<p><strong>ಮಾಕನೂರು (ಕುಮಾರಪಟ್ಟಣ):</strong> ಕೈತುಂಬ ಸಂಪಾದನೆ ಮಾಡಿ ನೆಮ್ಮದಿ ಕಾಣಬೇಕಿದ್ದ ರಾಣೆಬೆನ್ನೂರು ತಾಲ್ಲೂಕಿನ ಮಾಕನೂರು ಗ್ರಾಮದ ಪುಷ್ಪ ಬೆಳೆಗಾರರು ಲಾಕ್ಡೌನ್ನಿಂದ ಬೆಳೆದ ಹೂ ಮಾರಾಟಲಾಗದೆ ಅಕ್ಷರಶಃ ಕಂಗಾಲಾಗಿದ್ದಾರೆ.</p>.<p>ಕಳೆದ ಬಾರಿ ಲಾಕ್ಡೌನ್ ಆಗಿ ಹೊಟ್ಟೆ ಮೇಲೆ ತಣ್ಣೀರು ಬಟ್ಟೆ ಹಾಕಿಕೊಂಡಿದ್ದಾಯಿತು. ಹೂ ಬೆಳೆಗಾರರಿಗಾಗಿ ಸರ್ಕಾರ ಘೋಷಿಸಿದ್ದ ನಷ್ಟ ಪರಿಹಾರ ನಮಗೆ ಸಿಗಲಿಲ್ಲ. ಈ ಬಾರಿಯಾದರೂ ಹಾಕಿದ ಬಂಡವಾಳ ಕೈಸೇರುವ ನಿರೀಕ್ಷೆಯಿತ್ತು. ಪುನಃ ಲಾಕ್ಡೌನ್ ಆಗಿದ್ದರಿಂದ ಕೈಗೆ ಬಂದ ತುತ್ತು ಬಾಯಿಗೆ ಬರದಂತಾಗಿದೆ ಎಂದು ಮಂಜಪ್ಪ ಸಾವಂತ ಬೇಸರ ವ್ಯಕ್ತಪಡಿಸಿದರು.</p>.<p>ಮುಕ್ಕಾಲು ಎಕರೆ ಜಮೀನನಲ್ಲಿ 800 ಮಲ್ಲಿಗೆ ಹೂವಿನ ಗಿಡಗಳನ್ನು ನಾಟಿ ಮಾಡಲಾಗಿದ್ದು, ಮಳೆಗಾಳಿಗೆ ಮೊಗ್ಗು ನಾಶವಾಗಿ ಗಿಡಗಳಷ್ಟೆ ಉಳಿದುಕೊಂಡಿವೆ. ಒಂದು ಕೆಜಿ ₹ 250-300 ಬಿಡಿ ಹೂ ಮಾರಾಟವಾಗುತ್ತಿತ್ತು. ಜಾತ್ರೆ, ಉತ್ಸವ, ದೇವಸ್ಥಾನಗಳಿಗೆ ನಿರ್ಬಂಧ ಹೇರಿದ್ದರಿಂದ ಹೂವಿಗೆ ಬೇಡಿಕೆ ಇಲ್ಲದಂತಾಗಿ ಹೊಲದಲ್ಲೆ ಉದುರುತ್ತಿದೆ. ಸುಮಾರು ₹ 1.5 ಲಕ್ಷ ನಷ್ಟವಾಗಲಿದೆ ಎಂದು ವಿವರಿಸಿದರು.</p>.<p>ಒಂದು ಎಕರೆಯಲ್ಲಿ 1500 ಕನಕಾಂಬರ (ಕಾಕಡ) ಗಿಡಗಳನ್ನು ಹಚ್ಚಿದ್ದು, ವ್ಯಾಪಾರವಿಲ್ಲದೆ ಹೊಲದಲ್ಲೆ ಒಣಗಿ ಹಾಳಾಗುತ್ತಿದೆ. ಸುಮಾರು ₹ 1 ಲಕ್ಷ ನಷ್ಟವಾಗಲಿದೆ. 1 ಎಕರೆಯಲ್ಲಿ ಬೆಳದ ಸುಗಂಧರಾಜ ಹೂವು ಕೈಗೆ ಬಂದಿದ್ದು, ₹ 80-90 ಸಾವಿರ ಆದಾಯ ಕಳೆದುಕೊಳ್ಳು ವಂತಾಗಿದೆ ಎಂದು ಕರಬಸಪ್ಪ ತುಮ್ಮಿನಕಟ್ಟಿ ನೋವು ತೋಡಿಕೊಂಡರು.</p>.<p>ಬೆಲೆ ಕುಸಿದು, ಬಾಯಿಗೆ ಬಂದಂತೆ ಕೇಳುತ್ತಾರೆ. ದಿನಕ್ಕೆ ಒಂದು ಆಳಿಗೆ ₹ 300ರಿಂದ ₹ 400 ಕೂಲಿ ಕೊಡಬೇಕು. ಬೆಳೆದ ಹೂವು ಬಿಡಿಸಲು ಕೂಲಿ ಕೊಡಲಾಗುತ್ತಿಲ್ಲ. ಹೂವು ಮಾರಲು ಹೋದರೆ ಈಗೇನು ಹಬ್ಬಗಳಿಲ್ಲ, ಸಮಾರಂಭಗಳಿಲ್ಲ ಹೂವು ಮುಡಿಸಿಕೊಂಡು ಎಲ್ಲಿಗೆ ಹೋಗಬೇಕು ಎಂದು ಕೇಳುತ್ತಾರೆ ಎನ್ನುತ್ತಾರೆ ಕರಬಸಪ್ಪ.</p>.<p>ಪದೇ ಪದೆ ರೈತರು ಪೆಟ್ಟು ತಿನ್ನುತ್ತಿದ್ದು, ರೈತರ ಶ್ರಮಕ್ಕೆ ಬೆಲೆ ಇಲ್ಲದಂತಾಗಿದೆ. ಮಾರಾಟಕ್ಕೆ ಅವಕಾಶ ನೀಡಬೇಕು, ಇಲ್ಲವೇ ಹೂವು ಬೆಳೆಗಾರರಿಗೆ ಬೆಳೆ ಪರಿಹಾರ ಘೋಷಿಸುವ ಮೂಲಕ ನೆರವಿಗೆ ಸರ್ಕಾರ ಧಾವಿಸಬೇಕು ಎಂದು ಒತ್ತಾಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಾಕನೂರು (ಕುಮಾರಪಟ್ಟಣ):</strong> ಕೈತುಂಬ ಸಂಪಾದನೆ ಮಾಡಿ ನೆಮ್ಮದಿ ಕಾಣಬೇಕಿದ್ದ ರಾಣೆಬೆನ್ನೂರು ತಾಲ್ಲೂಕಿನ ಮಾಕನೂರು ಗ್ರಾಮದ ಪುಷ್ಪ ಬೆಳೆಗಾರರು ಲಾಕ್ಡೌನ್ನಿಂದ ಬೆಳೆದ ಹೂ ಮಾರಾಟಲಾಗದೆ ಅಕ್ಷರಶಃ ಕಂಗಾಲಾಗಿದ್ದಾರೆ.</p>.<p>ಕಳೆದ ಬಾರಿ ಲಾಕ್ಡೌನ್ ಆಗಿ ಹೊಟ್ಟೆ ಮೇಲೆ ತಣ್ಣೀರು ಬಟ್ಟೆ ಹಾಕಿಕೊಂಡಿದ್ದಾಯಿತು. ಹೂ ಬೆಳೆಗಾರರಿಗಾಗಿ ಸರ್ಕಾರ ಘೋಷಿಸಿದ್ದ ನಷ್ಟ ಪರಿಹಾರ ನಮಗೆ ಸಿಗಲಿಲ್ಲ. ಈ ಬಾರಿಯಾದರೂ ಹಾಕಿದ ಬಂಡವಾಳ ಕೈಸೇರುವ ನಿರೀಕ್ಷೆಯಿತ್ತು. ಪುನಃ ಲಾಕ್ಡೌನ್ ಆಗಿದ್ದರಿಂದ ಕೈಗೆ ಬಂದ ತುತ್ತು ಬಾಯಿಗೆ ಬರದಂತಾಗಿದೆ ಎಂದು ಮಂಜಪ್ಪ ಸಾವಂತ ಬೇಸರ ವ್ಯಕ್ತಪಡಿಸಿದರು.</p>.<p>ಮುಕ್ಕಾಲು ಎಕರೆ ಜಮೀನನಲ್ಲಿ 800 ಮಲ್ಲಿಗೆ ಹೂವಿನ ಗಿಡಗಳನ್ನು ನಾಟಿ ಮಾಡಲಾಗಿದ್ದು, ಮಳೆಗಾಳಿಗೆ ಮೊಗ್ಗು ನಾಶವಾಗಿ ಗಿಡಗಳಷ್ಟೆ ಉಳಿದುಕೊಂಡಿವೆ. ಒಂದು ಕೆಜಿ ₹ 250-300 ಬಿಡಿ ಹೂ ಮಾರಾಟವಾಗುತ್ತಿತ್ತು. ಜಾತ್ರೆ, ಉತ್ಸವ, ದೇವಸ್ಥಾನಗಳಿಗೆ ನಿರ್ಬಂಧ ಹೇರಿದ್ದರಿಂದ ಹೂವಿಗೆ ಬೇಡಿಕೆ ಇಲ್ಲದಂತಾಗಿ ಹೊಲದಲ್ಲೆ ಉದುರುತ್ತಿದೆ. ಸುಮಾರು ₹ 1.5 ಲಕ್ಷ ನಷ್ಟವಾಗಲಿದೆ ಎಂದು ವಿವರಿಸಿದರು.</p>.<p>ಒಂದು ಎಕರೆಯಲ್ಲಿ 1500 ಕನಕಾಂಬರ (ಕಾಕಡ) ಗಿಡಗಳನ್ನು ಹಚ್ಚಿದ್ದು, ವ್ಯಾಪಾರವಿಲ್ಲದೆ ಹೊಲದಲ್ಲೆ ಒಣಗಿ ಹಾಳಾಗುತ್ತಿದೆ. ಸುಮಾರು ₹ 1 ಲಕ್ಷ ನಷ್ಟವಾಗಲಿದೆ. 1 ಎಕರೆಯಲ್ಲಿ ಬೆಳದ ಸುಗಂಧರಾಜ ಹೂವು ಕೈಗೆ ಬಂದಿದ್ದು, ₹ 80-90 ಸಾವಿರ ಆದಾಯ ಕಳೆದುಕೊಳ್ಳು ವಂತಾಗಿದೆ ಎಂದು ಕರಬಸಪ್ಪ ತುಮ್ಮಿನಕಟ್ಟಿ ನೋವು ತೋಡಿಕೊಂಡರು.</p>.<p>ಬೆಲೆ ಕುಸಿದು, ಬಾಯಿಗೆ ಬಂದಂತೆ ಕೇಳುತ್ತಾರೆ. ದಿನಕ್ಕೆ ಒಂದು ಆಳಿಗೆ ₹ 300ರಿಂದ ₹ 400 ಕೂಲಿ ಕೊಡಬೇಕು. ಬೆಳೆದ ಹೂವು ಬಿಡಿಸಲು ಕೂಲಿ ಕೊಡಲಾಗುತ್ತಿಲ್ಲ. ಹೂವು ಮಾರಲು ಹೋದರೆ ಈಗೇನು ಹಬ್ಬಗಳಿಲ್ಲ, ಸಮಾರಂಭಗಳಿಲ್ಲ ಹೂವು ಮುಡಿಸಿಕೊಂಡು ಎಲ್ಲಿಗೆ ಹೋಗಬೇಕು ಎಂದು ಕೇಳುತ್ತಾರೆ ಎನ್ನುತ್ತಾರೆ ಕರಬಸಪ್ಪ.</p>.<p>ಪದೇ ಪದೆ ರೈತರು ಪೆಟ್ಟು ತಿನ್ನುತ್ತಿದ್ದು, ರೈತರ ಶ್ರಮಕ್ಕೆ ಬೆಲೆ ಇಲ್ಲದಂತಾಗಿದೆ. ಮಾರಾಟಕ್ಕೆ ಅವಕಾಶ ನೀಡಬೇಕು, ಇಲ್ಲವೇ ಹೂವು ಬೆಳೆಗಾರರಿಗೆ ಬೆಳೆ ಪರಿಹಾರ ಘೋಷಿಸುವ ಮೂಲಕ ನೆರವಿಗೆ ಸರ್ಕಾರ ಧಾವಿಸಬೇಕು ಎಂದು ಒತ್ತಾಯಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
