ಮುಡಾ: ಕಚೇರಿ ಆಪ್ತರ ಸಲಹೆಯೇ ಸಿದ್ದರಾಮಯ್ಯಗೆ ಮುಳುವಾಯ್ತೆ?

ಮೈಸೂರು: ಸಿದ್ದರಾಮಯ್ಯ ವಿರುದ್ಧ ಪ್ರಾಸಿಕ್ಯೂಷನ್‌ಗೆ ರಾಜ್ಯಪಾಲರು ಅನುಮತಿ ನೀಡಿದ್ದಕ್ಕೆ ಅವರ ಸ್ವಗ್ರಾಮವಾದ ಸಿದ್ದರಾಮನಹುಂಡಿಯಲ್ಲಿ ಬೇಸರದ ಛಾಯೆ ಆವರಿಸಿದೆ. ಹಳ್ಳಿಕಟ್ಟೆಗಳಲ್ಲಿ ಮನೆ ಮುಂದಿನ ಜಗಲಿಗಳಲ್ಲಿ ಸದ್ಯ ಈ ರಾಜಕೀಯದ ಚರ್ಚೆಯೇ ಜೋರಾಗಿದೆ. ‘ಸಾಹೇಬರು ಐದು ವರ್ಷ ಮುಖ್ಯಮಂತ್ರಿಯಾಗಿರುತ್ತಾರೆ ಎಂದು ಈಗಲೂ ನಂಬಿದ್ದೇವೆ. ಬಿಜೆಪಿ–ಜೆಡಿಎಸ್ ಕುತಂತ್ರದಿಂದ ಈ ಪರಿಸ್ಥಿತಿ ಬಂದಿದೆ. ಆದರೆ ಅವರಂತಹ ಪ್ರಾಮಾಣಿಕ ರಾಜಕಾರಣಿ ಇನ್ನೊಬ್ಬರಿಲ್ಲ. ಯಾವ ಕಾರಣಕ್ಕೂ ರಾಜೀನಾಮೆ ನೀಡದೇ ಎಲ್ಲವನ್ನೂ ಧೈರ್ಯದಿಂದ ಕಾನೂನಿನ ಬಲದಿಂದ ಎದುರಿಸಬೇಕು’ ಎಂದು ಗ್ರಾಮಸ್ಥರು ಹೇಳುತ್ತಾರೆ.