‘ವೇತನ ಕೇಳಿದರೆ ಕೆಲಸದಿಂದ ವಜಾ’
ಬಾಕಿ ಇರುವ ವೇತನ ಕೇಳಲು ಮುಂದಾದರೆ ಕೆಲಸದಿಂದಲೇ ವಜಾ ಮಾಡುವ ಬೆದರಿಕೆಯನ್ನು ಮ್ಯಾನ್‌ ಪವರ್ ಏಜೆನ್ಸಿಯವರು ಹಾಕುತ್ತಾರೆ. ಹೀಗಾಗಿ ಕೊಟ್ಟಾಗ ಕೊಡಲಿ ಎಂದು ಸುಮ್ಮನಾಗಿದ್ದೇವೆ ಎಂದು ಗುತ್ತಿಗೆ ಆಧಾರದಲ್ಲಿ ಕೆಲಸ ಮಾಡುತ್ತಿರುವ ಸಿಬ್ಬಂದಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು. ಗುತ್ತಿಗೆ ನೌಕರರೊಬ್ಬರು ವೇತನ ವಿಳಂಬವಾಗುತ್ತಿರುವ ಬಗ್ಗೆ ಪ್ರಶ್ನಿಸಿದರು. ಅವರಿಗೆ ನಾಳೆಯಿಂದ ಕೆಲಸಕ್ಕೆ ಬರುವ ಅಗತ್ಯವಿಲ್ಲ ಎಂದು ಹೇಳಿದರು. ಹೀಗಾಗಿ ನಮಗೂ ಅದೇ ಉತ್ತರ ಸಿಗಬಹುದು ಎಂಬ ಕಾರಣಕ್ಕೆ ಸುಮ್ಮನೇ ಇದ್ದೇವೆ ಎಂದು ಪ್ರತಿಕ್ರಿಯಿಸಿದರು.
