ಅನ್ಯ ಕೋಮು, ಅನ್ಯ ಧರ್ಮೀಯ ಎಂಬ ಪದಗಳು ‘ಮನುಷ್ಯ ದ್ವೇಷಿ’: ರಹಮತ್‌ ತರೀಕೆರೆ

ಮೈಸೂರು : ‘ಈಚಿನ ದಿನಗಳಲ್ಲಿ ಅನ್ಯ ಕೋಮು, ಅನ್ಯ ಧರ್ಮೀಯ ಎನ್ನುವ ಶಬ್ದಗಳ ಬಳಕೆ ಹೆಚ್ಚಿದ್ದು, ಇವು ಮನುಷ್ಯ ದ್ವೇಷಿ ಪದಗಳಾಗಿವೆ’ ಎಂದು ಲೇಖಕ ರಹಮತ್ ತರೀಕೆರೆ ಹೇಳಿದರು.

. ರಂಗಾಯಣದಲ್ಲಿ ನಡೆದಿರುವ ಬಹುರೂಪಿ ರಾಷ್ಟ್ರೀಯ ನಾಟಕೋತ್ಸವದಲ್ಲಿ ಶನಿವಾರ ‘ವಚನ ಚಳವಳಿಯ ಸಮಕಾಲೀನ ವ್ಯಾಖ್ಯಾನ’ ವಿಚಾರ ಸಂಕಿರಣದಲ್ಲಿ ‘ವಚನ ಸಾಹಿತ್ಯದಲ್ಲಿ ಆಧ್ಯಾತ್ಮಿಕತೆ ಮತ್ತು ಲೌಕಿಕತೆ’ ಗೋಷ್ಠಿಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

. ‘ಅಭಿವೃದ್ಧಿ ಕಲ್ಪನೆಯ ಹೆಸರಿನಲ್ಲಿ ಅಲ್ಪಸಂಖ್ಯಾತರು, ಮಹಿಳೆಯರು, ಆದಿವಾಸಿಗಳನ್ನು ಸಮಾಜದಿಂದ ಹೊರಗಿಡುವ ಸಂಚು ನಡೆದಿದೆ’ ಎಂದು ದೂರಿದರು.

. ‘ಇವ ಯಾರವ ಎನ್ನುವವರಿಂದ ದೇಶ ಕಟ್ಟಲು ಆಗದು. ಬಹುಭಾಷಿಕ ಸಮುದಾಯಗಳಲ್ಲಿ ಭಿನ್ನಮತ ಸಹಜ. ಅದನ್ನು ದ್ವೇಷ ಇಲ್ಲದೇ ಬಗೆಹರಿಸುವುದೇ ನಿಜವಾದ ಪ್ರಜಾಪ್ರಭುತ್ವ. ಕರ್ನಾಟಕ ಸಂಸ್ಕೃತಿಯ ಆತ್ಮ ಇರುವುದು ಸಂಬಂಧಗಳನ್ನು ಹುಡುಕುವುದರಲ್ಲಿ. ಫ್ಯಾಸಿಸ್ಟ್ಗಳ ನೀತಿಗಳಲ್ಲಿ ಭಿನ್ನಮತಕ್ಕೆ ಅವಕಾಶ ಇಲ್ಲ. ಆದರೆ, ಪ್ರಜಾಪ್ರಭುತ್ವದಲ್ಲಿ ಅದಕ್ಕೆ ಅವಕಾಶ ಇದೆ’ ಎಂದು ವಿವರಿಸಿದರು.

. ‘ನಡೆ– ನುಡಿ ಒಂದೇ ಆಗಿರುವುದು ಶರಣರ ವಿಶೇಷ. ನಮ್ಮ ನಡೆ–ನುಡಿ ನಡುವಿನ ವ್ಯತ್ಯಾಸವೇ ನಮ್ಮ ಅಧ್ಯಾತ್ಮದ ಬಹುದೊಡ್ಡ ಕಂದಕ ಎಂದು ಅಂಬೇಡ್ಕರ್ ಸಹ ಹೇಳಿದ್ದಾರೆ’ ಎಂದು ನೆನೆದರು.

. ‘ಬಸವಣ್ಣರನ್ನು ವಿಶ್ವಗುರು ಎಂದು ಸರ್ಕಾರವು ಘೋಷಿಸಿರುವುದು ಶರಣ ಸಂಸ್ಕೃತಿಗೆ ಕೊಟ್ಟ ಗೌರವ ಎಂದು ಭಾವಿಸಬೇಕು. ನಾಡಿನ ಎಲ್ಲ ಚಳವಳಿಗಳು ಪಲ್ಲಟದಲ್ಲಿ ನಂಬಿಕೆ ಇಟ್ಟಿವೆ. ಇಡೀ ಶರಣ ಚಳವಳಿಯಲ್ಲಿ ರೂಪಾಂತರ ತತ್ವವಿದೆ. ಬಹುತ್ವದ ಈ ತತ್ವ ನಾಡಿಗೆ ಮಾದರಿ’ ಎಂದು ವಿವರಿಸಿದರು.

. ವಿಷಯ ಮಂಡನೆ ಮಾಡಿದ ಬರಹಗಾರ ಎಸ್. ನಟರಾಜ ಬೂದಾಳು ‘ಈಚಿನ ಸಮಾಜದಲ್ಲಿ ಭಕ್ತಿ, ರಾಷ್ಟ್ರಭಕ್ತಿಯ ಅಭಿನಯ ಹೆಚ್ಚಾಗಿದೆ. ಇಡೀ ಭಾರತವೇ ದೊಡ್ಡ ರಂಗಭೂಮಿ ಆಗಿ ಬದಲಾಗಿದೆ. ವಾಸ್ತವ ಏನು ಎಂಬುದು ಕಂಡುಕೊಳ್ಳುವುದೇ ಸವಾಲಾಗಿದೆ’ ಎಂದರು.

. ವಚನಗಳು ನಮ್ಮ ಸಮಾಜಕ್ಕೆ ಔಷಧ. ವಚನಕಾರರು ವೈದ್ಯರಿದ್ದ ಹಾಗೆ. ಇವುಗಳನ್ನು ಬಳಸಿಕೊಳ್ಳುವುದನ್ನು ಕಲಿಯಬೇಕಿದೆ. –ಎಸ್. ನಟರಾಜ ಬೂದಾಳು, ಲೇಖಕ . ‘ಸಂವಿಧಾನವಾಗಲಿ, ಬಸವ ತತ್ವವಾಗಲಿ ನಮ್ಮ ಜೀವನ ಸಂವಿಧಾನವಾಗಿ ಮಾರ್ಪಾಡು ಆಗದಿರುವುದು ವಿಷಾದದ ಸಂಗತಿ. ಅಂಬೇಡ್ಕರ್ ರಾಜಕೀಯ ಸಂವಿಧಾನದ ಜೊತೆಗೆ, ಪ್ರಾಯೋಗಿಕವಾದ ಆಧ್ಯಾತ್ಮಿಕತೆ ಒಳಗೊಂಡ ಸಾಂಸ್ಕೃತಿಕ ಸಂವಿಧಾನವನ್ನೂ ನೀಡಿದ್ದು, ಅದರ ಅಧ್ಯಯನದ ಅಗತ್ಯವಿದೆ. ವಚನಕಾರರು ಗುರು ಮಾತ್ರ ದೈವ ಎಂದು ಸ್ವೀಕರಿಸಿದ್ದರು. ಹೀಗಾಗಿ ಇವೆಲ್ಲ ದೈವ ಮಾರ್ಗಗಳತ್ತ, ಗುರು ಮಾರ್ಗಗಳು’ ಎಂದು ವಿವರಿಸಿದರು.

. ಪ್ರತಿಸ್ಪಂದನೆ ನೀಡಿದ ಲೇಖಕ ಎಲ್.ಎನ್. ಮುಕುಂದ ರಾಜು, ‘ಈ ದೇಶದ ಸಂವಿಧಾನ, ಪ್ರಜಾಪ್ರಭುತ್ವ ಕಳೆದುಕೊಳ್ಳುವ ಸಾಧ್ಯವಿದ್ದು, ಅದರ ಬಗ್ಗೆ ಎಚ್ಚರಿಕೆಯ ಅಗತ್ಯವಿದೆ’ ಎಂದು ಎಚ್ಚರಿಸಿದರು.

. ಪ್ರಾಧ್ಯಾಪಕಿ ಲತಾ ಮೈಸೂರು ಮಾತನಾಡಿ, ‘ಸಾಮುದಾಯಿಕ ಆತ್ಮಾವಲೋಕನಕ್ಕೆ ಅನುಭವ ಮಂಟಪ ವೇದಿಕೆ ಆಗಿತ್ತು. ತನ್ನನ್ನು ತಾನು ಅರಿತು ಸರಿಪಡಿಸಿಕೊಂಡವನು ಮಾತ್ರ ಸಮಾಜವನ್ನು ತಿದ್ದಬಲ್ಲ ಎಂಬ ಆತ್ಮೋದ್ಧಾರದ ನೀತಿ ಶರಣರದ್ದಾಗಿತ್ತು’ ಎಂದು ವಿವರಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅನ್ಯ ಕೋಮು, ಅನ್ಯ ಧರ್ಮೀಯ ಎಂಬ ಪದಗಳು ‘ಮನುಷ್ಯ ದ್ವೇಷಿ’: ರಹಮತ್‌ ತರೀಕೆರೆ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ

Pro Kabaddi: ಅರ್ಜುನ್‌ ಅಬ್ಬರಕ್ಕೆ ಬೆದರಿದ ಬುಲ್ಸ್

ಬಾರ್ಡರ್‌–ಗಾವಸ್ಕರ್ ಟ್ರೋಫಿ: ‘ವೇಗಾಸ್ತ್ರ’ ಪ್ರಯೋಗಕ್ಕೆ ಪರ್ತ್ ವೇದಿಕೆ ಸಿದ್ಧ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್‌ ಟೂರ್ನಿ: ಅರವಿಂದ್‌ ಮುಡಿಗೆ ಕಿರೀಟ

ಪಾಕ್‌ನಲ್ಲಿ ಅಂಧರ ಟಿ20 wc: ವಿದೇಶಾಂಗ ಸಚಿವಾಲಯದ ಅನುಮತಿಗಾಗಿ ಕಾದಿರುವ ಭಾರತ ತಂಡ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ