ಕೊಪ್ಪಳ: ಬೀದಿ ನಾಯಿಗಳ ಹಾವಳಿಗೆ ಬೆಚ್ಚಿದ ಜನತೆ

ಕನಕಗಿರಿ ಪಟ್ಟಣದಲ್ಲಿ ಬೀದಿ‌ನಾಯಿಗಳ ಹಾವಳಿ ಹೆಚ್ಚಳವಾಗಿದೆ ಇಲ್ಲಿನ ವಾಲ್ಮೀಕಿ ಮಡಿವಾಳ ಮಾಚಿದೇವ ವೃತ್ತ ಇತರೆ ಸ್ಥಳದಲ್ಲಿ ನಾಯಿಗಳ ದಂಡೆ ಕಾಣಸಿಗುತ್ತದೆ. ಇಡೀ ದಿನ ನಾಯಿಗಳು ಇಲ್ಲಿಯೇ ತಂಗುತ್ತಿದ್ದು ಸಣ್ಣ ಮಕ್ಕಳು ಓಡಾಡದ ಪರಿಸ್ಥಿತಿ ಇದೆ. ಹಿಂಡು ಹಿಂಡಾಗಿ ಓಡಾಡಿ ಸಂಚಾರಕ್ಕೆ ತೊಂದರೆ ಉಂಟು ಮಾಡುತ್ತಿವೆ. ಸಸ್ಯಹಾರಿ ಮಾಂಸಾಹಾರಿ ಹೋಟೆಲ್‌ಗಳು ಮಾಂಸ ಮಾರಾಟ ಮಾಡುವ ಅಂಗಡಿಗಳ ಮುಂದೆ ನಾಯಿಗಳು‌ ನಿಂತು ಮಾಂಸದ ತುಂಡುಗಳಿಗೆ ಜೋತು ಬಿದ್ದ ದೃಶ್ಯಗಳು ಸಾಮಾನ್ಯವಾಗಿದೆ. ನಾಯಿ ಕಡಿತದಿಂದ ರೇಬಿಸ್ ರೋಗ ಬರುತ್ತದೆ ಎಂಬ ಕಾರಣಕ್ಕೆ ಈಗ ಪಶುಪಾಲನಾ ವೈದ್ಯ ಸೇವಾ ಇಲಾಖೆ ರೇಬಿಸ್ ಬಾರದಂತೆ ನಡೆಯಲು ಲಸಿಕೆ ಕಾರ್ಯಕ್ರಮ ನಡೆಸುತ್ತಿದೆ. ಇದು ಸಾಕು ನಾಯಿಗಳಿಗೆ ಮಾತ್ರ! ಸ್ಥಳೀಯ ಗ್ರಾಮ‌ ಹಾಗೂ ಪಟ್ಟಣ ಪಂಚಾಯಿತಿಗಳು ತಮ್ಮ ವ್ಯಾಪ್ತಿಯ ಬೀದಿ‌ ನಾಯಿಗಳಿಗೆ ಲಸಿಕೆ‌ ಹಾಕಿಸಬೇಕೆಂಬ ನಿಯಮ‌ ಇದೆ ಎಂದು ಇಲಾಖೆಯ ಮೂಲಗಳು ತಿಳಿಸಿವೆ. ಸ್ಥಳೀಯ ಆಯಾ ಪಂಚಾಯಿತಿಗಳು ಬೀದಿ‌ನಾಯಿಗಳನ್ನು ಹಿಡಿಯಲು ನಿಯಮಾನುಸಾರವಾಗಿ ಟೆಂಡರ್ ಪ್ರಕ್ರಿಯೆ ನಡೆಸಬೇಕು ಬೆಂಗಳೂರು ವಿಜಯಪುರ ಇತರೆ ಜಿಲ್ಲೆಯಲ್ಲಿರುವ ನಾಯಿ ಹಿಡಿಯುವವರ ತಂಡದವರು ಟೆಂಡರ್ ಪಡೆದು ನಾಯಿಗಳನ್ನು ಹಿಡಿದು ಲಸಿಕೆ ಹಾಕುತ್ತಾರೆ.