ರಾಯಚೂರು: ವಾಹನ ಖರೀದಿಗೆ ಮನಸ್ಸಿದ್ದರೂ ಹಣವಿಲ್ಲ!

ರಾಯಚೂರು: ನವರಾತ್ರಿ ದಸರಾ ಹಬ್ಬ ನಡೆಯುತ್ತಿದ್ದರೂ ಜನರಲ್ಲಿ ಮೊದಲು ಕಾಣುತ್ತಿದ್ದ ಸಂಭ್ರಮ, ಸಡಗರ ಇಲ್ಲವಾಗಿದೆ. ಹಬ್ಬದ ನಿಮಿತ್ತ ಖರೀದಿಯಾಗುತ್ತಿದ್ದನೂತನ ವಾಹನಗಳ ವಹಿವಾಟಿನಲ್ಲಿ ಈ ವರ್ಷ ಭಾರಿ ಇಳಿಕೆ ಆಗಿದೆ.

. ಕೋವಿಡ್ ಮಹಾಮಾರಿ ಕಾರಣದಿಂದ ಹೊಸ ವಾಹನಗಳನ್ನು ಖರಿದಿಸುವ ಆರ್ಥಿಕ ಶಕ್ತಿ ಜನರಲ್ಲಿ ಕಡಿಮೆಯಾಗಿದೆ. ಬೈಕ್ ಶೋ ರೂಂ, ಕಾರುಗಳ ಶೋ ರೂಂ ಹಾಗೂ ಪ್ರಾದೇಶಿಕ ಸಾರಿಗೆ ಅಧಿಕಾರಿ (ಆರ್ಟಿಓ) ಕಚೇರಿಗಳಲ್ಲಿ ನೂತನ ವಾಹನಗಳ ನೋಂದಣಿಗಾಗಿ ಪ್ರತಿವರ್ಷವೂ ಪೈಪೋಟಿ ಏರ್ಪಟ್ಟಿರುತ್ತಿತ್ತು. ಈ ಸಲ ರಿಯಾಯ್ತಿ, ವಿನಾಯಿತಿಗಳನ್ನು ಘೋಷಿಸಿದ್ದರೂ ಹೊಸ ವಾಹನಗಳ ಖರೀದಿಗಾಗಿ ನಿರೀಕ್ಷಿತ ಪ್ರಮಾಣದಲ್ಲಿ ಜನರು ಬರುತ್ತಿಲ್ಲ ಎಂದು ಶೋ ರೂಂ ಅಧಿಕಾರಿಗಳು ಹೇಳುತ್ತಿದ್ದಾರೆ.

. ‘ದಸರಾ ಹಬ್ಬದ ಸಂದರ್ಭದಲ್ಲಿ ಕಳೆದ ವರ್ಷ ಪ್ರತಿದಿನ 8 ರಿಂದ 10 ಬೈಕ್ ಬುಕಿಂಗ್ ಆಗುತ್ತಿದ್ದವು. ಈ ಸಲ ಒಂದು ವಾರದಲ್ಲಿ 2 ರಿಂದ 3 ಬೈಕ್ ಮಾತ್ರ ಮಾರಾಟವಾಗುತ್ತಿವೆ. ಮೊದಲು ಬಿಎಸ್–4 ವಾಹನಗಳಿದ್ದವು. ಈ ವರ್ಷ ಬಿಎಸ್–6 ವಾಹನಗಳು ಮಾರುಕಟ್ಟೆಯಲ್ಲಿದ್ದು, ₹8 ರಿಂದ ₹10 ಸಾವಿರ ದುಬಾರಿ ದರವಿದೆ. ಅತಿಯಾದ ಮಳೆ, ಕೋವಿಡ್ ಕಾರಣದಿಂದ ಜನರು ಬೈಕ್ ಶೋ ರೂಂ ಕಡೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಿಲ್ಲ’ ಎಂದು ಹಿರೋ ಬೈಕ್ ಶೋ ರೂಂ ಮಾರುಕಟ್ಟೆ ಅಧಿಕಾರಿ ಸುರೇಶ ಕಮಲಾಪುರ ಹೇಳಿದರು.

. ದಸರಾದಿಂದ ದೀಪಾವಳಿ ಹಬ್ಬದವರೆಗೂ ವಾಹನಗಳ ಖರೀದಿದಾರರಿಗೆ ಆಫರ್ ನೀಡಲಾಗಿದೆ. ಹಳೇ ವಾಹನಗಳ ವಿನಿಮಯ ಮಾಡಿಕೊಳ್ಳಲು ಅವಕಾಶವಿದ್ದು, ಕೆಲವರು ಉಚಿತ ವಾಹನ ವಿಮೆ ಮಾಡಿಕೊಡುತ್ತಿದ್ದಾರೆ. ಕಾರು ಖರೀದಿಸುವವರಿಗೆ ಹಬ್ಬದ ನಿಮಿತ್ತ ಡಿಸ್ಕೌಂಟ್ ನೀಡುತ್ತಿದ್ದಾರೆ.

. ಪ್ರಾದೇಶಿಕ ಸಾರಿಗೆ ಅಧಿಕಾರಿ (ಆರ್ಟಿಓ) ಕಚೇರಿಯ ಅಂಕಿಅಂಶಗಳ ಪ್ರಕಾರ, 2019 ರಲ್ಲಿ ಸೆಪ್ಟೆಂಬರ್ನಲ್ಲಿ 1,733, ಅಕ್ಟೋಬರ್ನಲ್ಲಿ 1,694 ಹಾಗೂ ನವೆಂಬರ್ನಲ್ಲಿ 2,605 ಹೊಸ ಬೈಕ್ ನೋಂದಣಿ ಆಗಿದ್ದವು. ಈ ವರ್ಷ ಶೇ 65 ರಷ್ಟು ನೋಂದಣಿ ಪ್ರಮಾಣ ಕಡಿಮೆಯಾಗಿದೆ. ಗ್ರಾಮೀಣ ಭಾಗದಲ್ಲಿ ರೈತರು ಸಂಕಷ್ಟಕ್ಕೆ ಸಿಲುಕಿದ್ದರಿಂದ ವಾಹನಗಳ ಖರೀದಿಯಲ್ಲಿ ಭರಾಟೆ ಕಾಣುತ್ತಿಲ್ಲ.

. ‘ಈ ವರ್ಷ ಹೊಸ ಬೈಕ್ ಖರೀದಿಸುವ ಯೋಜನೆ ಮಾಡಿಕೊಂಡಿದ್ದೆ. ಆದರೆ, ದರ ₹15 ಸಾವಿರದಷ್ಟು ಹೆಚ್ಚಳವಾಗಿದೆ. ₹80 ಸಾವಿರ ಕೊಟ್ಟು ಬೈಕ್ ಖರೀಸುವ ಯೋಜನೆ ಇದ್ದರೂ ಕೈಯಲ್ಲಿ ಹಣವಿಲ್ಲದ ಕಾರಣ, ಯೋಜನೆ ಮುಂದಕ್ಕೆ ಹಾಕಿದ್ದೇನೆ. ಪರಿಸ್ಥಿತಿ ಸುಧಾರಿಸಿದ ಮೇಲೆ ಖರೀದಿಸುತ್ತೇನೆ’ ಎಂದು ರಾಯಚೂರಿನ ಟೈಲರ್ ಆಂಜೀನೆಯ್ಯ ಅವರು ಹೇಳುವ ಮಾತಿದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಯಚೂರು: ವಾಹನ ಖರೀದಿಗೆ ಮನಸ್ಸಿದ್ದರೂ ಹಣವಿಲ್ಲ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು