ಹೊಲದಲ್ಲೇ ಕೊಳೆತ ಈರುಳ್ಳಿ ಬೆಳೆ: ಸಂಕಷ್ಟದಲ್ಲಿ ರೈತ

ಕೊಪ್ಪಳ: ಸತತ ಮಳೆಯಿಂದಾಗಿ 5 ಎಕರೆ ಜಮೀನಿನಲ್ಲಿ ಬೆಳೆದ ಈರುಳ್ಳಿ ಬೆಳೆ ಹೊಲದಲ್ಲಿಯೇ ಕೊಳೆತಿದ್ದು, ರೈತನ ಸಂಕಷ್ಟ ಹೆಚ್ಚುವಂತೆ ಮಾಡಿದೆ.

. ಮಾರುಕಟ್ಟೆಯಲ್ಲಿ ಈರುಳ್ಳಿಗೆ ಹೆಚ್ಚಿನ ಬೇಡಿಕೆ ಇದ್ದು, ಅದಕ್ಕೆ ತಕ್ಕಂತೆ ಪೂರೈಕೆ ಆಗುತ್ತಿಲ್ಲ. ಇದರಿಂದಾಗಿ ಈರುಳ್ಳಿ ಬೆಲೆ ಗಗನಕ್ಕೆ ಏರಿದ್ದು, ಪ್ರಸ್ತುತ ಬಂಗಾರಕ್ಕೆ ಇರುವಷ್ಟು ಬೇಡಿಕೆ ಈರುಳ್ಳಿಗೆ ಬಂದಿದೆ. ಆದರೆ ಬೆಳೆ ಇದ್ದಾಗ ಬೆಲೆ ಇಲ್ಲ.ಬೆಲೆ ಇದ್ದಾಗಬೆಳೆ ಇಲ್ಲಎನ್ನುವಂತೆ ರೈತರ ಪರಿಸ್ಥಿತಿ ಆಗಿದೆ.

. ತಾಲ್ಲೂಕಿನ ಕಾತರಕಿ ಗ್ರಾಮದ ಹೊರವಲಯದಲ್ಲಿರುವ ರೈತ ಗೋವಿಂದರಾವ್ ಕುರಡೇಕರ್ ಅವರು 5 ಎಕರೆಯಲ್ಲಿ ಬೆಳೆದ ಈರುಳ್ಳಿ ಈಚೆಗೆ ಸುರಿದ ಅಕಾಲಿಕ ಮಳೆ ಮತ್ತು ಹವಾಮಾನ ವೈಪರೀತ್ಯದಿಂದ ಹೊಲದಲ್ಲಿಯೇ ಕೊಳೆತು ಹೋಗಿದೆ.

. 'ಕಳೆದ ವರ್ಷ ಸುಮಾರು 680 ಚೀಲ ಈರುಳ್ಳಿ ಬೆಳೆದಿದ್ದೇವೆ.ಉತ್ತಮವಾಗಿ ಬೆಳೆ ಬಂದಿತ್ತು, ಆದರೆ ಸರಿಯಾದ ಬೆಲೆ ಇರಲಿಲ್ಲ. ಪ್ರತಿ ಕ್ವಿಂಟಲ್ಗೆ ಕೇವಲ ₹ 900 ಇತ್ತು. ಆದರೆ ಈ ಬಾರಿ ಪ್ರಸ್ತುತ ಕ್ವಿಂಟಲ್ಗೆ ₹ 11 ಸಾವಿರ ಬೆಲೆ ಇದೆ. ಆದರೆ ಅತಿಯಾದ ಮಳೆಯಿಂದಾಗಿಕೇವಲ 200 ಚೀಲ ಈರುಳ್ಳಿ ಮಾತ್ರ ಬಂದಿವೆ. 1 ಸಾವಿರ ಚೀಲ ಈರುಳ್ಳಿ ಬೆಳೆಯುವ ನಿರೀಕ್ಷೆ ಇತ್ತು. ಇದರಿಂದ ₹ 10ರಿಂದ ₹ 15 ಲಕ್ಷ ಆದಾಯದ ನಿರೀಕ್ಷೆ ಇತ್ತು. ಆದರೆ ಸತತವಾಗಿ ಸುರಿದ ಮಳೆ ನಮ್ಮ ನಿರೀಕ್ಷೆಯನ್ನು ಹುಸಿಗೊಳಿಸಿತು' ಎಂದು ಬೇಸರ ವ್ಯಕ್ತಪಡಿಸುತ್ತಾರೆ ರೈತ ಗೋವಿಂದರಾವ್ ಕುರಡೇಕರ.

. 'ಟ್ರ್ಯಾಕ್ಟರ್ ಬಾಡಿಗೆ ₹ 25 ಸಾವಿರ, 5 ಬಾರಿ ಕೀಟನಾಶಕ ಸಿಂಪಡಣೆಗೆ ₹ 60 ಸಾವಿರ, ಕಳೆ ತೆಗೆಯುವುದು, ಗಡ್ಡೆ ಕೀಳುವುದು ಎಲ್ಲ ಸೇರಿ ಸುಮಾರು ₹ 1.50 ಲಕ್ಷದಿಂದ ₹ 2 ಲಕ್ಷದ ವರೆಗೆ ವ್ಯಯಿಸಲಾಗಿದೆ. ಕೊಳೆತ ಈರುಳ್ಳಿಯಲ್ಲಿಯೇ ಆರಿಸಿ ತೆಗೆದು, ತಿಂಗಳ ಮುಂಚೆ ₹ 700ಕ್ಕೆ 100 ಚೀಲ ಈರುಳ್ಳಿ ಮಾರಾಟ ಮಾಡಿದ್ದೇವೆ. ಇನ್ನೂ 100 ಚೀಲ ಈರುಳ್ಳಿ ತೆಗೆಯಬಹುದು. ಈರುಳ್ಳಿ ಗುಣಮಟ್ಟವಾಗಿಲ್ಲ. ಇದರಿಂದ ಸುಮಾರು ₹ 1 ಲಕ್ಷ ಬರಬಹುದು. ಇದರಿಂದ ವ್ಯಯಿಸಿದ ಹಣವೂ ವಾಪಾಸಾಗುವುದಿಲ್ಲ' ಎಂದು ಅವರು ಅಳಲು ತೋಡಿಕೊಂಡರು.

. ಕಳೆದ ಬಾರಿ ಹೆಚ್ಚು ಖರ್ಚಾಗಿರಲಿಲ್ಲ. ಮಳೆ ಆಗಿದ್ದರಿಂದ ರೋಗಗಳ ಭೀತಿ ಹೆಚ್ಚಿತ್ತು. ಹಾಗಾಗಿ 2 ಬಾರಿ ಸಿಂಪಡಿಸಬೇಕಾಗಿದ್ದ ಕೀಟನಾಶಕವನ್ನು ಬೆಳೆ ರಕ್ಷಣೆಗಾಗಿ 5 ಬಾರಿ ಸಿಂಪಡಿಸಿದ್ದೇವೆ. ಒಂದು ಬಾರಿ ಸಿಂಪಡಿಸಿದರೆ, ₹ 11 ಸಾವಿರ ಖರ್ಚಾಗುತ್ತದೆ. ಅಲ್ಲದೇ 2 ಸಲ ತೆಗೆಯಬೇಕಿದ್ದ ಕಳೆಯನ್ನು ಈ ಬಾರಿ 5 ಸಲ ತೆಗೆದಿದ್ದೇವೆ. ಒಂದು ಸಲ ಕಳೆ ತೆಗೆದರೆ ₹ 10 ಸಾವಿರ ವ್ಯಯವಾಗುತ್ತದೆ. ಮಳೆಯಿಂದಾಗಿಯೇ ಒಟ್ಟು ಖರ್ಚು ಹೆಚ್ಚಾಗಿದೆ. ಆದರೆ ಅಂದುಕೊಂಡಷ್ಟು ಲಾಭ ಬಂದಿಲ್ಲ ಎನ್ನುತ್ತಾರೆ ರೈತ

. ಪ್ರತಿ ವರ್ಷ ಈರುಳ್ಳಿ ಬೆಳೆಯುತ್ತಿದ್ದು, ಬೆಳೆ ನಾಟಿ ಮಾಡಿದಾಗಿನಿಂದ ತೆಗೆಯುವವರೆಗೆ 8ರಿಂದ 9 ಬಾರಿ ನೀರು ಕೊಡುತ್ತಿದ್ದರು. ಆದರೆ ಈ ಬಾರಿ ಕೇವಲ 3 ಬಾರಿ ನೀರು ಹರಿಸಿದ್ದರೂ ಸತತ ಮಳೆ ಬೆಳೆಯನ್ನು ಹಾಳು ಮಾಡಿದೆ. ಇದರಿಂದರೈತನಿಗೂ ನಷ್ಟ ಆಗಿದೆ. ಪೂರೈಕೆ ಕಡಿಮೆ ಆಗಿ, ಬೇಡಿಕೆ ಹೆಚ್ಚಾಗಿದ್ದರಿಂದ ಈರುಳ್ಳಿ ಬೆಲೆ ಸಾಮಾನ್ಯವಾಗಿಯೇ ಏರಿಕೆಯಾಗಿದೆ. ಇದರಿಂದ ಗ್ರಾಹಕರಿಗೂ ತಲೆನೋವಾಗಿ ಪರಿಣಮಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊಲದಲ್ಲೇ ಕೊಳೆತ ಈರುಳ್ಳಿ ಬೆಳೆ: ಸಂಕಷ್ಟದಲ್ಲಿ ರೈತ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು