ಹಗರಿಬೊಮ್ಮನಹಳ್ಳಿ: ಗ್ರಾಮಗಳ ಸಂಪರ್ಕಕ್ಕೆ ತೆಪ್ಪ ಆಸರೆ

ಹಗರಿಬೊಮ್ಮನಹಳ್ಳಿ: ಮಾಲವಿ ಜಲಾಶಯ ಭರ್ತಿಯಾಗಿರುವುದರಿಂದ ತಾಲ್ಲೂಕಿನ ಹಳೇ ಚಿಮ್ಮನಹಳ್ಳಿ ಮತ್ತು ಮಸಾರಿ ನೆಲ್ಕುದ್ರಿ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸಲು ಈಗ ರೈತರಿಗೆ ಮತ್ತು ದುರ್ಗಾಂಬಿಕಾ ದೇವಸ್ಥಾನದ ಭಕ್ತರಿಗೆ ಕೊಪ್ಪರಿಕೆ ಹಾಗೂ ತೆಪ್ಪವೇ ಆಸರೆಯಾಗಿದೆ.

. ಮಸಾರಿ ನೆಲ್ಕುದ್ರಿ ಗ್ರಾಮದ ರೈತರ 500 ಎಕರೆ ಜಮೀನು ಚಿಮ್ಮನಹಳ್ಳಿ ಗ್ರಾಮದಲ್ಲಿ, ಹಳೇ ಚಿಮ್ಮನಹಳ್ಳಿ ಗ್ರಾಮದ ರೈತರ 200 ಎಕರೆಯಷ್ಟು ಜಮೀನು ಮಸಾರಿ ನೆಲ್ಕುದ್ರಿ ಪ್ರದೇಶದಲ್ಲಿರುವುದರಿಂದ ಅಲ್ಲಿಗೆ ತೆರಳುವುದಕ್ಕೆ ಬೆಲ್ಲ ತಯಾರಿಸುವ ಕೊಪ್ಪರಿಕೆ ಮತ್ತು ತೆಪ್ಪಗಳನ್ನೇ ಆಶ್ರಯಿಸಬೇಕಾಗಿದೆ.

. ಮಾಲವಿ ಜಲಾಶಯ ನಿರ್ಮಾಣದ ಬಳಿಕ ಮೂರು ಗ್ರಾಮಗಳು ವಿಭಜನೆಯಾಗಿವೆ, ರೈತರ ಎರಡೂ ಭಾಗಗಳಲ್ಲಿಯೂ ಜಮೀನುಗಳಿವೆ, ನೆಲ್ಕುದ್ರಿ ಗ್ರಾಮ ಪಂಚಾಯ್ತಿ ಕಚೇರಿ ರಾಜ್ಯ ಹೆದ್ದಾರಿಯಲ್ಲಿರುವ ನೆಲ್ಕುದ್ರಿ ಗ್ರಾಮದಲ್ಲಿದೆ, ಮಸಾರಿ ನೆಲ್ಕುದ್ರಿ ಗ್ರಾಮದಲ್ಲಿ 500 ಮನೆಗಳಿದ್ದು, 2 ಸಾವಿರ ಜನಸಂಖ್ಯೆ ಇದೆ. ಐದು ಜನ ಗ್ರಾಮ ಪಂಚಾಯ್ತಿ ಸದಸ್ಯರಿದ್ದಾರೆ. ಆದರೆ ನ್ಯಾಯಾಲಯದ ಆದೇಶದ ಬಳಿಕ ನಾಲ್ಕು ಗ್ರಾಮಗಳ ಗ್ರಾಮಸ್ಥರ ನಿರ್ಧಾರದಂತೆ 50 ಮನೆಗಳಿರುವ ಗ್ರಾಮದಲ್ಲಿ ಗ್ರಾಮ ಪಂಚಾಯ್ತಿ ಕಚೇರಿ ನಿರ್ಮಾಣಗೊಂಡಿದೆ.

. ಈಗ ಎರಡು ಗ್ರಾಮಗಳ ರೈತರು, ಕೂಲಿಕಾರ್ಮಿಕರು, ವಿದ್ಯಾರ್ಥಿಗಳು, ಭಕ್ತರು ಬೇರೆಡೆಗೆ ತೆರಳಲು ಕೇವಲ 600 ಮೀಟರ್ ಇರುವ ರಸ್ತೆಯನ್ನು 13 ಕಿ.ಮೀ. ಕ್ರಮಿಸಬೇಕಾದ ಅನಿವಾರ್ಯತೆ ಇದೆ. ಮಸಾರಿ ನೆಲ್ಕುದ್ರಿ ಗ್ರಾಮಸ್ತರು ಪಂಚಾಯ್ತಿ ಮತ್ತು ಜಮೀನುಗಳಿಗೆ ತೆರಳಲು ಮಾಲವಿ ಮತ್ತು ಪಟ್ಟಣದ ಮೂಲಕ ತೆರಳಬೇಕಿದೆ.

. ಚಿಮ್ಮನಹಳ್ಳಿ ಗ್ರಾಮಸ್ಥರು ಜಮೀನುಗಳಿಗೆ ಕೃಷಿ ಚಟುವಟಿಕೆಗಳಿಗೆ ಕೋಗಳಿ ಮೂಲಕ ಮಸಾಗಿ ನೆಲ್ಕುದ್ರಿಗೆ ತೆರಳುವುದಕ್ಕೆ ಪರಸ್ಪರ 13 ಕಿ.ಮೀ ಕ್ರಮಿಸಬೇಕಿದೆ. ಪಟ್ಟಣಕ್ಕೆ ವಿದ್ಯಾರ್ಥಿಗಳು ಹೋಗುವುದಕ್ಕೆ ಅಪಾಯದ ಕೊಪ್ಪರಿಕೆ ಮತ್ತು ತೆಪ್ಪದ ಸವಾರಿಯನ್ನೇ ಆಶ್ರಯಿಸಬೇಕಿದೆ, ಇದರಲ್ಲಿ ತೆರಳುವುದಕ್ಕೆ ಹಣ ಪಾವತಿಸಬೇಕಿದೆ.

. ಇಲಾಖೆಯ ಎಇಇ ಹೆಚ್ಚುವರಿ ಹೊಣೆ ತೆಗೆದುಕೊಂಡು ಕೆಲವು ದಿನಗಳಾಗಿವೆ ಚಿಮ್ಮನಹಳ್ಳಿ ಸೇತುವೆ ನಿರ್ಮಾಣ ಕುರಿತು ಪರಿಶೀಲಿಸಲಾಗುವುದು ರವಿನಾಯ್ಕ ಎಇಇ ಲೋಕೋಪಯೋಗಿ ಇಲಾಖೆ . ‘ಸೇತುವೆ ನಿರ್ಮಿಸಿ’ ಚಿಮ್ಮನಹಳ್ಳಿ ದುರ್ಗಾಂಬಿಕಾ ದೇವಸ್ಥಾನ ಮುಂದೆ ಹಗರಿ ಹಳ್ಳದಲ್ಲಿ ಸೇತುವೆ ನಿರ್ಮಾಣಗೊಳ್ಳಬೇಕಿದೆ ಕಳೆದ ಆರು ದಶಕಗಳಿಂದ ಇದೇ ಸಮಸ್ಯೆ ಇದೆ. ಆದ್ದರಿಂದ ಹಳೇ ಚಿಮ್ಮನಹಳ್ಳಿಯಿಂದ ಮಸಾರಿ ನೆಲ್ಕುದ್ರಿಗೆ ತೆರಳಲು ಚಿಕ್ಕ ಹಗರಿಗೆ ಸೇತುವೆ ನಿರ್ಮಾಣ ಮಾಡಬೇಕಿದೆ. ಈ ಹಿಂದೆ ಸ್ಥಳಕ್ಕೆ ವಿವಿಧ ಜನಪ್ರತಿನಿಧಿಗಳು ಅಧಿಕಾರಿಗಳು ಭೇಟಿ ನೀಡಿದ್ದರು ಬೇಡಿಕೆ ಈಡೇರಿಲ್ಲ. ಜನಪ್ರತಿನಿಧಿಗಳು ಈ ಕುರಿತಂತೆ ಇಚ್ಛಾಶಕ್ತಿ ಪ್ರದರ್ಶಿಸಬೇಕಿದೆ’ ಎಂದು ಐತಿಹಾಸಿಕ ದುರ್ಗಾಂಬಿಕಾ ದೇವಸ್ಥಾನದ ಧರ್ಮದರ್ಶಿ ಪೂಜಾರ ಸಿದ್ದಪ್ಪ ಒತ್ತಾಯಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಗರಿಬೊಮ್ಮನಹಳ್ಳಿ: ಗ್ರಾಮಗಳ ಸಂಪರ್ಕಕ್ಕೆ ತೆಪ್ಪ ಆಸರೆ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ನಟ ದರ್ಶನ್‌ಗೆ ಜಾಮೀನು ನೀಡದಂತೆ ಸುಪ್ರೀಂ ಕೋರ್ಟ್‌ಗೆ ಅರ್ಜಿ: ಸಚಿವ ಜಿ.ಪರಮೇಶ್ವರ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ನಟ ದರ್ಶನ್‌ಗೆ ಜಾಮೀನು ನೀಡದಂತೆ ಸುಪ್ರೀಂ ಕೋರ್ಟ್‌ಗೆ ಅರ್ಜಿ: ಸಚಿವ ಜಿ.ಪರಮೇಶ್ವರ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ