ನವಲಗುಂದ | ಉತ್ತಮ ಮಳೆ: ಬಿತ್ತನೆಗೆ ಸಜ್ಜಾದ ಅನ್ನದಾತ

ನವಲಗುಂದ ಅಣ್ಣಿಗೇರಿ ಮೊರಬ ಹಾಗೂ ಶಲವಡಿ ಗ್ರಾಮಗಳಲ್ಲಿನ ರೈತ ಸಂಪರ್ಕ ಕೇಂದ್ರಗಳಲ್ಲಿ ರಿಯಾಯಿತಿ ದರದಲ್ಲಿ ಬೀಜ ಮಾರಾಟ ಕೇಂದ್ರಗಳನ್ನು ತೆರೆಯಲಾಗಿದ್ದು ಮೇ 27ರಿಂದ ವಿತರಣೆ ಆರಂಭವಾಗಲಿದೆ. ರೈತರು ಅಗತ್ಯ ದಾಖಲೆಗಳನ್ನು ನೀಡಿ ಬೀಜ ಖರೀದಿಸಬಹುದಾಗಿದೆ. ಹೆಸರು ಬೀಜಕ್ಕೆ ಸಾಮಾನ್ಯ ರೈತರಿಗೆ ಒಂದು ಪ್ಯಾಕೆಟ್‍ಗೆ ₹805 ಪರಿಶಿಷ್ಟ ಜಾತಿ ಹಾಗೂ ಪಂಗಡದವರಿಗೆ ಪ್ಯಾಕೆಟ್‍ಗೆ ₹742.50 ನಿಗದಿಪಡಿಸಲಾಗಿದೆ. 153 ಕ್ವಿಂಟಲ್ ಹೆಸರು ಬೀಜ  ದಾಸ್ತಾನು ಮಾಡಲಾಗಿದ್ದು ರೈತರು ನಕಲಿ ಬೀಜಗಳನ್ನು ಖರೀದಿಸದೆ ಪ್ರಮಾಣೀಕರಿಸಿದ ಬೀಜಗಳನ್ನು ಮಾತ್ರ ಖರೀದಿಸಬೇಕು ಎಂದು ಕೃಷಿ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಡಿಎಪಿ ಗೊಬ್ಬರ 120 ಮೆಟ್ರಿಕ್ ಟನ್ ಹಾಗೂ 20-20-0-13 ಗೊಬ್ಬರ 285 ಮೆಟ್ರಿಕ್ ಟನ್  ದಾಸ್ತಾನು ಮಾಡಲಾಗಿದೆ.

ಕಳೆದ ವರ್ಷ ಮುಂಗಾರು ಹಾಗೂ ಹಿಂಗಾರಿನಲ್ಲಿ ಸಮಯಕ್ಕೆ ಸರಿಯಾಗಿ ಮಳೆಯಾಗದೆ ರೈತರು ನಷ್ಟ ಅನುಭವಿಸಿದ್ದಾರೆ. ರೋಹಿಣಿ ಮಳೆ ಉತ್ತಮವಾಗಿ ಸುರಿಯಬಹುದು ಎಂಬ ನಿರೀಕ್ಷೆಯಲ್ಲಿ ರೈತರು ಬಿತ್ತನೆಗಾಗಿ ಹೊಲಗಳನ್ನು ಹದಗೊಳಿಸುತ್ತಿದ್ದಾರೆ. ನಕಲಿ ಬಿತ್ತನೆ ಬೀಜ ಹಾವಳಿ ಹೆಚ್ಚಾಗಿದ್ದು ಈ ಬಗ್ಗೆ ಕೃಷಿ ಇಲಾಖೆ ಅಧಿಕಾರಿಗಳು ಕ್ರಮ ಕೈಗೊಳ್ಳಬೇಕು. ಶಿವಾನಂದ ಕೊಳಲಿನ ಪ್ರಗತಿಪರ ರೈತ