<p><strong>ಬಳ್ಳಾರಿ:</strong> ಆನ್ಲೈನ್ ವಂಚನೆಗೊಳಗಾಗಿರುವ ಮಹಿಳೆಯೊಬ್ಬರು ₹17 ಲಕ್ಷ ಹಣ ಕಳೆದುಕೊಂಡಿದ್ದು, ಈ ಕುರಿತು ತೋರಣಗಲ್ ಠಾಣೆಗೆ ದೂರು ನೀಡಿದ್ದಾರೆ. </p><p>ಜಿಂದಾಲ್ ವಿ.ವಿ ನಗರ ಟೌನ್ಶಿಪ್ ವಾಸಿಯಾಗಿರುವ ಮಹಿಳೆ, ಸದ್ಯ ಜಿಂದಾಲ್ ಸಂಜೀವಿನಿ ಆಸ್ಪತ್ರೆಯಲ್ಲಿ ಪ್ರಯೋಗಾಲಯ ತಂತ್ರಜ್ಞರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಕಳೆದ ಫೆಬ್ರುವರಿಯಲ್ಲಿ ಅವರ ಮೊಬೈಲ್ಗೆ ಟೆಲಿಗ್ರಾಮ್ ಸಂದೇಶವೊಂದು ಬಂದಿತ್ತು. ಅದರಲ್ಲಿ ನೀಡಲಾಗಿದ್ದ ಸೂಚನೆಗಳನ್ನೆಲ್ಲ ಪಾಲಿಸಿದ್ದ ಮಹಿಳೆ ಆನ್ಲೈನ್ ‘ಮೂವಿ ರೇಟಿಂಗ್ ಮಾರ್ಕೆಟಿಂಗ್’ ಆರಂಭಿಸಿದ್ದರು. </p><p>ವಂಚಕರ ಸೂಚನೆಯಂತೆ ‘ಮೂವಿ ರೇಟಿಂಗ್‘ ಮಾಡಿದಾಗಲೆಲ್ಲ ಅವರಿಗೆ ಹಣ ಸಂದಾಯವಾಗಿರುವುದಾಗಿ ಮೊಬೈಲ್ಗೆ ಮೆಸೆಜ್ ಬಂದಿದೆ. ಆ ಹಣವನ್ನು ಪಡೆಯಬೇಕಿದ್ದರೆ, ಇಂತಿಷ್ಟು ಹಣ ಪಾವತಿಸಬೇಕು ಎಂದು ಹೇಳಲಾಗಿದೆ. ಅದನ್ನು ನಂಬಿದ ಮಹಿಳೆ ಹಣ ಹಾಕಿದ್ದಾರೆ. ಇದೇ ರೀತಿ ಹಲವು ಕಂತುಗಳಲ್ಲಿ ಲಕ್ಷಾಂತರ ಹಣ ಪಾವತಿ ಮಾಡಿದ್ದಾರೆ.</p>.<p>ಇತ್ತೀಚೆಗೆ ‘ಮೂವಿ ರೇಟಿಂಗ್‘ ಮಾಡಿದಾಗ ಅವರಿಗೆ ₹26,42,770 ಹಣ ಸಂದಾಯವಾಗಿರುವುದಾಗಿ ಸಂದೇಶ ಬಂದಿದ್ದು, ಅದನ್ನು ಪಡೆಯಬೇಕಿದ್ದರೆ ₹12,01,560 ಪಾವತಿಸಬೇಕು ಎಂದು ತಿಳಿಸಲಾಗಿದೆ. ಆದರೆ, ಹಿಂದೆಲ್ಲ ಹಣ ಪಾವತಿಸಿದಾಗ ಹಿಂದಿರುಗಿ ತಮಗೆ ಹಣ ಬಂದಿರಲಿಲ್ಲ. ಇದರಿಂದ ಎಚ್ಚೆತ್ತ ಮಹಿಳೆ ಹಣ ಕೊಡಲು ನಿರಾಕರಿಸಿದ್ದಾರೆ.ಜತೆಗೆ ಹಿಂದೆ ಪಾವತಿಸಿದ ಹಣ ಕೊಡುವಂತೆ ಆಗ್ರಹಿಸಿದ್ದಾರೆ. ಆದರೆ, ವಂಚಕರಿಂದ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. </p><p>ಮಹಿಳೆಗೆ ತಿಳಿಯದೇ ಲೋನ್: ಈ ಮಧ್ಯೆ ಮಹಿಳೆ ನಿವೇಶನ ಖರೀದಿಗೆಂದು ₹5.50 ಲಕ್ಷವನ್ನು ಬ್ಯಾಂಕ್ನಿಂದ ಸಾಲ ಪಡೆದು ಅದನ್ನು ಖಾತೆಯಲ್ಲೇ ಉಳಿಸಿದ್ದರು. ಬಳಿಕ ಚಿನ್ನ ಅಡವಿಟ್ಟ ₹3.62 ಲಕ್ಷವನ್ನು ಖಾತೆಯಲ್ಲೇ ಇಟ್ಟಿದ್ದರು. ಆನ್ಲೈನ್ ವಂಚಕರು ಈ ಹಣವನ್ನೂ ಕಬಳಿಸಿದ್ದಾರೆ. ಜತೆಗೆ ಮಹಿಳೆ ಹೆಸರಲ್ಲಿ ₹2.50 ಲಕ್ಷ ಬ್ಯಾಂಕ್ ಸಾಲ ಪಡೆದು ಅದನ್ನೂ ಬೇರೆ ಬ್ಯಾಂಕ್ಗೆ ವರ್ಗಾಯಿಸಿಕೊಳ್ಳಲಾಗಿದೆ. ಮತ್ತೊಂದು ಖಾತೆಯಲ್ಲೂ ಮಹಿಳೆ ಹೆಸರಲ್ಲಿ ₹1.18 ಲಕ್ಷ ಬಾಂಕ್ ಸಾಲ ಪಡೆದು ಅದನ್ನೂ ವರ್ಗಾವಣೆ ಮಾಡಿಕೊಳ್ಳಲಾಗಿದೆ ಎಂದು ಎಫ್ಐಆರ್ನಲ್ಲಿ ಉಲ್ಲೇಖಿಸಲಾಗಿದೆ. </p><p>‘ಇದೇ ರೀತಿ ತಮ್ಮ ವಿವಿಧ ಖಾತೆಗಳಿಂದಲೂ, ವಿವಿಧ ದಿನ ಹಣ ಕಬಳಿಸಲಾಗಿದೆ. ಮೊಬೈಲ್ ಅನ್ನು ಹ್ಯಾಕ್ ಮಾಡಿ, ಒಟಿಪಿಗಳನ್ನು ಆಟೋ ಫಾರ್ವಡ್ ಮಾಡಿಕೊಂಡು ಒಟ್ಟಾರೆ ₹17,02,365 ಹಣವನ್ನು ತಮಗೆ ವಂಚಿಸಲಾಗಿದೆ’ ಎಂದು ಮಹಿಳೆ ತಮ್ಮ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. </p><p>ಐಪಿಸಿಯ ವಿವಿಧ ಸೆಕ್ಷನ್ಗಳ ಅಡಿಯಲ್ಲಿ ಅಪರಿಚಿತರ ವಿರುದ್ಧ ತೋರಣಗಲ್ ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಳ್ಳಾರಿ:</strong> ಆನ್ಲೈನ್ ವಂಚನೆಗೊಳಗಾಗಿರುವ ಮಹಿಳೆಯೊಬ್ಬರು ₹17 ಲಕ್ಷ ಹಣ ಕಳೆದುಕೊಂಡಿದ್ದು, ಈ ಕುರಿತು ತೋರಣಗಲ್ ಠಾಣೆಗೆ ದೂರು ನೀಡಿದ್ದಾರೆ. </p><p>ಜಿಂದಾಲ್ ವಿ.ವಿ ನಗರ ಟೌನ್ಶಿಪ್ ವಾಸಿಯಾಗಿರುವ ಮಹಿಳೆ, ಸದ್ಯ ಜಿಂದಾಲ್ ಸಂಜೀವಿನಿ ಆಸ್ಪತ್ರೆಯಲ್ಲಿ ಪ್ರಯೋಗಾಲಯ ತಂತ್ರಜ್ಞರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಕಳೆದ ಫೆಬ್ರುವರಿಯಲ್ಲಿ ಅವರ ಮೊಬೈಲ್ಗೆ ಟೆಲಿಗ್ರಾಮ್ ಸಂದೇಶವೊಂದು ಬಂದಿತ್ತು. ಅದರಲ್ಲಿ ನೀಡಲಾಗಿದ್ದ ಸೂಚನೆಗಳನ್ನೆಲ್ಲ ಪಾಲಿಸಿದ್ದ ಮಹಿಳೆ ಆನ್ಲೈನ್ ‘ಮೂವಿ ರೇಟಿಂಗ್ ಮಾರ್ಕೆಟಿಂಗ್’ ಆರಂಭಿಸಿದ್ದರು. </p><p>ವಂಚಕರ ಸೂಚನೆಯಂತೆ ‘ಮೂವಿ ರೇಟಿಂಗ್‘ ಮಾಡಿದಾಗಲೆಲ್ಲ ಅವರಿಗೆ ಹಣ ಸಂದಾಯವಾಗಿರುವುದಾಗಿ ಮೊಬೈಲ್ಗೆ ಮೆಸೆಜ್ ಬಂದಿದೆ. ಆ ಹಣವನ್ನು ಪಡೆಯಬೇಕಿದ್ದರೆ, ಇಂತಿಷ್ಟು ಹಣ ಪಾವತಿಸಬೇಕು ಎಂದು ಹೇಳಲಾಗಿದೆ. ಅದನ್ನು ನಂಬಿದ ಮಹಿಳೆ ಹಣ ಹಾಕಿದ್ದಾರೆ. ಇದೇ ರೀತಿ ಹಲವು ಕಂತುಗಳಲ್ಲಿ ಲಕ್ಷಾಂತರ ಹಣ ಪಾವತಿ ಮಾಡಿದ್ದಾರೆ.</p>.<p>ಇತ್ತೀಚೆಗೆ ‘ಮೂವಿ ರೇಟಿಂಗ್‘ ಮಾಡಿದಾಗ ಅವರಿಗೆ ₹26,42,770 ಹಣ ಸಂದಾಯವಾಗಿರುವುದಾಗಿ ಸಂದೇಶ ಬಂದಿದ್ದು, ಅದನ್ನು ಪಡೆಯಬೇಕಿದ್ದರೆ ₹12,01,560 ಪಾವತಿಸಬೇಕು ಎಂದು ತಿಳಿಸಲಾಗಿದೆ. ಆದರೆ, ಹಿಂದೆಲ್ಲ ಹಣ ಪಾವತಿಸಿದಾಗ ಹಿಂದಿರುಗಿ ತಮಗೆ ಹಣ ಬಂದಿರಲಿಲ್ಲ. ಇದರಿಂದ ಎಚ್ಚೆತ್ತ ಮಹಿಳೆ ಹಣ ಕೊಡಲು ನಿರಾಕರಿಸಿದ್ದಾರೆ.ಜತೆಗೆ ಹಿಂದೆ ಪಾವತಿಸಿದ ಹಣ ಕೊಡುವಂತೆ ಆಗ್ರಹಿಸಿದ್ದಾರೆ. ಆದರೆ, ವಂಚಕರಿಂದ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. </p><p>ಮಹಿಳೆಗೆ ತಿಳಿಯದೇ ಲೋನ್: ಈ ಮಧ್ಯೆ ಮಹಿಳೆ ನಿವೇಶನ ಖರೀದಿಗೆಂದು ₹5.50 ಲಕ್ಷವನ್ನು ಬ್ಯಾಂಕ್ನಿಂದ ಸಾಲ ಪಡೆದು ಅದನ್ನು ಖಾತೆಯಲ್ಲೇ ಉಳಿಸಿದ್ದರು. ಬಳಿಕ ಚಿನ್ನ ಅಡವಿಟ್ಟ ₹3.62 ಲಕ್ಷವನ್ನು ಖಾತೆಯಲ್ಲೇ ಇಟ್ಟಿದ್ದರು. ಆನ್ಲೈನ್ ವಂಚಕರು ಈ ಹಣವನ್ನೂ ಕಬಳಿಸಿದ್ದಾರೆ. ಜತೆಗೆ ಮಹಿಳೆ ಹೆಸರಲ್ಲಿ ₹2.50 ಲಕ್ಷ ಬ್ಯಾಂಕ್ ಸಾಲ ಪಡೆದು ಅದನ್ನೂ ಬೇರೆ ಬ್ಯಾಂಕ್ಗೆ ವರ್ಗಾಯಿಸಿಕೊಳ್ಳಲಾಗಿದೆ. ಮತ್ತೊಂದು ಖಾತೆಯಲ್ಲೂ ಮಹಿಳೆ ಹೆಸರಲ್ಲಿ ₹1.18 ಲಕ್ಷ ಬಾಂಕ್ ಸಾಲ ಪಡೆದು ಅದನ್ನೂ ವರ್ಗಾವಣೆ ಮಾಡಿಕೊಳ್ಳಲಾಗಿದೆ ಎಂದು ಎಫ್ಐಆರ್ನಲ್ಲಿ ಉಲ್ಲೇಖಿಸಲಾಗಿದೆ. </p><p>‘ಇದೇ ರೀತಿ ತಮ್ಮ ವಿವಿಧ ಖಾತೆಗಳಿಂದಲೂ, ವಿವಿಧ ದಿನ ಹಣ ಕಬಳಿಸಲಾಗಿದೆ. ಮೊಬೈಲ್ ಅನ್ನು ಹ್ಯಾಕ್ ಮಾಡಿ, ಒಟಿಪಿಗಳನ್ನು ಆಟೋ ಫಾರ್ವಡ್ ಮಾಡಿಕೊಂಡು ಒಟ್ಟಾರೆ ₹17,02,365 ಹಣವನ್ನು ತಮಗೆ ವಂಚಿಸಲಾಗಿದೆ’ ಎಂದು ಮಹಿಳೆ ತಮ್ಮ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. </p><p>ಐಪಿಸಿಯ ವಿವಿಧ ಸೆಕ್ಷನ್ಗಳ ಅಡಿಯಲ್ಲಿ ಅಪರಿಚಿತರ ವಿರುದ್ಧ ತೋರಣಗಲ್ ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
