ಪಿಪಿಎಫ್‌ಗಿಂತ ವಿಪಿಎಫ್‌ನಲ್ಲಿ ಹೆಚ್ಚು ಲಾಭ..!

ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಆದರೆ, ಇಪಿಎಫ್ನ ಭಾಗವೇ ಆಗಿರುವ ಸ್ವಯಂಪ್ರೇರಿತ ಭವಿಷ್ಯ ನಿಧಿ (ವಾಲೆಂಟರಿ ಪ್ರಾವಿಡೆಂಟ್ ಫಂಡ್ - ವಿಪಿಎಫ್) ಬಗ್ಗೆ ಅನೇಕರಿಗೆ ಸರಿಯಾದ ಮಾಹಿತಿ ಇಲ್ಲ. ಸಾರ್ವಜನಿಕ ಭವಿಷ್ಯ ನಿಧಿಗಿಂತ (ಪಿಪಿಎಫ್) ಹೆಚ್ಚು ಬಡ್ಡಿ ಲಾಭ ನೀಡುವ ಮತ್ತು ಅನುಕೂಲಗಳನ್ನು ಒದಗಿಸುವ ವಿಪಿಎಫ್ ಬಗ್ಗೆ ವಿಸ್ತೃತ ಮಾಹಿತಿ ಇಲ್ಲಿದೆ.

. ಏನಿದು ವಿಪಿಎಫ್

. ಉದ್ಯೋಗಿಗಳ ಭವಿಷ್ಯ ನಿಧಿ ಖಾತೆಗೆ ಸ್ವಯಂಪ್ರೇರಿತವಾಗಿ ಹೆಚ್ಚುವರಿ ಕೊಡುಗೆ ನೀಡುವುದನ್ನು ವಿಪಿಎಫ್ ಎನ್ನಬಹುದು.

. ಉದ್ಯೋಗಿಯ ಮೂಲ ವೇತನ ಮತ್ತು ತುಟ್ಟಿ ಭತ್ಯೆಯ ಶೇ 100 ರಷ್ಟು ಪಾಲನ್ನು ಮಾಸಿಕವಾಗಿ ವಿಪಿಎಫ್ನಲ್ಲಿ ಹೂಡಿಕೆ ಮಾಡಬಹುದು. ಇಪಿಎಫ್ ಉಳಿತಾಯಕ್ಕೆ ನೀಡುವ ಬಡ್ಡಿಯನ್ನೇ ವಿಪಿಎಫ್ಗೂ ನೀಡಲಾಗುತ್ತದೆ. ಮಾಸಿಕ ವೇತನ ಪಡೆಯುತ್ತಿದ್ದು , ಇಪಿಎಫ್ ಖಾತೆ ಇರುವ ಎಲ್ಲ ನೌಕರರಿಗೆ ವಿಪಿಎಫ್ನಲ್ಲಿ ಹೂಡಿಕೆಗೆ ಅವಕಾಶವಿದೆ. 2018-19 ನೇ ಸಾಲಿನ ವಿಪಿಎಫ್ ಬಡ್ಡಿ ದರ ಶೇ 8.65 ರಷ್ಟಿದೆ. ಈ ಹೂಡಿಕೆಗೆ ಆದಾಯ ತೆರಿಗೆಯ ಸೆಕ್ಷನ್ 80 ಸಿ ಅಡಿಯಲ್ಲಿ ತೆರಿಗೆ ವಿನಾಯಿತಿ ಸಿಗುತ್ತದೆ. ಇದೊಂದು ಅತ್ಯಂತ ಸುರಕ್ಷಿತ ಹೂಡಿಕೆಯಾಗಿದ್ದು ಒಂದು ಕಂಪನಿಯಿಂದ ಮತ್ತೊಂದು ಕಂಪನಿಗೆ ಕೆಲಸ ಬದಲಾವಣೆ ಮಾಡಿದಾಗಲೂ ಸುಲಭವಾಗಿ ವರ್ಗಾವಣೆ ಮಾಡಿಕೊಳ್ಳಬಹುದಾಗಿದೆ.

. ವರ್ಷದ ಯಾವುದೇ ತಿಂಗಳಲ್ಲಿ ನೀವು ವಿಪಿಎಫ್ ಖಾತೆ ಆರಂಭಿಸಬಹುದು. ಆದರೆ, ಈ ಹೂಡಿಕೆಯನ್ನು 5 ವರ್ಷಗಳವರೆಗೆ ನಿಲ್ಲಿಸುವಂತಿಲ್ಲ. ಸಾಲದ ರೂಪದಲ್ಲಿ ವಿಪಿಎಫ್ನಿಂದ ಭಾಗಶಃ ಹಣ ಪಡೆಯಬಹುದು. ಆದರೆ, ಮೆಚ್ಯೂರಿಟಿ ಅವಧಿಗಿಂತ ಮೊದಲೇ ಹಣ ಹಿಂದೆಪಡೆದರೆ ತೆರಿಗೆ ಅನ್ವಯಿಸುತ್ತದೆ. ವೈದ್ಯಕೀಯ ತುರ್ತು, ಉನ್ನತ ಶಿಕ್ಷಣದ ಉದ್ದೇಶ, ಮದುವೆ, ಮನೆ ನಿರ್ಮಾಣ / ಖರೀದಿಯಂತಹ ಸಂದರ್ಭದಲ್ಲಿ ಅವಧಿ ಪೂರ್ವ ವಿಪಿಎಫ್ ಹಿಂದೆ ಪಡೆಯಲು ವಿನಾಯಿತಿ ಇದೆ.

. ಯಾವ ದಾಖಲೆಗಳು ಬೇಕು: ವಿಪಿಎಫ್ ಖಾತೆ ಆರಂಭಿಸಲು ನೀವು ಕೆಲಸ ಮಾಡುತ್ತಿರುವ ಕಂಪನಿಯ ನೋಂದಣಿ ಪ್ರಮಾಣ ಪತ್ರ, ಫಾರಂ 24, ಫಾರಂ 49 , ಕಂಪನಿಯ ಬಗ್ಗೆ ಮಾಹಿತಿ ಪತ್ರ, ಉದ್ದಿಮೆ ಪ್ರಮಾಣ ಪತ್ರ ಹಾಗೂ ಇನ್ನು ಕೆಲ ದಾಖಲೆಗಳು ಅಗತ್ಯ. ಈ ಬಗ್ಗೆ ಹೆಚ್ಚಿನ ಸ್ಪಷ್ಟತೆಗಾಗಿ ಉದ್ಯೋಗಿಗಳು ತಾವು ಕೆಲಸ ಮಾಡುವ ಕಂಪನಿಯ ಹಣಕಾಸು ವಿಭಾಗ ಸಂಪರ್ಕಿಸಬಹುದು.

. ಪಿಪಿಎಫ್, ಇಪಿಎಫ್ ಮತ್ತು ವಿಪಿಎಫ್ ನಡುವಣ ವ್ಯತ್ಯಾಸ ವಿವರಗಳು:ಪಿಪಿಎಫ್; ಇಪಿಎಫ್; ವಿಪಿಎಫ್ ಯಾರು ಹೂಡಬಹುದು: ಭಾರತೀಯ (ಎನ್ಆರ್ಗಳಿಗೆ ಇಲ್ಲ); ಭಾರತೀಯ ಉದ್ಯೋಗಿ; ಭಾರತೀಯ ಉದ್ಯೋಗಿ ಉದ್ಯೋಗಿಯ ಕೊಡುಗೆ: ಅನ್ವಯಿಸುವುದಿಲ್ಲ; ಶೇ 12 ರಷ್ಟು; ಶೇ 100 ರಷ್ಟು ಉದ್ಯೋಗದಾತರ ಕೊಡುಗೆ: ಅನ್ವಯಿಸುವುದಿಲ್ಲ; ಶೇ 12 ರಷ್ಟು; ಅನ್ವಯಿಸುವುದಿಲ್ಲ ಮೆಚ್ಯೂರಿಟಿ ತೆರಿಗೆ:ಇಲ್ಲ; ಇಲ್ಲ; ಇಲ್ಲ ಹೂಡಿಕೆ ಅವಧಿ;15 ವರ್ಷಗಳು;ನಿವೃತ್ತಿ /ರಾಜೀನಾಮೆ;ನಿವೃತ್ತಿ/ ರಾಜೀನಾಮೆ

. ಪಿಪಿಎಫ್ಗಿಂತ ವಿಪಿಎಫ್ ಬಡ್ಡಿ ದರ ಹೆಚ್ಚು ಹಣಕಾಸು ವರ್ಷ;ಪಿಪಿಎಫ್ ಬಡ್ಡಿ ದರ;ವಿಪಿಎಫ್ / ಇಪಿಎಫ್ ಬಡ್ಡಿ ದರ 2013-14; ಶೇ 8.7; ಶೇ 8.75 2014-15; ಶೇ 8.7; ಶೇ 8.75 2015-16; ಶೇ 8.7; ಶೇ 8.8 2016-17; ಶೇ 8 ರಿಂದ ಶೇ 8.1; ಶೇ 8.8

. 2017-18; ಶೇ 7.6 ರಿಂದ ಶೇ 8;ಶೇ 8.55 2018-19; ಶೇ 7.6 ರಿಂದ ಶೇ 7.9;ಶೇ 8.65

. ಕ್ಲಿಯೋನ್ ಡಿಸೋಜ

. (ಲೇಖಕರು:ಸುವಿಷನ್ ಹೋಲ್ಡಿಂಗ್ಸ್ನ ಸಂಶೋಧನಾ ವಿಭಾಗದ ಮುಖ್ಯಸ್ಥ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಿಪಿಎಫ್‌ಗಿಂತ ವಿಪಿಎಫ್‌ನಲ್ಲಿ ಹೆಚ್ಚು ಲಾಭ..!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ