ಸುಂಕ ರಹಿತ ಆಮದು ರಿಯಾಯ್ತಿ ರದ್ದುಪಡಿಸಿದ ಅಮೆರಿಕ ಆಡಳಿತ

ವಾಷಿಂಗ್ಟನ್ : ಭಾರತದ 50 ಸರಕುಗಳ ಮೇಲಿನ ಸುಂಕ ರಹಿತ ಆಮದು ರಿಯಾಯ್ತಿಯನ್ನು ಅಮೆರಿಕದ ಡೊನಾಲ್ಡ್ ಟ್ರಂಪ್ ಆಡಳಿತ ರದ್ದುಪಡಿಸಿದೆ.

. ಭಾರತದ ಜತೆಗಿನ ವಾಣಿಜ್ಯ ವಹಿವಾಟಿಗೆ ಸಂಬಂಧಿಸಿದಂತೆ ಟ್ರಂಪ್ ಆಡಳಿತ ತಳೆದಿರುವ ಕಠಿಣ ನಿಲುವಿನ ಕಾರಣಕ್ಕೆ ಈ ಕ್ರಮ ಕೈಗೊಳ್ಳಲಾಗಿದೆ. 50 ಸರಕುಗಳಲ್ಲಿ ಬಹುತೇಕ ಕೈಮಗ್ಗ ಮತ್ತು ಕೃಷಿ ಸಲಕರಣೆಗಳು ಸೇರಿವೆ.

. ಆಮದು ಸುಂಕದಿಂದ ವಿನಾಯ್ತಿ ಪಡೆದಿದ್ದ ಪಟ್ಟಿಯಿಂದ 90 ಸರಕುಗಳನ್ನು ಕೈಬಿಟ್ಟು ಟ್ರಂಪ್ ಆಡಳಿತ ಅಧಿಸೂಚನೆ ಹೊರಡಿಸಿದೆ. ಇವುಗಳಲ್ಲಿ ಭಾರತದ 50 ಸರಕುಗಳು ಸೇರಿವೆ. ನವೆಂಬರ್ 1ರಿಂದಲೇ ಈ ಆದೇಶ ಜಾರಿಗೆ ಬಂದಿದೆ.

. ಈ ಸರಕುಗಳನ್ನು ಆಮದು ಮಾಡಿಕೊಳ್ಳಲು ಯಾವುದೇ ನಿರ್ಬಂಧ ಇಲ್ಲ. ಇವುಗಳು ಪರಮಾಪ್ತ ದೇಶಗಳಿಗೆ ಅನ್ವಯಿಸುವ ಆಮದು ಸುಂಕಗಳಿಗೆ ಒಳಪಟ್ಟಿವೆ ಎಂದು ಅಮೆರಿಕದ ವಾಣಿಜ್ಯ ಪ್ರತಿನಿಧಿ ತಿಳಿಸಿದ್ದಾರೆ.

. ಈ ನಿಬಂಧನೆಯು ಯಾವುದೇ ದೇಶದ ವಿರುದ್ಧ ಇಲ್ಲ. ನಿರ್ದಿಷ್ಟ ಸರಕುಗಳಿಗೆ ಮಾತ್ರ ಸಂಬಂಧಿಸಿದೆ. ಭಾರತವು, ಸುಂಕ ರಹಿತ ಆಮದು ವಿನಾಯ್ತಿಯ ಪ್ರಯೋಜನ ಪಡೆಯುವ ಅತಿದೊಡ್ಡ ದೇಶವಾಗಿದೆ.

. ಆಯ್ದ ದೇಶಗಳ ಸಾವಿರಾರು ಉತ್ಪನ್ನಗಳನ್ನು ಆಮದು ಸುಂಕದ ವ್ಯಾಪ್ತಿಗೆ ತರದೇ ದ್ವಿಪಕ್ಷೀಯ ವಾಣಿಜ್ಯ ಬಾಂಧವ್ಯ ವೃದ್ಧಿಸುವುದು ಅಮೆರಿಕದ ನೀತಿಗೆ ಅನುಗುಣವಾಗಿತ್ತು. ಈಗ ಅದನ್ನು ಕಠಿಣಗೊಳಿಸಲಾಗಿದೆ.

. 2017ರಲ್ಲಿ ಅಮೆರಿಕ ಜತೆಗಿನ ಭಾರತದ ಸುಂಕರಹಿತ ವಿನಾಯ್ತಿಗೆ ಒಳಪಟ್ಟಿದ್ದ ಸರಕುಗಳ ರಫ್ತು ವಹಿವಾಟು ₹ 40,320 ಕೋಟಿಗಳಷ್ಟಿತ್ತು.

. ಅಮೆರಿಕದ ಈ ನಿರ್ಧಾರದಿಂದ ಭಾರತದ ರಫ್ತು ವಹಿವಾಟಿನ ಮೇಲೆ ಆಗುವ ನಷ್ಟದ ಮೊತ್ತವನ್ನು ತಕ್ಷಣಕ್ಕೆ ಅಂದಾಜು ಮಾಡಲಾಗಿಲ್ಲ. ಸುಂಕ ರಹಿತ ಆಮದು ಪಟ್ಟಿಯಿಂದ ಕೈಬಿಟ್ಟಿರುವ ಸರಕುಗಳನ್ನು ಗಮನಿಸಿದರೆ, ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ದಿಮೆಗಳ ಮೇಲೆ ಪ್ರತಿಕೂಲ ಪರಿಣಾಮ ಕಂಡು ಬರಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸುಂಕ ರಹಿತ ಆಮದು ರಿಯಾಯ್ತಿ ರದ್ದುಪಡಿಸಿದ ಅಮೆರಿಕ ಆಡಳಿತ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!