ರಾಯಚೂರು: ರಾಜಕೀಯ ಮುಖಂಡರು, ಹಿಂಬಾಲಕರಿಂದ ಕೋಟೆ ಜಾಗ ಅತಿಕ್ರಮಣ

ಕೋಟೆ ಪಕ್ಕದಲ್ಲೇ ಅತಿಕ್ರಮಣ ಮಾಡಿ ಕಟ್ಟಡಗಳಲ್ಲಿ ಶಾಲಾ ಕಾಲೇಜುಗಳು ನಡೆಯುತ್ತಿವೆ. ಅಲ್ಲಿಯ ವಿದ್ಯಾರ್ಥಿಗಳು ವಸ್ತುಸಂಗ್ರಹಾಲಯದ ಮೇಲೆ ಕಲ್ಲುಗಳನ್ನು ತೂರುತ್ತಿರುವ ಕಾರಣ ಪ್ರವಾಸಿಗರ ಪ್ರಾಣ ರಕ್ಷಣೆಗೆ ಪುರಾತತ್ವ ಇಲಾಖೆಯ ಕಬ್ಬಿಣದ ಜಾಲರಿ ಹಾಕಿದೆ. ಪ್ರವಾಸಿಗರು ಬರದಂತೆ ನೋಡಿಕೊಂಡು ಜಾಗ ಅತಿಕ್ರಮಣ ಮಾಡಿಕೊಳ್ಳಬೇಕು ಎನ್ನುವುದು ಅತಿಕ್ರಮಣಕರರ ಉದ್ದೇಶವಾಗಿದೆ ಎಂದು ಸಾರ್ವಜನಿಕರೇ ಹೇಳುತ್ತಾರೆ. ಇಂದಿಗೂ ಕಲ್ಲು ಎಸೆಯುವುದು ನಿಂತಿಲ್ಲ. ಶಾಲಾ ಆಡಳಿತ ಮಂಡಳಿ ವಿದ್ಯಾರ್ಥಿಗಳಿಗೆ ತಿಳಿವಳಿಕೆ ನೀಡುತ್ತಿಲ್ಲ. ಜಾಲರಿಗಳ ಮೇಲೆ ಸಂಗ್ರಹವಾಗಿರುವ ಕಲ್ಲುಗಳು ದುರವಸ್ಥೆಯ ಸಾಕ್ಷ್ಯ ಹೇಳುತ್ತಿವೆ.