ಚಾಮರಾಜನಗರ: ಬರಗಾಲ- ಮೇವಿನ ಕೊರತೆ ಕಾಡುವ ಆತಂಕ

ಹೊಳೆ ದಂಡೆ ಕೆರೆಯ ಆಸುಪಾಸು ನೀರಾವರಿ ಜಮೀನುಗಳು ಬಿಟ್ಟು ಉಳಿದ ಕಡೆಗಳಲ್ಲಿ ಈಗ ಮೇವು ಸಿಗುತ್ತಿಲ್ಲ. ಕಾಡಂಚಿನ ಪ್ರದೇಶದ ಹೈನುಗಾರರು ತುಂಬಾ ಸಮಸ್ಯೆಯಲ್ಲಿದ್ದಾರೆ. ಕಾಡಿನ ಪ್ರಾಣಿಗಳೇ ನಾಡಿಗೆ ಬರಲು ಆರಂಭಿಸಿವೆ. ಮೇವು ಸಂಗ್ರಹಿಸಿಟ್ಟುಕೊಂಡವರು ತುಂಬಾ ಕಡಿಮೆ. ಹಾಗಾಗಿ ಮೇವಿನ ಸಮಸ್ಯೆ ತೀವ್ರವಾಗಿ ಕಾಡುವ ಮೊದಲು ಸರ್ಕಾರ ಮೇವಿನ ಕೇಂದ್ರಗಳನ್ನು ತೆರೆಯಲು ಕ್ರಮವಹಿಸಬೇಕು.

ಈ ಭಾರಿ ಪೂರ್ಣ ಪ್ರಮಾಣದಲ್ಲಿ ಮಳೆ ಬಾರದ ಕಾರಣ ಮೇವಿಗೆ ಕೊರತೆಯಾಗಿದೆ. ಗ್ರಾಮ ಪಂಚಾಯತಿ ವ್ಯಾಪ್ತಿಯಲ್ಲಿ ಗೋಶಾಲೆ ಆರಂಭಿಸಬೇಕು. ಕೊಳವೆ ಬಾವಿ ನೀರಿನ ಬಳಸಿಕೊಂಡು ಕಡಿಮೆ ಅವಧಿಯಲ್ಲಿ ಬೆಳೆಯುವ ಮೇವುಗಳನ್ನು ಬೆಳೆಸಲು ಪಶುಪಾಲನಾ ಇಲಾಖೆ ಕ್ರಮ ಕೈಗೊಳ್ಳಬೇಕು.

ತಾಲ್ಲೂಕಿನಲ್ಲಿ ಬರದ ಪರಿಸ್ಥಿತಿ ಎದುರಾಗಿದ್ದು ಭೂಮಿ ಇಲ್ಲದ ನಾವು ಒಣ ಮೇವು ಸಂಗ್ರಹ ಮಾಡಿ ಪಶುಗಳಿಗೆ ಆಹಾರ ನೀಡುತ್ತಿದ್ದೇವೆ. ಸರ್ಕಾರ ಅಗತ್ಯವಾಗಿ ಬೇಕಾದ ಮೇಯವನ್ನು ಉಚಿತವಾಗಿ ನೀಡಲು ಮನಸ್ಸು ಮಾಡಬೇಕು. ಬೇಸಿಗೆ ಅವಧಿಯಲ್ಲಿ ಪಶುಪಾಲನಾ ಇಲಾಖೆ ಸೌಲಭ್ಯ ಒದಗಿಸಿದರೆ ನಮ್ಮ ಜೀವನ ನಿರ್ವಹಣೆಗೆ ಸಹಾಯವಾಗುತ್ತದೆ.

ಬರಗಾಲ ಎದುರಾದರೂ ಸರ್ಕಾರ ಗಮನಹರಿಸಿಲ್ಲ. ತಾಲ್ಲೂಕಿನ ಅಲ್ಲಲ್ಲಿ ಮೇವಿನ ಕೊರತೆ ಕಂಡು ಬರುತ್ತಿದೆ. ನಮ್ಮ ತಾಲ್ಲೂಕಿನಲ್ಲಿ ಹಣ ನೀಡಿದರೂ ಒಣಹುಲ್ಲು ಸಿಗುತ್ತಿಲ್ಲ. ಸ್ಥಳೀಯವಾಗಿ ಲಭ್ಯವಿರುವ ಹುಲ್ಲು ನೆರೆಯ ರಾಜ್ಯ ಜಿಲ್ಲೆಗಳಿಗೆ ಸಾಗಾಣೆಯಾಗುತ್ತಿದೆ. ಅಧಿಕಾರಿಗಳು ಈ ಬಗ್ಗೆ ಎಚ್ಚರ ವಹಿಸಬೇಕು.

ಮೇವು ಪೂರೈಸಿ  ತಾಲೂಕಿನಲ್ಲಿ ದಿನಗಳೆದಂತೆ ಬರಗಾಲ ತೀವ್ರವಾಗುತ್ತಿದೆ. ಜಾನುವಾರುಗಳಿಗೆ ಮೇವು ನೀರಿನ‌ ಕೊರತೆ ಉಂಟಾಗಿದೆ. ಜಿಲ್ಲಾಡಳಿತ ಹನೂರು ಭಾಗಕ್ಕೆ ತಕ್ಷಣ ಮೇವು ಪೂರೈಕೆ ಮಾಡಿದರೆ ಇರುವ ಅಲ್ಪಸ್ವಲ್ಪ ಜಾನುವಾರುಗಳು ಉಳಿಯಲಿವೆ. ಇಲ್ಲದಿದ್ದರೆ ಸಂತತಿ ನಾಶವಾಗಲಿವೆ.

ಮಹದೇಶ್ವರ ಬೆಟ್ಟ ಹಾಗೂ ಸುತ್ತಮುತ್ತಲ ಹಳ್ಳಿಗಳಲ್ಲಿ ಮೇವಿನ ಕೊರತೆ ಉಂಟಾಗಿದೆ. ಈ ವರ್ಷ ಬೆಳೆದ ರಾಗಿ ಹಾಗೂ ಜೋಳದ ಫಸಲು ಮಳೆಗೆ ಸಿಲುಕಿ ಅವುಗಳ ಕಡ್ಡಿಗಳು ಜಮೀನಿನಲ್ಲೇ ಕೊಳೆತು ಹೋದವು. ದೂರದ ಊರುಗಳಿಂದ ಮೇವು ಖರೀದಿಸಬೇಕಾದ ಪರಿಸ್ಥಿತಿ ಬಂದಿದೆ. ಹಣ ಕೊಟ್ಟರೂ ಮೇವು ಸಿಗದಂತಿರುವ ಸ್ಥಿತಿ ಇದೆ. ಹಾಗಾಗಿ ಸರ್ಕಾರ ಮತ್ತು ಜಿಲ್ಲಾಡಳಿತ ಇತ್ತ ಕಡೆ ಗಮನ ಹರಿಸಿ ರಾಸುಗಳಿಗೆ ಮೇವು ಒದಗಿಸಿಕೊಡಬೇಕು

ಜಾನುವಾರು ಮಾರಾಟ ಭೂಮಿ ಇಲ್ಲದೆ ಹೈನುಗಾರಿಕೆ ಮಾಡುತ್ತಿರುವ ರೈತರು ಈಗಾಗಲೇ ಮೇವಿನ ಕೊರತೆಯಿಂದ ಜಾನುವಾರುಗಳನ್ನು ಮಾರಾಟ ಮಾಡುತ್ತಿದ್ದಾರೆ. ಶೀಘ್ರವಾಗಿ ಮೇವು ಪೂರೈಸಲು ಜಿಲ್ಲಾಡಳಿತ ಕ್ರಮ ವಹಿಸಬೇಕು