ಮನ, ಮನೆಗಳಲ್ಲೂ ಬೆಳಕಿನ ಹಬ್ಬ ದೀಪಾವಳಿ ಸಂಭ್ರಮ; ಗೋವಿನ ಸಗಣಿಯಲ್ಲೂ ಅರಳಿದ ಹಣತೆ

ಕಲಬುರಗಿ: ಗೋಮಯ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಿಸುವ ನಿಟ್ಟಿನಲ್ಲಿ ನಗರದ ಹಲವು ಗೋಶಾಲೆಗಳು ಬೆಳಕಿನ ಹಬ್ಬ ದೀಪಾವಳಿಗೆ ಗೋವಿನ ಸಗಣಿಯಿಂದ ತಯಾರಾದ ಹಣತೆಗಳನ್ನು ಪರಿಚಯಿಸಿವೆ.

. ನಗರ ಹೊರವಲಯದ ಕುಸನೂರಿನ ಮಾಧವ ಗೋಶಾಲೆ ಹಾಗೂಸೈಯದ್ ಚಿಂಚೋಳಿ ಸಮೀಪದ ಪಯೋನಿಧಿ ಗೋಧಾಮಗಳಲ್ಲಿ ಗೋವಿನ ಸಗಣಿ ಬಳಸಿ ಹಣತೆಗಳನ್ನು ತಯಾರಿಸಲಾಗಿದೆ. ನಗರ ಸೇರಿ ಜಿಲ್ಲೆಯ ವಿವಿಧೆಡೆ ಈ ಹಣತೆಗಳನ್ನು ಮಾರಲಾಗುತ್ತಿದೆ.

. ಗೋವಿನ ಸಗಣಿ, ಅಕ್ಕಿ ಹಿಟ್ಟು, ತುಪ್ಪ, ಗವಾರಗಮ್ ಬಳಸಿ ತಯಾರಿಸಲಾಗುವ ಈ ಹಣತೆಗಳಿಗೆ ವರ್ಷದಿಂದ ವರ್ಷಕ್ಕೆ ಬೇಡಿಕೆ ಹೆಚ್ಚುತ್ತಲಿದೆ. ಇಲ್ಲಿ ತಯಾರಾದ ಹಣತೆಗಳನ್ನು ಬೆಂಗಳೂರು, ಮೈಸೂರು, ಧಾರವಾಡ ಸೇರಿದಂತೆ ರಾಜ್ಯದ ಹಲವು ನಗರಗಳಿಗೆ ಕಳಿಸಲಾಗುತ್ತಿದೆ.

. ‘ಗೋವಿನ ಸಗಣಿಯಿಂದ ಸಿದ್ಧವಾದ ಹಣತೆ ಗಳಿಗೆ ಹೊರರಾಜ್ಯಗಳಿಂದಲೂ ಬೇಡಿಕೆ ಇದೆ. ದೆಹಲಿ, ಮುಂಬೈಗೂ ಕಳಿಸುತ್ತಿದ್ದೇವೆ. ಹೀಗಾಗಿ ಹಣತೆ ಉತ್ಪಾದನಾ ಸಾಮರ್ಥ್ಯವನ್ನೂ ಹೆಚ್ಚಿಸಲಾಗುತ್ತಿದೆ’ ಎನ್ನುತ್ತಾರೆ ಪಯೋನಿಧಿ ಗೋಧಾಮದ ಮುಖ್ಯಸ್ಥ ಕೃಷ್ಣ ಅನಂತರಾವ ಕೆಂಭಾವಿ.

. ‘18 ವರ್ಷಗಳ ಹಿಂದೆ ಎರಡು ಹಸುಗಳಿಂದ ಶುರುವಾದ ಗೋಧಾಮದಲ್ಲೀಗ 32 ಗೋವುಗಳಿವೆ. 30 ಗೋವುಗಳನ್ನು ಬಡ ರೈತರಿಗೆ ನೀಡಿದ್ದೇವೆ. ಗೋಮಯ, ಗೋಮೂತ್ರ ದಿಂದ ಹಲವು ಉತ್ಪನ್ನಗಳನ್ನು ತಯಾರಿಸುತ್ತಿದ್ದೇವೆ’ ಎನ್ನುತ್ತಾರೆ ಅವರು.

. ‘ಮೊದಲು ಕೈಗಳಿಂದಲೇ ಹಣತೆ ತಯಾರಿಸುತ್ತಿದ್ದೆವು. ನಾಲ್ಕು ವರ್ಷಗಳಿಂದ ಅಚ್ಚುಗಳನ್ನು ಬಳಸಿ ಹಣತೆ ತಯಾರಿಸುತ್ತಿದ್ದೇವೆ. ಇದರಿಂದ ಉತ್ಪಾದನಾ ಪ್ರಮಾಣ ಹೆಚ್ಚಿದೆ. ಕಳೆದ ವರ್ಷ ದೀಪಾವಳಿಯಲ್ಲಿ ಒಂದು ಲಕ್ಷ ಹಣತೆಗಳನ್ನು ಮಾರಾಟ ಮಾಡಿದ್ದೆವು. ಈ ಬಾರಿ ವ್ಯಾಪಾರ ಕಡಿಮೆ ಇದ್ದು, 60 ಸಾವಿರಕ್ಕೂ ಹೆಚ್ಚು ಹಣತೆಗಳು ಮಾರಾಟ ಆಗಲಿವೆ’ ಎಂದು ವಿವರಿಸಿದರು.

. ‘75 ಹಣತೆಗಳಿರುವ ಒಂದು ಪ್ಯಾಕ್ನ್ನು ₹250ಕ್ಕೆ ಮಾರಾಟ ಮಾಡುತ್ತಿದ್ದೇವೆ. ನ್ಯೂ ರಾಘವೇಂದ್ರ ಕಾಲೊನಿಯಲ್ಲಿರುವ ಸರಸ್ವತಿ ವಿದ್ಯಾಮಂದಿರ ಹಿಂಬದಿಯ ನಮ್ಮ ಮನೆಯಲ್ಲಿ ಬಿಡಿಯಾಗಿಯೂ ಹಣತೆ ಮಾರುತ್ತೇವೆ’ ಎನ್ನುತ್ತಾರೆ ಕೃಷ್ಣ ಅವರ ಪತ್ನಿ ರಾಧಾ.

. ಮಾಧವ ಗೋಶಾಲೆ: ಕುಸನೂರಿನ ಮಾಧವ ಗೋಶಾಲೆಯಲ್ಲೂ ಗೋವಿನ ಸಗಣಿ ಬಳಸಿ ಹಣತೆಗಳನ್ನು ತಯಾರಿಸಲಾಗುತ್ತಿದೆ. ಮಾತ್ರವಲ್ಲದೆ ಹಣತೆ ತಯಾರಿಸುವ ಬಗ್ಗೆ ಮಹಿಳೆಯರಿಗೆ ಇಲ್ಲಿ ತರಬೇತಿಯನ್ನೂ ನೀಡಲಾಗುತ್ತಿದೆ. ತರಬೇತಿ ನಂತರ ಮಹಿಳೆಯರಿಗೆ ಹಣತೆ ತಯಾರಿಕೆಗೆ ಬೇಕಾದ ಕಚ್ಚಾ ವಸ್ತುಗಳನ್ನು ಹಾಗೂ ಅಚ್ಚುಗಳನ್ನು ನೀಡಲಾಗುತ್ತಿದೆ.

. ‘ಗಿರಣಿ ಯಂತ್ರ ಬಳಸಿ ಈ ಬಾರಿ ಗೋಶಾಲೆಯಲ್ಲಿ 1 ಲಕ್ಷಕ್ಕೂ ಹೆಚ್ಚು ಹಣತೆಗಳನ್ನು ತಯಾರಿಸಲಾಗಿದೆ. ಈ ಪೈಕಿ 13ಸಾವಿರ ಹಣತೆಗಳನ್ನು ನಗರದ ರಾಮೇಶ್ವರ ಕಲ್ಯಾಣ ಮಂಟಪ ಸಮೀಪದ ‘ಸ್ವಾಭಿಮಾನ ಕೇಂದ್ರ’ಕ್ಕೆ ನೀಡಲಾಗಿದೆ’ ಎಂದು ಮಾಧವ ಗೋಶಾಲೆಯ ಪ್ರಮುಖ ಮಹೇಶ ಬೀದರಕರ್ ತಿಳಿಸಿದರು.

. ಗೋಮಯ ಹಣತೆಗಳ ಬಗ್ಗೆ ಹೆಚ್ಚಿನ ಮಾಹಿತಿಗೆಕೃಷ್ಣ ಅನಂತರಾವ ಕೆಂಭಾವಿ (9480441134) ಮತ್ತು ಮಹೇಶ ಬೀದರಕರ್ (9242868095) ಅವರನ್ನುಸಂಪರ್ಕಿಸಬಹುದು.

. ಗೋಮಯ ಹಣತೆಗಳ ವಿಶೇಷತೆ

. ಶುದ್ಧ ದೇಸಿ ಗೋವುಗಳ ಸಗಣಿಯಿಂದ ತಯಾರಿಸಲಾದ ಈ ಹಣತೆಗಳು ಅತ್ಯಂತ ಕಡಿಮೆ ತೂಕ ಇವೆ. ಹೀಗಾಗಿ ಇವುಗಳನ್ನು ನೀರಿನಲ್ಲಿ ತೇಲಿ ಬಿಡಬಹುದು. ಮನೆಯ ಒಳಗೆ ಹಾಗೂ ಅಂಗಳದಲ್ಲಿ ಈ ಹಣತೆಗಳನ್ನು ಹಚ್ಚಿದರೆ, ಎಣ್ಣೆ ಅಥವಾ ತುಪ್ಪ ಖಾಲಿಯಾಗುವವರೆಗೂ ಉರಿಯುತ್ತವೆ. ಕೊನೆಗೆ ಹಣತೆ ಕೂಡ ಸಂಪೂರ್ಣವಾಗಿ ಉರಿದುಹೋಗುತ್ತದೆ. ಈ ಹಣತೆಗಳ ಬಳಕೆಯಿಂದ ಸುತ್ತಲಿನ ವಾತಾವರಣ ಶುದ್ಧಗೊಳ್ಳುತ್ತದೆ ಎನ್ನುತ್ತಾರೆ ಕೃಷ್ಣ ಅನಂತರಾವ ಕೆಂಭಾವಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮನ, ಮನೆಗಳಲ್ಲೂ ಬೆಳಕಿನ ಹಬ್ಬ ದೀಪಾವಳಿ ಸಂಭ್ರಮ; ಗೋವಿನ ಸಗಣಿಯಲ್ಲೂ ಅರಳಿದ ಹಣತೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಕೂಚ್‌ ಬಿಹಾರ್ ಟ್ರೋಫಿ ಕ್ರಿಕೆಟ್‌: ಫಾಲೊಆನ್‌ಗೆ ಒಳಗಾಗಿದ್ದ ಕರ್ನಾಟಕಕ್ಕೆ ಜಯ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ