ಯಳಂದೂರು: ಹಣ್ಣು, ಎಳನೀರು ಮತ್ತು ನೆರಳಿಗೆ ಹುಡುಕಾಟ

ಬೇಸಿಗೆ ರಜೆ ಮಕ್ಕಳಲ್ಲಿ ಸಂತಸ ತಂದಿದೆ. ಆದರೆ ಅತಿಯಾದ ಬಿಸಿಲಿಗೆ ಚಿಣ್ಣರ ಕುಣಿದಾಟ ತಗ್ಗಿದೆ. ಹಾಗಾಗಿ ಮರದ ನೆರಳಿನಲ್ಲಿ ಆಟ ಮಧ್ಯಾಹ್ನ ಶಾಲೆಯಲ್ಲಿ ಊಟ ಎನ್ನುವಂತಾಗಿದೆ. ಗೋಲಿ ಲಗೋರಿ ಬುಗುರಿ ಆಡುವುದು ನಿಂತಿದೆ. ಕೆಲವು ವಿದ್ಯಾರ್ಥಿಗಳು ತೆಂಗಿನ ಮಟ್ಟೆಯ ಬ್ಯಾಟ್ ಹಾಗೂ ಕಲ್ಲುಗಳನ್ನೇ ವಿಕೆಟ್ ಮಾಡಿಕೊಂಡು ಕ್ರಿಕೆಟ್ ಆಡುತ್ತ ಕಾಲ ಕಳೆಯುತ್ತಾ ಸಂಭ್ರಮಿಸುತ್ತಿದ್ದಾರೆ. ‘ಕೆರೆ ಕಟ್ಟೆಯಲ್ಲಿ ನೀರು ಬತ್ತಿದ್ದು ಈಜು ಕಲಿಕೆ ಸಾಧ್ಯವಾಗಿಲ್ಲ’ ಎಂದು ಗೂಳಿಪುರ ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳಾದ ರಂಜನ್ ಭೀಮ ಮಹದೇವಪ್ರಸಾದ್ ಹೇಳಿದರು.