟ್ರೀಯ ಹಾಲು ದಿನದ ಕಾರ್ಯಕ್ರಮದಲ್ಲಿ 2023ರ (ಹಾಲು, ಮೊಟ್ಟೆ, ಮಾಂಸ ಮತ್ತು ಉಣ್ಣೆ ಉತ್ಪಾದನೆ 3) ಪಶುಸಂಗೋಪನೆ ಅಂಕಿ ಅಂಶಗಳನ್ನು ಬಿಡುಗಡೆ ಮಾಡಿದರು.</p>.<p>ಈ ಅಂಕಿ ಅಂಶವು ಪ್ರಾಣಿಗಳ ಸಮಗ್ರ ಮಾದರಿ ಸಮೀಕ್ಷೆ (2022ರ ಮಾರ್ಚ್–2023 ಫೆಬ್ರವರಿ) ಆಧಾರಿತವಾಗಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.</p>.<p>ದೇಶದಲ್ಲಿ ಒಟ್ಟು ಹಾಲು ಉತ್ಪಾದನೆ 2022–23ರಲ್ಲಿ 23.58 ಕೋಟಿ ಟನ್ ಎಂದು ಅಂದಾಜಿಸಲಾಗಿದೆ. 2021–22ರ ಅಂದಾಜಿಗಿಂತ ಶೇ 3.83ರಷ್ಟು ಬೆಳವಣಿಗೆ ದಾಖಲಿಸಿದೆ ಎಂದು ಸಚಿವರು ತಿಳಿಸಿದರು.</p>.<p>ವಾರ್ಷಿಕ ಬೆಳವಣಿಗೆ ದರ 2018–19ರಲ್ಲಿ ಶೇ 6.47, 2019–20ರಲ್ಲಿ ಶೇ 5.69, 2020–21ರಲ್ಲಿ ಶೇ 5.81 ಮತ್ತು 2021–22ರಲ್ಲಿ ಶೇ 5.77 ಇತ್ತು ಎಂದು ಮಾಹಿತಿ ತಿಳಿಸಿದೆ.</p>.<p>2022-23ರಲ್ಲಿ ಅತಿ ಹೆಚ್ಚು ಹಾಲು ಉತ್ಪಾದಿಸಿದ ರಾಜ್ಯ ಉತ್ತರ ಪ್ರದೇಶವಾಗಿದ್ದು, ಒಟ್ಟು ಹಾಲು ಉತ್ಪಾದನೆಯಲ್ಲಿ ಶೇ 15.72ರಷ್ಟು ಪಾಲು ಹೊಂದಿದೆ. ನಂತರ ರಾಜಸ್ಥಾನ (ಶೇ. 14.44), ಮಧ್ಯಪ್ರದೇಶ (ಶೇ. 8.73), ಗುಜರಾತ್ (ಶೇ. 7.49), ಮತ್ತು ಆಂಧ್ರಪ್ರದೇಶ (ಶೇ. 6.70) ಇವೆ.</p>.<p>ಕರ್ನಾಟಕದಲ್ಲಿ ಬೆಳವಣಿಗೆ ದರ ಹೆಚ್ಚು: ಹಿಂದಿನ ವರ್ಷಕ್ಕೆ ಹೋಲಿಸಿದರೆ ವಾರ್ಷಿಕ ಬೆಳವಣಿಗೆ ದರದಲ್ಲಿ, ಕರ್ನಾಟಕವು ಶೇ 8.76 ಅತ್ಯಧಿಕ ದರವನ್ನು ಹೊಂದಿದೆ. ಪಶ್ಚಿಮ ಬಂಗಾಳ (ಶೇ 8.65) ಮತ್ತು ಉತ್ತರ ಪ್ರದೇಶ (ಶೇ 6.99) ನಂತರದ ಸ್ಥಾನಗಳಲ್ಲಿ ಇವೆ. ಮೊಟ್ಟೆಯ ಉತ್ಪಾದನೆಯು 2022-23ರಲ್ಲಿ 13,838 ಕೋಟಿ ಎಂದು ಅಂದಾಜಿಸಿದ್ದು, 2018-19ರಲ್ಲಿ 10,380 ಕೋಟಿ ಇತ್ತು.</p>.<p>ಮೊಟ್ಟೆಯ ಉತ್ಪಾದನೆಯು 2021-22ಕ್ಕಿಂತ 2022-23 ರಲ್ಲಿ ಶೇ 6.77ರಷ್ಟು ಹೆಚ್ಚಾಗಿದೆ. ಆಂಧ್ರಪ್ರದೇಶ ಹೆಚ್ಚು ಮೊಟ್ಟೆ ಉತ್ಪಾದಿಸಿದ (ಶೇ 20.13) ರಾಜ್ಯವಾಗಿದೆ. ತಮಿಳುನಾಡು (ಶೇ 15.58), ತೆಲಂಗಾಣ (ಶೇ 12.77), ಪಶ್ಚಿಮ ಬಂಗಾಳ (ಶೇ 9.94) ಮತ್ತು ಕರ್ನಾಟಕ (ಶೇ 6.51) ನಂತರದ ಸ್ಥಾನಗಳಲ್ಲಿ ಇವೆ. 2022-23ರಲ್ಲಿ ಭಾರತದ ಉಣ್ಣೆ ಉತ್ಪಾದನೆಯು ಶೇ 2ರಷ್ಟು ಏರಿಕೆಯಾಗಿ 3.36 ಕೋಟಿ ಕೆಜಿಗೆ ತಲುಪಿದೆ. ಹಿಂದಿನ ವರ್ಷಕ್ಕಿಂತ 2022-23ರಲ್ಲಿ ಮಾಂಸ ಉತ್ಪಾದನೆಯು ಶೇ 5 ರಷ್ಟು ಏರಿಕೆಯಾಗಿ 97 ಲಕ್ಷ ಟನ್ಗೆ ತಲುಪಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ದೇಶದಲ್ಲಿ ಹಾಲು ಉತ್ಪಾದನೆ 2022–23ರಲ್ಲಿ ಶೇ 4ರಷ್ಟು ಹೆಚ್ಚಳವಾಗಿ 23.58 ಕೋಟಿ ಟನ್ಗೆ ತಲುಪಿದೆ. ಮೊಟ್ಟೆ ಉತ್ಪಾದನೆ ಶೇ 7ರಷ್ಟು ಏರಿಕೆಯಾಗಿ 13,838 ಕೋಟಿಗೆ ತಲುಪಿದೆ ಎಂದು ಸರ್ಕಾರ ಭಾನುವಾರ ತಿಳಿಸಿದೆ.</p>.<p>ಕೇಂದ್ರ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹೈನುಗಾರಿಕೆ ಸಚಿವ ಪರ್ಶೋತ್ತಮ್ ರೂಪಾಲಾ ಅವರು ಗುವಾಹಟಿಯಲ್ಲಿ ನಡೆದ ರಾಷ್ಟ್ರೀಯ ಹಾಲು ದಿನದ ಕಾರ್ಯಕ್ರಮದಲ್ಲಿ 2023ರ (ಹಾಲು, ಮೊಟ್ಟೆ, ಮಾಂಸ ಮತ್ತು ಉಣ್ಣೆ ಉತ್ಪಾದನೆ 3) ಪಶುಸಂಗೋಪನೆ ಅಂಕಿ ಅಂಶಗಳನ್ನು ಬಿಡುಗಡೆ ಮಾಡಿದರು.</p>.<p>ಈ ಅಂಕಿ ಅಂಶವು ಪ್ರಾಣಿಗಳ ಸಮಗ್ರ ಮಾದರಿ ಸಮೀಕ್ಷೆ (2022ರ ಮಾರ್ಚ್–2023 ಫೆಬ್ರವರಿ) ಆಧಾರಿತವಾಗಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.</p>.<p>ದೇಶದಲ್ಲಿ ಒಟ್ಟು ಹಾಲು ಉತ್ಪಾದನೆ 2022–23ರಲ್ಲಿ 23.58 ಕೋಟಿ ಟನ್ ಎಂದು ಅಂದಾಜಿಸಲಾಗಿದೆ. 2021–22ರ ಅಂದಾಜಿಗಿಂತ ಶೇ 3.83ರಷ್ಟು ಬೆಳವಣಿಗೆ ದಾಖಲಿಸಿದೆ ಎಂದು ಸಚಿವರು ತಿಳಿಸಿದರು.</p>.<p>ವಾರ್ಷಿಕ ಬೆಳವಣಿಗೆ ದರ 2018–19ರಲ್ಲಿ ಶೇ 6.47, 2019–20ರಲ್ಲಿ ಶೇ 5.69, 2020–21ರಲ್ಲಿ ಶೇ 5.81 ಮತ್ತು 2021–22ರಲ್ಲಿ ಶೇ 5.77 ಇತ್ತು ಎಂದು ಮಾಹಿತಿ ತಿಳಿಸಿದೆ.</p>.<p>2022-23ರಲ್ಲಿ ಅತಿ ಹೆಚ್ಚು ಹಾಲು ಉತ್ಪಾದಿಸಿದ ರಾಜ್ಯ ಉತ್ತರ ಪ್ರದೇಶವಾಗಿದ್ದು, ಒಟ್ಟು ಹಾಲು ಉತ್ಪಾದನೆಯಲ್ಲಿ ಶೇ 15.72ರಷ್ಟು ಪಾಲು ಹೊಂದಿದೆ. ನಂತರ ರಾಜಸ್ಥಾನ (ಶೇ. 14.44), ಮಧ್ಯಪ್ರದೇಶ (ಶೇ. 8.73), ಗುಜರಾತ್ (ಶೇ. 7.49), ಮತ್ತು ಆಂಧ್ರಪ್ರದೇಶ (ಶೇ. 6.70) ಇವೆ.</p>.<p>ಕರ್ನಾಟಕದಲ್ಲಿ ಬೆಳವಣಿಗೆ ದರ ಹೆಚ್ಚು: ಹಿಂದಿನ ವರ್ಷಕ್ಕೆ ಹೋಲಿಸಿದರೆ ವಾರ್ಷಿಕ ಬೆಳವಣಿಗೆ ದರದಲ್ಲಿ, ಕರ್ನಾಟಕವು ಶೇ 8.76 ಅತ್ಯಧಿಕ ದರವನ್ನು ಹೊಂದಿದೆ. ಪಶ್ಚಿಮ ಬಂಗಾಳ (ಶೇ 8.65) ಮತ್ತು ಉತ್ತರ ಪ್ರದೇಶ (ಶೇ 6.99) ನಂತರದ ಸ್ಥಾನಗಳಲ್ಲಿ ಇವೆ. ಮೊಟ್ಟೆಯ ಉತ್ಪಾದನೆಯು 2022-23ರಲ್ಲಿ 13,838 ಕೋಟಿ ಎಂದು ಅಂದಾಜಿಸಿದ್ದು, 2018-19ರಲ್ಲಿ 10,380 ಕೋಟಿ ಇತ್ತು.</p>.<p>ಮೊಟ್ಟೆಯ ಉತ್ಪಾದನೆಯು 2021-22ಕ್ಕಿಂತ 2022-23 ರಲ್ಲಿ ಶೇ 6.77ರಷ್ಟು ಹೆಚ್ಚಾಗಿದೆ. ಆಂಧ್ರಪ್ರದೇಶ ಹೆಚ್ಚು ಮೊಟ್ಟೆ ಉತ್ಪಾದಿಸಿದ (ಶೇ 20.13) ರಾಜ್ಯವಾಗಿದೆ. ತಮಿಳುನಾಡು (ಶೇ 15.58), ತೆಲಂಗಾಣ (ಶೇ 12.77), ಪಶ್ಚಿಮ ಬಂಗಾಳ (ಶೇ 9.94) ಮತ್ತು ಕರ್ನಾಟಕ (ಶೇ 6.51) ನಂತರದ ಸ್ಥಾನಗಳಲ್ಲಿ ಇವೆ. 2022-23ರಲ್ಲಿ ಭಾರತದ ಉಣ್ಣೆ ಉತ್ಪಾದನೆಯು ಶೇ 2ರಷ್ಟು ಏರಿಕೆಯಾಗಿ 3.36 ಕೋಟಿ ಕೆಜಿಗೆ ತಲುಪಿದೆ. ಹಿಂದಿನ ವರ್ಷಕ್ಕಿಂತ 2022-23ರಲ್ಲಿ ಮಾಂಸ ಉತ್ಪಾದನೆಯು ಶೇ 5 ರಷ್ಟು ಏರಿಕೆಯಾಗಿ 97 ಲಕ್ಷ ಟನ್ಗೆ ತಲುಪಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
