ಹನೂರು: ಹೆಚ್ಚಿದ ಬೇಟೆ ಪ್ರಕರಣ, ತಮಿಳುನಾಡಿನ ಬೇಟೆಗಾರರಿಂದ ಪ್ರಾಣಿಗಳ ಹತ್ಯೆ

ತಮಿಳುನಾಡಿನ ಕೃಷ್ಣಗಿರಿ ಮತ್ತು ಧರ್ಮಪುರಿ ಜಿಲ್ಲೆಗಳ ಮೀಸಲು ಅರಣ್ಯ ಪ್ರದೇಶಗಳನ್ನು ಸೇರಿಸಿ ಕಾವೇರಿ ದಕ್ಷಿಣ ವನ್ಯಧಾಮ ಎಂದು ತಮಿಳುನಾಡು ಸರ್ಕಾರ ಕಳೆದ ವರ್ಷದ ಅಕ್ಟೋಬರ್‌ನಲ್ಲಿ ಘೋಷಣೆ ಮಾಡಿತ್ತು.  ಈ ವನ್ಯಧಾಮವು ರಾಜ್ಯದ ಕಾವೇರಿ ವನ್ಯಧಾಮದೊಂದಿಗೆ ಗಡಿಯನ್ನು ಹಂಚಿಕೊಂಡಿದೆ. ಹೊಸ ವನ್ಯಧಾಮದಲ್ಲಿ ಬೇಟೆ ತಡೆ ಶಿಬಿರ ಸ್ಥಾಪನೆ ಸೇರಿದಂತೆ ಕಠಿಣ ಸಂರಕ್ಷಣಾ ಕ್ರಮಗಳ ಕ್ರಮಗಳನ್ನು ಕೈಗೊಳ್ಳಲು ಆರಂಭಿಸಿದ ನಂತರ ಗಡಿ ಭಾಗದ ಅರಣ್ಯ ಪ್ರದೇಶದಲ್ಲಿ ಬೇಟೆಗಾರರ ಹಾವಳಿ ತಗ್ಗಬಹುದು ಎಂಬ ನಿರೀಕ್ಷೆಯಲ್ಲಿ ಅರಣ್ಯ ಅಧಿಕಾರಿಗಳು ಇದ್ದಾರೆ.