<p><strong>ಬೆಂಗಳೂರು: </strong>ಕಬ್ಬನ್ ಉದ್ಯಾನದಲ್ಲಿ ನಿತ್ಯವೂ ಸಾವಿರಾರು ಮಂದಿ ವಿಹಾರಕ್ಕೆ ಬರುತ್ತಾರೆ. ಆದರೆ, ಇಲ್ಲಿ 150ಕ್ಕೂ ವರ್ಷಗಳಿಗೂ ಹಳೆಯ ಪಾರಂಪರಿಕ ಮರಗಳಿರುವುದನ್ನು ಬಹುತೇಕರು ಗಮನಿಸಿರಲಿಕ್ಕಿಲ್ಲ. ಇಲ್ಲಿರುವ ಪಾರಂಪರಿಕ ಮರಗಳ ಬಗ್ಗೆ ತಿಳಿಯುವ ಅವಕಾಶ ಯುವಜನರ ಪಾಲಿಗೆ ಶನಿವಾರ ಒದಗಿಬಂದಿತ್ತು,</p>.<p>‘ಹೆರಿಟೇಜ್ ಬೇಕು’ ಸಂಘಟನೆಯು ತೋಟಗಾರಿಕಾ ಇಲಾಖೆ ಜೊತೆ ಸೇರಿ ಕಬ್ಬನ್ ಉದ್ಯಾನದಲ್ಲಿ ಏರ್ಪಡಿಸಿದ್ದ ‘ಪಾರಂಪರಿಕ ಮರಗಳ ನಡುವೆ ನಡಿಗೆ’ ಕಾರ್ಯಕ್ರಮ ಇದಕ್ಕೆ ಅವಕಾಶ ಕಲ್ಪಿಸಿತು.</p>.<p>ಚುಮು ಚುಮು ಚಳಿ ಕಳೆಯುವ ಮುನ್ನವೇ ಉತ್ಸಾಹಿ ಯುವಕ ಯುವತಿಯರ ನಡುವೆ ಉದ್ಯಾನದಲ್ಲಿ ಮುಂಜಾನೆ ಹೆಜ್ಜೆ ಹಾಕುತ್ತಾ ಸಾಗಿದ ನಿಸರ್ಗಪ್ರೇಮಿ ಕಾವ್ಯಾ ಚಂದ್ರ ಅವರು ಜೀವಿ ಪರಿಸರ ವ್ಯವಸ್ಥೆಯಲ್ಲಿ ಈ ಉದ್ಯಾನದ ಮರಗಳ ಮಹತ್ವವೇನು, ಅವು ಎಷ್ಟು ಹಳೆಯವು, ಅವುಗಳಿಂದ ಏನೆಲ್ಲಾ ಪ್ರಯೋಜನಗಳಿವೆ ಎಂಬುದನ್ನು ಎಳೆ ಎಳೆಯಾಗಿ ಬಿಚ್ಚಿಟ್ಟರು.</p>.<p>‘ಈ ಉದ್ಯಾನದಲ್ಲಿ 8 ಸಾವಿರಕ್ಕೂ ಅಧಿಕ ಮರಗಳಿವೆ. 150 ಅಧಿಕ ಪಾರಂಪರಿಕ ಪ್ರಭೇದಗಳ ಆಗರವಿದು. ಇಂತಹ 300ಕ್ಕೂ ಹೆಚ್ಚು ಮರಗಳು ಇಲ್ಲಿವೆ’ ಎಂದರು.</p>.<p>ಆಲದ ಮರದ ಕುರಿತು ವಿವರಿಸಿದ ಅವರು, ‘ಈ ಮರವೊಂದೇ 100ಕ್ಕೂ ಹೆಚ್ಚು ಪ್ರಭೇದಗಳ ಹಕ್ಕಿಗಳಿಗೆ ಆಹಾರ–ಆಶ್ರಯ ಕಲ್ಪಿಸುತ್ತದೆ. ಈ ಮರವೇ ಒಂದು ಜೈವಿಕ ವ್ಯವಸ್ಥೆ ಇದ್ದಂತೆ’ ಎಂದು ಬಣ್ಣಿಸಿದರು.</p>.<p>150 ವರ್ಷಗಳಷ್ಟು ಹಳೆಯದಾದ ಗುಲ್ಮೊಹರ್, ಮಳೆ ಮರ, ನೇರಳೆ ಹಣ್ಣಿನ ಮರ, ನೀಲಗಿರಿ, ಆಫ್ರಿಕನ್ ಟ್ಯುಲಿಪ್ ವೃಕ್ಷಗಳ ಬಗ್ಗೆ ಅವರು ವಿವರಿಸುವಾಗ ಯುವಕ ಯುವತಿಯರು ಕಣ್ಣೆವೆ ಇಕ್ಕದೆ ಕುತೂಹಲದಿಂದ ಆಲಿಸಿದರು.</p>.<p>ತೋಟಗಾರಿಕೆ ಇಲಾಖೆ ಪ್ರಧಾನ ಕಾರ್ಯದರ್ಶಿ ರಾಜೇಂದ್ರ ಕುಮಾರ್ ಕಟಾರಿಯಾ ಹಾಗೂ ಕಬ್ಬನ್ ಉದ್ಯಾನದ ಉಪ ನಿರ್ದೇಶಕ ಬಾಲಕೃಷ್ಣ ಭಾಗವಹಿಸಿದರು.</p>.<p>***</p>.<p>ಈ ನಗರದ ಪಾರಂಪರಿಕ ವಿಚಾರಗಳ ಬಗ್ಗೆಯೇ ಅರಿವಿಲ್ಲದಿದ್ದರೆ ನಾವು ಈ ನಗರವನ್ನು ಪ್ರೀತಿಸುವುದಾದರೂ ಹೇಗೆ. ಈ ನಗರದ ಬಗ್ಗೆ ಹೆಚ್ಚು ತಿಳಿದುಕೊಂಡಷ್ಟೂ ಇದು ನಮಗೆ ಮತ್ತಷ್ಟು ಆಪ್ತವಾಗುತ್ತದೆ</p>.<p><strong>–ಪ್ರಿಯಾಚೆಟ್ಟಿ ರಾಜಗೋಪಾಲ್, ಹೆರಿಟೇಜ್ ಬೇಕು, ಸಂಘಟನೆ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಕಬ್ಬನ್ ಉದ್ಯಾನದಲ್ಲಿ ನಿತ್ಯವೂ ಸಾವಿರಾರು ಮಂದಿ ವಿಹಾರಕ್ಕೆ ಬರುತ್ತಾರೆ. ಆದರೆ, ಇಲ್ಲಿ 150ಕ್ಕೂ ವರ್ಷಗಳಿಗೂ ಹಳೆಯ ಪಾರಂಪರಿಕ ಮರಗಳಿರುವುದನ್ನು ಬಹುತೇಕರು ಗಮನಿಸಿರಲಿಕ್ಕಿಲ್ಲ. ಇಲ್ಲಿರುವ ಪಾರಂಪರಿಕ ಮರಗಳ ಬಗ್ಗೆ ತಿಳಿಯುವ ಅವಕಾಶ ಯುವಜನರ ಪಾಲಿಗೆ ಶನಿವಾರ ಒದಗಿಬಂದಿತ್ತು,</p>.<p>‘ಹೆರಿಟೇಜ್ ಬೇಕು’ ಸಂಘಟನೆಯು ತೋಟಗಾರಿಕಾ ಇಲಾಖೆ ಜೊತೆ ಸೇರಿ ಕಬ್ಬನ್ ಉದ್ಯಾನದಲ್ಲಿ ಏರ್ಪಡಿಸಿದ್ದ ‘ಪಾರಂಪರಿಕ ಮರಗಳ ನಡುವೆ ನಡಿಗೆ’ ಕಾರ್ಯಕ್ರಮ ಇದಕ್ಕೆ ಅವಕಾಶ ಕಲ್ಪಿಸಿತು.</p>.<p>ಚುಮು ಚುಮು ಚಳಿ ಕಳೆಯುವ ಮುನ್ನವೇ ಉತ್ಸಾಹಿ ಯುವಕ ಯುವತಿಯರ ನಡುವೆ ಉದ್ಯಾನದಲ್ಲಿ ಮುಂಜಾನೆ ಹೆಜ್ಜೆ ಹಾಕುತ್ತಾ ಸಾಗಿದ ನಿಸರ್ಗಪ್ರೇಮಿ ಕಾವ್ಯಾ ಚಂದ್ರ ಅವರು ಜೀವಿ ಪರಿಸರ ವ್ಯವಸ್ಥೆಯಲ್ಲಿ ಈ ಉದ್ಯಾನದ ಮರಗಳ ಮಹತ್ವವೇನು, ಅವು ಎಷ್ಟು ಹಳೆಯವು, ಅವುಗಳಿಂದ ಏನೆಲ್ಲಾ ಪ್ರಯೋಜನಗಳಿವೆ ಎಂಬುದನ್ನು ಎಳೆ ಎಳೆಯಾಗಿ ಬಿಚ್ಚಿಟ್ಟರು.</p>.<p>‘ಈ ಉದ್ಯಾನದಲ್ಲಿ 8 ಸಾವಿರಕ್ಕೂ ಅಧಿಕ ಮರಗಳಿವೆ. 150 ಅಧಿಕ ಪಾರಂಪರಿಕ ಪ್ರಭೇದಗಳ ಆಗರವಿದು. ಇಂತಹ 300ಕ್ಕೂ ಹೆಚ್ಚು ಮರಗಳು ಇಲ್ಲಿವೆ’ ಎಂದರು.</p>.<p>ಆಲದ ಮರದ ಕುರಿತು ವಿವರಿಸಿದ ಅವರು, ‘ಈ ಮರವೊಂದೇ 100ಕ್ಕೂ ಹೆಚ್ಚು ಪ್ರಭೇದಗಳ ಹಕ್ಕಿಗಳಿಗೆ ಆಹಾರ–ಆಶ್ರಯ ಕಲ್ಪಿಸುತ್ತದೆ. ಈ ಮರವೇ ಒಂದು ಜೈವಿಕ ವ್ಯವಸ್ಥೆ ಇದ್ದಂತೆ’ ಎಂದು ಬಣ್ಣಿಸಿದರು.</p>.<p>150 ವರ್ಷಗಳಷ್ಟು ಹಳೆಯದಾದ ಗುಲ್ಮೊಹರ್, ಮಳೆ ಮರ, ನೇರಳೆ ಹಣ್ಣಿನ ಮರ, ನೀಲಗಿರಿ, ಆಫ್ರಿಕನ್ ಟ್ಯುಲಿಪ್ ವೃಕ್ಷಗಳ ಬಗ್ಗೆ ಅವರು ವಿವರಿಸುವಾಗ ಯುವಕ ಯುವತಿಯರು ಕಣ್ಣೆವೆ ಇಕ್ಕದೆ ಕುತೂಹಲದಿಂದ ಆಲಿಸಿದರು.</p>.<p>ತೋಟಗಾರಿಕೆ ಇಲಾಖೆ ಪ್ರಧಾನ ಕಾರ್ಯದರ್ಶಿ ರಾಜೇಂದ್ರ ಕುಮಾರ್ ಕಟಾರಿಯಾ ಹಾಗೂ ಕಬ್ಬನ್ ಉದ್ಯಾನದ ಉಪ ನಿರ್ದೇಶಕ ಬಾಲಕೃಷ್ಣ ಭಾಗವಹಿಸಿದರು.</p>.<p>***</p>.<p>ಈ ನಗರದ ಪಾರಂಪರಿಕ ವಿಚಾರಗಳ ಬಗ್ಗೆಯೇ ಅರಿವಿಲ್ಲದಿದ್ದರೆ ನಾವು ಈ ನಗರವನ್ನು ಪ್ರೀತಿಸುವುದಾದರೂ ಹೇಗೆ. ಈ ನಗರದ ಬಗ್ಗೆ ಹೆಚ್ಚು ತಿಳಿದುಕೊಂಡಷ್ಟೂ ಇದು ನಮಗೆ ಮತ್ತಷ್ಟು ಆಪ್ತವಾಗುತ್ತದೆ</p>.<p><strong>–ಪ್ರಿಯಾಚೆಟ್ಟಿ ರಾಜಗೋಪಾಲ್, ಹೆರಿಟೇಜ್ ಬೇಕು, ಸಂಘಟನೆ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
