ಭಟ್ಕಳ | ಮನೆಮಂದಿಯ ನಿದ್ರೆ ಕೆಡಿಸಿದ ಜೋರಾದ ಮಳೆ: ಮತ್ತೆ ಗುಡ್ಡ ಕುಸಿಯುವ ಆತಂಕ

ಮಳೆಗಾಲ ಆರಂಭವಾದ ನಂತರ ಸ್ಥಳೀಯ ತಹಶೀಲ್ದಾರ್‌ ಕಚೇರಿಯಿಂದ ಮನೆ ಖಾಲಿ ಮಾಡುವಂತೆ ನೋಟಿಸ್‌ ನೀಡಿ ತೆರಳುತ್ತಾರೆ. ಕಳೆದ ಎರಡು ವರ್ಷಗಳಿಂದ ನಮಗೆ ಪರ್ಯಾಯ ಜಾಗ ಕಲ್ಪಿಸಿಕೊಡುವಂತೆ ತಾಲ್ಲೂಕು ಆಡಳಿತಕ್ಕೆ ಮನವಿ ಮಾಡುತಿದ್ದೇವೆ. ಆದರೆ ತಾಲ್ಲೂಕು ಆಡಳಿತ ನಮ್ಮ ಮನವಿಗೆ ಸ್ಪಂದಿಸುತ್ತಿಲ್ಲ. ಪರ್ಯಾಯ ವ್ಯವಸ್ಥೆ ಇಲ್ಲದೇ ನಾವು ತೆರಳುವುದು ಎಲ್ಲಿಗೆ ಎಂದು ಪ್ರಶ್ನಿಸುತ್ತಾರೆ ಮುಟ್ಟಳ್ಳಿ ನಿವಾಸಿ ಲೊಕೇಶ ಶನಿಯಾರ ನಾಯ್ಕ.