ಔರಾದ್: ಮಕ್ಕಳಿಗೆ ಸ್ಮಾರ್ಟ್‌ಕ್ಲಾಸ್ ಭಾಗ್ಯ ಕಲ್ಪಿಸಿದ ಶಿಕ್ಷಕ, ಪಾಲಕರ ಮೆಚ್ಚುಗೆ

ಔರಾದ್: ಮೂಲ ಸೌಕರ್ಯ ಕೊರತೆ ನಡುವೆಯೂ ತಾಲ್ಲೂಕಿನ ಗಡಿ ಭಾಗದ ಸರ್ಕಾರಿ ಶಾಲೆಯೊಂದರ ಮಕ್ಕಳು ಸ್ಮಾರ್ಟ್ ಕ್ಲಾಸ್ ಸೌಲಭ್ಯ ಪಡೆಯುತ್ತಿದ್ದಾರೆ.

. ವಿವಿಧ ಮೂಲ ಸೌಕರ್ಯ ಹಾಗೂ ಸ್ಮಾರ್ಟ್ಫೋನ್ ಕಾಣದ ಬೋರ್ಗಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮಕ್ಕಳು ಈಗ ದೊಡ್ಡ ಪರದೆ ಮೇಲೆ ಪಾಠ ಕೇಳುವ ಸೌಭಾಗ್ಯ ದೊರೆತು ಇಡೀ ಊರು ಸಂಭ್ರಮಿಸುತ್ತಿದೆ.

. ಈ ಸಂಭ್ರಮಕ್ಕೆ ಬೇರೆ ಯಾರೂ ಕಾರಣರಲ್ಲ. ಒಬ್ಬ ಸಾಮಾನ್ಯ ಶಿಕ್ಷಕ ಎಂಬುದು ವಿಶೇಷ. ಈ ಶಾಲೆ ಶಿಕ್ಷಕ ಮುತ್ತಣ್ಣ ರಂಡಾಳೆ ಅವರು ತಮ್ಮ ಸ್ವಂತ ಖರ್ಚಿನಿಂದ ಸ್ಮಾರ್ಟ್ಕ್ಲಾಸ್ ತಯಾರಿಸಿದ್ದಾರೆ. ₹60 ಸಾವಿರ ಮೌಲ್ಯದ ಪ್ರೊಜೆಕ್ಟರ್ ಹಾಗೂ ಸ್ಕ್ರೀನ್ (ಪರದೆ) ತಂದು ಶಾಲಾ ಕೊಠಡಿಯಲ್ಲಿ ಅಳವಡಿಸಿದ್ದಾರೆ.

. ಕಳೆದ ಜನವರಿ 12ರಂದು ಸ್ವಾಮಿ ವಿವೇಕಾನಂದರ ಜಯಂತಿ ದಿನದಂದು ಶಾಲಾ ಮಕ್ಕಳಿಂದಲೇ ಈ ಸ್ಮಾರ್ಟ್ಕ್ಲಾಸ್ ಉದ್ಘಾಟನೆ ಮಾಡಿಸಲಾಗಿದೆ. ಶಾಲೆಯಲ್ಲಿ ಅಳವಡಿಸಿದ ಈ ನೂತನ ವ್ಯವಸ್ಥೆಯಿಂದ ಮಕ್ಕಳಲ್ಲಿ ಉತ್ಸಾಹ ಜಾಸ್ತಿಯಾಗಿದೆ.

. ಪರದೆ ಮೇಲೆ ಪಾಠ ಕೇಳುವ ಹೊಸ ಅನುಭವ ಹೆಚ್ಚು ಕಲಿಕೆಗೆ ಪ್ರೇರಣೆಯಾಗುತ್ತಿದೆ. ತಮ್ಮ ಮಕ್ಕಳ ಮೊಗದಲ್ಲಿ ಕಂಡು ಬಂದ ಉತ್ಸಾಹದಿಂದ ಪಾಲಕರು ಶಿಕ್ಷಕ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

. ‘ಲಾಕ್ಡೌನ್ನಿಂದ ನಮ್ಮ ಶಾಲೆ ಮಕ್ಕಳ ಕಲಿಕೆಗೆ ಹಿನ್ನಡೆಯಾಗಿರುವುದು ಸ್ವಲ್ಪ ನೋವು ತಂದಿದೆ. ಆನ್ಲೈನ್ ಪಾಠ ಮಾಡಲು ಶಿಕ್ಷಕರು ಪ್ಲಾನ್ ಮಾಡಿದ್ದೆವು. ಆದರೆ ಪಾಲಕರ ಬಳಿ ಸ್ಮಾರ್ಟ್ಫೊನ್ ಇರಲಿಲ್ಲ. ಈ ಕಾರಣ ಕಲಿಕೆಯಲ್ಲಿ ಆಗಿರುವ ಹಿನ್ನಡೆ ತಪ್ಪಿಸಲು ಈಗ ಸ್ಮಾರ್ಟ್ಕ್ಲಾಸ್ ಮೊರೆ ಹೋಗಿದ್ದೇವೆ. ನಮ್ಮ ಸ್ವಂತ ಮಕ್ಕಳ ಶಿಕ್ಷಣಕ್ಕಾಗಿ ಎಷ್ಟೋ ಹಣ ಸುರಿಯುತ್ತೇವೆ. ನಮಗೆ ಅನ್ನ ಕೊಡುವ ಶಾಲೆ ಮಕ್ಕಳ ಕಲಿಕೆಗಾಗಿ ಒಂದಿಷ್ಟು ಖರ್ಚು ಮಾಡಲು ನನಗೆ ಸಂತೋಷ ಎನಿಸುತ್ತಿದೆ’ ಎಂದು ಶಿಕ್ಷಕ ಮುತ್ತಣ್ಣ ರಂಡಾಳೆ ತಿಳಿಸಿದ್ದಾರೆ.

. ‘ನಮ್ಮದು 1ರಿಂದ 8ನೇ ತರಗತಿ ವರೆಗಿನ ಹಿರಿಯ ಪ್ರಾಥಮಿಕ ಶಾಲೆ. ಮಕ್ಕಳ ಸಂಖ್ಯೆ 120 ಇದೆ. ಆದರೆ ಮುಖ್ಯ ಶಿಕ್ಷಕ ಸೇರಿ ನಾಲ್ವರು ಶಿಕ್ಷರಿದ್ದಾರೆ. ಇನ್ನು ಇಬ್ಬರು ಶಿಕ್ಷಕ ಕೊರತೆ ಇದೆ. ಈ ಕೊರತೆ ನೀಗಿಸಲು ಸ್ಮಾರ್ಟ್ಕ್ಲಾಸ್ ಬಳಸಿಕೊಳ್ಳುತ್ತಿದ್ದೇವೆ. ಶಿಕ್ಷಕ ಮುತ್ತಣ್ಣ ಅವರು ಮಕ್ಕಳಿಗೆ ನೂತನ ಕಲಿಕೆ ಸೌಲಭ್ಯ ಕಲ್ಪಿಸಿರುವುದು ನಮಗೂ ಹೆಮ್ಮೆ ಎನಿಸುತ್ತಿದೆ’ ಎಂದು ಮುಖ್ಯ ಶಿಕ್ಷಕ ಪ್ರಕಾಶ ರಾಜೋಳೆ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಔರಾದ್: ಮಕ್ಕಳಿಗೆ ಸ್ಮಾರ್ಟ್‌ಕ್ಲಾಸ್ ಭಾಗ್ಯ ಕಲ್ಪಿಸಿದ ಶಿಕ್ಷಕ, ಪಾಲಕರ ಮೆಚ್ಚುಗೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ