<p><strong>ಬೆಂಗಳೂರು:</strong> ಆನ್ಲೈನ್ ಟ್ರೇಡಿಂಗ್ ಹೆಸರಿನಲ್ಲಿ ನಗರದ ಖಾಸಗಿ ಕಂಪನಿಯ ನಿರ್ದೇಶಕರೊಬ್ಬರಿಗೆ ₹ 6.54 ಕೋಟಿ ಹಣ ವಂಚಿಸಲಾಗಿದೆ. ಈ ಸಂಬಂಧ ಸೆನ್ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ನಡೆಸುತ್ತಿದ್ದಾರೆ.</p>.<p>ಪೊಲೀಸರ ಪ್ರಕಾರ ಈ ವರ್ಷ ನಗರದಲ್ಲಿ ಆನ್ಲೈನ್ ಟ್ರೇಡಿಂಗ್ನಲ್ಲಿ ಅತಿ ಹೆಚ್ಚು ಮೊತ್ತ ಕಳೆದುಕೊಂಡ ಪ್ರಕರಣ ಇದಾಗಿದೆ. ಕಳೆದ ವರ್ಷ ನಿವೃತ್ತ ಅಧಿಕಾರಿಯೊಬ್ಬರಿಗೆ 'ಫೆಡ್ಎಕ್ಸ್' ಕೊರಿಯರ್ ಹೆಸರಿನಲ್ಲಿ ₹ 9.14 ಕೋಟಿ ವಂಚನೆ ಮಾಡಲಾಗಿತ್ತು.</p>.<p>ಲ್ಯಾಂಪ್ಗಳನ್ನು ತಯಾರಿಸುವ ಕಂಪನಿಯೊಂದರ ನಿರ್ದೇಶಕರು, ಡಿಮ್ಯಾಟ್ ಖಾತೆ ತೆರೆದು ಷೇರು ವ್ಯವಹಾರ ಮಾಡುತ್ತಿದ್ದರು. ಆಗಸ್ಟ್ 11 ರಂದು, 56 ವರ್ಷದ ಈ ವ್ಯಕ್ತಿಗೆ ಅಪರಿಚಿತ ನಂಬರ್ನಿಂದ ವಾಟ್ಸ್ಆ್ಯಪ್ ಸಂದೇಶ ಬಂದಿದ್ದು, ವಹಿವಾಟು ಮತ್ತು ಹೂಡಿಕೆಯ ಕುರಿತ ತರಗತಿಗಳಿಗಾಗಿ ಗುಂಪು ಸೇರುವಂತೆ ಹೇಳಿದ್ದಾರೆ.</p>.<p>ಅನಿಕೇತ್ ನೆರ್ಕರ್ ಎಂಬುವರು ವ್ಯಕ್ತಿಯನ್ನು ‘ನುವಾಮಾ ಎಲೈಟ್ ಗ್ರೂಪ್’ ಎಂಬ ಹೆಸರಿನ ವಾಟ್ಸ್ಆ್ಯಪ್ ಗುಂಪಿಗೆ ಸೇರಿಸಿದ್ದರು. ಸುಮಾರು ಒಂದು ತಿಂಗಳು ಆನ್ಲೈನ್ ತರಗತಿಗೆ ಹಾಜರಾಗಿದ್ದರು. ಷೇರು ಮಾರುಕಟ್ಟೆಯಲ್ಲಿನ ಹೂಡಿಕೆ ಬಗ್ಗೆ ಸಲಹೆ ನೀಡಲಾಗುತ್ತಿತ್ತು.</p>.<p>‘ಆನ್ಲೈನ್ ಟ್ರೇಡಿಂಗ್ನಲ್ಲಿ ಹೆಚ್ಚು ಲಾಭಾಂಶ ಗಳಿಸುತ್ತಿರುವ ಬಗ್ಗೆ ವಾಟ್ಸ್ಗ್ರೂಪ್ನಲ್ಲಿನ ಸದಸ್ಯರು ಸಂದೇಶಗಳನ್ನು ಹಾಕುತ್ತಿದ್ದರು. ಈ ಸದಸ್ಯರು ವಂಚಕರ ಕಡೆಯವರು ಎಂಬುದು ಗೊತ್ತಿರಲಿಲ್ಲ. ಇದನ್ನು ನಂಬಿದ ವ್ಯಕ್ತಿ, ವಂಚಕರು ಸೂಚಿಸಿದ್ದ ಆ್ಯಪ್ ಡೌನ್ಲೋಡ್ ಮಾಡಿಕೊಂಡು ಅದರ ಮೂಲಕ ಹಣ ವಿನಿಯೋಗಿಸುತ್ತಿದ್ದರು. ಹಂತ ಹಂತವಾಗಿ ಅಕ್ಟೋಬರ್ 14ರವರೆಗೆ 12 ಬ್ಯಾಂಕ್ ಖಾತೆಗಳಿಗೆ₹ 6.54 ಕೋಟಿ ವರ್ಗಾವಣೆ ಮಾಡಿದ್ದರು’ ಎಂದು ಪೊಲೀಸರು ತಿಳಿಸಿದ್ದಾರೆ.</p>.<p>‘ಟ್ರೇಡಿಂಗ್ನಲ್ಲಿ ಬಂದ ಲಾಭದ ಹಣವನ್ನು ತೆಗೆದುಕೊಳ್ಳಲು ನಿರ್ದೇಶಕರು ಪ್ರಯತ್ನಿಸಿದಾಗ ಸಾಧ್ಯವಾಗಲಿಲ್ಲ. ಆಗ ವಂಚಕರನ್ನು ಸಂಪರ್ಕಿಸಿದಾಗ, ಮತ್ತೆ ₹ 2.5 ಕೋಟಿ ಹಣ ವರ್ಗಾವಣೆ ಮಾಡುವಂತೆ ಹೇಳಿದ್ದಾರೆ. ಇದರಿಂದ ಅನುಮಾನಗೊಂಡು ಪೊಲೀಸರಿಗೆ ದೂರು ನೀಡಿದರು. 12 ಬ್ಯಾಂಕ್ ಖಾತೆಗಳ ಹಣವನ್ನು ಜಪ್ತಿ ಮಾಡುವ ಪ್ರಕ್ರಿಯೆ ನಡೆಯುತ್ತಿದೆ’ ಪೊಲೀಸರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಆನ್ಲೈನ್ ಟ್ರೇಡಿಂಗ್ ಹೆಸರಿನಲ್ಲಿ ನಗರದ ಖಾಸಗಿ ಕಂಪನಿಯ ನಿರ್ದೇಶಕರೊಬ್ಬರಿಗೆ ₹ 6.54 ಕೋಟಿ ಹಣ ವಂಚಿಸಲಾಗಿದೆ. ಈ ಸಂಬಂಧ ಸೆನ್ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ನಡೆಸುತ್ತಿದ್ದಾರೆ.</p>.<p>ಪೊಲೀಸರ ಪ್ರಕಾರ ಈ ವರ್ಷ ನಗರದಲ್ಲಿ ಆನ್ಲೈನ್ ಟ್ರೇಡಿಂಗ್ನಲ್ಲಿ ಅತಿ ಹೆಚ್ಚು ಮೊತ್ತ ಕಳೆದುಕೊಂಡ ಪ್ರಕರಣ ಇದಾಗಿದೆ. ಕಳೆದ ವರ್ಷ ನಿವೃತ್ತ ಅಧಿಕಾರಿಯೊಬ್ಬರಿಗೆ 'ಫೆಡ್ಎಕ್ಸ್' ಕೊರಿಯರ್ ಹೆಸರಿನಲ್ಲಿ ₹ 9.14 ಕೋಟಿ ವಂಚನೆ ಮಾಡಲಾಗಿತ್ತು.</p>.<p>ಲ್ಯಾಂಪ್ಗಳನ್ನು ತಯಾರಿಸುವ ಕಂಪನಿಯೊಂದರ ನಿರ್ದೇಶಕರು, ಡಿಮ್ಯಾಟ್ ಖಾತೆ ತೆರೆದು ಷೇರು ವ್ಯವಹಾರ ಮಾಡುತ್ತಿದ್ದರು. ಆಗಸ್ಟ್ 11 ರಂದು, 56 ವರ್ಷದ ಈ ವ್ಯಕ್ತಿಗೆ ಅಪರಿಚಿತ ನಂಬರ್ನಿಂದ ವಾಟ್ಸ್ಆ್ಯಪ್ ಸಂದೇಶ ಬಂದಿದ್ದು, ವಹಿವಾಟು ಮತ್ತು ಹೂಡಿಕೆಯ ಕುರಿತ ತರಗತಿಗಳಿಗಾಗಿ ಗುಂಪು ಸೇರುವಂತೆ ಹೇಳಿದ್ದಾರೆ.</p>.<p>ಅನಿಕೇತ್ ನೆರ್ಕರ್ ಎಂಬುವರು ವ್ಯಕ್ತಿಯನ್ನು ‘ನುವಾಮಾ ಎಲೈಟ್ ಗ್ರೂಪ್’ ಎಂಬ ಹೆಸರಿನ ವಾಟ್ಸ್ಆ್ಯಪ್ ಗುಂಪಿಗೆ ಸೇರಿಸಿದ್ದರು. ಸುಮಾರು ಒಂದು ತಿಂಗಳು ಆನ್ಲೈನ್ ತರಗತಿಗೆ ಹಾಜರಾಗಿದ್ದರು. ಷೇರು ಮಾರುಕಟ್ಟೆಯಲ್ಲಿನ ಹೂಡಿಕೆ ಬಗ್ಗೆ ಸಲಹೆ ನೀಡಲಾಗುತ್ತಿತ್ತು.</p>.<p>‘ಆನ್ಲೈನ್ ಟ್ರೇಡಿಂಗ್ನಲ್ಲಿ ಹೆಚ್ಚು ಲಾಭಾಂಶ ಗಳಿಸುತ್ತಿರುವ ಬಗ್ಗೆ ವಾಟ್ಸ್ಗ್ರೂಪ್ನಲ್ಲಿನ ಸದಸ್ಯರು ಸಂದೇಶಗಳನ್ನು ಹಾಕುತ್ತಿದ್ದರು. ಈ ಸದಸ್ಯರು ವಂಚಕರ ಕಡೆಯವರು ಎಂಬುದು ಗೊತ್ತಿರಲಿಲ್ಲ. ಇದನ್ನು ನಂಬಿದ ವ್ಯಕ್ತಿ, ವಂಚಕರು ಸೂಚಿಸಿದ್ದ ಆ್ಯಪ್ ಡೌನ್ಲೋಡ್ ಮಾಡಿಕೊಂಡು ಅದರ ಮೂಲಕ ಹಣ ವಿನಿಯೋಗಿಸುತ್ತಿದ್ದರು. ಹಂತ ಹಂತವಾಗಿ ಅಕ್ಟೋಬರ್ 14ರವರೆಗೆ 12 ಬ್ಯಾಂಕ್ ಖಾತೆಗಳಿಗೆ₹ 6.54 ಕೋಟಿ ವರ್ಗಾವಣೆ ಮಾಡಿದ್ದರು’ ಎಂದು ಪೊಲೀಸರು ತಿಳಿಸಿದ್ದಾರೆ.</p>.<p>‘ಟ್ರೇಡಿಂಗ್ನಲ್ಲಿ ಬಂದ ಲಾಭದ ಹಣವನ್ನು ತೆಗೆದುಕೊಳ್ಳಲು ನಿರ್ದೇಶಕರು ಪ್ರಯತ್ನಿಸಿದಾಗ ಸಾಧ್ಯವಾಗಲಿಲ್ಲ. ಆಗ ವಂಚಕರನ್ನು ಸಂಪರ್ಕಿಸಿದಾಗ, ಮತ್ತೆ ₹ 2.5 ಕೋಟಿ ಹಣ ವರ್ಗಾವಣೆ ಮಾಡುವಂತೆ ಹೇಳಿದ್ದಾರೆ. ಇದರಿಂದ ಅನುಮಾನಗೊಂಡು ಪೊಲೀಸರಿಗೆ ದೂರು ನೀಡಿದರು. 12 ಬ್ಯಾಂಕ್ ಖಾತೆಗಳ ಹಣವನ್ನು ಜಪ್ತಿ ಮಾಡುವ ಪ್ರಕ್ರಿಯೆ ನಡೆಯುತ್ತಿದೆ’ ಪೊಲೀಸರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
