<p><strong>ಮೈಸೂರು:</strong> ಗೌರಿ–ಗಣೇಶನ ಸ್ವಾಗತಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಹಬ್ಬದ ಹೊಸ್ತಿಲಲ್ಲಿ ಹೂ ಹಣ್ಣು ದುಬಾರಿ ಆಗಿದೆ.</p>.<p>ಬುಧವಾರವೇ ಮಾರುಕಟ್ಟೆಯಲ್ಲಿ ಹಬ್ಬದ ಖರೀದಿ ಕಂಡು ಬಂದಿತು. ಅದರಲ್ಲಿಯೂ ಹೂ–ಹಣ್ಣು ಖರೀದಿಗೆ ಗ್ರಾಹಕರು ಹೆಚ್ಚು ಒಲವು ತೋರಿದರು. ಹಬ್ಬದ ಹಿನ್ನೆಲೆಯಲ್ಲಿ ಹೂವಿನ ಬೆಲೆ ದುಪ್ಪಟ್ಟುಗೊಂಡಿದ್ದು, ಕನಕಾಂಬರ ಧಾರಣೆಯು ಕೆ.ಜಿ.ಗೆ ₹600ರಿಂದ ₹1200ಕ್ಕೆ ಬೆಲೆ ಏರಿಸಿಕೊಂಡಿದೆ. 250 ಗ್ರಾಂಗೆ ₹300ರಂತೆ ಮಾರಾಟ ಆಗುತ್ತಿದ್ದು, ಹಬ್ಬಕ್ಕೆಂದೇ ಕೊಯ್ಲು ಮಾಡಿ ತಂದ ತಾಜಾ ಹೂವನ್ನು ಗ್ರಾಹಕರು ದುಬಾರಿ ಬೆಲೆ ತೆತ್ತು ಬುಟ್ಟಿಗೆ ಇಳಿಸಿಕೊಂಡರು. ಪ್ರತಿ ಮಾರಿಗೆ ₹150–200ರಂತೆ ಮಾರಾಟ ನಡೆದಿತ್ತು.</p>.<p>ಕನಕಾಂಬರ ನಂತರದಲ್ಲಿ ಹೆಚ್ಚು ಬೇಡಿಕೆ ಹೊಂದಿರುವ ಮಲ್ಲಿಗೆಯು ಕಳೆದ ವಾರ ಕೆ.ಜಿ.ಗೆ ₹300–400 ಇದ್ದದ್ದು, ಈಗ ₹600ಕ್ಕೆ ಏರಿಕೆ ಆಗಿದೆ. ಬಿಡಿ ಮಲ್ಲಿಗೆ ಮೊಗ್ಗಿಗೆ ಬೇಡಿಕೆ ಹೆಚ್ಚಿದ್ದು, ಪ್ರತಿ ಮಾರಿಗೆ ₹150ಕ್ಕೂ ಅಧಿಕ ದರದಲ್ಲಿ ಮಾರಾಟ ಆಗುತ್ತಿದೆ. ಸೇವಂತಿಗೆ ಹಾಗೂ ಬಿಡಿ ಗುಲಾಬಿ ಮಾರುಕಟ್ಟೆಗೆ ಹೆಚ್ಚಿನ ಪ್ರಮಾಣದಲ್ಲಿ ಬಂದಿದ್ದು, ಅದರ ಬೆಲೆಯೂ ಏರಿದೆ. ಸೇವಂತಿಗೆ ಮಾರಿಗೆ ₹60–80ಕ್ಕೆ ಏರಿಕೆ ಆಗಿದೆ. ಇದ್ದದ್ದರಲ್ಲಿ ಚೆಂಡು ಹೂವು ಮಾತ್ರ ಗ್ರಾಹಕರ ಕೈಗೆ ಎಟಕುವಂತೆ ಇದೆ.</p>.<p>ಕಮಲದ ಹೂವು, ಸ್ಫಟಿಕ, ತುಳಸಿ ಸಹ ಮಾರುಕಟ್ಟೆಯಲ್ಲಿ ಖರೀದಿ ನಡೆದಿದೆ. ಜೊತೆಗೆ ಪೂಜಾ ಸಾಮಗ್ರಿ ಹಾಗೂ ಅಲಂಕಾರ ಸಾಮಗ್ರಿಗಳಿಗೂ ಬೇಡಿಕೆ ಕುದುರಿದೆ.</p>.<p>ಹಣ್ಣು ದುಬಾರಿ: ಹಬ್ಬದ ಕಾರಣಕ್ಕೆ ಹಣ್ಣುಗಳ ಬೆಲೆಯು ಇನ್ನಷ್ಟು ದುಬಾರಿ ಆಗಿದೆ. ಏಲಕ್ಕಿ ಬಾಳೆ ಮತ್ತೆ ಬೆಲೆ ಏರಿಸಿಕೊಂಡಿದೆ. ಸೇಬು ಹಾಗೂ ದಾಳಿಂಬೆ ₹200ರ ಗಡಿ ದಾಟಿದ್ದು, ಗ್ರಾಹಕರ ಕೈ ಸುಡುತ್ತಿದೆ. ಉಳಿದ ಹಣ್ಣುಗಳ ಬೆಲೆಯೂ ಅಲ್ಪ ಪ್ರಮಾಣದಲ್ಲಿ ಏರಿಕೆ ಆಗಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಗೌರಿ–ಗಣೇಶನ ಸ್ವಾಗತಕ್ಕೆ ಕ್ಷಣಗಣನೆ ಆರಂಭವಾಗಿದ್ದು, ಹಬ್ಬದ ಹೊಸ್ತಿಲಲ್ಲಿ ಹೂ ಹಣ್ಣು ದುಬಾರಿ ಆಗಿದೆ.</p>.<p>ಬುಧವಾರವೇ ಮಾರುಕಟ್ಟೆಯಲ್ಲಿ ಹಬ್ಬದ ಖರೀದಿ ಕಂಡು ಬಂದಿತು. ಅದರಲ್ಲಿಯೂ ಹೂ–ಹಣ್ಣು ಖರೀದಿಗೆ ಗ್ರಾಹಕರು ಹೆಚ್ಚು ಒಲವು ತೋರಿದರು. ಹಬ್ಬದ ಹಿನ್ನೆಲೆಯಲ್ಲಿ ಹೂವಿನ ಬೆಲೆ ದುಪ್ಪಟ್ಟುಗೊಂಡಿದ್ದು, ಕನಕಾಂಬರ ಧಾರಣೆಯು ಕೆ.ಜಿ.ಗೆ ₹600ರಿಂದ ₹1200ಕ್ಕೆ ಬೆಲೆ ಏರಿಸಿಕೊಂಡಿದೆ. 250 ಗ್ರಾಂಗೆ ₹300ರಂತೆ ಮಾರಾಟ ಆಗುತ್ತಿದ್ದು, ಹಬ್ಬಕ್ಕೆಂದೇ ಕೊಯ್ಲು ಮಾಡಿ ತಂದ ತಾಜಾ ಹೂವನ್ನು ಗ್ರಾಹಕರು ದುಬಾರಿ ಬೆಲೆ ತೆತ್ತು ಬುಟ್ಟಿಗೆ ಇಳಿಸಿಕೊಂಡರು. ಪ್ರತಿ ಮಾರಿಗೆ ₹150–200ರಂತೆ ಮಾರಾಟ ನಡೆದಿತ್ತು.</p>.<p>ಕನಕಾಂಬರ ನಂತರದಲ್ಲಿ ಹೆಚ್ಚು ಬೇಡಿಕೆ ಹೊಂದಿರುವ ಮಲ್ಲಿಗೆಯು ಕಳೆದ ವಾರ ಕೆ.ಜಿ.ಗೆ ₹300–400 ಇದ್ದದ್ದು, ಈಗ ₹600ಕ್ಕೆ ಏರಿಕೆ ಆಗಿದೆ. ಬಿಡಿ ಮಲ್ಲಿಗೆ ಮೊಗ್ಗಿಗೆ ಬೇಡಿಕೆ ಹೆಚ್ಚಿದ್ದು, ಪ್ರತಿ ಮಾರಿಗೆ ₹150ಕ್ಕೂ ಅಧಿಕ ದರದಲ್ಲಿ ಮಾರಾಟ ಆಗುತ್ತಿದೆ. ಸೇವಂತಿಗೆ ಹಾಗೂ ಬಿಡಿ ಗುಲಾಬಿ ಮಾರುಕಟ್ಟೆಗೆ ಹೆಚ್ಚಿನ ಪ್ರಮಾಣದಲ್ಲಿ ಬಂದಿದ್ದು, ಅದರ ಬೆಲೆಯೂ ಏರಿದೆ. ಸೇವಂತಿಗೆ ಮಾರಿಗೆ ₹60–80ಕ್ಕೆ ಏರಿಕೆ ಆಗಿದೆ. ಇದ್ದದ್ದರಲ್ಲಿ ಚೆಂಡು ಹೂವು ಮಾತ್ರ ಗ್ರಾಹಕರ ಕೈಗೆ ಎಟಕುವಂತೆ ಇದೆ.</p>.<p>ಕಮಲದ ಹೂವು, ಸ್ಫಟಿಕ, ತುಳಸಿ ಸಹ ಮಾರುಕಟ್ಟೆಯಲ್ಲಿ ಖರೀದಿ ನಡೆದಿದೆ. ಜೊತೆಗೆ ಪೂಜಾ ಸಾಮಗ್ರಿ ಹಾಗೂ ಅಲಂಕಾರ ಸಾಮಗ್ರಿಗಳಿಗೂ ಬೇಡಿಕೆ ಕುದುರಿದೆ.</p>.<p>ಹಣ್ಣು ದುಬಾರಿ: ಹಬ್ಬದ ಕಾರಣಕ್ಕೆ ಹಣ್ಣುಗಳ ಬೆಲೆಯು ಇನ್ನಷ್ಟು ದುಬಾರಿ ಆಗಿದೆ. ಏಲಕ್ಕಿ ಬಾಳೆ ಮತ್ತೆ ಬೆಲೆ ಏರಿಸಿಕೊಂಡಿದೆ. ಸೇಬು ಹಾಗೂ ದಾಳಿಂಬೆ ₹200ರ ಗಡಿ ದಾಟಿದ್ದು, ಗ್ರಾಹಕರ ಕೈ ಸುಡುತ್ತಿದೆ. ಉಳಿದ ಹಣ್ಣುಗಳ ಬೆಲೆಯೂ ಅಲ್ಪ ಪ್ರಮಾಣದಲ್ಲಿ ಏರಿಕೆ ಆಗಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
