ಕುಣಿಗಲ್ | ಭವನಗಳ ನಿರ್ಮಾಣಕ್ಕೆ ಆಸಕ್ತಿ; ನಿರ್ವಹಣೆಗೆ ನಿರ್ಲಕ್ಷ್ಯ

ಎಲ್ಲರ ಬಳಕೆ ತಾಲ್ಲೂಕಿನಲ್ಲಿ ನಿರ್ಮಾಣವಾಗಿರುವ  ಅಂಬೇಡ್ಕರ್ ಭವನಗಳು ಕೇವಲ ಪರಿಶಿಷ್ಟ ಜಾತಿ ಪಂಗಡದವರಿಗೆ ಬಳಕೆಯಾಗದೆ ಗ್ರಾಮೀಣ ಪ್ರದೇಶದ ಎಲ್ಲ ಬಡವರ ಕಾರ್ಯಕ್ರಮಗಳಿಗೆ ಬಳಕೆಗೆಯಾಗಬೇಕು. ಭವನಗಳನ್ನು ಬೇಡಿಕೆ ಬಂದ ಕಡೆಗಳಲ್ಲಿ ನಿರ್ಮಿಸುವ ಬದಲು ಗ್ರಾಮ ಪಂಚಾಯಿತಿಗೊಂದು ಹೋಬಳಿವಾರು ಮತ್ತು ತಾಲ್ಲೂಕು ಕೇಂದ್ರದಲ್ಲಿ ಒಂದು ಪ್ರಾರಂಭಮಾಡಿದ್ದರೆ ನಿರ್ವಹಣೆ ಹಾಗೂ ಬಳಕೆಗೆ ಸಮಸ್ಯೆಯಾಗುತ್ತಿರಲ್ಲಿಲ್ಲ.

ಮಾನದಂಡವೇ ಇಲ್ಲ ತಾಲ್ಲೂಕಿನಲ್ಲಿ ಭವನಗಳನ್ನು ಅರ್ಥಪೂರ್ಣವಾಗಿ ನಿರ್ಮಿಸಲು ಅಧಿಕಾರಿಗಳು ಜನಪ್ರತಿನಿಧಿಗಳು ವಿಫಲರಾಗಿದ್ದಾರೆ. ಭವನಗಳ ನಿರ್ಮಾಣದಿಂದ ಅಧಿಕಾರಿಗಳಿಗೆ ಜನಪ್ರತಿನಿಧಿಗಳಿಗೆ ಮತ್ತು ಗುತ್ತಿಗೆದಾರರಿಗೆ ಅನುಕೂಲವಾಗಿದೆಯೇ ಹೊರತು ದಲಿತರಿಗಲ್ಲ. ಭವನ ನಿರ್ಮಾಣಕ್ಕೆ ಮಾನದಂಡಗಳೇ ಇಲ್ಲವಾಗಿದೆ. ಕಡಿಮೆ ಜಾಗದಲ್ಲಿ ನಿರ್ಮಾಣವಾಗಿರುವ ಭವನಗಳು ಪ್ರಯೋಜನಕ್ಕೆ ಬಾರದಂತಾಗಿದೆ. ಅಧಿಕಾರಿಗಳು ಮೇಲ್ವಿಚಾರಣೆ ಮಾಡುವಲ್ಲಿ ವಿಫಲರಾಗಿದ್ದಾರೆ.

ಅಧಿಕಾರಿಗಳ ವೈಫಲ್ಯ ಭವನಗಳ ನಿರ್ವಹಣೆಯಲ್ಲಿ ಅಧಿಕಾರಿಗಳು ಜನಪ್ರತಿನಿಧಿಗಳು ವಿಫಲರಾಗಿದ್ದಾರೆ. ಕೋಟ್ಯಂತರ ಅನುದಾನವನ್ನು ಅನರ್ಥವಾಗಿ ಬಳಕೆಮಾಡುವ ಬದಲು ಪರಿಶಿಷ್ಟ ಜಾತಿ ಮತ್ತು ಪಂಗಡಗಳ ಸಾಮಾಜಿಕ ಆರ್ಥಿಕ ಮತ್ತು ಶೈಕ್ಷಣಿಕ ಪ್ರಗತಿಗೆ ಪೂರಕವಾಗಿ ಬಳಸಿಕೊಳ್ಳಬೇಕು.