ದೀಪಾವಳಿಗೆ ಸೆಗಣಿಯಲ್ಲಿ ಸೆಣಸಾಡುವ ಗೋರೆ ಹಬ್ಬ! ಚಾಮರಾಜನಗರ ಗಡಿಯಲ್ಲೊಂದು ಆಚರಣೆ

ಚಾಮರಾಜನಗರ : ಜಿಲ್ಲೆಯ ಗಡಿಯಲ್ಲಿರುವ ತಮಿಳುನಾಡಿನ ತಾಳವಾಡಿ ಸಮೀಪದ ಗುಮಟಾಪುರದಲ್ಲಿ ಭಾನುವಾರ ಸೆಗಣಿಯಿಂದ ಎರಚಾಡಿಕೊಳ್ಳುವ ವಿಶಿಷ್ಟ ‘ಗೋರೆಹಬ್ಬ’ ನಡೆಯಿತು.

ಗ್ರಾಮದೇವರ ಅಣತಿಯಂತೆ ಸೆಗಣಿಯಲ್ಲಿ ಸೆಣಸಾಡುವ ಸಂಪ್ರದಾಯ ಹಿಂದಿನಿಂದಲೂ ಗ್ರಾಮದಲ್ಲಿ ರೂಢಿಯಲ್ಲಿದ್ದು ಅದರಂತೆ ದೀಪಾವಳಿ ಹಬ್ಬದ ಮರುದಿನ ಇಡೀ ಗ್ರಾಮವೇ ಭಾಗವಹಿಸಿ ಸಂಭ್ರಮಿಸಿತು. ಗ್ರಾಮಸ್ಥರು ಸೆಗಣಿಯ ಉಂಡೆಗಳನ್ನು ಒಬ್ಬರ ಮೇಲೊಬ್ಬರು ತೂರುತ್ತ ಹಬ್ಬ ಆಚರಿಸಿದರು.

ಪೂರ್ವ ತಯಾರಿ

ಗೋರೆಹಬ್ಬಕ್ಕೆ ಚಾಲನೆ ನೀಡುವ ಮುನ್ನ ಕೆಲವು ವಿಧಿ ವಿಧಾನಗಳು ನಡೆದವು. ಬೆಳಿಗ್ಗೆ ಯುವಕರು ಹಾಗೂ ಮಕ್ಕಳ ಗುಂಪು ಗ್ರಾಮದೆಲ್ಲೆಡೆ ಸಂಚರಿಸಿ ಕೊಟ್ಟಿಗೆಯಿಂದ ಸೆಗಣಿಯನ್ನು ಸಂಗ್ರಹಿಸಿ ಗ್ರಾಮದ ಬೀರಪ್ಪ ದೇವಸ್ಥಾನದ ಹಿಂಭಾಗ ತಂದು ದೊಡ್ಡ ರಾಶಿ ಹಾಕಿತು. ಬಳಿಕ ಗ್ರಾಮದ ಪ್ರತಿಮನೆಯಿಂದಲೂ ಎಣ್ಣೆ ಸಂಗ್ರಹಿಸಿ ದೇವಸ್ಥಾನಕ್ಕೆ ಅರ್ಪಿಸಲಾಯಿತು.

ನಂತರ ಗ್ರಾಮಸ್ಥರು ಗ್ರಾಮದ ಹೊರವಲಯದಲ್ಲಿರುವ ಕಾರಪ್ಪ ದೇವಸ್ಥಾನಕ್ಕೆ ತೆರಳಿ ಸೊಂಟಕ್ಕೆ ಎಲೆಬಳ್ಳಿಗಳನ್ನು ಸುತ್ತಿಕೊಂಡು ‘ಚಾಡಿಕೋರ’ ಎಂದು ಗುರುತಿಸಲಾಗಿದ್ದ ವ್ಯಕ್ತಿಗೆ ಹುಲ್ಲಿನ ಮೀಸೆ ಅಂಟಿಸಿ ಕತ್ತೆಯ ಮೇಲೆ ಕೂರಿಸಿ ಮೆರವಣಿಗೆಯಲ್ಲಿ ಬೀರಪ್ಪನ ದೇವಸ್ಥಾನದವರೆಗೂ ಕರೆತಂದರು. ಈ ವೇಳೆ ನಡೆದ ವಿನೋದಾವಳಿಗಳು ಗಮನ ಸೆಳೆದವು.

ಮೆರವಣಿಗೆ ದೇವಸ್ಥಾನ ತಲುಪಿದ ಬಳಿಕ ಪೂಜಾರಿಯು ದೇವರಿಗೆ ಪೂಜೆಸಲ್ಲಿಸಿ ಕತ್ತಿ ಹಿಡಿದು ಆವೇಶ ಭರಿತವಾಗಿ ಕುಣಿದು ಭಕ್ತಿ ಪ್ರದರ್ಶಿಸಿದರು. ಬಳಿಕ ಗ್ರಾಮಸ್ಥರೆಲ್ಲರೂ ಸೆಗಣಿ ಉಂಡೆಗಳನ್ನು ಎರಚಾಡಿಕೊಂಡು ಜೋರಾಗಿ ಕೂಗು ಹಾಕುತ್ತಾ ಹಬ್ಬ ಆಚರಿಸಿದರು.

ಕೊನೆಯಲ್ಲಿ ಪೊರಕೆ ಕಡ್ಡಿಗಳಿಂದ ತಯಾರಿಸಲಾಗಿದ್ದ ಚಾಡಿಕೋರನ ಬೊಂಬೆಯನ್ನು ಗ್ರಾಮದ ಹೊರಗೆ ಸುಟ್ಟು ಗೋರೆಹಬ್ಬಕ್ಕೆ ತೆರೆ ಎಳೆಯಲಾಯಿತು. ಈ ಬಾರಿ ಹಬ್ಬದಲ್ಲಿ ಜರ್ಮನಿ ದೇಶದ ಕೆಲವರು ಭಾಗವಹಿಸಿದ್ದು ವಿಶೇಷವಾಗಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೀಪಾವಳಿಗೆ ಸೆಗಣಿಯಲ್ಲಿ ಸೆಣಸಾಡುವ ಗೋರೆ ಹಬ್ಬ! ಚಾಮರಾಜನಗರ ಗಡಿಯಲ್ಲೊಂದು ಆಚರಣೆ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ