ಶ್ರೀರಂಗಪಟ್ಟಣ | ಈದ್‌ ಮಿಲಾದ್‌: ಪೈಗಂಬರ್ ಪಾದುಕೆಯ ಅಚ್ಚು, ಕೇಶ ದರ್ಶನ

ಶ್ರೀರಂಗಪಟ್ಟಣ: ಈದ್– ಮಿಲಾದ್ ನಿಮಿತ್ತ ಪಟ್ಟಣದ ಐತಿಹಾಸಿಕ ಜಾಮಿಯಾ ಮಸೀದಿಯಲ್ಲಿ ಸೋಮವಾರ ಪ್ರವಾದಿ ಮಹಮದ್ ಪೈಗಂಬರರ ಪಾದುಕೆಯ ಅಚ್ಚು ಮತ್ತು ಅವರ ಗಡ್ಡದ ಕೇಶವನ್ನು ಮುಸ್ಲಿಮರು ಕಣ್ತುಂಬಿಕೊಂಡರು.

. ಮಸೀದಿಯ ಮಹಡಿ ಮೇಲಿನ ಪ್ರಾರ್ಥನಾ ಸಭಾಂಗಣದ ಮುಂದೆ ಪಾದುಕೆಯ ಅಚ್ಚು ಮತ್ತು ಗಡ್ಡದ ಕೇಶ ಇರುವ ಪೆಟ್ಟಿಗಳನ್ನು ಪ್ರದರ್ಶನಕ್ಕೆ ಇರಿಸಲಾಗಿತ್ತು. ಪಟ್ಟಣ ಮಾತ್ರವಲ್ಲದೆ ಮೈಸೂರು, ಮಂಡ್ಯ, ಬೆಂಗಳೂರು, ಪಾಂಡವಪುರ ಇತರ ಕಡೆಗಳಿಂದ ಬಂದವರು ಈ ಪವಿತ್ರ ವಸ್ತುಗಳ ದರ್ಶನ ಪಡೆದು, ಪುಷ್ಪ ನಮನ ಸಲ್ಲಿಸಿದರು.

. ಇದಕ್ಕೂ ಮುನ್ನ ಪಾದುಕೆಯ ಅಚ್ಚು ಮತ್ತು ಕೇಶದ ಪೆಟ್ಟಿಗೆಯನ್ನು ಪನ್ನೀರಿನಿಂದ ತೊಳೆಯಲಾಯಿತು. ಭಕ್ತರು ಈ ಪೆಟ್ಟಿಗೆಗಳನ್ನು ತಲೆ ಮೇಲೆ ಹೊತ್ತು ಭಾವ ಪರವಶರಾದರು. ಜಾಮಿಯಾ ಮಸೀದಿಯ ಧರ್ಮಗುರು ಮುಫ್ತಿ ಸಜ್ಜಾದ್ ಹುಸೇನ್ ಅವರ ನೇತೃತ್ವದಲ್ಲಿ ಪ್ರಾರ್ಥನೆ ಮತ್ತು ಕುರಾನ್ ಗ್ರಂಥದ ವಾಕ್ಯಗಳ ವಾಚನ ನಡೆಯಿತು. ‘ಯಾ ನಬಿ ಸಲಾಂ ಅಲೇಕುಂ....’ ಎಂಬ ಶ್ಲೋಕವನ್ನು ಪಠಿಸಿದರು.

. ಬಳಿಕ ಪಾದುಕೆಯ ಅಚ್ಚು ಮತ್ತು ಕೇಶದ ಪೆಟ್ಟಿಗೆಯನ್ನು ತೊಳೆದ ಪನ್ನೀರನ್ನು ಪ್ರಸಾದ ರೂಪದಲ್ಲಿ ನೆರೆದಿದ್ದವರಿಗೆ ವಿತರಿಸಲಾಯಿತು. ಮಸೀದಿಯ ಆವರಣದಲ್ಲಿ ಪಾನಕ, ಖರ್ಜೂರ ಹಾಗೂ ಬಗೆ ಬಗೆಯ ಸಿಹಿ ವಿತರಣೆ ನಡೆಯಿತು.

. ಐತಿಹ್ಯ: ‘ಜಾಮಿಯಾ ಮಸೀದಿಯಲ್ಲಿರುವ ಮಹಮದ್ ಪೈಗಂಬರ್ ಅವರ ಪಾದುಕೆಯ ಕಲ್ಲಿನ ಅಚ್ಚು ಮತ್ತು ಅವರ ಗಡ್ಡದ ಕೇಶವನ್ನು ಟರ್ಕಿಯ ಸುಲ್ತಾನ ಟಿಪ್ಪು ಸುಲ್ತಾನನಿಗೆ ನೀಡಿದ್ದ. ಟರ್ಕಿ ಮತ್ತು ಶ್ರೀರಂಗಪಟ್ಟಣದ ನಡುವೆ 18ನೇ ಶತಮಾನದಲ್ಲಿ ವಾಣಿಜ್ಯ ವ್ಯವಹಾರದ ವಿಷಯದಲ್ಲಿ ಉತ್ತಮ ಸಂಬಂಧವಿತ್ತು. ಈ ಸಂಬಂಧವು ಶಾಶ್ವತವಾಗಿ ಇರಲಿ ಎಂಬ ಉದ್ದೇಶದಿಂದ ಈ ಪವಿತ್ರ ವಸ್ತುಗಳನ್ನು ಟರ್ಕಿಯ ಸುಲ್ತಾನನು ಟಿಪ್ಪು ಸುಲ್ತಾನನಿಗೆ ನೀಡಿದ್ದನು. ಇವುಗಳನ್ನು ಜತನವಾಗಿ ಕಾಪಾಡಿಕೊಂಡು ಬರಲಾಗುತ್ತಿದೆ’ ಎಂದು ಮುಖಂಡ ಸಯ್ಯದ್ ಗುಲ್ಜಾರ್ ಪಾಷ ತಿಳಿಸಿದರು.

. ಟಿಪ್ಪು ಸಮಾಧಿ ಸ್ಥಳ ಗುಂಬಸ್ನ ಧಾರ್ಮಿಕ ಮುಖಂಡ ಇನಾಯತ್–ಉರ್– ರೆಹಮಾನ್, ಟಿಪ್ಪು ವಕ್ಫ್ ಎಸ್ಟೇಟ್ ಕಾರ್ಯದರ್ಶಿ ಮಹಮದ್ ಇರ್ಫಾನ್, ಮುಖಂಡರಾದ ಎಕ್ಬಾಲ್ ಪಾಷ, ಉಮರ್, ಪುರಸಭೆ ಮಾಜಿ ಸದಸ್ಯ ಏಜಾಸ್ ಪಾಷ ಸೇರಿದಂತೆ ನೂರಾರು ಮಂದಿ ಪಾಲ್ಗೊಂಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶ್ರೀರಂಗಪಟ್ಟಣ | ಈದ್‌ ಮಿಲಾದ್‌: ಪೈಗಂಬರ್ ಪಾದುಕೆಯ ಅಚ್ಚು, ಕೇಶ ದರ್ಶನ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ದಿನ ಭವಿಷ್ಯ | ಈ ರಾಶಿಯವರು ಸಂಜೆಯೊಳಗೆ ಅಚ್ಚರಿಯ ಸುದ್ದಿಯೊಂದನ್ನು ಕೇಳಲಿರುವಿರಿ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ವಾರ ಭವಿಷ್ಯ: ಈ ರಾಶಿಯವರ ಆಲೋಚನೆಗಳು ತರ್ಕಬದ್ಧವಾಗಿರುತ್ತದೆ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: 100 ಮೀ. ಓಟದಲ್ಲಿ ಇಯಾನ್‌, ಪೂಜಾ ಮಿಂಚು

ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ | ಸೆಮಿಫೈನಲ್‌ಗೆ ಭಾರತ ಮಹಿಳಾ ಹಾಕಿ ತಂಡ

ಸಂತೋಷ್‌ ಟ್ರೋಫಿ ಫುಟ್‌ಬಾಲ್‌ ಟೂರ್ನಿ: ತಮಿಳುನಾಡಿಗೆ ಮಣಿದ ಕರ್ನಾಟಕ

ಸ್ಟ್ರೈಡ್‌ ತಂಡಕ್ಕೆ ಜಗದೇಶ್ವರ ಆಚಾರ್ ಶೀಲ್ಡ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ದಿನ ಭವಿಷ್ಯ | ಈ ರಾಶಿಯವರು ಸಂಜೆಯೊಳಗೆ ಅಚ್ಚರಿಯ ಸುದ್ದಿಯೊಂದನ್ನು ಕೇಳಲಿರುವಿರಿ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ವಾರ ಭವಿಷ್ಯ: ಈ ರಾಶಿಯವರ ಆಲೋಚನೆಗಳು ತರ್ಕಬದ್ಧವಾಗಿರುತ್ತದೆ