<p>ಯಥಾ ಹ್ಯೇಕೇನ ಚಕ್ರೇಣ ನ ರಥಸ್ಯ ಗತಿರ್ಭವೇತ್ ।</p>.<p>ಏವಂ ಪುರುಷಾಕಾರೇಣ ವಿನಾ ದೈವಂ ನ ಸಿದ್ಧ್ಯತಿ ।।</p>.<p>ಇದರ ತಾತ್ಪರ್ಯ ಹೀಗೆ:</p>.<p>‘ಒಂದೇ ಒಂದು ಚಕ್ರದಿಂದ ರಥ ಚಲಿಸಲಾರದು; ಅಂತೆಯೇ ಪುರುಷಪ್ರಯತ್ನ ಇಲ್ಲದೆ ದೈವವು ಸಿದ್ಧಿಸುವುದಿಲ್ಲ.‘</p>.<p>ಎತ್ತಿನ ಗಾಡಿಯನ್ನು ನಾವು ನೋಡಿರುತ್ತೇವೆ. ಗಾಡಿಗೆ ಎರಡು ಚಕ್ರಗಳು ಇರುತ್ತವೆ. ಎರಡು ಚಕ್ರಗಳು ಇಲ್ಲದಿದ್ದರೆ ಗಾಡಿ ಚಲಿಸಲಾರದು. ಸೈಕಲ್, ಸ್ಕೂಟರ್ – ಹೀಗೆ ಹಲವು ವಾಹನಗಳಿಗೆ ಎರಡು ಚಕ್ರಗಳು ಇರುತ್ತವೆ; ಕಾರು, ಬಸ್ಸು ಮುಂತಾದ ವಾಹನಗಳಿಗೆ ನಾಲ್ಕು ಚಕ್ರಗಳು ಇರುತ್ತವೆ. ಇದರ ಒಟ್ಟು ತಾತ್ಪರ್ಯ ಎಂದರೆ, ಯಾವುದೇ ವಾಹನ ಒಂದೇ ಚಕ್ರದಿಂದ ಚಲಿಸಲಾರದು.</p>.<p>ನಾವೆಲ್ಲರೂ ಹಲವು ಸಂದರ್ಭದಲ್ಲಿ ಅದೃಷ್ಟವನ್ನು ನಂಬುತ್ತೇವೆ. ಇದನ್ನೇ ದೇವರು, ದೈವ ಎಂದೂ ಹೇಳಬಹುದು. ನಮ್ಮ ಕಣ್ಣಿಗೆ ಕಾಣದ, ಆದರೆ ನಮಗಿಂತಲೂ ಶಕ್ತಿಶಾಲಿಯಾದ ತತ್ತ್ವವನ್ನೇ ನಾವು ದೈವ ಎಂದೋ ಅದೃಷ್ಟ ಎಂದೋ ಕರೆಯುತ್ತೇವೆ. ಈ ದೈವ ನಮ್ಮ ಪ್ರಾರ್ಥನೆಯನ್ನು ಕೇಳುತ್ತದೆ; ನಮಗೆ ಬೇಕಾದ ವರವನ್ನು ಅದು ಕೊಡುತ್ತದೆ; ನಮ್ಮನ್ನು ಸಂಕಟಗಳಿಂದ ಪಾರುಮಾಡುತ್ತದೆ ಎಂಬ ನಂಬಿಕೆ ನಮ್ಮದು.</p>.<p>ಬಂಡಿ ಮತ್ತು ದೈವ – ಇವೆರಡನ್ನೂ ಬಳಸಿಕೊಂಡು ಸುಭಾಷಿತ ಇಲ್ಲೊಂದು ಸಂದೇಶವನ್ನು ನಮಗೆ ನೀಡುತ್ತಿದೆ.</p>.<p>ನಾವು ಎಷ್ಟೋ ಸಂದರ್ಭದಲ್ಲಿ ದೈವದ ಮೇಲೆ ಭಾರ ಹಾಕಿ ಸುಮ್ಮನಾಗಿಬಿಡುತ್ತೇವೆ; ನಾವು ಯಾವ ಕರ್ತವ್ಯವನ್ನು ನಿರ್ವಹಿಸಬೇಕೋ, ಯಾವ ಕೆಲಸವನ್ನು ಮಾಡಬೇಕಿತ್ತೋ ಅದರಿಂದ ದೂರ ಉಳಿದು ನಿಷ್ಜ್ರಿಯರಾಗಿಬಿಡುತ್ತೇವೆ. ಸುಭಾಷಿತ ಇಲ್ಲಿ ಹೇಳುತ್ತಿರುವುದು ಇದನ್ನೇ: ಹೇಗೆ ಗಾಡಿಯೊಂದು ಒಂದೇ ಚಕ್ರದಿಂದ ಚಲಿಸಲಾರದೋ ಹಾಗೆಯೇ ದೈವದ ಮೇಲಿನ ನಂಬಿಕೆಯೊಂದರಿಂದಲೇ ನಮ್ಮ ಜೀವನರಥವೂ ನಡೆಯದು; ದೈವದ ಮೇಲಿನ ನಂಬಿಕೆಯ ಜೊತೆಗೆ ಪುರುಷಪ್ರಯತ್ನವೂ ಬೇಕು ಎನ್ನುತ್ತಿದೆ ಅದು. ನಮ್ಮ ಪ್ರಯತ್ನವನ್ನು ನಾವು ಮೊದಲಿಗೆ ಮಾಡಬೇಕು. ಆ ಬಳಿಕ ದೈವದ ಮೇಲೆ ಭಾರ ಹಾಕಬೇಕು. ನಾವು ಉತ್ತು, ಬಿತ್ತಿದರೆ, ಆಮೇಲೆಯಷ್ಟೆ ಮಳೆ ಎಂಬ ದೈವದ ಮೇಲೆ ನಂಬಿಕೆ ಇಡಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಯಥಾ ಹ್ಯೇಕೇನ ಚಕ್ರೇಣ ನ ರಥಸ್ಯ ಗತಿರ್ಭವೇತ್ ।</p>.<p>ಏವಂ ಪುರುಷಾಕಾರೇಣ ವಿನಾ ದೈವಂ ನ ಸಿದ್ಧ್ಯತಿ ।।</p>.<p>ಇದರ ತಾತ್ಪರ್ಯ ಹೀಗೆ:</p>.<p>‘ಒಂದೇ ಒಂದು ಚಕ್ರದಿಂದ ರಥ ಚಲಿಸಲಾರದು; ಅಂತೆಯೇ ಪುರುಷಪ್ರಯತ್ನ ಇಲ್ಲದೆ ದೈವವು ಸಿದ್ಧಿಸುವುದಿಲ್ಲ.‘</p>.<p>ಎತ್ತಿನ ಗಾಡಿಯನ್ನು ನಾವು ನೋಡಿರುತ್ತೇವೆ. ಗಾಡಿಗೆ ಎರಡು ಚಕ್ರಗಳು ಇರುತ್ತವೆ. ಎರಡು ಚಕ್ರಗಳು ಇಲ್ಲದಿದ್ದರೆ ಗಾಡಿ ಚಲಿಸಲಾರದು. ಸೈಕಲ್, ಸ್ಕೂಟರ್ – ಹೀಗೆ ಹಲವು ವಾಹನಗಳಿಗೆ ಎರಡು ಚಕ್ರಗಳು ಇರುತ್ತವೆ; ಕಾರು, ಬಸ್ಸು ಮುಂತಾದ ವಾಹನಗಳಿಗೆ ನಾಲ್ಕು ಚಕ್ರಗಳು ಇರುತ್ತವೆ. ಇದರ ಒಟ್ಟು ತಾತ್ಪರ್ಯ ಎಂದರೆ, ಯಾವುದೇ ವಾಹನ ಒಂದೇ ಚಕ್ರದಿಂದ ಚಲಿಸಲಾರದು.</p>.<p>ನಾವೆಲ್ಲರೂ ಹಲವು ಸಂದರ್ಭದಲ್ಲಿ ಅದೃಷ್ಟವನ್ನು ನಂಬುತ್ತೇವೆ. ಇದನ್ನೇ ದೇವರು, ದೈವ ಎಂದೂ ಹೇಳಬಹುದು. ನಮ್ಮ ಕಣ್ಣಿಗೆ ಕಾಣದ, ಆದರೆ ನಮಗಿಂತಲೂ ಶಕ್ತಿಶಾಲಿಯಾದ ತತ್ತ್ವವನ್ನೇ ನಾವು ದೈವ ಎಂದೋ ಅದೃಷ್ಟ ಎಂದೋ ಕರೆಯುತ್ತೇವೆ. ಈ ದೈವ ನಮ್ಮ ಪ್ರಾರ್ಥನೆಯನ್ನು ಕೇಳುತ್ತದೆ; ನಮಗೆ ಬೇಕಾದ ವರವನ್ನು ಅದು ಕೊಡುತ್ತದೆ; ನಮ್ಮನ್ನು ಸಂಕಟಗಳಿಂದ ಪಾರುಮಾಡುತ್ತದೆ ಎಂಬ ನಂಬಿಕೆ ನಮ್ಮದು.</p>.<p>ಬಂಡಿ ಮತ್ತು ದೈವ – ಇವೆರಡನ್ನೂ ಬಳಸಿಕೊಂಡು ಸುಭಾಷಿತ ಇಲ್ಲೊಂದು ಸಂದೇಶವನ್ನು ನಮಗೆ ನೀಡುತ್ತಿದೆ.</p>.<p>ನಾವು ಎಷ್ಟೋ ಸಂದರ್ಭದಲ್ಲಿ ದೈವದ ಮೇಲೆ ಭಾರ ಹಾಕಿ ಸುಮ್ಮನಾಗಿಬಿಡುತ್ತೇವೆ; ನಾವು ಯಾವ ಕರ್ತವ್ಯವನ್ನು ನಿರ್ವಹಿಸಬೇಕೋ, ಯಾವ ಕೆಲಸವನ್ನು ಮಾಡಬೇಕಿತ್ತೋ ಅದರಿಂದ ದೂರ ಉಳಿದು ನಿಷ್ಜ್ರಿಯರಾಗಿಬಿಡುತ್ತೇವೆ. ಸುಭಾಷಿತ ಇಲ್ಲಿ ಹೇಳುತ್ತಿರುವುದು ಇದನ್ನೇ: ಹೇಗೆ ಗಾಡಿಯೊಂದು ಒಂದೇ ಚಕ್ರದಿಂದ ಚಲಿಸಲಾರದೋ ಹಾಗೆಯೇ ದೈವದ ಮೇಲಿನ ನಂಬಿಕೆಯೊಂದರಿಂದಲೇ ನಮ್ಮ ಜೀವನರಥವೂ ನಡೆಯದು; ದೈವದ ಮೇಲಿನ ನಂಬಿಕೆಯ ಜೊತೆಗೆ ಪುರುಷಪ್ರಯತ್ನವೂ ಬೇಕು ಎನ್ನುತ್ತಿದೆ ಅದು. ನಮ್ಮ ಪ್ರಯತ್ನವನ್ನು ನಾವು ಮೊದಲಿಗೆ ಮಾಡಬೇಕು. ಆ ಬಳಿಕ ದೈವದ ಮೇಲೆ ಭಾರ ಹಾಕಬೇಕು. ನಾವು ಉತ್ತು, ಬಿತ್ತಿದರೆ, ಆಮೇಲೆಯಷ್ಟೆ ಮಳೆ ಎಂಬ ದೈವದ ಮೇಲೆ ನಂಬಿಕೆ ಇಡಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
