<p><strong>ತುಮಕೂರು: </strong>ತಿಪಟೂರು ತಾಲ್ಲೂಕು ಹೊನ್ನವಳ್ಳಿಯಲ್ಲಿ ನೀರಿನ ಸಮಸ್ಯೆ ಪರಿಹರಿಸುವಂತೆ ಕೋರಿ 1951ರ ಆಗಸ್ಟ್ 8ರಂದು ಹೊನ್ನವಳ್ಳಿಯ ಜನರು ಮೈಸೂರು ಮಹಾರಾಜರಾದ ಜಯಚಾಮರಾಜೇಂದ್ರ ಒಡೆಯರ್ ಅವರಲ್ಲಿ ಕೋರಿರುವ ಮನವಿ ಪತ್ರ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.</p>.<p>ಹೋಬಳಿಯ ಎಲ್ಲ ಕೆರೆಗಳಿಗೆ ನೀರು ತುಂಬಿಸುವಂತೆ ಹೊನ್ನವಳ್ಳಿ ಭಾಗದಲ್ಲಿ ನೀರಾವರಿ ಹೋರಾಟ ಪದೇ ಪದೇ ನಡೆಯುತ್ತಿದೆ. ಹೊನ್ನವಳ್ಳಿ ನೀರಾವರಿ ಹೋರಾಟ ಸಮಿತಿ ಸಹ ಅಸ್ತಿತ್ವಕ್ಕೆ ಬಂದಿದೆ.</p>.<p>ಈ ಭಾಗದ ಜನರದ್ದು ಕೇವಲ ಇಂದಿನ ಹೋರಾಟವಲ್ಲ ನೀರಿಗಾಗಿ 7 ದಶಕಗಳ ಹೋರಾಟ ಎಂದು ತಿಪಟೂರು ಹಾಗೂ ಹೊನ್ನವಳ್ಳಿ ಭಾಗದ ಜನರು ಜಾಲತಾಣಗಳಲ್ಲಿ ಮಹಾರಾಜರಿಗೆ ನೀಡಿದ್ದ ಮನವಿ ಪತ್ರವನ್ನು ಹಂಚಿಕೊಳ್ಳುತ್ತಿದ್ದಾರೆ.</p>.<p>‘ಈಗ ಎಂಟು ವರ್ಷಗಳಿಂದಲೂ ಸರಿಯಾಗಿ ಮಳೆಯಿಲ್ಲದೆ ನೀರಿಗೆ ತೊಂದರೆಪಡುತ್ತಿದ್ದ ನಮಗೆ ಈಗ ಸ್ವಲ್ಪ ಮಳೆ ಆಗಿದೆ. ನೀರಿನ ತೊಂದರೆ ತಪ್ಪಿದ್ದರೂ ಸದಾ ನೀರಿನ ಕೊರತೆ ಇದ್ದೇ ಇರುವುದರಿಂದ ಈ ಗ್ರಾಮದ ಹಿರೀಕೆರೆಗೆ ಸರ್ಕಾರವರು ನಾಲಾ ಬರುವಂತೆ ತಯಾರಿಸಿರುವ ಎಸ್ಟಿಮೇಟನ್ನು ಜಾಗ್ರತೆ ಮಂಜೂರು ಮಾಡಿಸಿ. ಆ ಮೂಲಕ ಜನ, ಜಾನುವಾರುಗಳಿಗೂ ಅನುಕೂಲ ಕಲ್ಪಿಸಿಕೊಡಬೇಕಾಗಿದೆ ಪ್ರಾರ್ಥಿಸುತ್ತೇವೆ’–ರಾಜಭಕ್ತಿಯುಳ್ಳ ಹೊನ್ನವಳ್ಳಿ ಗ್ರಾಮದ ಪ್ರಜೆಗಳು ಎಂದು ಮಹಾರಾಜರಿಗೆ ವಿಜ್ಞಾಪನಾ ಪತ್ರ ಬರೆಯಲಾಗಿದೆ.</p>.<p>‘ಮಹಾರಾಜರು ಗ್ರಾಮಕ್ಕೆ ಬಂದಾಗ ಹೊನ್ನವಳ್ಳಿಯ ಸಾಹುಕಾರ್ ಸಿದ್ಧಲಿಂಗಪ್ಪ ಅವರ ಮನೆಯವರು ಗ್ರಾಮಸ್ಥರ ಪರವಾಗಿ ಈ ಮನವಿ ಮಾಡಿದ್ದಾರೆ. ಅಂದಿನಿಂದಲೂ ಹೊನ್ನವಳ್ಳಿಯ ನೀರಿನ ಸಮಸ್ಯೆ ಪರಿಹಾರವಾಗಿಲ್ಲ. ಇದು ಬಹಳ ದೀರ್ಘವಾದ ನೀರಾವರಿ ಹೋರಾಟ’ ಎಂದು ಹೊನ್ನವಳ್ಳಿ ನೀರಾವರಿ ಹೋರಾಟ ಸಮಿತಿ ಅಧ್ಯಕ್ಷ ಎಚ್.ಎನ್.ಚಂದ್ರೇಗೌಡ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಹೋಬಳಿ ಮೂಲಕ ಹಾದು ಹೋಗುತ್ತಿರುವ ನೀರಾವರಿ ಯೋಜನೆಗಳಿಂದ ನಮ್ಮ ಹೋಬಳಿಯ ಕೆರೆಗಳಿಗೆ ನೀರು ಹರಿಸಿಕೊಳ್ಳಬೇಕು. 70 ವರ್ಷಗಳಿಂದಲೂ ಕೆರೆಕಟ್ಟೆಗಳು ತುಂಬಿಲ್ಲ. ಜನ, ಜಾನುವಾರುಗಳಿಗೆ ತೊಂದರೆಯಾಗಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತುಮಕೂರು: </strong>ತಿಪಟೂರು ತಾಲ್ಲೂಕು ಹೊನ್ನವಳ್ಳಿಯಲ್ಲಿ ನೀರಿನ ಸಮಸ್ಯೆ ಪರಿಹರಿಸುವಂತೆ ಕೋರಿ 1951ರ ಆಗಸ್ಟ್ 8ರಂದು ಹೊನ್ನವಳ್ಳಿಯ ಜನರು ಮೈಸೂರು ಮಹಾರಾಜರಾದ ಜಯಚಾಮರಾಜೇಂದ್ರ ಒಡೆಯರ್ ಅವರಲ್ಲಿ ಕೋರಿರುವ ಮನವಿ ಪತ್ರ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.</p>.<p>ಹೋಬಳಿಯ ಎಲ್ಲ ಕೆರೆಗಳಿಗೆ ನೀರು ತುಂಬಿಸುವಂತೆ ಹೊನ್ನವಳ್ಳಿ ಭಾಗದಲ್ಲಿ ನೀರಾವರಿ ಹೋರಾಟ ಪದೇ ಪದೇ ನಡೆಯುತ್ತಿದೆ. ಹೊನ್ನವಳ್ಳಿ ನೀರಾವರಿ ಹೋರಾಟ ಸಮಿತಿ ಸಹ ಅಸ್ತಿತ್ವಕ್ಕೆ ಬಂದಿದೆ.</p>.<p>ಈ ಭಾಗದ ಜನರದ್ದು ಕೇವಲ ಇಂದಿನ ಹೋರಾಟವಲ್ಲ ನೀರಿಗಾಗಿ 7 ದಶಕಗಳ ಹೋರಾಟ ಎಂದು ತಿಪಟೂರು ಹಾಗೂ ಹೊನ್ನವಳ್ಳಿ ಭಾಗದ ಜನರು ಜಾಲತಾಣಗಳಲ್ಲಿ ಮಹಾರಾಜರಿಗೆ ನೀಡಿದ್ದ ಮನವಿ ಪತ್ರವನ್ನು ಹಂಚಿಕೊಳ್ಳುತ್ತಿದ್ದಾರೆ.</p>.<p>‘ಈಗ ಎಂಟು ವರ್ಷಗಳಿಂದಲೂ ಸರಿಯಾಗಿ ಮಳೆಯಿಲ್ಲದೆ ನೀರಿಗೆ ತೊಂದರೆಪಡುತ್ತಿದ್ದ ನಮಗೆ ಈಗ ಸ್ವಲ್ಪ ಮಳೆ ಆಗಿದೆ. ನೀರಿನ ತೊಂದರೆ ತಪ್ಪಿದ್ದರೂ ಸದಾ ನೀರಿನ ಕೊರತೆ ಇದ್ದೇ ಇರುವುದರಿಂದ ಈ ಗ್ರಾಮದ ಹಿರೀಕೆರೆಗೆ ಸರ್ಕಾರವರು ನಾಲಾ ಬರುವಂತೆ ತಯಾರಿಸಿರುವ ಎಸ್ಟಿಮೇಟನ್ನು ಜಾಗ್ರತೆ ಮಂಜೂರು ಮಾಡಿಸಿ. ಆ ಮೂಲಕ ಜನ, ಜಾನುವಾರುಗಳಿಗೂ ಅನುಕೂಲ ಕಲ್ಪಿಸಿಕೊಡಬೇಕಾಗಿದೆ ಪ್ರಾರ್ಥಿಸುತ್ತೇವೆ’–ರಾಜಭಕ್ತಿಯುಳ್ಳ ಹೊನ್ನವಳ್ಳಿ ಗ್ರಾಮದ ಪ್ರಜೆಗಳು ಎಂದು ಮಹಾರಾಜರಿಗೆ ವಿಜ್ಞಾಪನಾ ಪತ್ರ ಬರೆಯಲಾಗಿದೆ.</p>.<p>‘ಮಹಾರಾಜರು ಗ್ರಾಮಕ್ಕೆ ಬಂದಾಗ ಹೊನ್ನವಳ್ಳಿಯ ಸಾಹುಕಾರ್ ಸಿದ್ಧಲಿಂಗಪ್ಪ ಅವರ ಮನೆಯವರು ಗ್ರಾಮಸ್ಥರ ಪರವಾಗಿ ಈ ಮನವಿ ಮಾಡಿದ್ದಾರೆ. ಅಂದಿನಿಂದಲೂ ಹೊನ್ನವಳ್ಳಿಯ ನೀರಿನ ಸಮಸ್ಯೆ ಪರಿಹಾರವಾಗಿಲ್ಲ. ಇದು ಬಹಳ ದೀರ್ಘವಾದ ನೀರಾವರಿ ಹೋರಾಟ’ ಎಂದು ಹೊನ್ನವಳ್ಳಿ ನೀರಾವರಿ ಹೋರಾಟ ಸಮಿತಿ ಅಧ್ಯಕ್ಷ ಎಚ್.ಎನ್.ಚಂದ್ರೇಗೌಡ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಹೋಬಳಿ ಮೂಲಕ ಹಾದು ಹೋಗುತ್ತಿರುವ ನೀರಾವರಿ ಯೋಜನೆಗಳಿಂದ ನಮ್ಮ ಹೋಬಳಿಯ ಕೆರೆಗಳಿಗೆ ನೀರು ಹರಿಸಿಕೊಳ್ಳಬೇಕು. 70 ವರ್ಷಗಳಿಂದಲೂ ಕೆರೆಕಟ್ಟೆಗಳು ತುಂಬಿಲ್ಲ. ಜನ, ಜಾನುವಾರುಗಳಿಗೆ ತೊಂದರೆಯಾಗಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
