ಕಲಬುರಗಿ | ಸಿಗದ ಹಕ್ಕುಪತ್ರ; ಅಭಿವೃದ್ಧಿಯೂ ಮರೀಚಿಕೆ

‘ಕೊಳೆಗೇರಿ ಪ್ರದೇಶದಲ್ಲಿನ ಚಿತ್ತಾಪುರದ 700 ಹಾಗೂ ಕಲಬುರಗಿ ನಗರದ 100 ಕುಟುಂಬಗಳು ಸೇರಿ ಒಟ್ಟು 800 ಕುಟುಂಬಗಳ ಹಕ್ಕುಪತ್ರಗಳು ವಿತರಣೆಗೆ ಸಿದ್ಧವಾಗಿವೆ. ಶೀಘ್ರವೇ ದಿನಾಂಕ ನಿಗದಿಪಡಿಸಿ ವಿತರಣೆ ಮಾಡಲಾಗುವುದು’ ಎಂದು ಕೊಳಗೇರಿ ಅಭಿವೃದ್ಧಿ ಮಂಡಳಿಯ ಎಇಇ ಶ್ರೀಧರ್ ಸಾರ್ವಾಡ್ ‘ಪ್ರಜಾವಾಣಿ’ಗೆ ತಿಳಿಸಿದರು. ‘ನಗರ ಪ್ರದೇಶದಲ್ಲಿನ ಕೊಳೆಗೇರಿಯ ಅರ್ಹ ಎಸ್‌ಸಿ ಎಸ್‌ಟಿ ಸಮುದಾಯದವರು ₹2 ಸಾವಿರ ಇತರೆ ಹಿಂದುಳಿದ ವರ್ಗದವರು ₹4 ಸಾವಿರ ಸ್ಥಳೀಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿನ ಎಸ್‌ಸಿ ಎಸ್‌ಟಿ ಸಮುದಾಯದವರು ₹1 ಸಾವಿರ ಹಾಗೂ ಒಬಿಸಿಯುವರು ₹2 ಸಾವಿರ ಡಿಡಿ ಮೂಲಕ ಶುಲ್ಕ ಕಟ್ಟಿದರೆ ಹಕ್ಕುಪತ್ರ ನೀಡಲಾಗುವುದು’ ಎಂದರು. ‘ಕೊಳೆಗೇರಿ ನಿವಾಸಿಗಳ ಸಮೀಕ್ಷೆ ನಡೆಯುತ್ತಿದ್ದು ಕಲಬುರಗಿ ಮಹಾನಗರ ಪಾಲಿಕೆಯ ಮೇಯರ್ ಅವರಿಗೂ ಕುಟುಂಬಗಳ ಮಾಹಿತಿ ಪಟ್ಟಿ ನೀಡಲಾಗಿದೆ’ ಎಂದು ಮಾಹಿತಿ ನೀಡಿದರು.