3 ಬ್ಯಾಂಕ್‌, 8 ಕಂಪನಿ ರೇಟಿಂಗ್ಸ್‌ ಇಳಿಕೆ

ನವದೆಹಲಿ: ದೇಶದ ಸಾಲ ಮರುಪಾವತಿ ಸಾಮರ್ಥ್ಯ ತಗ್ಗಿಸಿದ ಮರು ದಿನವೇ, ಅಂತರರಾಷ್ಟ್ರೀಯ ರೇಟಿಂಗ್ ಸಂಸ್ಥೆಯಾಗಿರುವ ಮೂಡೀಸ್ ಇನ್ವೆಸ್ಟರ್ಸ್ ಸರ್ವಿಸ್, ಮೂರು ಬ್ಯಾಂಕ್ ಮತ್ತು ಎಂಟು ಹಣಕಾಸುಯೇತರ ಕಂಪನಿಗಳ ರೇಟಿಂಗ್ಸ್ ಅನ್ನೂ ತಗ್ಗಿಸಿದೆ.

. ಎಸ್ಬಿಐ, ಎಚ್ಡಿಎಫ್ಸಿ ಬ್ಯಾಂಕ್, ಆಮದು ಮತ್ತು ರಫ್ತು (ಎಕ್ಸಿಂ) ಬ್ಯಾಂಕ್ ಮತ್ತು ಹಣಕಾಸುಯೇತರ ಕಂಪನಿಗಳಾದ ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮ, ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್, ಆಯಿಲ್ ಇಂಡಿಯಾ, ಇಂಡಿಯನ್ ಆಯಿಲ್ ಕಾರ್ಪೊರೇಷನ್, ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್, ಪೆಟ್ರೊನೆಟ್ ಎಲ್ಎನ್ಜಿ, ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್ (ಟಿಸಿಎಸ್) ಮತ್ತು ಇನ್ಫೊಸಿಸ್ನ ರೇಟಿಂಗ್ಸ್ ತಗ್ಗಿಸಲಾಗಿದೆ. ಇವುಗಳ ರೇಟಿಂಗ್ಸ್ ಮುನ್ನೋಟವು ನಕಾರಾತ್ಮಕವಾಗಿದೆ. ರಿಲಯನ್ಸ್ ಇಂಡಸ್ಟ್ರೀಸ್ನ ಮುನ್ನೋಟವನ್ನು ನಕಾರಾತ್ಮಕದಿಂದ ಸ್ಥಿರತೆಗೆ ಪರಿಷ್ಕರಿಸಿದೆ.

. ಎಚ್ಡಿಎಫ್ಸಿಬ್ಯಾಂಕ್, ಎಕ್ಸಿಂ ಇಂಡಿಯಾ ಮತ್ತು ಎಸ್ಬಿಐನ ದೀರ್ಘಾವಧಿ ಸ್ಥಳೀಯ ಮತ್ತು ವಿದೇಶಿ ಕರೆನ್ಸಿ ಠೇವಣಿ ರೇಟಿಂಗ್ಸ್ ಅನ್ನು Baa2 ನಿಂದ Baa3ಗೆ ತಗ್ಗಿಸಿದೆ. ಇವುಗಳ ರೇಟಿಂಗ್ ಮುನ್ನೋಟವು ಋಣಾತ್ಮಕವಾಗಿದೆ.

. ಸೋಮವಾರವಷ್ಟೇ ಮೂಡೀಸ್, ದೇಶದ ಸಾಲ ಮರುಪಾವತಿ ಸಾಮರ್ಥ್ಯವನ್ನು 22 ವರ್ಷಗಳಲ್ಲಿ ಮೊದಲ ಬಾರಿಗೆ ಅತ್ಯಂತ ಕಡಿಮೆ ಹೂಡಿಕೆ ಶ್ರೇಣಿಯಾಗಿರುವ 'Baa3'ಗೆ ತಗ್ಗಿಸಿತ್ತು. ಇದು ‘ಜಂಕ್ ಸ್ಟೇಟಸ್’ಗಿಂತ ಒಂದು ಹಂತ ಮೇಲಿದೆಯಷ್ಟೆ.

. ಏನಿದು ಕ್ರೆಡಿಟ್ ರೇಟಿಂಗ್? ಕ್ರೆಡಿಟ್ ರೇಟಿಂಗ್ ಎನ್ನುವುದು ಸಾಲಗಾರರ ಇಲ್ಲವೆ ದೇಶವೊಂದರ ಸಾಲ ಮರುಪಾವತಿ ಸಾಮರ್ಥ್ಯದ ಪ್ರಮಾಣೀಕರಿಸಿದ ಅಂದಾಜು ಆಗಿರುತ್ತದೆ. ರೇಟಿಂಗ್ ಕಂಪನಿಗಳು ದೇಶದ ಸಾಲ ಮರುಪಾವತಿ ಸಾಮರ್ಥ್ಯವನ್ನು ಅಂದಾಜಿಸುತ್ತವೆ. ಹೂಡಿಕೆದಾರರು ದೇಶವೊಂದರಲ್ಲಿ ಹೂಡಿಕೆ ಮಾಡಿದ ಹಣ ವಾಪಸ್ ಬರುವ (ಸಾಲ ಮರುಪಾವತಿ ಸಾಮರ್ಥ್ಯ) ಕುರಿತು ರೇಟಿಂಗ್ಗಳು ಒಳನೋಟ ನೀಡುತ್ತವೆ.

. ರೇಟಿಂಗ್ ಪರಿಭಾಷೆಯಲ್ಲಿ ‘ಜಂಕ್ ಸ್ಟೇಟಸ್‘ ಎಂದರೆ ಸಾಲವನ್ನು ಮರು ಪಾವತಿಸಲು ಸರ್ಕಾರದ ಬಳಿ ಸಾಕಷ್ಟು ಹಣ ಇಲ್ಲದಿರುವಂತಹ ಪರಿಸ್ಥಿತಿ. ಭಾರತದ ರೇಟಿಂಗ್, ಜಂಕ್ ಸ್ಥಾನಮಾನಕ್ಕಿಂತ ಒಂದು ಹಂತ ಮೇಲಿದೆಯಷ್ಟೆ.

. ಭಾರತದ ರೇಟಿಂಗ್ ‘ಬಿಎಎ3’ಗೆ ಕಡಿತ ಭಾರತದ ರೇಟಿಂಗ್ ಅನ್ನು ಮೂಡಿಸ್, ‘ಬಿಎಎ2’ನಿಂದ ‘ಬಿಎಎ3’ಗೆ ತಗ್ಗಿಸಿದೆ. ಮಂದಗತಿಯ ಆರ್ಥಿಕ ಪ್ರಗತಿ ಮತ್ತು ವಿತ್ತೀಯ ಕೊರತೆ ಹೆಚ್ಚುತ್ತಿರುವುದಕ್ಕೆ ಕಡಿವಾಣ ಹಾಕಲು ಸರ್ಕಾರಕ್ಕೆ ಭಾರಿ ಸವಾಲುಗಳು ಎದುರಾಗಿವೆ. ಈ ಕಾರಣಕ್ಕೆ ಕೇಂದ್ರ ಸರ್ಕಾರದ ಸ್ಥಳೀಯ ಮತ್ತು ವಿದೇಶಿ ಕರೆನ್ಸಿಗಳ ರೇಟಿಂಗ್ ತಗ್ಗಿಸಲಾಗಿದೆ. ಆರ್ಥಿಕ ಪ್ರಗತಿಯ ಮುನ್ನೋಟ ಋಣಾತ್ಮಕವಾಗಿರಲಿದೆ ಎಂದು ಹೇಳಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

3 ಬ್ಯಾಂಕ್‌, 8 ಕಂಪನಿ ರೇಟಿಂಗ್ಸ್‌ ಇಳಿಕೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು