ನರಗುಂದ | ಬಿತ್ತಿದ ರೈತರಿಗಿಲ್ಲ ಬರ ಪರಿಹಾರ: ಆಕ್ರೋಶ

‘ಮುಂಗಾರು ಸಂದರ್ಭದಲ್ಲಿ ಜಿಪಿಎಸ್ ಮಾಡಿದ ಸಮಯದಲ್ಲಿ ಹೊಲದಲ್ಲಿ ಇದ್ದ ಬೆಳೆಗೆ ಅನುಗುಣವಾಗಿ ಸರ್ಕಾರಕ್ಕೆ ಆನ್‌ಲೈನ್ ಮೂಲಕ ಹಾನಿಯ ಮಾಹಿತಿ ತಲುಪಿದೆ. ಇದರ ಅನ್ವಯ ಬರ ಬೆಳೆಹಾನಿ ಪರಿಹಾರವನ್ನು ಸರ್ಕಾರವೇ ಡಿಬಿಟಿ ಮೂಲಕ ಹಾಕಿದೆ. ಕೆಲವು ರೈತರಿಗೆ ತಾಂತ್ರಿಕ ಸಮಸ್ಯೆಗಳಿಂದ ಜಮಾ ಆಗಿಲ್ಲ. ಆ ಸಮಸ್ಯೆ ಶೀಘ್ರ ಪರಿಹಾರ ಆಗಲಿದೆ’ ಎಂದು ನರಗುಂದ ತಹಶೀಲ್ದಾರ್‌ ಶ್ರೀಶೈಲ ತಳವಾರ ತಿಳಿಸಿದ್ದಾರೆ. 

‘28580 ಹೆಕ್ಟೆರ್ ಹೆಸರು ಬೆಳೆ ಹಾನಿಯಾಗಿತ್ತು. ತಾಲ್ಲೂಕಿನಲ್ಲಿ ಎಫ್ಐಡಿ ಸಂಖ್ಯೆ ಹೊಂದಿರುವ 35 ಸಾವಿರ ರೈತರಿದ್ದಾರೆ. ಅವರಲ್ಲಿ ಬೆಳೆ ಹಾನಿಯಾದ 12693 ಎಫ್ಐಡಿಗೆ ಹಣ ಜಮಾ ಆಗಿದೆ. ಕೆಲವು ರೈತರಿಗೆ ಹಣ ಬಂದಿಲ್ಲ. ಅದು ಸರ್ಕಾರದ ಮಟ್ಟದಲ್ಲಿ ಚರ್ಚೆಯಲ್ಲಿದ್ದು ಹಣ ಬರುವ ವಿಶ್ವಾಸ ಇದೆ’ ಎಂದು ನರಗುಂದ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಗುರುನಾಥ್ ಬಿ.ಎಂ. ತಿಳಿಸಿದರು.