<p><strong>ಬೆಂಗಳೂರು: </strong>‘ಬಿ.ಆರ್. ಲಕ್ಷ್ಮಣರಾವ್ ಅವರ ಬಹುತೇಕ ಕವಿತೆಗಳಲ್ಲಿ ಸೂಕ್ಷ್ಮವಾದ ವ್ಯಂಗ್ಯ ಇರುತ್ತದೆ ಮತ್ತು ಆ ವ್ಯಂಗ್ಯ ವಿಷಾದದಲ್ಲಿ ಕೊನೆಯಾಗುತ್ತದೆ. ಹೀಗೆ ವಿಷಾದದಲ್ಲಿ ಕೊನೆಯಾಗುವ ವ್ಯಂಗ್ಯ ಯಾವತ್ತೂ ಶ್ರೇಷ್ಠ’ ಎಂದು ನಿರ್ದೇಶಕ ಟಿ.ಎನ್. ಸೀತಾರಾಮ್ ಅಭಿಪ್ರಾಯಪಟ್ಟರು.</p>.<p>ಫೇಸ್ಬುಕ್ ಲೈವ್ನಲ್ಲಿ ಬುಧವಾರ ಲಕ್ಷ್ಮಣರಾವ್ ಅವರ ‘ನವೋನ್ಮೇಷ' ಕವನಗಳ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಯಾವುದೇ ಕವಿತೆಯಾಗಲಿ ಅರ್ಥವಾಗುವ ರೀತಿಯಲ್ಲಿ ಲಕ್ಷ್ಮಣರಾವ್ ಬರೆಯುತ್ತಾರೆ. ಅವರ ಕವನಗಳಲ್ಲಿ ಆತ್ಮೀಯ–ಪ್ರೀತಿಯ ಭಾವಗಳು ಹೆಚ್ಚಾಗಿರುತ್ತವೆ’ ಎಂದರು.</p>.<p>ಹಿರಿಯ ಸಾಹಿತಿ ಡಾ.ಎಚ್.ಎಸ್. ವೆಂಕಟೇಶಮೂರ್ತಿ, ‘ಕೆ.ಎಸ್. ನರಸಿಂಹಸ್ವಾಮಿಯವರಂತೆಯೇ ಲಕ್ಷ್ಮಣರಾವ್ ಅವರು ಪ್ರೇಮಕವಿತೆಗಳನ್ನೇ ಹೆಚ್ಚಾಗಿ ಬರೆದಿದ್ದಾರೆ. ನರಸಿಂಹಸ್ವಾಮಿಯವರದು ಮರ್ಯಾದೆ ದಾಟದ ಪ್ರೀತಿಯಾದರೆ, ಲಕ್ಷ್ಮಣರಾವ್ ಅವರದು ಅಪಥ್ಯ ಪ್ರೀತಿ. ಅಂದರೆ ಪಥ್ಯವನ್ನು ಮೀರಿ ಕವಿತೆಗಳನ್ನು ರಚಿಸಿದ್ದಾರೆ. ಅವರಿಗೆ ವಯಸ್ಸಾದರೂ, ಕವಿತೆಗಳಿಗೆ ಯಾವತ್ತೂ ವಯಸ್ಸಾಗುವುದಿಲ್ಲ’ ಎಂದರು.</p>.<p>‘ಲಕ್ಷ್ಮಣರಾವ್ ಅವರ ಕವಿತೆಗಳಲ್ಲಿ ಪ್ರೀತಿಯ ಹೊರತಾಗಿ ಸಾಮಾಜಿಕ, ರಾಜಕೀಯ ಬದ್ಧ ನಿಲುವುಗಳು ಕಾಣುವುದಿಲ್ಲ. ಪ್ರೀತಿ–ಪ್ರೇಮದ ವಲಯವನ್ನು ದಾಟಿ, ಮಹಾಕವಿತೆ ಬರೆಯುವುದರ ಕಡೆಗೆ ಗಮನ ಹರಿಸಬೇಕು’ ಎಂದು ಪ್ರೀತಿಪೂರ್ವಕ ಸಲಹೆ ನೀಡಿದರು.</p>.<p>ಕವಿ ಜೋಗಿ, ‘ನವೋನ್ಮೇಷ ಎಂದರೆ ಹೊಸತು, ಹೊಸತಾಗಿ ಅರಳುವುದು, ಹೊಸ ಭಾವಗಳು ಎಂಬ ಅರ್ಥ ಬರುತ್ತದೆ. ಕನ್ನಡದ ಹೊಸ ಸಾಧ್ಯತೆಗಳನ್ನು ಲಕ್ಷ್ಮಣರಾವ್ ತೋರಿಸಿಕೊಟ್ಟಿದ್ದಾರೆ’ ಎಂದು ಪ್ರಶಂಸಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>‘ಬಿ.ಆರ್. ಲಕ್ಷ್ಮಣರಾವ್ ಅವರ ಬಹುತೇಕ ಕವಿತೆಗಳಲ್ಲಿ ಸೂಕ್ಷ್ಮವಾದ ವ್ಯಂಗ್ಯ ಇರುತ್ತದೆ ಮತ್ತು ಆ ವ್ಯಂಗ್ಯ ವಿಷಾದದಲ್ಲಿ ಕೊನೆಯಾಗುತ್ತದೆ. ಹೀಗೆ ವಿಷಾದದಲ್ಲಿ ಕೊನೆಯಾಗುವ ವ್ಯಂಗ್ಯ ಯಾವತ್ತೂ ಶ್ರೇಷ್ಠ’ ಎಂದು ನಿರ್ದೇಶಕ ಟಿ.ಎನ್. ಸೀತಾರಾಮ್ ಅಭಿಪ್ರಾಯಪಟ್ಟರು.</p>.<p>ಫೇಸ್ಬುಕ್ ಲೈವ್ನಲ್ಲಿ ಬುಧವಾರ ಲಕ್ಷ್ಮಣರಾವ್ ಅವರ ‘ನವೋನ್ಮೇಷ' ಕವನಗಳ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಯಾವುದೇ ಕವಿತೆಯಾಗಲಿ ಅರ್ಥವಾಗುವ ರೀತಿಯಲ್ಲಿ ಲಕ್ಷ್ಮಣರಾವ್ ಬರೆಯುತ್ತಾರೆ. ಅವರ ಕವನಗಳಲ್ಲಿ ಆತ್ಮೀಯ–ಪ್ರೀತಿಯ ಭಾವಗಳು ಹೆಚ್ಚಾಗಿರುತ್ತವೆ’ ಎಂದರು.</p>.<p>ಹಿರಿಯ ಸಾಹಿತಿ ಡಾ.ಎಚ್.ಎಸ್. ವೆಂಕಟೇಶಮೂರ್ತಿ, ‘ಕೆ.ಎಸ್. ನರಸಿಂಹಸ್ವಾಮಿಯವರಂತೆಯೇ ಲಕ್ಷ್ಮಣರಾವ್ ಅವರು ಪ್ರೇಮಕವಿತೆಗಳನ್ನೇ ಹೆಚ್ಚಾಗಿ ಬರೆದಿದ್ದಾರೆ. ನರಸಿಂಹಸ್ವಾಮಿಯವರದು ಮರ್ಯಾದೆ ದಾಟದ ಪ್ರೀತಿಯಾದರೆ, ಲಕ್ಷ್ಮಣರಾವ್ ಅವರದು ಅಪಥ್ಯ ಪ್ರೀತಿ. ಅಂದರೆ ಪಥ್ಯವನ್ನು ಮೀರಿ ಕವಿತೆಗಳನ್ನು ರಚಿಸಿದ್ದಾರೆ. ಅವರಿಗೆ ವಯಸ್ಸಾದರೂ, ಕವಿತೆಗಳಿಗೆ ಯಾವತ್ತೂ ವಯಸ್ಸಾಗುವುದಿಲ್ಲ’ ಎಂದರು.</p>.<p>‘ಲಕ್ಷ್ಮಣರಾವ್ ಅವರ ಕವಿತೆಗಳಲ್ಲಿ ಪ್ರೀತಿಯ ಹೊರತಾಗಿ ಸಾಮಾಜಿಕ, ರಾಜಕೀಯ ಬದ್ಧ ನಿಲುವುಗಳು ಕಾಣುವುದಿಲ್ಲ. ಪ್ರೀತಿ–ಪ್ರೇಮದ ವಲಯವನ್ನು ದಾಟಿ, ಮಹಾಕವಿತೆ ಬರೆಯುವುದರ ಕಡೆಗೆ ಗಮನ ಹರಿಸಬೇಕು’ ಎಂದು ಪ್ರೀತಿಪೂರ್ವಕ ಸಲಹೆ ನೀಡಿದರು.</p>.<p>ಕವಿ ಜೋಗಿ, ‘ನವೋನ್ಮೇಷ ಎಂದರೆ ಹೊಸತು, ಹೊಸತಾಗಿ ಅರಳುವುದು, ಹೊಸ ಭಾವಗಳು ಎಂಬ ಅರ್ಥ ಬರುತ್ತದೆ. ಕನ್ನಡದ ಹೊಸ ಸಾಧ್ಯತೆಗಳನ್ನು ಲಕ್ಷ್ಮಣರಾವ್ ತೋರಿಸಿಕೊಟ್ಟಿದ್ದಾರೆ’ ಎಂದು ಪ್ರಶಂಸಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
