ಎಲ್ಲಿಯವರೆಗೂ ಈ ದ್ವೇಷ?

ಎರಡು ಕೋಳಿಗಳು ತಿಪ್ಪೆಯ ಒಡೆತನಕ್ಕಾಗಿ ಕುಸ್ತಿಯಲ್ಲಿ ತೊಡಗಿದವು. ಹೋರಾಟ ಜೋರಾಗಿಯೇ ನಡೆಯಿತು.

. ಕೊನೆಗೆ ಒಂದು ಕೋಳಿ ಗೆದ್ದಿತು. ಗೆದ್ದ ಕೋಳಿ ಸಂಭ್ರಮದಿಂದ ಮನೆಯ ಮೇಲೆ ಹಾರಿ ಕುಳಿತು, ಲೋಕವೆಲ್ಲ ನನ್ನನ್ನು ನೋಡುತ್ತಿದೆ ಎಂದು ಸಂಭ್ರಮಿಸಿತು. ಸೋತ ಕೋಳಿ ಎಲ್ಲೋ ಒಂದು ಬಿಲದಲ್ಲಿ ಮುದುರಿ ಕುಳಿತುಕೊಂಡಿತು.

. ಅಷ್ಟರಲ್ಲಿ ಆಕಾಶದಲ್ಲಿ ರಣಹದ್ದುವೊಂದು ಆಹಾರದ ಹುಡುಕಾಟದಲ್ಲಿ ಹಾರಾಡುತ್ತಿತ್ತು. ಮನೆಯ ಮೇಲಿದ್ದ ಕೋಳಿ ಈಗ ಅದರ ಕಣ್ಣಿಗೆ ಬಿತ್ತು. ಕೂಡಲೇ ಅದರತ್ತ ವೇಗವಾಗಿ ಹಾರುತ್ತ, ಬಂದು ತನ್ನ ಚೂಪಾದ ಕೊಕ್ಕಿನಿಂದ ಹಿಡಿದು ಹಾರಿಹೋಯಿತು.

. ಗೆಲುವಿನ ಸಂಭ್ರಮದಲ್ಲಿದ್ದ ಕೋಳಿ ಕ್ಷಣದಲ್ಲಿ ರಣಹದ್ದುವಿಗೆ ಆಹಾರವಾಗಿತ್ತು!

. ಇತ್ತ, ಬಿಲ ಸೇರಿದ್ದ ಕೋಳಿ ರಣಹದ್ದುವಿನ ಬೇಟೆಯನ್ನು ದೂರದಿಂದಲೇ ಗಮನಿಸಿತ್ತು. ಈಗ ಅದರ ಶತ್ರುವಿನ ನಾಶವಾಗಿತ್ತು. ಹೀಗಾಗಿ ಅದು ಬಿಲದಿಂದ ಧೈರ್ಯವಾಗಿ ಹೊರಗೆ ಬಂದಿತು. ತಿಪ್ಪೆಯ ಯಾಜಮಾನ್ಯವನ್ನು ವಹಿಸಿಕೊಂಡಿತು.

. * * *

. ಇದೊಂದು ಈಸೋಪನ ಕಥೆ.

. ಮೇಲಣ ಕಥೆಯ ಸಂದರ್ಭದಲ್ಲಿ ಕುಮಾರವ್ಯಾಸನ ಪದ್ಯವೊಂದು ನೆನಪಾಗುತ್ತದೆ:

. ಕರಣಿಕರು ಕರಣಿಕರೊಡನೆ ಸಹ ಚರರು ಸಹಚರರೊಡನೆ ಸಾವಂ ತರಲಿ ಸಾವಂತರುಗಳಾ ಮಂತ್ರಿಯಲಿ ಮಂತ್ರಿಗಳು ತರುಣಿಯರು ತರುಣಿಯರೊಡನೆ ಪರಿ ಕರರು ಪರಿಕರರೊಡನೆಯಿರಲೊರ ಸೊರಸು ಮಿಗೆ ಮಸೆವುದು ಕಣಾ ಭೂಭುಜನೆ ಕೇಳೆಂದ

. ಸ್ವಜಾತಿಯವರು, ಎಂದರೆ ಒಂದೇ ವರ್ಗಕ್ಕೆ ಸೇರಿದವರು ಸೌಹಾರ್ದದಿಂದ ಇರುವುದಿಲ್ಲ ಎನ್ನುವುದು ಈ ಪದ್ಯದ ತಾತ್ಪರ್ಯ. ‘ಅಧಿಕಾರಿಗಳು ಅಧಿಕಾರಿಗಳೊಡನೆ, ಸೇವಕರು ಸೇವಕರೊಡನೆ, ಸಾಮಂತರಾಜರು ಸಾಮಂತರೊಡನೆ, ಮಂತ್ರಿಗಳು ಮಂತ್ರಿಗಳೊಡನೆ, ತರುಣಿಯರು ತರುಣಿಯರೊಡನೆ ಸ್ನೇಹ–ಸೌಹಾರ್ದದಿಂದ ಇರುವುದಿಲ್ಲ, ಪರಸ್ಪರ ದ್ವೇಷ–ಮತ್ಸರಗಳು ಮಸೆಯುತ್ತಿರುತ್ತವೆ’ ಎನ್ನುತ್ತಿದ್ದಾನೆ, ಕುಮಾರವ್ಯಾಸ. ಅವನ ಈ ಅಭಿಪ್ರಾಯ ಇಂದಿಗೂ ಸಲ್ಲುವುದೆನ್ನಿ!

. ಆ ಎರಡು ಕೋಳಿಗಳು ಅನ್ಯೋನ್ಯವಾಗಿರಬಹುದಿತ್ತು. ಆದರೆ ತಿಪ್ಪೆಯ ಒಡೆತನಕ್ಕಾಗಿ ಸದಾ ಜಗಳದಲ್ಲಿ ಇರುತ್ತಿದ್ದವು. ಹೋಗಲಿ, ಗೆದ್ದ ಕೋಳಿಯಾದರೂ ಗೆಲುವನ್ನು ಅನುಭವಿಸಿತೆ? ವಿಧಿಯಾಟದಲ್ಲಿ ಅದು ಹದ್ದಿನ ಬಾಯಿಗೆ ಸಿಕ್ಕಿತು.

. ಎಲ್ಲರ ಜೀವನವೂ ಅನಿರೀಕ್ಷಿತ ದುರಂತಗಳ ನಿರೀಕ್ಷೆಯಲ್ಲೇ ಇರುತ್ತದೆ. ಯಾವ ಕ್ಷಣ ಯಾರಿಗೆ ಏನಾಗುತ್ತದೆ ಎನ್ನುವುದು ಯಾರಿಗೂ ಗೊತ್ತಾಗುವುದಿಲ್ಲ. ಇಷ್ಟು ಅಶಾಶ್ವತವಾದ ಜೀವನವನ್ನು ಅರ್ಥಪೂರ್ಣವಾಗಿ ಜೀವಿಸಬೇಕೆ ಹೊರತು, ದ್ವೇಷ–ಅಸೂಯೆ–ಮತ್ಸರಗಳೆಂಬ ಕಲ್ಮಶಗಳಿಂದ ಜೀವನಸೌಂದರ್ಯವನ್ನು ಕೆಡಿಸಿಕೊಳ್ಳಬಾರದಲ್ಲವೆ?

. ಕುಮಾರವ್ಯಾಸ ಒಂದೇ ಗುಂಪಿನವರಲ್ಲಿರುವ ಅರಿಷಡ್ವರ್ಗಗಳ ಬಗ್ಗೆ ಹೇಳುತ್ತಿದ್ದಾನೆ. ಆದರೆ ಇದು ಅನ್ವಯವಾಗುವುದು ಒಟ್ಟು ಮನುಷ್ಯಜಾತಿಗೇ ಹೌದು. ಇಂದು ಒಬ್ಬ ಮನುಷ್ಯನನ್ನು ಕಂಡರೆ ಇನ್ನೊಬ್ಬನಿಗೆ ಸಹಿಸಲಾಗದಂಥ ದ್ವೇಷವನ್ನು ತುಂಬಿಕೊಂಡಿದ್ದಾನೆ. ಹೀಗಾಗಿಯೇ ಅಕ್ಕಪಕ್ಕದವರನ್ನು ಅವನು ಸಹಜೀವಿಗಳನ್ನಾಗಿಯೂ ಸ್ನೇಹಿತರನ್ನಾಗಿಯೂ ನೋಡದೆ ಶತ್ರುಗಳಂತೆಯೇ ನೋಡುತ್ತಿದ್ದಾನೆ. ಆದರೆ ಈ ಶತ್ರುತ್ವ, ದ್ವೇಷ, ಅಸೂಯೆ, ಮತ್ಸರಗಳು ಎಲ್ಲಿಯವರೆಗೆ – ಎಂದು ಯೋಚಿಸಬೇಕಲ್ಲವೆ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಲ್ಲಿಯವರೆಗೂ ಈ ದ್ವೇಷ?

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

₹23 ಕೋಟಿಯ ಈ ಕೋಣ ‘ಅನ್ಮೋಲ್‌’ ಡಯಟ್‌ನಲ್ಲಿ ಬಾದಾಮಿ, ಮೊಟ್ಟೆ, ಬಾಳೆಹಣ್ಣು..!

ಸಂಜು–ತಿಲಕ್ ಆರ್ಭಟಕ್ಕೆ ಹರಿಣಗಳು ಹೈರಾಣ: ದಾಖಲೆಗಳ ಮೇಲೆ ದಾಖಲೆ ಬರೆದ ಭಾರತ

ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಚಾಂಪಿಯನ್ ಭಾರತಕ್ಕೆ ಚೀನಾ ಸವಾಲು ಇಂದು

ಮಿನಿ ಒಲಿಂಪಿಕ್ಸ್‌: ಸಮರ್ಥ್‌ಗೆ ಮೂರು ಚಿನ್ನ

14 ವರ್ಷದೊಳಗಿನ ರಾಜ್ಯಮಟ್ಟದ ಅಥ್ಲೆಟಿಕ್ಸ್: ಪೂಜಾ, ಪ್ರೀತಮ್ ವೇಗದ ಓಟಗಾರರು

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

₹23 ಕೋಟಿಯ ಈ ಕೋಣ ‘ಅನ್ಮೋಲ್‌’ ಡಯಟ್‌ನಲ್ಲಿ ಬಾದಾಮಿ, ಮೊಟ್ಟೆ, ಬಾಳೆಹಣ್ಣು..!