ದಿನದ ಸೂಕ್ತಿ: ಲೋಕಕಲ್ಯಾಣ

ಕಿಮತ್ರ ಚಿತ್ರಂ ಯತ್ಸಂತಃ ಪರಾನುಗ್ರಹತತ್ಪರಾಃ ।

. ನಹಿ ಸ್ವದೇಹಶೈತ್ಯಾಯ ಜಾಯಂತೇ ಚಂದನದ್ರುಮಾಃ ।।

. ಇದರ ತಾತ್ಪರ್ಯ ಹೀಗೆ:

. ‘ಸಜ್ಜನರು ಎಂದಿಗೂ ಬೇರೆಯವರಿಗೆ ಒಳಿತನ್ನು ಮಾಡುವುದರಲ್ಲಿಯೇ ಉತ್ಸುಕರಾಗಿರುತ್ತಾರೆ; ಇದರಲ್ಲಿ ಆಶ್ಚರ್ಯ ಏನಿದೆ? ಗಂಧದ ಮರಗಳು ಬೆಳೆಯುವುದೇ ಬೇರೆಯವರ ತಾಪವನ್ನು ಶಮನಮಾಡುವುದಕ್ಕಾಗಿಯೇ ಹೊರತು ಅವುಗಳ ಮೈಯನ್ನು ತಂಪಾಗಿಸಿಕೊಳ್ಳಲು ಅಲ್ಲವಷ್ಟೆ!’

. ಪರೋಪಕಾರದ ಲಕ್ಷಣವನ್ನು ಈ ಸುಭಾಷಿತ ಸೊಗಸಾಗಿ ನಿರೂಪಿಸಿದೆ.

. ಉಪಕಾರಬುದ್ಧಿ ಎಂಬುದು ಸಹಜಸ್ವಭಾವ ಎಂಬುದನ್ನು ಗಮನಿಸಬೇಕು. ಉಪಕಾರ ಎಂದರೆ ಇನ್ನೊಬ್ಬರಿಗೆ ಒಳಿತನ್ನು ಮಾಡುವುದು, ಇನ್ನೊಬ್ಬರ ಕಷ್ಟವನ್ನು ದೂರಮಾಡುವುದು, ಇನ್ನೊಬ್ಬರಿಗೆ ತೊಂದರೆಯನ್ನು ಕೊಡದಿರುವುದು. ಇಂಥ ಗುಣಗಳನ್ನು ಪಡೆದವರನ್ನೇ ಸಜ್ಜನರು ಎಂದು ಕರೆಯುವುದು.

. ಸಜ್ಜನರು ಹೀಗೆ ಇನ್ನೊಬ್ಬರಿಗೆ ಒಳಿತನ್ನು ಮಾಡುವುದು ಯಾವಾಗ? ಸಜ್ಜನರು ಯಾವಾಗ ಬಿಡುವಾಗಿ ಇರುತ್ತಾರೋ ಅಥವಾ ಅವರ ಮನಸ್ಸು ಸಂತೋಷವಾಗಿ ಇರುತ್ತದೋ ಆಗ ಮಾಡುವುದಿಲ್ಲ; ಅವರು ಬೇರೊಬ್ಬರಿಗೆ ಒಳಿತನ್ನು ಮಾಡಲು ಸದಾ ಸಿದ್ಧರಿರುತ್ತಾರೆ.

. ಸುಭಾಷಿತ ಇನ್ನೊಂದು ಸಂಗತಿಯನ್ನೂ ಹೇಳುತ್ತಿದೆ. ಸಜ್ಜನರು ಒಳಿತನ್ನು ಮಾಡುವುದಾದರೂ ಏಕೆ? ‘ಇಂದು ನಾನು ಅವನಿಗೆ ಒಳಿತನ್ನು ಮಾಡಿದರೆ ನಾಳೆ ಅವನು ನನಗೆ ಸಹಾಯ ಮಾಡಬಹುದು’ – ಈ ಲೆಕ್ಕಾಚಾರದಲ್ಲಿ ಅವರು ಉಪಕಾರ ಮಾಡುವುದಿಲ್ಲ; ಉಪಕಾರಬುದ್ಧಿ ಅವರ ವ್ಯಕ್ತಿತ್ವದ ಸಹಜಗುಣವೇ ಆಗಿರುತ್ತದೆ. ಇದನ್ನು ಹೇಳಲು ಅದು ಒಂದು ಸೊಗಸಾದ ಉದಾಹರಣೆಯನ್ನು ಕೊಟ್ಟಿದೆ. ಶ್ರೀಗಂಧದ ಕೊರಡನ್ನು ತೇದು ಅದರ ಲೇಪನವನ್ನು ಹಚ್ಚಿಕೊಳ್ಳುವುದರಿಂದ ನಮ್ಮ ಶರೀರದ ತಾಪವನ್ನು ಪರಿಹರಿಸಿಕೊಳ್ಳಬಹುದು. ಶ್ರೀಗಂಧದ ಪ್ರಯೋಜನವೇ ಇದು. ಇದು ಶ್ರೀಗಂಧದ ಮರಕ್ಕೂ ಗೊತ್ತು – ತನ್ನನ್ನು ತೇಯ್ದು ತನ್ನ ಜೀವರಸವನ್ನು ಮೈಗೆ ಹಚ್ಚಿಕೊಳ್ಳುವವರು ಇತರರು, ಅವರ ದೇಹದ ತಾಪವನ್ನು ಶಮನಮಾಡಿಕೊಳ್ಳಲು ಎಂದು. ಆದರೂ ಶ್ರೀಗಂಧದ ಸಸಿ ಬೆಳೆಯುತ್ತದೆ, ಮರವಾಗುತ್ತದೆ; ಕೊಡಲಿಗೆ ದೇಹವನ್ನು ಒಡ್ಡುತ್ತದೆ; ಮೈಯನ್ನೇ ಕೊಟ್ಟು ಬೇರೊಬ್ಬರ ಸಂಕಟವನ್ನು ದೂರ ಮಾಡುತ್ತದೆ; ಅದೂ ಪರಿಮಳದ ಜೊತೆಗೆ.

. ಸಜ್ಜನರೂ ಹೀಗೆಯೇ – ತಮಗಾಗಿರುವ, ಆಗಬಹುದಾದ ಕಷ್ಟಗಳನ್ನು ಲೆಕ್ಕಿಸದೆ ಬೇರೊಬ್ಬರ ಒಳಿತಿಗಾಗಿ, ಸಮಾಜದ ಏಳಿಗೆಗಾಗಿ ತಮ್ಮನ್ನು ಅರ್ಪಿಸಿಕೊಳ್ಳಲು ಸದಾ ಸಿದ್ಧರಾಗಿರುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಲೋಕಕಲ್ಯಾಣ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಚುರುಮುರಿ | ವೋಟ್ ಫಾರ್...

Karnataka Rains: ಇಂದು–ನಾಳೆ ರಾಜ್ಯದ ಕೆಲವೆಡೆ ಭಾರಿ ಮಳೆ ಸಾಧ್ಯತೆ

ಚನ್ನಪಟ್ಟಣ, ಶಿಗ್ಗಾವಿ, ಸಂಡೂರು ಉಪಚುನಾವಣೆ: ಮೂರು ಕ್ಷೇತ್ರದಲ್ಲಿ ಮತದಾರರ ಹುರುಪು

IND vs SA 3rd T20 | ರೆಕ್ಕೆ ಇರುವೆಗಳ ಹಾರಾಟ: ಅರ್ಧ ಗಂಟೆ ಆಟ ಸ್ಥಗಿತ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ | ಅಂಕಿತ್‌ಗೆ ಆಘಾತ: ಫೈನಲ್‌ಗೆ ಅಮಿತ್‌

ವಿಶ್ವ ವಿ.ವಿ. ಶೂಟಿಂಗ್ ಚಾಂಪಿಯನ್‌ಷಿಪ್‌: ಐಶ್ವರಿ– ಸಂಜೀತಾ ಜೋಡಿಗೆ ಚಿನ್ನ

ಮೊದಲ ದಿನವೇ 15 ವಿಕೆಟ್ ಪತನ: ಕೌಶಿಕ್ ದಾಳಿಗೆ ಉತ್ತರಪ್ರದೇಶ ನಿರುತ್ತರ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಚುರುಮುರಿ | ವೋಟ್ ಫಾರ್...

Karnataka Rains: ಇಂದು–ನಾಳೆ ರಾಜ್ಯದ ಕೆಲವೆಡೆ ಭಾರಿ ಮಳೆ ಸಾಧ್ಯತೆ

ಚನ್ನಪಟ್ಟಣ, ಶಿಗ್ಗಾವಿ, ಸಂಡೂರು ಉಪಚುನಾವಣೆ: ಮೂರು ಕ್ಷೇತ್ರದಲ್ಲಿ ಮತದಾರರ ಹುರುಪು