ಜಿಎಸ್‌ಟಿ | ಪರಿಹಾರ ಸೆಸ್‌ ವಿಲೀನಕ್ಕೆ ಚರ್ಚೆ

ನವದೆಹಲಿ : ಸರಕು ಮತ್ತು ಸೇವಾ ತೆರಿಗೆಯಲ್ಲಿಯೇ ಪರಿಹಾರ ಸೆಸ್ ಅನ್ನು ವಿಲೀನಗೊಳಿಸುವುದಕ್ಕೆ ಸಂಬಂಧಿಸಿದಂತೆ ಕೇಂದ್ರ ಹಣಕಾಸು ಖಾತೆಯ ರಾಜ್ಯ ಸಚಿವ ಪಂಕಜ್ ಚೌಧರಿ ಅವರ ಅಧ್ಯಕ್ಷತೆಯಲ್ಲಿ ಬುಧವಾರ ನಡೆದ 10 ಸಚಿವರ ಸಮಿತಿಯ ಮೊದಲ ಸಭೆಯಲ್ಲಿ ಚರ್ಚಿಸಲಾಗಿದೆ.

. ‘ಎಲ್ಲಾ ರಾಜ್ಯಗಳು ಜಿಎಸ್ಟಿ ಅಡಿ ಈ ಸೆಸ್ ಅನ್ನು ವಿಲೀನಗೊಳಿಸುವಂತೆ ಶಿಫಾರಸು ಮಾಡಿವೆ’ ಎಂದು ಮೂಲಗಳು ತಿಳಿಸಿವೆ.

. ಪರಿಹಾರ ಸೆಸ್ಗೆ ಸಂಬಂಧಿಸಿದಂತೆ ವರದಿ ಸಲ್ಲಿಸಲು ಈ ಸಮಿತಿ ರಚಿಸಲಾಗಿದೆ. ಜಿಎಸ್ಟಿ ಅಡಿ ಸೆಸ್ ವಿಲೀನಗೊಂಡರೆ ಆರೋಗ್ಯಕ್ಕೆ ಹಾನಿಕರವಾದ ವಸ್ತುಗಳು ಮತ್ತು ಐಷಾರಾಮಿ ಸರಕುಗಳ ಮೇಲೆ ವಿಧಿಸುವ ತೆರಿಗೆ ಪಟ್ಟಿಗೆ ಹೊಸ ಸರಕುಗಳನ್ನು ಸೇರ್ಪಡೆಗೊಳಿಸಲು ಅವಕಾಶ ಇರುವುದಿಲ್ಲ.

. ಪರಿಹಾರ ಸೆಸ್ ಅವಧಿಯು 2026ರ ಮಾರ್ಚ್ಗೆ ಅಂತ್ಯಗೊಳ್ಳಲಿದೆ. ಸಮಿತಿಯು ಈ ಬಗ್ಗೆ ಪರಿಶೀಲನೆ ನಡೆಸಿ ಡಿಸೆಂಬರ್ 31ರೊಳಗೆ ವರದಿ ಸಲ್ಲಿಸಲಿದೆ.

. ‘ಪರಿಹಾರ ಸೆಸ್ ಅನ್ನು ಭವಿಷ್ಯದಲ್ಲಿ ಯಾವ ರೂಪದಲ್ಲಿ ಸಂಗ್ರಹಿಸಬೇಕು ಎಂಬ ಬಗ್ಗೆ ಸಮಿತಿಯು ಚರ್ಚಿಸಲಿದೆ. ಪ್ರತಿ ರಾಜ್ಯವೂ ತನ್ನದೆ ಆದ ಅಭಿಪ್ರಾಯ ಮಂಡಿಸಿದೆ’ ಎಂದು ಸಭೆಯ ಬಳಿಕ ಸಚಿವ ಪಂಕಜ್ ಚೌಧರಿ ತಿಳಿಸಿದ್ದಾರೆ.

. ‘ಇದನ್ನು ಮುಂದುವರಿಸಬೇಕೇ, ಜಿಎಸ್ಟಿ ಅಡಿ ವಿಲೀನಗೊಳಿಸಬೇಕೇ, ಸೆಸ್ ವಿಧಿಸುವ ಪಟ್ಟಿಯಲ್ಲಿರುವ ಸರಕುಗಳನ್ನು ಪರಿಷ್ಕರಿಸಬೇಕೇ ಎಂಬ ಬಗ್ಗೆ ಚರ್ಚೆ ಮುಂದುವರಿಯಲಿದೆ’ ಎಂದು ಹೇಳಿದ್ದಾರೆ.

. ಮುಂದಿನ ಸಭೆಯು ನವೆಂಬರ್ ಎರಡನೇ ವಾರದಲ್ಲಿ ನಡೆಯಲಿದೆ.

. ಸಚಿವರ ಸಮಿತಿಯಲ್ಲಿ ಅಸ್ಸಾಂ, ಛತ್ತೀಸಗಢ, ಗುಜರಾತ್, ಕರ್ನಾಟಕ, ಮಧ್ಯಪ್ರದೇಶ, ಪಂಜಾಬ್, ತಮಿಳುನಾಡು, ಉತ್ತರಪ್ರದೇಶ, ಪಶ್ಚಿಮ ಬಂಗಾಳ ಇವೆ.

. 2017ರಲ್ಲಿ ಸರಕು ಮತ್ತು ಸೇವಾ ತೆರಿಗೆ ವ್ಯವಸ್ಥೆ ಜಾರಿಗೊಂಡಿತು. ಈ ವೇಳೆ ರಾಜ್ಯಗಳಿಗೆ ಆಗುವ ವರಮಾನದ ನಷ್ಟವನ್ನು ಮುಂದಿನ ಐದು ವರ್ಷದವರೆಗೆ ಭರಿಸುವುದಾಗಿ ಕೇಂದ್ರ ಸರ್ಕಾರ ಭರವಸೆ ನೀಡಿತ್ತು. ಹಾಗಾಗಿ, 2022ರ ಜೂನ್ವರೆಗೆ ಜಿಎಸ್ಟಿ ಪರಿಹಾರ ವ್ಯವಸ್ಥೆ ಜಾರಿಯಲ್ಲಿತ್ತು. ನಂತರ ಇದನ್ನು 2026ರ ವರೆಗೆ ವಿಸ್ತರಿಸಲಾಗಿದೆ.

. ಆರೋಗ್ಯಕ್ಕೆ ಹಾನಿಕರವಾದ ವಸ್ತುಗಳು ಮತ್ತು ಐಷಾರಾಮಿ ಸರಕುಗಳ ಮೇಲೆ ಶೇ 28ರಷ್ಟು ಹಾಗೂ ಅದಕ್ಕೂ ಹೆಚ್ಚು ಜಿಎಸ್ಟಿ ವಿಧಿಸಲಾಗುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜಿಎಸ್‌ಟಿ | ಪರಿಹಾರ ಸೆಸ್‌ ವಿಲೀನಕ್ಕೆ ಚರ್ಚೆ

ಚಿನಕುರುಳಿ: ಬುಧವಾರ, 16 ಅಕ್ಟೋಬರ್‌ 2024

ಚುರುಮುರಿ | ಸಮ್ಮೇಳನ ಸಂಕಟ

ಜನರ ಶೋಷಣೆಗೆ ಪಣ ತೊಟ್ಟ ಕರ್ನಾಟಕ ಸರ್ಕಾರ: ಸುಪ್ರೀಂ ಕೋರ್ಟ್ ಕಿಡಿ

ದಿನ ಭವಿಷ್ಯ | ಈ ರಾಶಿಯವರು ಇಂದು ವಿಪುಲ ಆದಾಯ ಪಡೆಯುವಿರಿ

ವಿಶ್ವಕಪ್‌ ಶೂಟಿಂಗ್: ಅಖಿಲ್‌ಗೆ ಕಂಚು

ಆಪ್ತಮಿತ್ರನ ಸಾಧನೆಗೆ ವಿರಾಟ್ ಅಭಿನಂದನೆ

ಡೆನ್ಮಾರ್ಕ್ ಓಪನ್: ಭಾರತದ ಸವಾಲು ಅಂತ್ಯ

ಹುಬ್ಬಳ್ಳಿ: ಸಾಕ್ಷಿ ಶೀರಳ್ಳಿಗೆ ಕಂಚಿನ ಪದಕ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಒಳನೋಟ: ‘ಅಡವಿ‘ಗೆ ಸೋಲಿಗರೇ ಮಾಲೀಕರು

ಚಿನಕುರುಳಿ: ಬುಧವಾರ, 16 ಅಕ್ಟೋಬರ್‌ 2024

ಚುರುಮುರಿ | ಸಮ್ಮೇಳನ ಸಂಕಟ

ಜನರ ಶೋಷಣೆಗೆ ಪಣ ತೊಟ್ಟ ಕರ್ನಾಟಕ ಸರ್ಕಾರ: ಸುಪ್ರೀಂ ಕೋರ್ಟ್ ಕಿಡಿ

ದಿನ ಭವಿಷ್ಯ | ಈ ರಾಶಿಯವರು ಇಂದು ವಿಪುಲ ಆದಾಯ ಪಡೆಯುವಿರಿ