<p><strong>ಹುಬ್ಬಳ್ಳಿ</strong>: ಕೊರೊನಾ ಸೋಂಕಿಗೆ ಜನ ಅಂಜದೇ ಹೋದರೂ ಪೊಲೀಸರ ಲಾಠಿ ಏಟಿಗೆ ಪೇರಿ ಕೀಳುವುದು ಗ್ಯಾರಂಟಿ. ಲಾಠಿ ಏಟಿನ ರುಚಿ ಬಲ್ಲವರಿಗಷ್ಟೇ ಗೊತ್ತು. ಅಂತಹ ಗಟ್ಟಿ ಲಾಠಿಗಳನ್ನು ತಯಾರಿಸುವಲ್ಲಿ ನ್ಯೂ ಮೇದಾರ ಓಣಿಯ ಕುಮಾರ್ ನಿಸ್ಸೀಮರು.</p>.<p>ಲಾಕ್ಡೌನ್ ಅವಧಿಯಲ್ಲಿ ಸುಖಾಸುಮ್ಮನೆ ಓಡಾಡಿದ ಅದೆಷ್ಟೋ ಮಂದಿ ಲಾಠಿ ರುಚಿ ಕಂಡಿದ್ದಾರೆ. ಜನ ಹಾಗೂ ವಾಹನ ಸಂಚಾರ ನಿಯಂತ್ರಿಸಲು ಪೊಲೀಸರೊಂದಿಗೆ ವಿವಿಧ ಇಲಾಖೆ ಅಧಿಕಾರಿಗಳೂ ಲಾಠಿ ಹಿಡಿದು ಬೀದಿಗೆ ಇಳಿದಿದ್ದಾರೆ. ಅವರಿಗೆಲ್ಲಾ ಲಾಠಿ ಪೂರೈಸುವಲ್ಲಿ ಕುಮಾರ್ ನಿರತರಾಗಿದ್ದಾರೆ.</p>.<p>‘ಲಾಕ್ಡೌನ್ ಅವಧಿಯಲ್ಲಿ ಪ್ರತಿ ಠಾಣೆಯಿಂದ ಕರೆ ಮಾಡಿ 10–15 ಲಾಠಿ ನೀಡುವಂತೆ ಕೇಳುತ್ತಾರೆ. ಜನರಿಗಾಗಿ ಶ್ರಮಿಸುತ್ತಿರುವ ಪೊಲೀಸರಿಗೆ ಕನಿಷ್ಠ ಬೆಲೆಯಲ್ಲಿ ಲಾಠಿ ತಯಾರಿಸಿ ಪೂರೈಸುತ್ತಿದ್ದೇನೆ’ ಎನ್ನುತ್ತಾರೆ ಕುಮಾರ್.</p>.<p>‘ಫೈಬರ್ ಲಾಠಿಗಳು ಬೇಗನೇ ಮುರಿಯುವುದರಿಂದ ಪೊಲೀಸರು ಬೆತ್ತದ ಲಾಠಿ ಇಷ್ಟಪಡುತ್ತಾರೆ. ಅರಣ್ಯ ಇಲಾಖೆಯಿಂದ 12 ಅಡಿ ಉದ್ದದ ಬೆತ್ತದ ಗಿಡ ಖರೀದಿಸಲು ₹250 ಪಾವತಿಸುತ್ತೇವೆ. ಅಂಕು ಡೊಂಕಿದ್ದರೆ ಅದರನ್ನು ನೇರವಾಗಿಸಿ, ಲಾಠಿ ತಯಾರಿಸುತ್ತೇನೆ. ಸಣ್ಣ ಲಾಠಿ ₹100, ನಾಲ್ಕೂವರೆ ಅಡಿ ಉದ್ದದ ಲಾಠಿ ₹120ರಂತೆ ಮಾರಾಟ ಮಾಡುತ್ತೇನೆ. ಅಜ್ಜನ ಕಾಲದಿಂದಲೇ ಲಾಠಿ ತಯಾರಿಕೆ ರೂಢಿಸಿಕೊಂಡು ಬಂದಿದ್ದೇವೆ. ಇದರಿಂದಲೇ ಬದುಕಿನ ಬಂಡಿಯೂ ಸಾಗುತ್ತಿದೆ. ಆದರೆ, ಇತ್ತೀಚೆಗೆ ಗುಡಿಕೈಗಾರಿಕೆ ಲಾಠಿಗಳಿಗೆ ಬೇಡಿಕೆ ಅಷ್ಟಾಗಿ ಕಾಣಸಿಗುತ್ತಿಲ್ಲ’ ಎಂದು ಕುಮಾರ್ ಅಳಲು ತೋಡಿಕೊಂಡರು.</p>.<p>ಹುಬ್ಬಳ್ಳಿ, ಧಾರವಾಡದ ಪೊಲೀಸ್ ಠಾಣೆಗಳಲ್ಲದೇ ಗದಗ, ಹಾವೇರಿ ಜಿಲ್ಲೆಯ ಠಾಣೆಗಳಿಂದಲೂ ಲಾಠಿಗೆ ಬೇಡಿಕೆ ಬರುತ್ತಿದೆ ಎಂದು ಹೇಳಿದರು.</p>.<p>ಬಿದಿರು ಹಾಗೂ ಇತರೆ ಮರದ ಪೀಠೋಪಕರಣ ತಯಾರಿಸುವ ಇವರಿಗೆ ನವೋದ್ಯಮಿ ಪ್ರಶಸ್ತಿಯೂ ಸಂದಿದೆ. ಧಾರವಾಡ ಕೃಷಿ ಮೇಳ, ಗದಗ ಉತ್ಸವದಲ್ಲಿ ಪಾಲ್ಗೊಂಡು ಪ್ರಶಂಸೆಗೆ ಪಾತ್ರರಾಗಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ</strong>: ಕೊರೊನಾ ಸೋಂಕಿಗೆ ಜನ ಅಂಜದೇ ಹೋದರೂ ಪೊಲೀಸರ ಲಾಠಿ ಏಟಿಗೆ ಪೇರಿ ಕೀಳುವುದು ಗ್ಯಾರಂಟಿ. ಲಾಠಿ ಏಟಿನ ರುಚಿ ಬಲ್ಲವರಿಗಷ್ಟೇ ಗೊತ್ತು. ಅಂತಹ ಗಟ್ಟಿ ಲಾಠಿಗಳನ್ನು ತಯಾರಿಸುವಲ್ಲಿ ನ್ಯೂ ಮೇದಾರ ಓಣಿಯ ಕುಮಾರ್ ನಿಸ್ಸೀಮರು.</p>.<p>ಲಾಕ್ಡೌನ್ ಅವಧಿಯಲ್ಲಿ ಸುಖಾಸುಮ್ಮನೆ ಓಡಾಡಿದ ಅದೆಷ್ಟೋ ಮಂದಿ ಲಾಠಿ ರುಚಿ ಕಂಡಿದ್ದಾರೆ. ಜನ ಹಾಗೂ ವಾಹನ ಸಂಚಾರ ನಿಯಂತ್ರಿಸಲು ಪೊಲೀಸರೊಂದಿಗೆ ವಿವಿಧ ಇಲಾಖೆ ಅಧಿಕಾರಿಗಳೂ ಲಾಠಿ ಹಿಡಿದು ಬೀದಿಗೆ ಇಳಿದಿದ್ದಾರೆ. ಅವರಿಗೆಲ್ಲಾ ಲಾಠಿ ಪೂರೈಸುವಲ್ಲಿ ಕುಮಾರ್ ನಿರತರಾಗಿದ್ದಾರೆ.</p>.<p>‘ಲಾಕ್ಡೌನ್ ಅವಧಿಯಲ್ಲಿ ಪ್ರತಿ ಠಾಣೆಯಿಂದ ಕರೆ ಮಾಡಿ 10–15 ಲಾಠಿ ನೀಡುವಂತೆ ಕೇಳುತ್ತಾರೆ. ಜನರಿಗಾಗಿ ಶ್ರಮಿಸುತ್ತಿರುವ ಪೊಲೀಸರಿಗೆ ಕನಿಷ್ಠ ಬೆಲೆಯಲ್ಲಿ ಲಾಠಿ ತಯಾರಿಸಿ ಪೂರೈಸುತ್ತಿದ್ದೇನೆ’ ಎನ್ನುತ್ತಾರೆ ಕುಮಾರ್.</p>.<p>‘ಫೈಬರ್ ಲಾಠಿಗಳು ಬೇಗನೇ ಮುರಿಯುವುದರಿಂದ ಪೊಲೀಸರು ಬೆತ್ತದ ಲಾಠಿ ಇಷ್ಟಪಡುತ್ತಾರೆ. ಅರಣ್ಯ ಇಲಾಖೆಯಿಂದ 12 ಅಡಿ ಉದ್ದದ ಬೆತ್ತದ ಗಿಡ ಖರೀದಿಸಲು ₹250 ಪಾವತಿಸುತ್ತೇವೆ. ಅಂಕು ಡೊಂಕಿದ್ದರೆ ಅದರನ್ನು ನೇರವಾಗಿಸಿ, ಲಾಠಿ ತಯಾರಿಸುತ್ತೇನೆ. ಸಣ್ಣ ಲಾಠಿ ₹100, ನಾಲ್ಕೂವರೆ ಅಡಿ ಉದ್ದದ ಲಾಠಿ ₹120ರಂತೆ ಮಾರಾಟ ಮಾಡುತ್ತೇನೆ. ಅಜ್ಜನ ಕಾಲದಿಂದಲೇ ಲಾಠಿ ತಯಾರಿಕೆ ರೂಢಿಸಿಕೊಂಡು ಬಂದಿದ್ದೇವೆ. ಇದರಿಂದಲೇ ಬದುಕಿನ ಬಂಡಿಯೂ ಸಾಗುತ್ತಿದೆ. ಆದರೆ, ಇತ್ತೀಚೆಗೆ ಗುಡಿಕೈಗಾರಿಕೆ ಲಾಠಿಗಳಿಗೆ ಬೇಡಿಕೆ ಅಷ್ಟಾಗಿ ಕಾಣಸಿಗುತ್ತಿಲ್ಲ’ ಎಂದು ಕುಮಾರ್ ಅಳಲು ತೋಡಿಕೊಂಡರು.</p>.<p>ಹುಬ್ಬಳ್ಳಿ, ಧಾರವಾಡದ ಪೊಲೀಸ್ ಠಾಣೆಗಳಲ್ಲದೇ ಗದಗ, ಹಾವೇರಿ ಜಿಲ್ಲೆಯ ಠಾಣೆಗಳಿಂದಲೂ ಲಾಠಿಗೆ ಬೇಡಿಕೆ ಬರುತ್ತಿದೆ ಎಂದು ಹೇಳಿದರು.</p>.<p>ಬಿದಿರು ಹಾಗೂ ಇತರೆ ಮರದ ಪೀಠೋಪಕರಣ ತಯಾರಿಸುವ ಇವರಿಗೆ ನವೋದ್ಯಮಿ ಪ್ರಶಸ್ತಿಯೂ ಸಂದಿದೆ. ಧಾರವಾಡ ಕೃಷಿ ಮೇಳ, ಗದಗ ಉತ್ಸವದಲ್ಲಿ ಪಾಲ್ಗೊಂಡು ಪ್ರಶಂಸೆಗೆ ಪಾತ್ರರಾಗಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
