ಸೋಲೂರು ಹೋಬಳಿ ಕೈ ಬಿಡುವ ಪ್ರಶ್ನೆಯೇ ಇಲ್ಲ: ಶಾಸಕ ಎಚ್.ಸಿ. ಬಾಲಕೃಷ್ಣ

‘ನಾವು ಸೋಲೂರು ಹೋಬಳಿಯನ್ನು ನೆಲಮಂಗಲಕ್ಕೆ ಸೇರಿಸಿದರೆ ಕುಣಿಗಲ್‌ಗೆ 8 ಕಿ.ಮೀ. ದೂರದಲ್ಲಿರುವ ನಮ್ಮನ್ನು ಆ ತಾಲ್ಲೂಕಿಗೆ ಸೇರಿಸಿ ಎಂದು ತಿಪ್ಪಸಂದ್ರ ಹೋಬಳಿಯವರು ನನಗೆ ಕರೆ ಮಾಡಿ ಹೇಳುತ್ತಿದ್ದಾರೆ. ಜನಗಳ ಅನುಕೂಲಕ್ಕೆ ತಾಲ್ಲೂಕು ವಿಂಗಡಣೆ ಮಾಡಲು ಸಾಧ್ಯವಿಲ್ಲ. ಹಾಗಾಗಿ ಸೋಲೂರು ಹೋಬಳಿಯು ಮಾಗಡಿ ತಾಲ್ಲೂಕಿನಲ್ಲೇ ಉಳಿಯಬೇಕು ಎಂದು ಮುಖ್ಯಮಂತ್ರಿ ಮತ್ತು ಉಪ ಮುಖ್ಯಮಂತ್ರಿಗೆ ಮನವರಿಕೆ ಮಾಡಿದ್ದೇನೆ. ಆ ಕುರಿತ ಪ್ರಸ್ತಾವವನ್ನು ಕೈ ಬಿಡುವಂತೆ ಮನವಿ ಪತ್ರವನ್ನು ಸಹ ಸಲ್ಲಿಸಿದ್ದೇನೆ’ ಎಂದು ಶಾಸಕ ಬಾಲಕೃಷ್ಣ ಹೇಳಿದರು.