ನಾಪೋಕ್ಲು | ಉರುಳಿದ ಮರ; ಸಂಚಾರಕ್ಕೆ ತೊಡಕು

ಪಾರಾಣೆ ಗ್ರಾಮ ಪಂಚಾಯಿತಿಯ ಕೈಕಾಡು ಗ್ರಾಮದಲ್ಲಿ ಬೃಹತ್ ಗಾತ್ರದ ಮರ ಶನಿವಾರ ಬೆಳಗಿನ ಜಾವ ರಸ್ತೆ ಗಡ್ಡಲಾಗಿ ಮುರಿದುಬಿದ್ದು ರಸ್ತೆ ಸಂಪರ್ಕ ಕಡಿತಗೊಂಡಿತು. ಬೆಂಗಳೂರಿನಿಂದ ನಾಪೋಕ್ಲುವಿಗೆ ಬೆಳಗಿನ ಜಾವ ಆಗಮಿಸುತ್ತಿದ್ದ ರಸ್ತೆ ಸಾರಿಗೆ ಸಂಸ್ಥೆಯ ಬಸ್ಸು ಸೇರಿದಂತೆ ಹಲವು ವಾಹನಗಳು ಈ ರಸ್ತೆಯಲ್ಲಿ ಸಂಚರಿಸಲಾರದೆ ಸಮಸ್ಯೆ ಉಂಟಾಯಿತು.

ಪಾರಾಣೆ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಪಾಡೆಯಂಡ ಕಟ್ಟಿ ಕುಶಾಲಪ್ಪ, ನಾಯಕಂಡ ಕುನ್ಯಾಣ್ಣ ಮುತ್ತಪ್ಪ, ಕದ್ದನಿಯoಡ ರೋಹನ್, ಗಿರೀಶ್, ಶರೀಣ್ ಹಾಗೂ ಕಾರ್ಮಿಕರೊಂದಿಗೆ ಬಿದ್ದ ಮರವನ್ನು ಮಿಷನ್ ಮೂಲಕ ಕತ್ತರಿಸಿ ಟ್ರ್ಯಾಕ್ಟರ್‌ಗೆ ಕಟ್ಟಿ ಎಳೆದು ತೆರವುಗೊಳಿಸುವುದರ ಮೂಲಕ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.