ಕೊಪ್ಪಳ | ನಿಗಮ ಮಂಡಳಿ ಸ್ಥಾನಮಾನ: ರಾಯರಡ್ಡಿ ನಿರಾಕರಣೆ, ಹಿಟ್ನಾಳಗೆ ಬಂಪರ್‌?

ಕೊಪ್ಪಳ: ‘ನನಗೆ ನಿಗಮ ಮಂಡಳಿ ಇಷ್ಟವಿಲ್ಲ. ಈ ಸ್ಥಾನಮಾನ ಸಚಿವಗಿರಿಗಿಂತ ಕಡಿಮೆ ಎನ್ನುವ ಮನೋಭಾವನೆಯೂ ಇಲ್ಲ. ಸಚಿವ ಸ್ಥಾನ ಕೊಡಬೇಕು ಎನ್ನುವುದೂ ಇಲ್ಲ’ ಎಂದು ಶಾಸಕ ಬಸವರಾಜ ರಾಯರಡ್ಡಿ ಹೇಳಿದರು. ‘ಪ್ರಜಾವಾಣಿ’ ಜೊತೆ ಮಾತನಾಡಿದ ಅವರು ‘ನಿಗಮ ಮಂಡಳಿಗೆ ನೇಮಕವಾದರೆ ಜನರ ಸೇವೆ ಮಾಡಲು ಆಗುವುದಿಲ್ಲ. ಇದರಿಂದ ಕ್ಷೇತ್ರಕ್ಕೆ ಏನು ಅನುಕೂಲವಾಗುತ್ತದೆ? ಸಚಿವ ಸ್ಥಾನವಾದರೆ ರಾಜ್ಯದ ಜನರಿಗೆ ಸೇವೆ ಮಾಡಬಹುದು ಕ್ಷೇತ್ರದ ಜನರಿಗೂ ಅನುಕೂಲವಾಗುತ್ತದೆ. ಸಚಿವ ಸ್ಥಾನ ಕೊಡದಿದ್ದರೂ ನನಗೆ ಖುಷಿಯಿದೆ. ಸಚಿವ ಸ್ಥಾನ ಕೊಡಿ ಎಂದು ನಾನು ಕೇಳುವುದಿಲ್ಲ. ನಿಗಮ ಮಂಡಳಿ ನಮ್ಮ ಜಿಲ್ಲೆಗೆ ಕೊಡುವುದಾದರೆ ರಾಘವೇಂದ್ರ ಹಿಟ್ನಾಳಗೆ ಕೊಡಿ ಎಂದು ನಾನೇ ಹೇಳಿದ್ದೇನೆ’ ಎಂದರು.