<p>ಶಮೀ ಶಮಯತೇ ಪಾಪಂ ಶಮೀ ಲೋಹಿತಕಂಟಕಾ ।</p>.<p>ಧಾರಿಣ್ಯರ್ಜುನ ಬಾಣಾನಾಂ ರಾಮಸ್ಯ ಪ್ರಿಯವಾದಿನೀ ।।</p>.<p>ಕರಿಷ್ಯಮಾಣ ಯಾತ್ರಾಯಾಂ ಯಥಾಕಾಲಂ ಸುಖಂ ಮಯಾ ।</p>.<p>ತತ್ರ ನಿರ್ವಿಘ್ನಕರ್ತ್ರೀ ತ್ವಂ ಭವ ಶ್ರೀರಾಮಪೂಜಿತೇ ।।</p>.<p>ನವರಾತ್ರಿಯ ಸಮಯದಲ್ಲಿ ವಿಜಯದಶಮಿಯಂದು ಬನ್ನಿಮರವನ್ನು ಪೂಜಿಸುವ ಸಮಯದಲ್ಲಿ ಹೇಳುವ ಶ್ಲೋಕಗಳಿವು.</p>.<p>ಸಂಸ್ಕೃತದ ವಹ್ನೀ ಎಂಬುದೇ ಕನ್ನಡದಲ್ಲಿ ಬನ್ನಿ ಎಂದಾಗಿದೆ.</p>.<p>‘ಶಮೀವೃಕ್ಷವು ಪಾಪಗಳನ್ನು ಶಮನಗೊಳಿಸುವುದು, ಕೆಂಪುಮುಳ್ಳುಗಳಿಂದ ನಮ್ಮನ್ನು ಕಾಪಾಡುವುದು. ಅದು ಅರ್ಜುನನ ಬಾಣಗಳನ್ನು ಧರಿಸಿದ ವೃಕ್ಷ, ರಾಮನಿಗೆ ಪ್ರಿಯವನ್ನು ಉಂಟುಮಾಡಿದ ವೃಕ್ಷ. ನನ್ನ ವಿಜಯಯಾತ್ರೆಯಲ್ಲಿ ಯಾವುದೇ ವಿಘ್ನಗಳು ಎದುರಾಗದಂತೆ ಸುಖವನ್ನೇ ಉಂಟುಮಾಡಲಿ, ರಾಮನಿಂದ ಪೂಜಿಸಲ್ಪಟ್ಟ ಈ ಶಮೀವೃಕ್ಷ‘ ಎಂದು ಈ ಶ್ಲೋಕಗಳ ತಾತ್ಪರ್ಯ.</p>.<p>ಅಜ್ಞಾತವಾಸದಲ್ಲಿ ಪಾಂಡವರು ತಮ್ಮ ಶಸ್ತ್ರಗಳನ್ನು ಶಮೀವೃಕ್ಷದಲ್ಲಿ ಬಚ್ಚಿಟ್ಟಿದ್ದರಂತೆ. ಹೀಗೆಯೇ ರಾವಣನನ್ನು ಸಂಹರಿಸುವ ಮೊದಲು ಶ್ರೀರಾಮ ಕೂಡ ಶಮೀವೃಕ್ಷವನ್ನು ಪೂಜಿಸಿದನಂತೆ. ಹೀಗಾಗಿ ಶಮೀ ಎಂಬುದು ವಿಜಯಕ್ಕೆ ಸಂಕೇತ ಎಂಬುದು ಇಲ್ಲಿರುವ ಧ್ವನಿ.</p>.<p>ವಹ್ನೀ, ಎಂದರೆ ಅಗ್ನಿಯು ಶಮೀವೃಕ್ಷದಲ್ಲಿ ನೆಲಸಿದೆ ಎಂಬ ಕಲ್ಪನೆಯೂ ಇದೆ. ಪ್ರಾಚೀನ ಕಾಲದಲ್ಲಿ ಯಜ್ಞಗಳನ್ನು ಮಾಡುವುದಕ್ಕೆ ಬೇಕಾದ ಅಗ್ನಿಯನ್ನು ಈ ವೃಕ್ಷದ ಮಥನದಿಂದ ಪಡೆಯುತ್ತಿದ್ದರಂತೆ. ಇದರಲ್ಲಿ ಅಡಗಿರುವ ಅಗ್ನಿಯನ್ನು ‘ದುರ್ಗ‘ ಎಂದು ಕರೆಯುತ್ತಾರೆ. ಹೀಗಾಗಿ ನವರಾತ್ರಿಯ ದುರ್ಗಾಪೂಜೆಗೂ ಈ ವೃಕ್ಷಕ್ಕೂ ನಂಟು ಒದಗಿಬಂದಿದೆ. ದುರ್ಗೆ ಎಂದರೆ ನಮ್ಮ ಕಷ್ಟಗಳನ್ನು ಪರಿಹರಿಸುವವಳು.</p>.<p>ಹೀಗೆ ನಮ್ಮ ಜೀವನಯುದ್ಧದಲ್ಲಿ ವಿಜಯವನ್ನು ಸಂಪಾದಿಸಲೂ, ನಮ್ಮ ಕಷ್ಟಗಳನ್ನು ಪರಿಹರಿಸಿಕೊಳ್ಳಲೂ ಬನ್ನೀಮರದ ಪೂಜೆಯನ್ನು ನವರಾತ್ರಿಯಲ್ಲಿ ಮಾಡುತ್ತೇವೆ. ಏಕೆಂದರೆ ಈ ವೃಕ್ಷವೂ ಶಕ್ತಿಯ ಸ್ವರೂಪವೇ ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಶಮೀ ಶಮಯತೇ ಪಾಪಂ ಶಮೀ ಲೋಹಿತಕಂಟಕಾ ।</p>.<p>ಧಾರಿಣ್ಯರ್ಜುನ ಬಾಣಾನಾಂ ರಾಮಸ್ಯ ಪ್ರಿಯವಾದಿನೀ ।।</p>.<p>ಕರಿಷ್ಯಮಾಣ ಯಾತ್ರಾಯಾಂ ಯಥಾಕಾಲಂ ಸುಖಂ ಮಯಾ ।</p>.<p>ತತ್ರ ನಿರ್ವಿಘ್ನಕರ್ತ್ರೀ ತ್ವಂ ಭವ ಶ್ರೀರಾಮಪೂಜಿತೇ ।।</p>.<p>ನವರಾತ್ರಿಯ ಸಮಯದಲ್ಲಿ ವಿಜಯದಶಮಿಯಂದು ಬನ್ನಿಮರವನ್ನು ಪೂಜಿಸುವ ಸಮಯದಲ್ಲಿ ಹೇಳುವ ಶ್ಲೋಕಗಳಿವು.</p>.<p>ಸಂಸ್ಕೃತದ ವಹ್ನೀ ಎಂಬುದೇ ಕನ್ನಡದಲ್ಲಿ ಬನ್ನಿ ಎಂದಾಗಿದೆ.</p>.<p>‘ಶಮೀವೃಕ್ಷವು ಪಾಪಗಳನ್ನು ಶಮನಗೊಳಿಸುವುದು, ಕೆಂಪುಮುಳ್ಳುಗಳಿಂದ ನಮ್ಮನ್ನು ಕಾಪಾಡುವುದು. ಅದು ಅರ್ಜುನನ ಬಾಣಗಳನ್ನು ಧರಿಸಿದ ವೃಕ್ಷ, ರಾಮನಿಗೆ ಪ್ರಿಯವನ್ನು ಉಂಟುಮಾಡಿದ ವೃಕ್ಷ. ನನ್ನ ವಿಜಯಯಾತ್ರೆಯಲ್ಲಿ ಯಾವುದೇ ವಿಘ್ನಗಳು ಎದುರಾಗದಂತೆ ಸುಖವನ್ನೇ ಉಂಟುಮಾಡಲಿ, ರಾಮನಿಂದ ಪೂಜಿಸಲ್ಪಟ್ಟ ಈ ಶಮೀವೃಕ್ಷ‘ ಎಂದು ಈ ಶ್ಲೋಕಗಳ ತಾತ್ಪರ್ಯ.</p>.<p>ಅಜ್ಞಾತವಾಸದಲ್ಲಿ ಪಾಂಡವರು ತಮ್ಮ ಶಸ್ತ್ರಗಳನ್ನು ಶಮೀವೃಕ್ಷದಲ್ಲಿ ಬಚ್ಚಿಟ್ಟಿದ್ದರಂತೆ. ಹೀಗೆಯೇ ರಾವಣನನ್ನು ಸಂಹರಿಸುವ ಮೊದಲು ಶ್ರೀರಾಮ ಕೂಡ ಶಮೀವೃಕ್ಷವನ್ನು ಪೂಜಿಸಿದನಂತೆ. ಹೀಗಾಗಿ ಶಮೀ ಎಂಬುದು ವಿಜಯಕ್ಕೆ ಸಂಕೇತ ಎಂಬುದು ಇಲ್ಲಿರುವ ಧ್ವನಿ.</p>.<p>ವಹ್ನೀ, ಎಂದರೆ ಅಗ್ನಿಯು ಶಮೀವೃಕ್ಷದಲ್ಲಿ ನೆಲಸಿದೆ ಎಂಬ ಕಲ್ಪನೆಯೂ ಇದೆ. ಪ್ರಾಚೀನ ಕಾಲದಲ್ಲಿ ಯಜ್ಞಗಳನ್ನು ಮಾಡುವುದಕ್ಕೆ ಬೇಕಾದ ಅಗ್ನಿಯನ್ನು ಈ ವೃಕ್ಷದ ಮಥನದಿಂದ ಪಡೆಯುತ್ತಿದ್ದರಂತೆ. ಇದರಲ್ಲಿ ಅಡಗಿರುವ ಅಗ್ನಿಯನ್ನು ‘ದುರ್ಗ‘ ಎಂದು ಕರೆಯುತ್ತಾರೆ. ಹೀಗಾಗಿ ನವರಾತ್ರಿಯ ದುರ್ಗಾಪೂಜೆಗೂ ಈ ವೃಕ್ಷಕ್ಕೂ ನಂಟು ಒದಗಿಬಂದಿದೆ. ದುರ್ಗೆ ಎಂದರೆ ನಮ್ಮ ಕಷ್ಟಗಳನ್ನು ಪರಿಹರಿಸುವವಳು.</p>.<p>ಹೀಗೆ ನಮ್ಮ ಜೀವನಯುದ್ಧದಲ್ಲಿ ವಿಜಯವನ್ನು ಸಂಪಾದಿಸಲೂ, ನಮ್ಮ ಕಷ್ಟಗಳನ್ನು ಪರಿಹರಿಸಿಕೊಳ್ಳಲೂ ಬನ್ನೀಮರದ ಪೂಜೆಯನ್ನು ನವರಾತ್ರಿಯಲ್ಲಿ ಮಾಡುತ್ತೇವೆ. ಏಕೆಂದರೆ ಈ ವೃಕ್ಷವೂ ಶಕ್ತಿಯ ಸ್ವರೂಪವೇ ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
